ᔪᐊᓇᓯ ᓯᕗᓪᓖᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᕿᑐᕐᖔᐱᒃᑲ, ᑎᑎᕋᕐᕕᒋᕙᑦᓯ, ᐊᔪᕐᓂᓯ ᐃᓱᒪᒋᔪᓐᓁᕐᑕᐅᓯᒪᖕᒪᑕ ᙭ᔅᑑᓯ ᐱᑦᔪᑎᒋᓪᓗᒍ.

ᔪᐊᓇᓯ ᓯᕗᓪᓖᑦ 2:12 Iomraidhean Croise

ᐃᓐᖏᕈᑎᑦ 106:8

ᓱᓕᓕ ᐱᐅᓕᓚᐅᕐᐰᑦ ᐊᑎᓂ ᐱᑦᔪᑎᒋᓪᓗᒍ, ᐱᔪᓐᓇᕐᓂᕐᔪᐊᓂ ᖃᐅᔨᔭᐅᑎᑦᓱᒪᓪᓗᒍ.

ᐃᓐᖏᕈᑎᑦ 25:11

ᐊᑏᑦ ᐱᓪᓗᒍ, ᐊᑕᓃᖅ, ᐃᓱᒪᒋᔪᓐᓁᕐᕕᒋᓐᖓ ᑕᒻᒪᕐᓂᓐᓂᒃ, ᐅᓄᕐᑐᐊᓘᒐᓗᐊᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᓘᑲᓯᐅᑉ ᐊᒡᓚᖏᑦ 5:20

ᖃᐅᔨᒐᒥ ᑖᒃᑯᐊ ᐅᒃᐱᕐᓂᖃᕐᒪᑕ, ᐊᖑᑦ ᓇᓚᔪᖅ ᐅᖃᐅᑎᕚ, “ᐃᓚᓐᓈᒃ, ᐱᐅᖏᑦᑐᓕᓂᑎᑦ ᐃᓱᒪᒋᔭᐅᔪᓐᓁᕐᐳᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:43

ᓇᓚᐅᑦᑍᔪᑦ ᑕᒪᕐᒥᒃ ᑖᑦᓱᒥᖓ ᓇᓗᓁᕐᓯᕗᑦ, ᐅᖃᕐᓗᑎᒃ ᑖᑦᓱᒧᖓ ᐅᒃᐱᕐᑐᑦ ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᐅᓂᕐᒥᒃ ᐱᑎᑕᐅᕗᑦ, ᑖᑦᓱᒪ ᐊᑎᖓᒍᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:38

ᑍᒤᒻᒪᑦ ᐃᓅᖃᑎᒃᑲ ᖃᐅᔨᒪᓕᕆᑦᓯ, ᐃᓄᒃᑯᑦ ᑖᑦᓱᒨᓇ ᐊᔪᕐᓂᕐᓂᑦ ᐃᓱᒪᒋᔪᓐᓁᕕᐅᔪᒃᓇᕐᓂᕐᒥᒃ ᐅᖃᕐᕕᐅᕗᓯ,

ᐋᐴᓯᑕᓖᑦ ᐱᓂᐊᕐᓂᖏᑦ 4:12

“ᐊᓯᐊᓂᒃ ᐱᐅᓕᔨᒃᓴᖃᓐᖏᓚᖅ, ᐊᑎᕐᑕᖃᓐᖏᓚᕐᓗ ᓄᓇᕐᔪᐊᓕᒫᒥ ᐃᓄᖕᓄᑦ ᑐᓂᔭᐅᓯᒪᔪᒥᒃ ᐱᐅᓕᔭᐅᑦᔪᑎᒃᓴᑦᑎᓐᓂᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᐃᐱᓯᒥᐅᓄᑦ 4:32

ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.

ᑯᓘᓯᐊᒥᐅᓄᑦ 1:14

ᑖᑦᓱᒨᓇ ᐱᐅᓕᔭᐅᒐᑦᑕ, ᑕᕝᕙ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᓂᕐᒥᑦ.

ᔪᐊᓇᓯ ᓯᕗᓪᓖᑦ 1:4

ᑕᒪᑐᒥᖓᓗ ᑎᑎᕋᕈᑎᖃᕐᐳᒍᑦ ᖁᕕᐊᓱᖕᓂᖅ ᐃᓗᑦᑎᓐᓃᑦᑐᖅ ᓈᒻᒪᒃᓯᑦᓯᐊᖁᓪᓗᒍ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 1:9

ᐊᔪᕐᓂᕗᓪᓕ ᖃᕿᐊᓕᐅᑎᒋᒍᑦᑎᒍᑦ, ᑖᓐᓇ ᓱᖁᓯᔪᐃᑦᑑᒐᒥ ᐊᑦᔨᒌᑎᑦᓯᒐᒥᓗ, ᐊᔪᕐᓂᕗᑦ ᐃᓱᒪᒋᔪᓐᓁᕐᓂᐊᕐᐰᑦ ᓴᓗᒻᒪᕐᓗᑕᓗ ᐃᖢᐃᑦᑐᓕᒫᑦᓯᐊᓂᑦ.

ᔪᐊᓇᓯ ᓯᕗᓪᓖᑦ 2:1

ᕿᑐᕐᖔᑯᓗᒃᑲ, ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᐊᔪᕐᑐᓕᖁᓇᓯ; ᐊᔪᕐᑐᓕᔪᖃᕐᐸᓪᓕ, ᑐᒃᓯᐅᑦᔨᔨᖃᕐᐳᒍᑦ ᐊᑖᑕᒥ, ᑕᕝᕙ ᔩᓱᓯ ᙭ᔅᑑᓯᒥᒃ ᐱᐅᔪᑐᐊᖑᔪᒥᒃ;

ᔪᐊᓇᓯ ᓯᕗᓪᓖᑦ 2:21

ᑍᒤᒻᒪᑦ ᑎᑎᕋᕐᕕᒋᕙᑦᓯ, ᓱᓕᓂᕐᒥᒃ ᖃᐅᔨᒪᖏᓐᓂᓯ ᐱᑦᔪᑎᒋᓇᒍ, ᖃᐅᔨᒪᒐᑦᓯᐅᒡᓕ, ᖃᐅᔨᒪᓪᓗᓯᓗ ᓱᓕᓐᖏᑦᑐᖅ ᓱᓕᓂᕐᒥᑦ ᐱᓯᒪᖏᒻᒪᑦ.

ᔪᐊᓇᓯ ᓯᕗᓪᓖᑦ 2:7

ᓇᒡᓕᒋᔭᒃᑲ, ᐱᖁᔭᖅ ᐃᓕᑦᓯᓐᓄᑦ ᑎᑎᕋᐅᓯᕆᔭᕋ ᓄᑖᖑᓐᖏᓚᖅ, ᐱᖁᔭᑐᖃᐅᕗᖅ ᐱᒋᐊᕐᓂᖓᓂᑦ ᐱᓯᒪᔭᓯ; ᐱᖁᔭᖅ ᑐᓴᕐᓯᒪᔭᑐᖃᕆᔭᓯ.