ᔪᐊᓇᓯ ᓯᕗᓪᓖᑦ 2:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᒫᓐᓇᓗ ᕿᑐᕐᖓᒃᑲ, ᑖᑦᓱᒪᓃᑦᓮᓐᓇᕆᑦᓯ, ᑖᓐᓇ ᓴᖅᑭᑉᐸᑦ ᓯᕘᕋᑦᔪᑎᒃᓴᖃᖁᓇᑕ ᑲᓐᖑᓲᑎᒃᓴᖃᖁᓇᑕᓗ ᑖᑦᓱᒪ ᑎᑭᕝᕕᐊᓂ.

ᔪᐊᓇᓯ ᓯᕗᓪᓖᑦ 2:28 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 25:9

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᐅᖃᕐᑐᖃᕈᒫᕐᐳᖅ, “ᑕᑯᒋᑦ ᑕᕝᕙ ᒎᑎᕗᑦ; ᑖᓐᓇ ᐅᑕᖅᑭᔭᕗᑦ, ᓴᐳᑎᓂᐊᕐᒪᑎᒍᑦ, ᐃᓛᒃ ᑖᓐᓇ ᑕᕝᕙ ᐊᑕᓂᖅ, ᐅᑕᖅᑭᓚᐅᕐᑕᕗᑦ; ᖁᕕᐊᓱᓕᕐᑕ ᓯᕆᓗᑕᓗ ᐱᐅᓕᔨᐅᓂᖓ ᐱᓪᓗᒍ.”

ᐂᓮᐊᓯᐅᑉ ᐊᒡᓚᖏᑦ 45:17

ᐃᓴᕆᐊᓕᒥᐅᓪᓕ ᐊᑕᓂᕐᒧᑦ ᐱᐅᓕᔭᐅᔪᒫᕐᐳᑦ ᐱᐅᓕᔭᐅᓂᕐᒧᑦ ᐃᓱᖃᖏᑦᑐᒧᑦ; ᑲᓐᖑᓇᕐᑐᒦᓐᓂᐊᖏᓚᓯ ᐅᐱᓐᓇᕈᓐᓃᕐᑎᑕᐅᓂᐊᕋᓯᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᒪᓚᑬᑉ ᐊᒡᓚᖏᑦ 3:2

“ᑭᐊ ᐊᑐᕈᓐᓇᕈᒫᕐᐸᐅᒃ ᐅᓪᓗᖅ ᑖᑦᓱᒪ ᑎᑭᕝᕕᒃᓴᖓ? ᑭᓇᓗ ᓇᖏᕈᓐᓇᕈᒫᕐᐸ ᓴᖅᑭᑉᐸᑦ? ᑖᓐᓇ ᐃᑯᒪᑐᑦ ᓴᕕᕋᔭᒃᓴᓂᒃ ᐊᐅᒃᑎᑦᓯᔪᑎᑎᑐᑦ ᑍᒤᑦᓱᒫᕐᒪᑦ ᐊᓐᓄᕌᓂᒡᓗ ᐅᐊᓴᐅᑎᑎᑐᑦ;

ᒪᓚᑬᑉ ᐊᒡᓚᖏᑦ 4:5

“ᑕᑯᒋᑦ, ᐃᓔᑦᔭᒥᒃ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᑦᓯ ᐊᑕᓂᐅᑉ ᐅᓪᓗᕐᔪᐊᖓ ᓯᕘᕋᓇᕐᑐᕐᔪᐊᖅ ᑎᑭᓚᐅᖅᑳᕐᑎᓐᓇᒍ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 16:28

ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”

ᒫᑯᓯᐅᑉ ᐊᒡᓚᖏᑦ 8:38

ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᓘᑲᓯᐅᑉ ᐊᒡᓚᖏᑦ 17:30

ᑍᒤᑦᓱᒫᕆᕗᕐᑕᐅᖅ ᐅᓪᓗᒥ ᐃᓅᑉ ᐃᕐᓂᖓᑕ ᓴᖅᑭᕝᕕᐊᓂ.

ᕉᒪᒥᐅᓄᑦ 9:33

ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑕᑯᒋᑦ, ᓮᐅᓂᒥ ᐅᔭᕋᖕᒥᒃ ᐃᓕᓯᕗᖓ ᐃᓄᖕᓂᑦ ᐹᓪᓚᒍᑕᐅᔪᒫᕐᑐᒥᒃ, ᑖᒃᑯᓂᖓ ᐅᔭᕋᒃ ᐅᕐᕈᑎᑦᓯᔪᒫᕐᐳᖅ; ᑖᑦᓱᒧᖓᓗ ᐅᒃᐱᕐᑐᖅ ᑲᓐᖑᓱᒃᑎᑕᐅᓂᐊᓐᖏᓚᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:7

ᑍᒤᒻᒪᑦ ᐅᒃᐱᕐᓂᒃᑯᑦ ᑐᓂᕐᕈᓯᐊᖃᕐᓂᕐᒥᒃ ᖃᓄᓕᒫᖅ ᐊᔪᕐᓴᓐᖏᓚᓯ, ᕿᓚᓈᕐᓗᓯᓗ ᐅᑕᖅᑭᓪᓗᓯ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᑦᓱᒫᕐᓂᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:23

ᑕᒪᕐᒥᒡᓕ ᐊᑐᓂᑦ ᐱᕕᒃᓴᒥᒍᑦ ᑐᖓᓕᕇᒋᐊᖃᕐᓂᕆᔭᑎᒃ ᒪᓕᒡᓗᒍ ᒪᑭᑎᑕᐅᔪᒫᕐᐳᑦ: ᙭ᔅᑑᓯ ᓯᕗᓪᓕᕐᐸᐅᓯᒪᖕᒪᑦ; ᑭᖑᓂᖓᒍᑦ ᙭ᔅᑑᓯ ᑎᑭᑉᐸᑦ ᐱᒋᔭᖏᑦ ᒪᑭᑦᓱᒫᕆᕗᑦ.

ᐃᐱᓯᒥᐅᓄᑦ 3:12

ᑖᑦᓱᒨᓇ ᐅᒃᐱᕐᓂᑯᑦ ᓯᕘᕋᖏᓪᓗᑕ ᐃᓕᕋᓱᓐᖏᓪᓗᑕᓗ ᐊᖅᑯᑎᒃᓴᖃᕐᐳᒍᑦ ᒎᑎᐅᑉ ᓇᔪᕐᑕᖓᓄᐊᕈᓐᓇᓕᕐᐳᒍᑦ ᖁᓚᕈᑎᖃᖏᓪᓗᑕ.

ᑯᓘᓯᐊᒥᐅᓄᑦ 3:4

᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:19

ᐃᓛᒃ ᐃᓕᑦᓯᐅᒐᑦᓯ ᐊᓯᑦᓯᓐᓂᒃ ᓂᕆᐅᒡᕕᒃᓴᖃᓐᖏᓚᒍᑦ ᐃᓗᑦᑎᒍᓪᓗ ᖁᕕᐊᓲᑎᒋᕙᑦᓯ ᐃᓕᑦᓯᓗ ᓂᕐᑐᕐᓇᐅᑎᒃᓴᒥᒃ ᐱᒃᓴᖃᐅᑎᒋᕙᑦᓯ, ᓵᓚᖃᕐᓂᑦᑎᓐᓂᒡᓗ ᐊᑕᓂᑦᑕ ᔩᓱᓯᐅᑉ ᑎᑭᕝᕕᒃᓴᖓᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:13

ᑕᕝᕙ ᑖᑦᓱᒪ ᓲᖑᓯᑎᓐᓂᐊᕐᐹᓯ ᐸᓯᔭᒃᓴᐅᓂᖃᖁᓇᓯ ᐃᑦᔪᕐᓁᓪᓗᓯᓗ ᒎᑎᐅᑉ ᐊᑖᑕᑦᑕᓗ ᓵᖓᓂ, ᐊᑕᓂᑦᑕ ᔩᓱᓯᐅᑉ ᑎᑭᕝᕕᐊᓂ ᐃᑦᔪᕐᓁᑦᑐᖁᑎᓂ ᑕᒤᑕ ᐃᓚᒋᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:23

ᒎᑎᐅᑉ ᓮᒪᓂᕐᑖᕐᑎᑦᓯᔫᑉ ᐃᑦᔪᕐᓁᑎᓪᓕᓯ ᐃᓘᓐᓈᒍᑦ ᐃᓗᑦᓯᒍᑦ; ᐊᓂᕐᓂᑦᓯᒍᑦ ᑕᕐᓂᑦᓯᒍᑦ ᑎᒥᑦᓯᒍᓪᓗ ᓴᐳᑎᑦᓮᓐᓇᕐᓕᓯ ᐸᓯᔭᒃᓴᐅᓂᖃᖁᓇᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑎᑭᕝᕕᐊᓂ.

ᑎᒧᑎᒧᑦ ᓯᕗᓪᓖᑦ 6:14

ᒪᓕᒃᑕᐅᖁᔭᐅᔪᑦ ᐃᓕᖕᓄᑦ ᒪᓕᑦᓯᐊᒃᑭᑦ ᐸᓯᔭᒃᓴᐅᑦᑍᓕᓗᑎᑦ ᓱᕐᕋᔪᐃᓪᓗᑎᑦ ᐅᓪᓗᖅ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒋᔪᒫᕐᑕᖓ ᑎᑭᓪᓗᒍ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᐲᑦᑐᕉᓯ ᓯᕗᓪᓖᑦ 1:7

ᑕᒪᒃᑯᐊ ᐱᑦᔪᑎᖃᕐᐳᑦ ᐅᒃᐱᕐᓂᐅᑉ ᓇᓚᒍᑦᓯᐊᕐᓂᖓᓂᒃ, ᐱᕕᐊᕐᓇᕐᓂᕐᓴᐅᓪᓗᓂ ᒎᓗᒥᑦ ᓄᖑᔪᒫᕐᑐᒥᑦ ᐃᑯᒪᒧᑦ ᖃᐅᔨᓴᕐᑕᐅᕙᒃᑐᒥᑦ, ᐅᐱᒋᔭᐅᖁᓪᓗᓯ, ᐱᓐᓇᕐᓇᕐᑎᑕᐅᓗᓯᓗ ᐅᐱᒋᔭᐅᓗᓯᓗ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.

ᐲᑦᑐᕉᓯ ᓯᕗᓪᓖᑦ 5:4

ᐰᕐᓯᔩᑦ ᐊᖓᔪᖅᑳᖓᑦ ᓴᖅᑭᑉᐸᑦ ᑕᕝᕙ ᓂᕐᑐᕐᓇᕐᑐᒥᒃ ᓂᐊᖂᓯᕐᑕᐅᔪᒫᕐᐳᓯ ᐱᓐᓇᕐᓇᕐᑐᒥᒃ ᐊᓯᐅᓂᐊᖏᑦᑐᒥᒃ.

ᔪᐊᓇᓯ ᓯᕗᓪᓖᑦ 2:1

ᕿᑐᕐᖔᑯᓗᒃᑲ, ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᐊᔪᕐᑐᓕᖁᓇᓯ; ᐊᔪᕐᑐᓕᔪᖃᕐᐸᓪᓕ, ᑐᒃᓯᐅᑦᔨᔨᖃᕐᐳᒍᑦ ᐊᑖᑕᒥ, ᑕᕝᕙ ᔩᓱᓯ ᙭ᔅᑑᓯᒥᒃ ᐱᐅᔪᑐᐊᖑᔪᒥᒃ;

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᔪᐊᓇᓯ ᓯᕗᓪᓖᑦ 3:21

ᓇᒡᓕᒋᔭᒃᑲ, ᐆᒻᒪᑎᑦᑎᒍᑦ ᐃᖅᑲᕐᑐᕐᑕᐅᖏᒃᑯᑦᑕ, ᑕᕝᕙ ᖁᓚᖏᑦᔪᑎᒃᓴᖃᕐᐳᒍᑦ ᒎᑎᐅᑉ ᓵᖓᓂ.

ᔪᐊᓇᓯ ᓯᕗᓪᓖᑦ 4:17

ᑕᒪᑐᒨᓇ ᓇᒡᓕᖕᓂᖅ ᓈᒻᒪᒃᓯᑎᑕᐅᑦᓯᐊᕐᐳᖅ ᐅᕙᑦᑎᓐᓄᑦ, ᖁᓚᖏᑦᔪᑎᒃᓴᖃᖁᓪᓗᑕ ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ, ᑖᓐᓇ ᑍᒤᑦᑑᖕᒪᑦ ᐅᕙᒍᑦᑕᐅᖅ ᑍᒤᑦᑑᒋᕗᒍᑦ ᒫᓂ ᓯᓚᕐᔪᐊᕐᒥ.

ᔪᐊᓇᓯ ᓯᕗᓪᓖᑦ 5:14

ᑕᒪᓐᓇᓗ ᑕᕝᕙ ᖁᓚᖏᑦᔪᑎᒋᔭᕗᑦ ᑖᑦᓱᒥᖓ, ᓱᓇᑐᐃᓐᓇᒥᒃ ᑐᒃᓯᐊᕈᑦᑕ ᐱᔪᒪᔭᖓᒍᑦ ᑐᓴᕐᒫᑎᒍᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.