ᔪᐊᓇᓯ ᓯᕗᓪᓖᑦ 2:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.

ᔪᐊᓇᓯ ᓯᕗᓪᓖᑦ 2:27 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:5

ᐊᖑᑏᑦ ᐱᐅᖏᑦᑐᓕᔪᑦ ᑐᑭᓯᒪᓐᖏᓚᑦ ᐊᑦᔨᒌᒃᑎᑦᓯᓂᕐᒥᒃ, ᐊᑕᓂᕐᒥᒡᓕ ᕿᓂᕐᑐᑦ ᑕᒪᑐᒥᖓ ᑐᑭᓯᐅᒪᑦᓯᐊᕐᐳᑦ.

ᒨᓯᓯ ᐱᖓᔪᖏᑦ 7:35

ᑍᒫᒃ ᑕᕝᕙ ᐊᑕᓂᕐᒧᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᑉ ᐃᓚᖓᓂᒃ ᑐᓂᓯᕕᐅᔭᕆᐊᖃᕐᑎᑕᐅᕗᑦ ᐃᑦᔪᕐᓁᑎᑕᐅᓂᖏᑕ ᐅᓪᓗᖓᓂᑦ ᐱᒋᐊᕐᓗᒋᑦ ᐂᕉᓂ ᐃᕐᓂᖏᓪᓗ ᐊᑕᓂᕐᒧᑦ ᑐᓂᔭᐅᓯᒪᖕᒪᑕ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᕐᑎᐅᖁᔭᐅᓪᓗᑎᒃ.

ᒨᓯᓯ ᓯᑕᒪᖏᑦ 7:43

ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ;

ᒫᑎᐅᓯᐅᑉ ᐊᒡᓚᖏᑦ 13:11

ᔩᓱᓯᐅᑉ ᑭᐅᕔᑦ, “ᒎᑎᐅᑉ ᐊᑕᓂᐅᕕᖓᑕ ᓇᓗᓇᕐᓂᖓᓂᒃ ᖃᐅᔨᑎᑕᐅᕗᓯ, ᑖᒃᑯᐊᓕ ᖃᐅᔨᑎᑕᐅᓐᖏᓚᑦ.

ᔪᐊᓇᓯᐅᑉ ᐊᒡᓚᖏᑦ 14:16

ᐊᑖᑕᓗ ᑐᒃᓯᐊᕐᕕᒋᓂᐊᕐᐸᕋ, ᐃᑲᔪᕐᑎᒋᑲᓐᓂᕐᓂᐊᕐᑕᑦᓯᓐᓂᒃ ᑐᓂᓯᖁᓪᓗᒍ ᐃᓕᑦᓯᓐᓄᑦ, ᐃᓕᑦᓯᓐᓃᑦᓮᓐᓇᕐᓂᐊᕐᑐᒥᒃ ᐃᓱᖃᖏᑦᑐᒧᑦ,

ᔪᐊᓇᓯᐅᑉ ᐊᒡᓚᖏᑦ 14:17

ᑖᓐᓇᐅᕗᖅ ᐊᓂᕐᓂᖅ ᓱᓕᔪᒥᑦ ᐱᔪᖅ, ᓯᓚᕐᔪᐊᕐᒥᐅᑦ ᐱᔪᓐᓇᓐᖏᑕᖓᑦ, ᑕᑯᔪᓐᓇᖏᓐᓇᒥᑦᔪᒃ ᖃᐅᔨᒪᖏᓐᓇᒥᑦᔪᒡᓗ; ᐃᓕᑦᓯᓕ ᖃᐅᔨᒪᕙᓯ, ᐃᓕᑦᓯᓐᓃᒻᒪᑦ, ᐃᓗᓯᓐᓃᓐᓂᐊᕐᒪᓪᓗ.

ᔪᐊᓇᓯᐅᑉ ᐊᒡᓚᖏᑦ 14:26

ᐃᑲᔪᕐᑎᒃᓴᕐᓕ, ᐊᓂᕐᓂᖅ ᐃᑦᔪᕐᓁᑦᑐᖅ, ᐊᑖᑕᐅᑉ ᑎᓕᓛᕐᑕᖓᑕ ᐊᑎᓐᓂ, ᑖᑦᓱᒪ ᐊᔪᕆᕐᑐᕈᒫᕐᐹᓯ ᓱᓇᓕᒫᓂᒃ, ᐃᖅᑬᑎᓪᓗᓯᓗ ᐅᖃᐅᓯᕆᓚᐅᕐᑕᓕᒫᓐᓂᒃ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 16:13

ᓱᓕᔫᓪᓕ ᐊᓂᕐᓂᖓ ᑎᑭᒃᑯᓂ, ᓱᓕᓂᕐᓄᑦ ᑕᒤᓐᓄᑦ ᑕᓯᐅᓛᕐᐹᓯ; ᓇᖕᒥᓂᖅ ᐱᔪᓐᓇᕐᓂᓂ ᒪᓕᒡᓗᒍ ᐅᖃᓪᓚᓛᖏᒻᒪᑦ, ᑐᓴᕐᑕᒥᓂᒡᓕ ᐅᖃᐅᑦᔨᔪᒫᕐᐳᖅ, ᓇᓪᓕᐅᑎᔪᒫᕐᑐᓂᒡᓗ ᐅᖃᐅᑎᔪᒫᕐᐹᓯ.

ᔪᐊᓇᓯᐅᑉ ᐊᒡᓚᖏᑦ 4:14

ᓇᓪᓕᐊᓪᓕ ᐃᒥᕐᒥᒃ ᑐᓂᔭᓐᓂᒃ ᐃᒥᕐᓂᐊᕐᑐᖅ ᐃᒥᕈᓕᒃᑲᓐᓂᕐᓂᐊᓐᖏᓚᖅ; ᐃᒥᖅ ᑐᓂᓂᐊᕐᑕᕋ ᑖᑦᓱᒧᖓ ᐃᓗᐊᓂᑦ ᑰᓕᕐᓂᐊᕐᐳᖅ ᐃᓅᓯᖃᕐᓇᕐᑐᒥᒃ ᓄᖑᓱᐃᑦᑐᒥᒃ.”

ᔪᐊᓇᓯᐅᑉ ᐊᒡᓚᖏᑦ 6:45

ᓇᓚᐅᑦᑍᔪᑎᒍᑦ ᑎᑎᕋᕐᓯᒪᕗᑦ, ‘ᑕᒪᕐᒥᒃ ᐊᔪᕆᕐᑐᕐᑕᐅᔪᒫᕐᐳᑦ ᒎᑎᒧᑦ.’ ᓇᓪᓕᐊᑦ ᐊᑖᑕᒥᒃ ᑐᓴᕐᑐᖅ, ᑖᑦᓱᒪᓐᖓᓪᓗ ᐃᓕᓐᓂᐊᕐᓗᓂ ᑖᓐᓇ ᐅᕙᓐᓄᑦ ᕾᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:12

ᐊᓂᕐᓂᕐᒥᒃ ᓯᓚᕐᔪᐊᕐᒥᑦ ᐱᔪᒥᒃ ᑐᓂᓯᕕᐅᓯᒪᓐᖏᓚᒍᑦ, ᒎᑎᒥᓪᓕ ᐱᔪᒥᒃ ᐊᓂᕐᓂᕐᒥᒃ ᑐᓂᓯᕕᐅᕗᒍᑦ, ᖃᐅᔨᔪᓐᓇᖁᓪᓗᑕ ᒎᑎᒥᑦ ᑐᓂᕐᕈᓯᐊᑦᑎᓐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:13

ᐃᒫᒡᓕ ᐅᖃᐅᓯᖃᕐᐳᒍᑦ, ᐅᖃᐅᓰᑦ ᐃᓄᐃᑦ ᓯᓚᑐᓂᖏᑕ ᐃᓕᓴᐅᑎᖏᑦ ᐊᑐᕐᓇᒋᑦ ᒎᑎᐅᓪᓕ ᐊᓂᕐᓂᖓᑕ ᐃᓕᓐᓂᐊᕐᑎᑦᓯᔪᑎᒋᔭᖏᑦ ᐊᑐᕐᓗᒋᑦ, ᑐᑭᓯᓇᕐᓯᑎᑉᐸᕗᑦ ᐊᓂᕐᓂᐅᑉ ᓱᓕᓂᖏᑦ ᒎᑎᐅᑉ ᐊᓂᕐᓂᖓᓂᒃ ᐱᓯᒪᔪᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:21

ᒎᑎᓕ ᑕᕝᕙ ᐃᓕᑦᓯᓐᓂᒃ ᐅᕙᑦᑎᓐᓂᒡᓗ ᐋᖅᑭᒃᓯᓯᒪᕗᖅ ᙭ᔅᑑᓯᒃᑯᑦ; ᑖᑦᓱᒪᓗ ᑕᕝᕙ ᐅᓱᕐᑎᓚᐅᕐᐹᑎᒍᑦ;

ᐃᐱᓯᒥᐅᓄᑦ 4:21

ᑖᑦᓱᒥᖓᑦ ᑐᓴᑦᓯᐊᓚᐅᕐᐳᓯ ᑖᑦᓱᒪᓗ ᒪᓕᒃᑎᖏᑎᑐᑦ ᐊᔪᕆᕐᑐᕐᑕᐅᓯᒪᕗᓯ, ᓱᓕᓂᖅ ᑕᕝᕙ ᔩᓱᓯᒦᒻᒪᑦ.

ᑯᓘᓯᐊᒥᐅᓄᑦ 2:6

᙭ᔅᑑᓯ ᔩᓱᓯᒥᒃ ᐃᓚᓕᐅᕆᓯᒪᓕᕋᑦᓯ ᐊᑕᓂᕆᔪᒪᓕᕐᓗᒍ, ᑍᒤᒻᒪᑦ ᐃᓅᔪᒃᓴᐅᓕᕐᐳᓯ ᑖᑦᓱᒪᓃᓪᓗᓯ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:13

ᒎᑎᒧᑦᑕᐅᖅ ᖁᔭᓕᖃᑦᑕᕐᐳᒍᑦ ᑕᒪᒃᑯᐊ ᐱᑦᔪᑎᒋᓪᓗᒋᑦ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᑎᓪᓗᑕ, ᑐᓵᑦᓯᐊᕐᓗᓯ ᐃᓚᓕᐅᕐᓗᓯᐅᒡᓗ ᐱᓚᐅᕋᑦᓯ, ᐃᓄᖕᒥᑦ ᐱᓯᒪᔪᑎᑑᖏᑦᑐᖅ ᒎᑎᒥᓪᓕ ᐱᓯᒪᔪᑎᑐᑦ, ᐃᓛᒃ ᑕᒪᒃᑯᐊ ᒎᑎᒥᑦ ᐱᖕᒪᑕ, ᒎᑎᐅᑉ ᐅᖃᐅᓯᖓ ᐱᓇᓱᐊᕐᒪᑦ ᐃᓗᑦᓯᓐᓂ ᐅᒃᐱᕐᑐᓯ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:9

ᐅᒃᐱᕐᑑᖃᑎᒌᓄᓪᓕ ᓇᒡᓕᒃᑎᒌᖕᓂᕐᒥᒃ ᑎᑎᕋᕐᕕᒋᔭᕆᐊᖃᓐᖏᓚᑦᓯ, ᓇᖕᒥᓂᖅ ᒎᑎᒧᑦ ᐊᔪᕆᕐᑐᕐᑕᐅᓯᒪᒐᑦᓯ ᖃᓄᖅ ᓇᒡᓕᒃᑎᒌᒃᑐᒃᓴᐅᖕᒪᖔᑦᓯ.

ᑎᒧᑎᒧᑦ ᓯᕗᓪᓖᑦ 2:7

ᑕᒪᑐᒧᖓ ᑎᓕᔭᐅᓯᒪᕗᖓ ᐊᔪᕆᕐᑐᐃᖁᓪᓗᖓ ᐋᐴᓯᑕᓕᓐᖑᕐᑎᑕᐅᓪᓗᖓᓗ, ᓱᓕᓪᓗᖓ ᐅᖃᕐᐳᖓ ᓴᒡᓗᓐᖏᓚᖓ, ᔫᑎᐅᓐᖏᑦᑐᓂᒃ ᐃᓕᓐᓂᐊᕐᑎᑦᓯᖁᓪᓗᖓ ᐅᒃᐱᕐᓂᑯᑦ ᓱᓕᓂᑯᓪᓗ.

ᐲᑦᑐᕉᓯ ᓯᕗᓪᓖᑦ 1:23

ᓄᑖᒥᒃ ᐃᕐᓂᐊᖑᓯᒪᒐᑦᓯ, ᐊᓯᕈᕐᓂᐊᕐᑐᒥᐅᖏᑦᑐᖅ ᕿᑐᕐᖓᕐᑖᖑᓪᓗᓯ, ᐊᓯᕈᕐᓂᐊᖏᑦᑐᒥᒡᓕ, ᒎᑎᐅᑉ ᐅᖃᐅᓯᖓᒍᑦ ᐆᒪᔪᒃᑯᑦ ᐃᓱᖃᖏᑦᑐᒃᑯᓪᓗ.

ᔪᐊᓇᓯ ᓯᕗᓪᓖᑦ 2:28

ᒫᓐᓇᓗ ᕿᑐᕐᖓᒃᑲ, ᑖᑦᓱᒪᓃᑦᓮᓐᓇᕆᑦᓯ, ᑖᓐᓇ ᓴᖅᑭᑉᐸᑦ ᓯᕘᕋᑦᔪᑎᒃᓴᖃᖁᓇᑕ ᑲᓐᖑᓲᑎᒃᓴᖃᖁᓇᑕᓗ ᑖᑦᓱᒪ ᑎᑭᕝᕕᐊᓂ.

ᔪᐊᓇᓯ ᓯᕗᓪᓖᑦ 3:24

ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.

ᔪᐊᓇᓯᐅᑉ ᐂᑉᐸᖏᑦ 1:2

ᓱᓕᔪᖅ ᐃᓗᑦᑎᓐᓃᑦᑐᖅ ᐅᕙᑦᑎᓐᓃᑦᓮᓐᓇᕐᓂᐊᕐᒪᑦ ᐃᓱᖃᖏᑦᑐᒧᑦ: