ᔪᐊᓇᓯ ᓯᕗᓪᓖᑦ 2:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᒪᑯᐊ ᑕᕝᕙ ᓯᓚᕐᔪᐊᕐᒦᑦᑐᑦ, ᑎᒥᐅᑉ ᐃᒃᖠᒎᕐᓂᖏᑦ ᑕᑯᔭᒃᑯᑦ ᐱᔪᒪᔭᖃᓗᐊᕐᓃᑦ ᐃᓅᓯᒃᑯᓪᓗ ᐊᔪᖏᓐᓇᓱᒋᓗᐊᕐᓃᑦ, ᑕᒪᒃᑯᐊ ᐊᑖᑕᒥᑦ ᐱᓐᖏᓚᑦ ᓯᓚᕐᔪᐊᕐᒥᓪᓕ ᐱᕗᑦ.

ᔪᐊᓇᓯ ᓯᕗᓪᓖᑦ 2:16 Iomraidhean Croise

ᒨᓯᓯ ᓯᕗᓪᓖᑦ 3:6

ᐊᕐᓇᐅᓪᓗ ᐅᑦᔨᕆᑦᓯᐊᓕᕐᐹ ᓇᐹᕐᑑᑉ ᐸᐅᕐᖓᖏᑕ ᓂᕆᔪᒥᓇᕐᓂᖏᑦ, ᑕᑯᒥᓇᕐᓂᖓᓗ, ᓯᓚᑐᓂᕐᑖᕈᒪᓐᓇᕐᓗᓂᓗ, ᑕᕝᕙ ᐸᐅᕐᖓᖏᑕ ᐃᓚᖓᓐᓂᒃ ᑎᒍᓯᓪᓗᓂ ᓂᕆᕗᖅ; ᐅᐃᒥᓄᓪᓗ ᐃᓚᖓ ᑐᓂᓪᓗᒍ, ᑖᑦᓱᒪᓗ ᓂᕆᒋᕚ.

ᒨᓯᓯ ᓯᕗᓪᓖᑦ 6:2

ᒎᑎᐅᑉ ᐃᕐᓂᖏᑦ ᑕᑯᓐᓇᓕᕋᒥᒃ ᐊᕐᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᕐᑖᓚᐅᕐᐳᑦ ᓂᕈᐊᕐᑕᒥᖕᓂᒃ.

ᔫᐱᐅᑉ ᐊᒡᓚᖏᑦ 31:1

“ᐊᖏᒻᒪᕆᒡᓗᖓ ᐅᕙᓐᓄᑦ ᐊᖏᕈᑎᖃᕐᓯᒪᕗᖓ; ᐅᐃᒡᒐᓱᖕᒥᒃ ᐃᒃᓯᒎᕐᓗᖓ ᑕᑯᓐᓇᖃᑦᑕᕈᒪᓇᖓ.

ᐃᓐᖏᕈᑎᑦ 73:6

ᑍᒤᒻᒪᑦ ᐱᐅᔪᕆᓂᖅ ᐱᐅᓴᐅᑎᑐᑦ ᐅᔭᒥᒋᕚᑦ; ᑲᑉᐱᐊᓇᕋᓱᐊᕐᓂᕐᒥᒃ ᐅᓕᒃᓯᒪᕗᑦ ᐊᓐᓄᕌᕐᓯᒪᔪᑎᑐᑦ.

ᐃᓐᖏᕈᑎᑦ 78:18

ᒎᑎ ᐆᒻᒪᑎᒥᒃᑎᒍᑦ ᐆᒃᑐᓚᐅᕐᐹᑦ ᓂᕿᒃᓴᒥᒃ ᒪᒪᕆᔭᒥᖕᓂᒃ ᕿᓄᕕᒋᓪᓗᒍ.

ᐃᓐᖏᕈᑎᑦ 78:30

ᑳᒍᓐᓃᓚᐅᕐᑎᓐᓇᒋᑦ ᓱᓕ, ᓂᕆᔭᒥᖕᓂᒃ ᓱᓕ ᐅᖁᒻᒥᐊᖏᓐᓇᕐᑎᓪᓗᒋᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:20

ᑐᖁᖓᔪᑦ ᐃᓂᖓᑦ ᐊᓯᕈᕐᑕᐅᓂᕐᓗ ᑕᑕᑦᓱᓐᓇᓐᖏᓛᒃ; ᐊᖑᑎᐅᓪᓗ ᐃᔨᖏᒃ ᓈᒻᒪᒃᓯᓚᐅᕐᓯᒪᓐᖏᓛᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:25

ᐃᓂᖁᓇᕐᓂᖓ ᐆᒻᒪᑎᒃᑯᑦ ᐃᒃᓯᒋᓕᕐᑍᓕᒍᒃ, ᖃᓪᓗᕐᓱᕐᓂᖓᓄᓪᓗ ᐅᐃᕕᕆᔭᐅᑦᑍᓕᒋᑦ ᑖᑦᓱᒧᖓ.

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᒨᓯᓯ ᓯᑕᒪᖏᑦ 11:34

ᑖᓐᓇ ᓄᓇ ᐊᑎᖃᕐᑎᑉᐹᑦ ᑭᐳᕌᑎ-ᕼᐊᑖᕙᒥᒃ ᑐᑭᖓ ᑭᐱᕐᓴᓚᐅᕐᑐᑦ ᐃᓗᕕᖃᕐᕕᖓᑦ, ᑕᕝᕙᓂ ᓂᕿᒧᑦ ᑭᐱᕐᓴᓚᐅᕐᑐᑦ ᐃᓗᕕᕐᑕᐅᓚᐅᕐᒪᑕ.

ᒨᓯᓯ ᓯᑕᒪᖏᑦ 11:4

ᐃᓴᕆᐊᓕᐅᖏᑦᑐᓪᓕ ᐃᖏᕐᕋᖃᑕᐅᔪᑦ ᓂᕿᓂᒃ ᐊᓯᖏᓐᓂᒃ ᓂᕆᔪᒪᒻᒪᕆᓕᓚᐅᕐᐳᑦ; ᐃᓴᕆᐊᓕᒥᐅᑦ ᓂᐱᖃᕐᓗᑎᒃ ᕿᐊᓕᓚᐅᕆᕗᑦ ᐅᖃᕐᓗᑎᒃ, “ᑭᐊ ᓂᕿᓪᓚᕆᖕᒥᒃ ᓂᕆᑎᓐᓂᐊᕐᐹᑎᒍᑦ?

ᒫᑎᐅᓯᐅᑉ ᐊᒡᓚᖏᑦ 4:8

ᐊᒻᒪ ᓵᑖᓇᓯᐅᑉ ᔩᓱᓯ ᐊᐅᓪᓚᕈᑎᕚ ᖃᖅᑲᒧᑦ ᐳᕐᑐᔪᐊᓗᖕᒧᑦ, ᑕᑯᑎᓪᓗᒍ ᓯᓚᕐᔪᐊᕐᒥᐅᑦ ᐊᖓᔪᖅᑲᐅᕕᖏᓐᓂᒃ ᑕᑯᒥᓇᕐᓂᖏᓐᓂᒡᓗ.

ᒫᑎᐅᓯᐅᑉ ᐊᒡᓚᖏᑦ 5:28

ᒫᓐᓇᓕ ᐅᖃᐅᑎᕙᑦᓯ: ᓇᓪᓕᐊᑦ ᐊᕐᓇᒥᒃ ᑕᑯᓐᓈᕐᓗᓂ ᐃᒃᓯᒍᒃᑐᖅ, ᑖᓐᓇ ᓄᓕᐊᕇᖕᓂᕐᒥᒃ ᐊᓯᕈᐃᔭᕇᕐᐳᖅ ᐆᒻᒪᑎᒥᒍᑦ.

ᓘᑲᓯᐅᑉ ᐊᒡᓚᖏᑦ 4:5

ᑕᕝᕙ ᓵᑖᓇᓯᐅᑉ ᐳᕐᑐᔪᒧᐊᕐᑎᑉᐹ, ᑕᑯᑎᓪᓗᒍ ᓯᓚᕐᔪᐊᕐᒥ ᐊᖓᔪᖅᑲᐅᕕᓕᒫᓂᒃ ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ,

ᕉᒪᒥᐅᓄᑦ 13:14

ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:6

ᑕᒪᒃᑯᐊ ᑕᕝᕙ ᐃᓂᕐᑎᕐᑕᐅᑦᔪᑎᒋᔭᕗᑦ, ᐱᐅᖏᑦᑐᒥᒃ ᐱᔪᒪᔭᖃᖁᓇᑕ ᑍᒃᑯᑎᑐᓇᖅ.

ᒐᓔᑎᐊᒥᐅᓄᑦ 5:17

ᑎᒥᐅᑉ ᐱᔪᒪᔭᖓ ᐊᓂᕐᓂᕐᒥᒃ ᐊᖏᖃᑎᖃᖏᒻᒪᑦ, ᐊᓂᕐᓂᐅᓪᓗ ᐱᔪᒪᔭᖓ ᐊᖏᖃᑎᖃᕐᒥᓇᓂ ᑎᒥᒥᒃ; ᑖᒃᑯᐊᒃ ᐃᒻᒥᖕᓄᑦ ᐊᖏᖃᑎᒌᖏᒻᒪᑎᒃ, ᑍᒤᒻᒪᑦ ᐱᔪᒪᔭᕋᓗᐊᑦᓯᓐᓂᒃ ᐱᓇᓱᐊᕈᓐᓇᓐᖏᓚᓯ.

ᒐᓔᑎᐊᒥᐅᓄᑦ 5:24

᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᑍᑑᓯᒧᑦ 2:12

ᑖᑦᓱᒪ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᒍᑦ ᐃᓕᓐᓂᐊᕐᑎᑉᐹᑎᒍᑦ ᕿᒤᖁᓪᓗᑕ ᒎᑎᖃᖏᑦᑐᑦ ᐃᓕᖅᑯᓯᖏᓐᓂᒃ ᓯᓚᕐᔪᐊᕐᒥᐅᓪᓗ ᐃᒃᖠᒎᕐᓂᖏᓐᓂᒃ, ᐃᓅᖁᓪᓗᑕᓗ ᐅᕙᑦᑎᓐᓂᒃ ᐱᓯᒪᑦᓯᐊᕈᓐᓇᕐᓗᑕ, ᐃᓅᑦᓯᐊᕐᓗᑕᓗ, ᒎᑎᒥᒡᓗ ᒪᓕᑦᓯᐊᕐᓗᑕ ᐃᓅᖁᓪᓗᑕ ᑕᒫᓂ ᓯᓚᕐᔪᐊᕐᒦᑎᓪᓗᑕ,

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᔧᒥᓯᐅᑉ ᐊᒡᓚᖏᑦ 3:15

ᓯᓚᑐᓂᖅ ᑍᒤᑦᑐᖅ ᐹᓐᖓᑦ ᐱᓐᖏᓚᖅ, ᓯᓚᕐᔪᐊᕐᒥᓪᓕ ᐱᕗᖅ, ᐅᒃᐱᕐᓂᒥᐅᓐᖏᑦᑐᖅ, ᐊᓂᕐᓂᕐᓗᖕᓂᓪᓕ ᐱᕗᖅ.

ᔧᒥᓯᐅᑉ ᐊᒡᓚᖏᑦ 4:16

ᑍᒤᒻᒪᑦ, ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓕᕐᐸᒃᑲᑦᓯ. ᐱᐅᔪᕆᓃᑦ ᑍᒤᑦᑐᑦ ᐱᐅᖏᑦᑑᖕᒪᑕ.

ᔮᓱᐊᑉ ᐊᒡᓚᖏᑦ 7:21

ᑎᒍᓚᐅᕐᑕᑦᑕ ᐃᓚᖏᓐᓂᒃ ᑕᑯᓚᐅᕐᐳᖓ ᐱᐅᔪᐊᓗᖕᒥᒃ ᐹᐱᓘᓂᒥᐅᑦ ᐅᓕᒡᔪᐊᖓᓂᒃ, ᓯᐅᓪᕕᕆᓂᒡᓗ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ, ᒎᓗᒥᒡᓗ ᐊᑕᐅᓯᕐᒥᒃ ᐅᖁᒤᓐᓂᓕᖕᒥᒃ, ᐱᔪᒪᒻᒪᕆᓕᕋᒃᑭᑦ ᑎᒍᓚᐅᕐᐸᒃᑲ; ᑕᑯᒋᓪᓗ, ᓇᓂᔪᓐᓇᕐᐸᓯ ᓴᐅᓯᒪᔪᑦ ᓄᓇᒥ ᑐᐱᕐᒪ ᐊᑖᓂ, ᓯᐅᓪᕕᕇᑦ ᐊᓪᓕᕐᐸᐅᑎᓪᓗᒋᑦ.”

ᐲᑦᑐᕉᓯ ᓯᕗᓪᓖᑦ 1:14

ᕿᑐᕐᖓᑎᑐᑦ ᓈᓚᑦᓯᐊᖃᑦᑕᕆᑦᓯ, ᐃᓅᓯᓯᓗ ᐱᐅᖏᑦᑐᓄᑦ ᐊᐅᓚᑕᐅᓕᕐᑎᑦᑍᓕᓗᒍ ᓲᕐᓗ ᑍᑦᓱᒪᓂᑐᑦ ᖃᐅᔨᒪᖏᑦᑑᓚᐅᕈᓯᑦᓯᑐᑦ,

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.

ᐲᑦᑐᕉᓯ ᐂᑉᐸᖏᑦ 2:10

ᐱᓗᐊᕐᑐᒥᒃ ᑖᒃᑯᐊ ᑎᒥᐅᑉ ᐃᒃᓯᒎᕐᓂᖏᓐᓂᒃ ᐊᑐᓗᐊᕐᑐᑦ, ᐊᖓᔪᖅᑳᖃᕐᓂᕐᒥᒡᓗ ᓇᕐᕈᔪᑦ. ᑖᒃᑯᐊ ᓯᕘᕋᓇᑎᒃ ᓴᖑᑎᑕᐅᔪᓐᓇᓐᖏᓚᑦ, ᑲᑉᐱᐊᓱᒐᑎᒡᓗ ᐅᖃᕐᓂᕐᓘᑎᖃᕐᐳᑦ ᕿᓚᖕᒥᐅᑦ ᐱᓐᓇᕐᓇᕐᓂᖏᓐᓂᒃ.

ᐲᑦᑐᕉᓯ ᐂᑉᐸᖏᑦ 2:18

ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.