ᔪᐊᓇᓯ ᓯᕗᓪᓖᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐅᖃᐅᓯᖓᓂᒡᓕ ᒪᓕᒃᑐᖅ, ᑖᓐᓇᐅᕗᖅ ᒎᑎᒧᑦ ᓇᒡᓕᒍᓱᖕᓂᖓ ᓈᒻᒪᑦᓯᐊᕐᓂᐊᕐᐳᖅ. ᑍᒫᒃ ᑕᑉᕙ ᖃᐅᔨᒪᑦᔪᑎᒋᕙᕗᑦ ᑖᑦᓱᒪᓃᓂᑦᑎᓐᓂᒃ:

ᔪᐊᓇᓯ ᓯᕗᓪᓖᑦ 2:5 Iomraidhean Croise

ᐃᓐᖏᕈᑎᑦ 105:45

ᐃᓱᐊᓄᑦ ᓈᓚᑦᓯᐊᖁᓪᓗᒋᑦ ᐃᓕᖅᑯᓯᐅᖁᔭᖏᓐᓂᒃ, ᐱᖁᔭᖏᓐᓂᒡᓗ ᓈᓚᖁᓪᓗᒋᑦ. ᐊᑕᓂᖅ ᓂᕐᑐᕐᑕᐅᓕ!

ᐃᓐᖏᕈᑎᑦ 106:3

ᖁᕕᐊᓱᒍᑎᒃᓴᖃᕐᐳᑦ ᐊᑦᔨᒌᒃᑎᑦᓯᔪᑦ, ᓈᒻᒪᓈᕐᑐᒥᒃᓗ ᑍᒪᓐᖓᑦ ᐱᓇᓱᐊᖃᑦᑕᕐᑐᖅ!

ᐃᓐᖏᕈᑎᑦ 119:146

ᐃᓕᖕᓄᑦ ᓂᓪᓕᐊᕗᖓ; ᐱᐅᓕᓚᐅᓐᖓ, ᐅᓐᓂᕐᓯᐅᑎᒋᔭᕐᓂᒃ ᓈᓚᒍᓐᓇᖁᓪᓗᖓ.

ᐃᓐᖏᕈᑎᑦ 119:2

ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 119:4

ᐱᖁᓚᐅᕐᐸᑦᑎᒍᑦ ᐊᑐᕐᑕᐅᖁᔭᕐᓂᒃ ᒪᓕᖁᓪᓗᑕ ᑖᒃᑯᐊᓗ ᒪᓕᑦᓯᐊᕐᓗᒋᑦ ᑲᔪᓯᑦᓯᐊᖁᓪᓗᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:7

ᓇᓪᓕᐊᑦ ᐱᖁᔭᒥᒃ ᒪᓕᑦᓯᐊᕐᑐᖅ ᕿᑐᕐᖓᐅᕗᖅ ᓯᓚᑐᔪᖅ, ᓂᕆᑐᔪᒥᒡᓕ ᐃᓅᖃᑎᓕᒃ ᐊᑖᑕᓂ ᑲᓐᖑᓱᒃᑎᑉᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:32

ᒫᓐᓇᓕ, ᕿᑐᕐᖓᒃᑲ, ᐅᖃᐅᓯᒃᑲ ᓈᓚᒃᓯᒋᒃ; ᖁᕕᐊᓱᒍᑎᒃᓴᖃᕐᐳᑦ ᐊᖅᑯᓯᓂᓐᓂᒃ ᒪᓕᒃᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:5

ᑖᑦᓱᒪ ᐱᖁᔭᖏᓐᓂᒃ ᒪᓕᑦᓯᐊᕐᑐᖅ, ᑲᑉᐱᐊᓇᕐᑐᒥᒃ ᖃᐅᔨᓂᐊᓐᖏᓚᖅ; ᓯᓚᑐᔫᓪᓗ ᐆᒻᒪᑎᖓ ᖃᐅᔨᒪᓂᐊᕐᐳᖅ ᐱᕕᒃᓴᒥᒃ ᖃᓄᕐᓗ ᐱᐅᓯᖃᕆᐊᖃᕐᓂᕐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 36:27

ᐊᓂᕐᓂᕋᓗ ᐃᓗᑦᓯᓐᓄᐊᕈᒫᕐᐸᕋ, ᐃᓅᓯᕆᔭᐅᖁᔭᓐᓂᒃ ᐃᓅᔪᓐᓇᕐᓯᖁᓪᓗᓯ ᐊᑐᕐᑕᐅᖁᔭᒃᑲᓗ ᒪᓕᑦᓯᐊᕈᓐᓇᕐᓯᓗᓯᐅᒃ.

ᓘᑲᓯᐅᑉ ᐊᒡᓚᖏᑦ 11:28

ᔩᓱᓯ ᐅᖃᕐᐳᖅ, “ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕐᑐᑦ ᒪᓕᑦᓯᐊᕐᓗᒋᓪᓗ!”

ᔪᐊᓇᓯᐅᑉ ᐊᒡᓚᖏᑦ 14:21

“ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᕐᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᕐᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.”

ᔪᐊᓇᓯᐅᑉ ᐊᒡᓚᖏᑦ 14:23

ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.

ᔪᐊᓇᓯᐅᑉ ᐊᒡᓚᖏᑦ 15:5

“ᐅᕙᖓ ᓇᐹᕐᑑᕗᖓ ᐸᐅᕐᖓᓕᒃᓴᖅ, ᐃᓕᑦᓯ ᐊᕙᓚᖓᔫᕗᓯ. ᐅᕙᓐᓃᑦᑐᖅ, ᐅᕙᖓᓗ ᑖᑦᓱᒪᓃᓪᓗᖓ, ᐸᐅᕐᖓᖃᕐᓂᐊᕐᐳᖅ ᐊᒥᓱᓂᒃ, ᐱᒋᓇᖓ ᓱᓇᒥᒡᓘᓐᓃᑦ ᐱᓇᓱᐊᕈᓐᓇᖏᓐᓇᑦᓯ.

ᔪᐊᓇᓯᐅᑉ ᐊᒡᓚᖏᑦ 6:56

ᓇᓪᓕᐊᑦ ᑎᒥᓐᓂᒃ ᓂᕆᔪᖅ, ᐊᐅᓐᓂᒡᓗ ᐃᒥᕐᓗᓂ ᑖᓐᓇ ᐅᕙᓐᓃᑉᐳᖅ, ᐅᕙᖓᓗ ᑖᑦᓱᒪᓃᓪᓗᖓ.

ᕉᒪᒥᐅᓄᑦ 8:1

ᑍᒤᒻᒪᑦ ᑕᕝᕙ ᒫᓐᓇ ᐃᒋᑕᒃᓴᐅᔪᖃᕐᓂᐊᕈᓐᓃᕐᐳᖅ ᙭ᔅᑑᓯ ᔩᓱᓯᒦᑦᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:17

ᑍᒤᒻᒪᑦ, ᙭ᔅᑑᓯᒧᐊᕐᑐᖃᕐᐸᑦ, ᑖᓐᓇ ᓄᑖᓐᖑᕐᑎᑕᐅᕗᖅ; ᐃᓅᓯᑐᖃᖓ ᐲᕐᑕᐅᕗᖅ, ᑕᑯᒋᑦ, ᓄᑖᖅ ᐱᒋᐊᓕᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᔧᒥᓯᐅᑉ ᐊᒡᓚᖏᑦ 2:22

ᑕᕝᕙ ᑕᑯᕗᑎᑦ ᐅᒃᐱᕐᓂᖓ ᐱᓂᐊᕐᓂᖓᓗ ᐊᑕᐅᑦᓯᒃᑯᑦ ᐱᓇᓱᐊᖃᑎᒌᓚᐅᕐᒪᑎᒃ.

ᔪᐊᓇᓯ ᓯᕗᓪᓖᑦ 3:24

ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.

ᔪᐊᓇᓯ ᓯᕗᓪᓖᑦ 4:17

ᑕᒪᑐᒨᓇ ᓇᒡᓕᖕᓂᖅ ᓈᒻᒪᒃᓯᑎᑕᐅᑦᓯᐊᕐᐳᖅ ᐅᕙᑦᑎᓐᓄᑦ, ᖁᓚᖏᑦᔪᑎᒃᓴᖃᖁᓪᓗᑕ ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ, ᑖᓐᓇ ᑍᒤᑦᑑᖕᒪᑦ ᐅᕙᒍᑦᑕᐅᖅ ᑍᒤᑦᑑᒋᕗᒍᑦ ᒫᓂ ᓯᓚᕐᔪᐊᕐᒥ.

ᔪᐊᓇᓯ ᓯᕗᓪᓖᑦ 4:18

ᓇᒡᓕᖕᓂᖅ ᓯᕘᕋᓂᕐᑕᖃᓐᖏᓚᖅ, ᓇᒡᓕᖕᓂᐅᑉ ᓈᒻᒪᒃᓯᑦᓯᐊᕐᑑᑉ ᓯᕘᕋᓂᖅ ᐊᓂᑎᑉᐹ. ᓯᕘᕋᓂᖅ ᓱᒋᐊᕐᑕᐅᓂᕐᒥᒃ ᐱᑦᔪᑎᖃᕐᒪᑦ, ᓯᕘᕋᔫᓪᓗ ᓇᒡᓕᖕᓂᖅ ᓈᒻᒪᒃᓯᑎᓯᒪᓐᖏᓛ.

ᔪᐊᓇᓯ ᓯᕗᓪᓖᑦ 5:2

ᑕᒪᑐᒨᓇ ᖃᐅᔨᑦᔪᑎᖃᕐᐳᒍᑦ ᒎᑎᐅᑉ ᕿᑐᕐᖓᖏᓐᓂᒃ ᓇᒡᓕᒍᓱᖕᓂᑦᑎᓐᓂᒃ, ᒎᑎ ᓇᒡᓕᒋᒐᑦᑎᒍ ᐱᖁᔭᖏᓪᓗ ᒪᓕᒃᖢᒋᑦ.

ᔪᐊᓇᓯ ᓯᕗᓪᓖᑦ 5:20

ᖃᐅᔨᒪᕗᒍᓪᓗ ᒎᑎᐅᑉ ᐃᕐᓂᖓ ᑎᑭᓯᒪᖕᒪᑦ ᑖᑦᓱᒪᓗ ᑐᑭᓯᐊᓕᕐᑎᑉᐹᑎᒍᑦ, ᖃᐅᔨᖁᓪᓗᑕ ᑭᓇ ᓱᓕᖕᒪᖔᑦ; ᑖᑦᓱᒪᓃᑉᐳᒍᓪᓗ ᓱᓕᔪᒥ, ᐃᕐᓂᖓᓂ ᔩᓱᓯ ᙭ᔅᑑᓯᒥ. ᑖᓐᓇ ᒎᑎ ᓱᓕᔫᕗᖅ ᐃᓅᓯᐅᓪᓗᓂᓗ ᓄᖑᓱᐃᑦᑐᖅ.

ᔪᐊᓇᓯᐅᑉ ᐂᑉᐸᖏᑦ 1:6

ᓇᒡᓕᖕᓂᐅᕗᖅ ᑕᕝᕙ, ᐱᖁᔭᖏᓐᓂᒃ ᒪᓕᒡᓗᑕ; ᐅᓇ ᑕᕝᕙ ᐱᖁᔭᖓ, ᐱᒋᐊᕐᓂᖓᓂᑦ ᑐᓴᐅᒪᔭᓯ, ᓇᒡᓕᖕᓂᕐᒥ ᐃᓅᖁᓪᓗᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:17

ᑐᕌᒎᓂᓗ ᓂᓐᖓᒃᐳᖅ ᐊᕐᓇᒧᑦ, ᐊᕐᓇᐅᓪᓗ ᑭᖑᕚᖏᑕ ᐊᒥᐊᒃᑯᖏᓐᓂᒃ ᐅᓇᑕᕆᐊᕐᐳᖅ, ᑕᒤᓐᓂᒃ ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᓂᒃ ᓱᓕᓂᕐᒥᒡᓗ ᔩᓱᓯᐅᑉ ᓴᖅᑭᑎᓚᐅᕐᑕᖓᓂᒃ ᒪᓕᒃᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:12

ᑕᕝᕙᓂ ᕿᓄᐃᓵᕐᓂᖃᖁᔭᐅᕗᑦ ᐃᑦᔪᕐᓁᑦᑐᑦ, ᒎᑎᐅᑉ ᐱᖁᔭᖏᓐᓂᒃ ᓈᓚᒃᑐᑦ ᔩᓱᓯᒧᓪᓗ ᐅᒃᐱᕐᓂᖃᕐᓗᑎᒃ.