ᔪᐊᓇᓯ ᓯᕗᓪᓖᑦ 2:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐱᒋᐊᕐᓂᖓᓂᑦ ᑐᓴᕐᓯᒪᔭᓯ ᐃᓕᑦᓯᓃᖏᓐᓇᕐᓕ. ᐱᒋᐊᕐᓂᖓᓂᑦ ᑐᓴᕐᓯᒪᔭᓯ ᐱᓯᒤᓐᓇᕈᑦᓯᐅ, ᑕᕝᕙ ᐃᕐᓂᕐᒦᖏᓐᓇᕐᓂᐊᕐᐳᓯ ᐊᑖᑕᒦᓪᓗᓯᓗ

ᔪᐊᓇᓯ ᓯᕗᓪᓖᑦ 2:24 Iomraidhean Croise

ᐃᓐᖏᕈᑎᑦ 119:11

ᐅᖃᐅᓯᕐᑎᑦ ᑐᖅᑯᕐᐸᒃᑲ ᐆᒻᒪᑎᓐᓄᑦ, ᐊᔪᕐᑐᓕᖁᓇᖓ ᐃᓕᖕᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:23

ᓱᓕᔪᖅ ᓂᐅᕕᐊᕆᒍᒃ, ᓂᐅᕐᕈᑎᒋᓂᐊᕐᓇᒍᓗ; ᓯᓚᑐᓂᕐᓗ ᓂᐅᕕᐊᕆᒍᒃ, ᐃᓕᓐᓂᐊᕐᑎᑕᐅᓂᕐᓗ, ᑐᑭᓯᑦᓯᐊᕐᓂᕐᓗ.

ᓘᑲᓯᐅᑉ ᐊᒡᓚᖏᑦ 1:2

ᑍᒃᑯᐊ ᑎᑎᕋᓚᐅᕐᐳᑦ ᓇᖕᒥᓂᖅ ᐱᒋᐊᕐᓂᖓᓂᒃ ᖃᐅᔨᓚᐅᕐᑕᒥᖕᓂᒃ ᓇᖕᒥᓂᕐᓗ ᑕᑯᖃᑦᑕᓚᐅᕐᑕᒥᓂᒃ, ᐅᕙᑦᑎᓐᓄᑦ ᐅᖃᐅᓯᖃᕐᓯᒪᕗᑦ ᐊᔪᕆᕐᑐᐃᑦᔪᑎᖃᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 9:44

“ᐅᑯᐊ ᐅᖃᐅᓯᕆᓂᐊᕐᑕᒃᑲ ᐳᐃᒍᕐᑍᓕᓯᐅᒃ; ᐃᓅᑉ ᐃᕐᓂᖓ ᐱᑎᑕᐅᒋᐊᕕᓕᕐᐳᖅ ᐃᓄᐃᑦ ᐱᔪᓐᓇᕐᓂᖏᓐᓄᑦ.”

ᔪᐊᓇᓯᐅᑉ ᐊᒡᓚᖏᑦ 14:23

ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.

ᔪᐊᓇᓯᐅᑉ ᐊᒡᓚᖏᑦ 15:7

ᐅᕙᓐᓃᓐᖏᓇᕈᑦᓯ, ᐅᖃᐅᓯᒃᑲᓗ ᐃᓗᑦᓯᓐᓃᖏᓐᓇᕐᐸᑕ, ᐱᔪᒪᔭᑦᓯᓐᓂᒃ ᓱᓇᑐᐃᓐᓇᒥᒃ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 6:56

ᓇᓪᓕᐊᑦ ᑎᒥᓐᓂᒃ ᓂᕆᔪᖅ, ᐊᐅᓐᓂᒡᓗ ᐃᒥᕐᓗᓂ ᑖᓐᓇ ᐅᕙᓐᓃᑉᐳᖅ, ᐅᕙᖓᓗ ᑖᑦᓱᒪᓃᓪᓗᖓ.

ᔪᐊᓇᓯᐅᑉ ᐊᒡᓚᖏᑦ 8:25

ᑕᕝᕙ ᐅᖃᐅᑎᕚᑦ, “ᑭᓇᐅᕖᑦ?” ᔩᓱᓯᐅᑉ ᐅᖃᐅᑎᕔᑦ, “ᐅᖃᐅᑎᓯᒪᓚᐅᕐᐸᑦᓯ ᑍᒪᓐᖓᑦ ᐱᒋᐊᓕᓵᕐᓂᓐᓂᑦ.

ᐱᓕᐱᒥᐅᓄᑦ 4:15

ᐃᓕᑦᓯ ᐱᓕᐱᒥᐅᖑᔪᓯ ᓇᖕᒥᓂᖅ ᖃᐅᔨᒪᑦᓯᐊᕐᐳᓯ ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᓕᓵᕐᑎᓪᓗᒋᑦ, ᒫᓯᑑᓂᐊᒥᑦ ᐊᐅᓪᓚᓚᐅᕋᒪ, ᐅᒃᐱᕐᑑᖃᑎᒌᓂᑦ ᐃᑲᔪᕐᑐᑐᐊᖑᓚᐅᕐᐳᓯ ᐅᕙᓐᓂᒃ; ᑐᓂᓯᓂᑦᓯᒍᑦ ᐃᓚᓕᐅᕐᓯᓂᑦᓯᒍᓪᓗ;

ᑯᓘᓯᐊᒥᐅᓄᑦ 3:16

᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᐄᑉᕈᐃᓄᑦ 2:1

ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ.

ᐄᑉᕈᐃᓄᑦ 3:14

᙭ᔅᑑᓯ ᐱᓇᓱᐊᖃᑎᒋᒐᑦᑎᒍᑦ, ᐱᒋᐊᓕᕐᓗᑕ ᑕᑎᖃᕐᓂᕆᓚᐅᕐᑕᕗᑦ ᑲᔪᓯᑎᓐᓂᐊᑐᐊᕈᑦᑎᒍᑦ ᐃᓱᐊᓄᑦ.

ᔪᐊᓇᓯ ᓯᕗᓪᓖᑦ 1:3

ᑕᑯᓯᒪᔭᕗᑦ ᑐᓴᕐᓯᒪᔭᕗᓪᓗ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᐃᓕᑦᓯᑦᑕᐅᖅ ᐅᕙᑦᑎᓐᓄᑦ ᐃᓚᒌᒍᑎᖃᖁᓪᓗᓯ; ᐊᑖᑕᒧᑦ ᐃᕐᓂᖓᓄᓪᓗ ᔩᓱᓯ ᙭ᔅᑑᓯᒧᑦ ᐃᓚᒌᒍᑎᖃᓕᖁᓪᓗᑕ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 2:7

ᓇᒡᓕᒋᔭᒃᑲ, ᐱᖁᔭᖅ ᐃᓕᑦᓯᓐᓄᑦ ᑎᑎᕋᐅᓯᕆᔭᕋ ᓄᑖᖑᓐᖏᓚᖅ, ᐱᖁᔭᑐᖃᐅᕗᖅ ᐱᒋᐊᕐᓂᖓᓂᑦ ᐱᓯᒪᔭᓯ; ᐱᖁᔭᖅ ᑐᓴᕐᓯᒪᔭᑐᖃᕆᔭᓯ.

ᔪᐊᓇᓯ ᓯᕗᓪᓖᑦ 3:24

ᓇᓪᓕᐊᑦ ᑖᑦᓱᒪ ᐱᖁᔭᖏᓐᓂᒃ ᒪᓕᒃᑐᖅ ᑖᓐᓇ ᑖᑦᓱᒪᓃᑉᐳᖅ, ᑖᓐᓇᓗ ᑖᑦᓱᒪᓃᓪᓗᓂ. ᐃᒫᒡᓗ ᖃᐅᔨᒪᔪᓐᓇᕐᐳᒍᑦ ᐅᕙᑦᑎᓐᓃᓐᓂᓐᖓᓂᒃ; ᐊᓂᕐᓂᕐᒧᑦ ᑐᓂᕐᕈᓯᐊᑦᑎᓐᓄᑦ ᑖᑦᓱᒧᖓ ᖃᐅᔨᑎᑕᐅᓗᑕ.

ᔪᐊᓇᓯ ᓯᕗᓪᓖᑦ 4:13

ᑕᒪᑐᒥᖓ ᖃᐅᔨᑦᔪᑎᖃᕐᐳᒍᑦ ᑖᑦᓱᒪᓃᓐᓇᑦᑕ ᑖᓐᓇᓗ ᐃᓗᑦᑎᓐᓃᒻᒪᑦ, ᓇᖕᒥᓂᖅ ᐊᓂᕐᓂᕐᒥᓂᒃ ᑐᓂᓯᕕᒋᓚᐅᕐᒫᑎᒍᑦ.

ᔪᐊᓇᓯ ᓯᕗᓪᓖᑦ 4:15

ᓇᓪᓕᐊᑦ ᔩᓱᓯ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᓯᔪᖅ, ᒎᑎ ᑖᑦᓱᒪᓃᑉᐳᖅ, ᑖᓐᓇᓗ ᒎᑎᒦᓪᓗᓂ.

ᔪᐊᓇᓯ ᓯᕗᓪᓖᑦ 4:16

ᒎᑎᐅᓪᓗ ᓇᒡᓕᖕᓂᖓ ᐅᕙᑦᑎᓐᓄᑦ ᓇᖕᒥᓂᖅ ᖃᐅᔨᒪᓪᓗᒍ ᐅᒃᐱᕆᕙᕗᑦ. ᒎᑎ ᓇᒡᓕᖕᓂᐅᖕᒪᑦ, ᓇᒡᓕᖕᓂᕐᒦᑦᑐᕐᓗ ᒎᑎᒦᑉᐳᖅ, ᒎᑎᓗ ᑖᑦᓱᒪᓃᓪᓗᓂ.

ᔪᐊᓇᓯᐅᑉ ᐂᑉᐸᖏᑦ 1:2

ᓱᓕᔪᖅ ᐃᓗᑦᑎᓐᓃᑦᑐᖅ ᐅᕙᑦᑎᓐᓃᑦᓮᓐᓇᕐᓂᐊᕐᒪᑦ ᐃᓱᖃᖏᑦᑐᒧᑦ:

ᔪᐊᓇᓯᐅᑉ ᐂᑉᐸᖏᑦ 1:9

ᓇᓪᓕᐊᑦ ᙭ᔅᑑᓯᐅᑉ ᐊᔪᕆᕐᑐᐃᓂᖓᓃᑦᓮᓐᓇᖏᑦᑐᖅ ᑖᓐᓇ ᒎᑎᖃᓐᖏᓚᖅ; ᓇᓪᓕᐊᓪᓕ ᙭ᔅᑑᓯᐅᑉ ᐊᔪᕆᕐᑑᓯᖓᓃᑦᓯᐊᕐᑐᖅ ᑕᒤᓐᓂᒃ ᐱᖃᕐᐳᖅ ᐊᑖᑕᒥᒃ ᐃᕐᓂᕐᒥᒡᓗ.

ᔪᐊᓇᓯᐅᑉ ᐱᖓᔪᖏᑦ 1:3

ᖁᕕᐊᓱᒻᒪᕆᓚᐅᕐᐳᖓ ᑐᓴᕐᑎᑕᐅᒐᒪ ᐅᒃᐱᖃᑎᕗᑦ ᑎᑭᓐᓇᒥᒃ ᐅᓂᒃᑳᓚᐅᕐᒪᑕ ᓱᓕᔪᒧᑦ ᐃᓅᓯᕐᓂ ᑲᔪᓯᑦᓯᐊᕐᓂᕋᕐᑕᐅᓪᓗᑎᑦ, ᐃᓛᒃ ᑍᒪᓐᖓᑦ ᓱᓕᓂᕐᒥ ᐃᓅᒐᕕᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:11

“‘ᐊᑯᓂᐅᖏᑦᑐᖅ ᑎᑭᓐᓂᐊᕐᐳᖓ; ᐱᒋᔧᑦ ᐱᓯᒪᑦᓯᐊᕈᒃ, ᐋᑕᐅᖁᓇᒃ ᓵᓚᖃᐅᑎᒃᓴᕐᓂᒃ ᓂᐊᖂᑎᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:3

ᐃᖅᑬᓕᕆᑦ ᐃᓕᖕᓄᑦ ᐊᔪᕆᕐᑑᑕᐅᓯᒪᔪᓂᒃ ᑐᓴᕐᓯᒪᔭᕐᓂᒡᓗ; ᓈᓚᒡᓗᒋᑦ, ᖃᕿᐊᓕᕆᑦ. ᑐᐸᖕᓂᐊᖏᒃᑯᕕᑦ, ᑎᒡᓕᒃᑎᑐᑦ ᑎᑭᓐᓂᐊᕐᐸᒋᑦ, ᖃᐅᔨᒪᓂᐊᓐᖏᓚᑎᓪᓗ ᖃᖓ ᑎᑭᕝᕕᒋᓂᐊᕐᑕᓐᓂᒃ.