ᔪᐊᓇᓯ ᓯᕗᓪᓖᑦ 1:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 1:7 Iomraidhean Croise

ᐃᓐᖏᕈᑎᑦ 104:2

ᐃᓕᖕᓂᒃ ᐅᓕᒃᓯᒪᕗᑎᑦ ᖃᐅᒪᔪᒥᒃ ᐊᓐᓄᕌᕆᓪᓗᒍ, ᕿᓚᒃ ᐃᓯᕕᑉᐸᑦ ᑐᐱᕐᑎᑐᑦ ᑖᓗᑕᕐᑎᑐᓪᓗ.

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐃᓐᖏᕈᑎᑦ 56:13

ᑕᕐᓂᕋ ᓴᐳᑎᓯᒪᒐᕕᐅᒃ ᑐᖁᒥᑦ, ᐄᓛᒃ, ᐃᑎᒐᒃᑲ ᐅᕐᕈᑦᔧᕐᓯᒪᑎᑉᐸᑎᑦ ᒎᑎᐅᑉ ᓵᖓᓂ ᐱᓱᒍᓐᓇᖁᓪᓗᖓ ᐃᓅᓯᐅᑉ ᖃᐅᒪᓂᖓᓂ.

ᐃᓐᖏᕈᑎᑦ 89:15

ᖁᕕᐊᓱᒍᑎᒃᓴᖃᕐᐳᑦ ᐃᓄᐃᑦ ᖁᕕᐊᓱᖕᓂᕐᒧᑦ ᕾᒐᓛᕐᓂᕐᒥᒃ ᖃᐅᔨᒪᔪᑦ, ᐊᑕᓃᖅ, ᑖᒃᑯᐊ ᐃᓅᓂᐊᕐᐳᑦ ᑮᓇᕕᑦ ᖃᐅᒪᓂᖓᒍᑦ.

ᐃᓐᖏᕈᑎᑦ 97:11

ᖃᐅᒪᔪᖅ ᐃᓱᐊᕐᑐᓕᔪᓄᑦ ᖃᐅᒻᒤᕗᖅ, ᐆᒻᒪᑎᒥᒍᓪᓗ ᓈᒻᒪᒃᑐᒥᒃ ᐱᓇᓱᐊᕐᑐᑦ ᖁᕕᐊᓱᒃᑎᑕᐅᕗᑦ.

ᐂᓮᐊᓯᐅᑉ ᐊᒡᓚᖏᑦ 2:5

ᐃᓕᑦᓯ ᔧᑰᑉ ᑭᖑᕚᖏᑦ, ᕾᓗᓯ, ᐱᓱᓚᐅᕐᑕ ᐊᑕᓂᐅᑉ ᖃᐅᒪᑎᑕᖓᒍᑦ!

ᐂᓮᐊᓯᐅᑉ ᐊᒡᓚᖏᑦ 33:24

ᑕᕝᕙᓂᒥᐅᑦ ᓇᓪᓕᐊᑦ ᐅᖃᕈᒫᓐᖏᓚᖅ, “ᐋᓐᓂᐊᒐᒪ,” ᐃᓄᐃᓪᓗ ᑕᕝᕙᓃᑦᑐᑦ ᐊᔪᕐᑐᓕᓂᖏᑦ ᐃᓱᒪᒋᔪᓐᓁᕐᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 6:7

ᖃᓂᕋᓗ ᐊᐅᒪᒧᑦ ᐊᒃᑐᕐᓗᒍ ᐅᖃᕐᐳᖅ, “ᑕᑯᒋᑦ, ᐆᒪ ᖃᓃᑦ ᐊᒃᑐᕐᒪᒍ; ᐊᔪᕐᑐᓕᓂᑎᑦ ᐲᕐᑕᐅᕗᑦ, ᐊᔪᕐᓂᑎᓪᓗ ᐃᓱᒪᒋᔪᓐᓁᕐᑕᐅᕗᑦ.”

ᐂᒨᓯᐅᑉ ᐊᒡᓚᖏᑦ 3:3

“ᒪᕐᕉᒃ ᐃᖏᕐᕋᖃᑎᒌᒃᐸᓐᖏᓛᒃ ᐊᖏᖃᑎᒌᒃᓯᒪᒍᑎᒃ ᑭᓯᐊᓃ?

ᓴᑲᕅᐊᐅᑉ ᐊᒡᓚᖏᑦ 13:1

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.

ᒫᑎᐅᓯᐅᑉ ᐊᒡᓚᖏᑦ 6:12

ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ, ᑍᒫᒃᑕᐅᖅ ᐃᓅᖃᑎᑦᑕ ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕋᑦᑎᒍ.

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 12:35

ᔩᓱᓯᐅᑉ ᐅᖃᐅᑎᕔᑦ, “ᖃᐅᒪᔫᑉ ᓱᓕ ᓯᕕᑭᑦᑐᒥᒃ ᓇᔪᕐᓂᐊᕐᐹᓯ. ᑲᔪᓯᑦᓯᐊᕆᑦᓯ ᐱᓇᓱᐊᕐᑕᑦᓯᓐᓂᒃ ᓇᔪᕐᑎᖃᕐᓂᑦᓯᓐᓂ ᖃᐅᒪᔪᒥᒃ, ᑖᕐᑐᕐᔪᐊᕐᒧᑦ ᑎᑭᑕᐅᖁᓇᓯ; ᑖᕐᑐᒥ ᐱᓇᓱᐊᕐᑐᖅ ᖃᐅᔨᒪᖏᒻᒪᑦ ᓇᒧᓐᖓᐅᖕᒪᖔᕐᒥ.

ᔪᐊᓇᓯᐅᑉ ᐊᒡᓚᖏᑦ 5:4

ᐊᑕᓂᐅᑉ ᐂᖏᓖᖓ ᑕᓯᕐᒧᐊᕐᐸᖕᒪᑦ ᐃᒪᖓᓂᒃ ᐊᐅᓚᑎᑦᓯᔭᕐᑐᕐᓗᓂ. ᓇᓪᓕᐊᓪᓗ ᓯᕗᓪᓕᕐᐸᐅᓪᓗᓂ ᐃᒫᓄᐊᕐᑐᖅ ᐊᐅᓚᑎᑕᐅᕋᑖᕐᑎᓪᓗᒍ ᐋᖅᑭᒃᑕᐅᕙᓚᐅᕐᐳᑦ ᖃᓄᐃᑦᑐᑐᐃᓐᓇᕐᒥᒃ ᖃᓂᒻᒪᓯᖃᕋᓗᐊᕐᐸᑦ.]

ᕉᒪᒥᐅᓄᑦ 13:12

ᐅᓐᓄᐊᖅ ᐊᓂᒍᕐᒪᑦ, ᐅᓪᓘᓕᕐᓗᓂ. ᑍᒤᒻᒪᑦ ᑖᕐᑑᑉ ᐱᓂᐊᕐᓂᖏᑦ ᕿᒪᒡᓚᕗᑦ, ᖃᐅᒪᔫᑉ ᓴᐴᓗᑕᖏᓐᓂᒃ ᐊᑎᓯᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᐃᐱᓯᒥᐅᓄᑦ 5:8

ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,

ᑎᒧᑎᒧᑦ ᓯᕗᓪᓖᑦ 6:16

ᑖᓐᓇ ᑭᓯᒥ ᑐᖁᓱᐃᑦᑑᔪᖅ ᖃᐅᒪᔪᒦᑦᑐᖅ ᑭᓇᑐᐃᓐᓇᕐᒧᑦ ᑎᑭᑕᐅᔪᓐᓇᖏᑦᑐᒥᒃ, ᑭᓇᒧᓪᓘᓐᓃᑦ ᑕᑯᔭᐅᓚᐅᕐᓯᒪᖏᑦᑐᖅ ᑕᑯᔭᐅᔪᓐᓇᖏᑦᑐᕐᓗ. ᑖᓐᓇ ᐅᐱᒋᔭᐅᓕ ᐃᓂᖃᕐᓗᓂᓗ ᐃᓱᖃᖏᑦᑐᒥ. ᐋᒥᓐ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᐲᑦᑐᕉᓯ ᓯᕗᓪᓖᑦ 1:19

᙭ᔅᑑᓯᐅᑉ ᐊᐅᖓᑕ ᐊᑭᑐᔪᕐᔪᐊᑉ ᑐᓂᕐᕈᑕᐅᓂᖓᒍᑦ, ᓰᐱᐅᑉ ᓄᕐᕋᖓᑐᑦ ᐱᐅᖏᓐᓂᖃᖏᑦᑐᑐᑦ ᓇᕐᕈᓇᕐᓂᖃᖏᑐᑐᓪᓗ.

ᔪᐊᓇᓯ ᓯᕗᓪᓖᑦ 1:3

ᑕᑯᓯᒪᔭᕗᑦ ᑐᓴᕐᓯᒪᔭᕗᓪᓗ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᐃᓕᑦᓯᑦᑕᐅᖅ ᐅᕙᑦᑎᓐᓄᑦ ᐃᓚᒌᒍᑎᖃᖁᓪᓗᓯ; ᐊᑖᑕᒧᑦ ᐃᕐᓂᖓᓄᓪᓗ ᔩᓱᓯ ᙭ᔅᑑᓯᒧᑦ ᐃᓚᒌᒍᑎᖃᓕᖁᓪᓗᑕ.

ᔪᐊᓇᓯ ᓯᕗᓪᓖᑦ 1:5

ᑕᒪᑦᔭ ᐅᖃᐅᓯᖅ ᑖᑦᓱᒪᓐᖓᑦ ᑐᓴᕐᓯᒪᔭᕗᑦ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᒎᑎ ᖃᐅᒪᔫᖕᒪᑦ ᑖᑦᓱᒪᓂᓗ ᑖᕐᑐᖃᓐᖏᓚᖅ.

ᔪᐊᓇᓯ ᓯᕗᓪᓖᑦ 5:6

ᔩᓱᓯ ᙭ᔅᑑᓯ ᑖᓐᓇᐅᕗᖅ ᑎᑭᓚᐅᕐᑐᖅ ᐃᒪᒃᑯᑦ ᐊᐅᒃᑯᓪᓗ, ᐃᒪᒃᑯᑐᐃᓐᓇᐅᓐᖏᑦᑐᕐᓕ ᑕᒤᑎᒍᓪᓕ ᐃᒪᒃᑯᑦ ᐊᐅᒃᑯᓪᓗ. ᐊᓂᕐᓂᕐᓗ ᓇᓗᓁᕐᓯᕗᖅ, ᐊᓂᕐᓂᖅ ᑖᓐᓇ ᓱᓕᔫᖕᒪᑦ.

ᔪᐊᓇᓯ ᓯᕗᓪᓖᑦ 5:8

ᐊᓂᕐᓂᖅ, ᐃᒥᖅ, ᐊᐅᒡᓗ; ᐱᖓᓱᓪᓗ ᑖᒃᑯᐊ ᐊᖏᖃᑎᒌᒃᐳᑦ.

ᔪᐊᓇᓯᐅᑉ ᐂᑉᐸᖏᑦ 1:4

ᖁᕕᐊᓱᒃᑎᑕᐅᕗᖓ ᐊᖏᔪᒥᒃ ᕿᑐᕐᖓᕕᑦ ᐃᓚᖏᓐᓂᒃ ᖃᐅᔨᓚᐅᕋᒪ ᓱᓕᔪᒥ ᐃᓅᖕᒪᑕ, ᐊᑖᑕᐅᑉ ᑍᒫᒃ ᐱᖁᓯᒪᖕᒫᑎᒍᑦ.

ᔪᐊᓇᓯᐅᑉ ᐱᖓᔪᖏᑦ 1:4

ᐊᖏᔪᒻᒪᕆᐊᓗᖕᒥᒃ ᖁᕕᐊᓱᒃᑎᑕᐅᓚᐅᕐᐳᖓ ᑐᓴᕐᑎᑕᐅᒐᒪ ᕿᑐᕐᖓᒃᑲ ᓱᓕᓂᕐᒥ ᐃᓅᖕᒪᑕᒎᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:11

ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.