ᑯᕆᓐᑎᐊᒥᐅᓄᑦ ᓯᕗᓪᓖᑦ 9:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᓄᖕᒧᑦ ᑭᓇᒧᓪᓘᓐᓃᑦ ᓂᐅᕕᐊᕆᔭᐅᓯᒪᓗᖓ ᐱᒋᔭᐅᓐᖏᓚᖓ, ᐅᕙᓐᓂᒡᓕ ᑕᒤᓐᓄᑦ ᐱᒋᔭᐅᑎᑉᐳᖓ, ᐃᓄᐃᑦ ᐅᓄᕐᓂᕐᓮᑦ ᐱᐅᓕᔭᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:19 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:30

ᐃᓱᐊᕐᑐᖅ ᐸᐅᕐᖓᖃᕐᐳᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᐱᖁᔭᖃᖏᑦᑐᕐᓕ ᐃᓅᓯᕐᒥᒃ ᐃᓱᓕᑎᑦᓯᕗᖅ.

ᒫᑎᐅᓯᐅᑉ ᐊᒡᓚᖏᑦ 18:15

“ᐅᒃᐱᕐᑑᖃᑎᕕᓪᓕ ᐊᔪᕐᑐᓕᕕᒋᒃᐸᑎᑦ, ᐅᐸᒍᒃ ᑕᒻᒪᕐᓂᖓᓂᒃ ᐅᖃᐅᑎᓗᒍ, ᐃᓄᑑᖃᑎᒋᓗᒍ ᐅᖃᖃᑎᒋᒍᒃ. ᑕᕝᕙ ᑖᑦᓱᒪ ᓈᓚᒃᑯᓂᑎᑦ, ᑕᕝᕙ ᐅᒃᐱᕐᑑᖃᑏᑦ ᐅᑎᕐᑎᓐᓂᐊᕐᐸᑦ.

ᕉᒪᒥᐅᓄᑦ 1:14

ᐱᓇᓱᐊᒐᒃᓴᖃᕋᒪ ᑕᒤᓐᓄᑦ ᒍᕇᑭᓄᑦ, ᐱᖁᔭᓂᒃ ᒪᓕᒐᖃᕐᑐᓄᓪᓗ, ᓯᓚᑐᔪᓄᑦ ᓯᓔᑦᑐᓄᓪᓗ.

ᕉᒪᒥᐅᓄᑦ 11:14

ᔫᑎᐅᖃᑎᒃᑲ ᑐᓱᓵᕐᓗᒋᑦ ᐱᔭᐅᖏᓐᓂᕐᓕᐅᓕᖁᓪᓗᒋᑦ, ᓇᓪᓕᐊᑦ ᐱᐅᓕᔭᐅᔪᓐᓇᓯᖁᓪᓗᒍ.

ᕉᒪᒥᐅᓄᑦ 15:2

ᐃᓘᓐᓇᑕᓕ ᐊᑐᓂᑦ ᐃᓅᖃᑎᑦᑎᓐᓂᒃ ᐃᓱᒪᖃᓕᕐᑕ ᐱᕙᓪᓕᐅᑎᒃᓴᖏᓐᓄᑦ, ᐱᕈᕐᐹᓪᓕᕐᑎᑦᓯᖁᓪᓗᑕ ᐅᒃᐱᕐᓂᕐᒥ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:29

ᑖᓐᓇ ᐅᐸᒃᓯᒪᔧᑦ ᐃᓱᒫᓗᖁᓇᒍ, ᐃᕝᕕᐅᖏᑦᑐᖅ. ᓱᖕᒪᓪᓕ ᐃᓱᒪᕐᓱᕐᓂᕋ ᐊᐅᓚᑕᐅᔪᒃᓴᐅᕚ ᐊᓯᓐᓄᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:33

ᐅᕙᖓᑦᑕᐅᖅ ᖁᕕᐊᒋᔭᐅᓇᓱᐊᕋᒪ ᐱᓂᐊᕐᓂᒃᑯᑦ ᑕᒤᑎᒍᑦ, ᐅᕙᖓ ᐱᕙᓪᓕᕈᑎᒃᓴᓐᓄᑑᖏᑦᑐᑦ ᐊᓯᒪᓕ ᐱᕙᓪᓕᕈᑎᒃᓴᖏᓐᓄᑦ, ᐊᒥᓱᑦ ᐱᐅᓕᔭᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:16

ᓄᓕᐊᕆᔭᐅᔪᑎᑦ ᖃᐅᔨᒪᕖᑦ ᐅᐃᑦ ᐱᐅᓕᔪᓐᓇᕐᒪᖔᕐᐱᐅᒃ? ᐅᕝᕙᓗ ᐅᐃᒋᔭᐅᔪᑎᑦ ᖃᐅᔨᒪᕖᑦ ᓄᓕᐊᑦ ᐱᐅᓕᔪᓐᓇᕐᒪᖔᕐᐱᐅᒃ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:1

ᕿᓚᕈᑦᔮᕐᑕᐅᓯᒪᓐᖏᓚᖔ? ᐋᐴᓯᑕᓕᐅᓐᖏᓚᖔ? ᐊᑕᓂᖅ ᔩᓱᓯ ᑕᑯᓚᐅᓐᖏᓚᕌ? ᐊᑕᓂᕐᒥ ᐱᓇᓱᐊᕐᓯᒪᓂᓐᓄᑦ ᐅᒃᐱᕐᑑᓐᖏᓚᓰ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:14

ᑕᕝᕙ ᐱᖓᔪᐊᓐᓂᒃ ᐃᓕᑦᓯᓐᓄᑦ ᑎᑭᑐᐃᓐᓇᕆᐊᖃᓕᕐᐳᖓ. ᐃᓕᑦᓯᓐᓂᓪᓗ ᓱᓇᒥᒃ ᐱᔪᒪᔭᖃᕐᓂᐊᓐᖏᓚᖓ, ᐃᓕᑦᓯᓐᓂᒃ ᑭᓯᐊᓂ ᐱᔪᒪᕗᖓ ᑮᓇᐅᔭᑦᓯᓐᓂᐅᖏᑦᑐᖅ; ᓱᕈᓰᑦ ᐊᖓᔪᖅᑳᒥᖕᓂᒃ ᐱᒃᓴᖃᕐᑎᑦᓯᔭᕆᐊᖃᖏᒻᒪᑕ, ᐊᖓᔪᖅᑳᖑᔪᓪᓕ ᐱᒃᓴᖃᕐᑎᑦᓯᔪᒃᓴᐅᕗᑦ ᕿᑐᕐᖓᒥᖕᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:15

ᑕᒪᓐᓇ ᑍᒤᑉᐳᖅ ᐱᑦᔪᑎᒋᓪᓗᓯ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓄᖕᓄᑦ ᐅᓄᕐᑐᓄᑦ ᑎᑭᐸᓪᓕᐊᖏᓐᓇᖁᓪᓗᒍ, ᖁᔭᓕᕙᓪᓕᐊᖏᓐᓇᖁᓪᓗᒋᑦ, ᒎᑎᐅᑉ ᓂᕐᑐᕐᓇᐅᑎᒃᓴᖓᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:5

ᓇᖕᒥᓂᖅ ᐅᕙᑦᑎᓐᓂᒃ ᐊᔪᕆᕐᑐᐃᑦᔪᑎᒋᖏᓐᓇᑦᑕ, ᔩᓱᓯᐅᓪᓕ ᙭ᔅᑑᓯᐅᑉ ᐊᑕᓂᐅᓂᖓ ᐊᔪᕆᕐᑐᐃᑦᔪᑎᒋᕙᕗᑦ, ᐅᕙᑦᑎᓐᓂᒡᓗ ᐱᔨᐅᑎᓪᓗᑕ ᐃᓕᑦᓯᓐᓄᑦ ᔩᓱᓯ ᐱᑦᔪᑎᒋᓪᓗᒍ.

ᒐᓔᑎᐊᒥᐅᓄᑦ 5:1

ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓯᒪᕗᒍᑦ ᙭ᔅᑑᓯᐅᑉ ᕿᓚᕈᑦᔮᓚᐅᕐᒪᑎᒍᑦ; ᑍᒤᒻᒪᑦ ᓂᑯᕕᖓᑦᓯᐊᕐᓗᓯ ᐃᓅᓕᕆᑦᓯ, ᐃᓕᑦᓯᓐᓂᒡᓗ ᓯᐊᓛᕆᔭᐅᓂᕐᒧᑦ ᑐᓂᒃᑲᓐᓂᕐᑍᓕᓕᕆᑦᓯ.

ᒐᓔᑎᐊᒥᐅᓄᑦ 5:13

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.

ᑎᒧᑎᒧᑦ ᓯᕗᓪᓖᑦ 4:16

ᐃᓕᖕᓂᒃ ᐊᔪᕆᕐᓱᖃᓯᐅᔨᓴᑦᓯᐊᕆᑦ ᐊᔪᕆᕐᑐᐃᓂᕐᓂᒡᓗ. ᑕᒪᒃᑯᐊ ᐊᓯᐊᓄᐊᕐᑍᓕᒋᑦ, ᑍᒤᒃᑯᕕᑦ ᐃᓕᖕᓂᒃ ᐱᐅᓕᓂᐊᕐᐳᑎᑦ ᐊᔪᕆᕐᑐᕐᑕᕐᓂᒡᓗ.

ᑎᒧᑎᒧᑦ ᐂᑉᐸᖏᑦ 2:10

ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ.

ᐲᑦᑐᕉᓯ ᓯᕗᓪᓖᑦ 3:1

ᑍᒫᒃᑕᐅᖅ ᐊᕐᓇᐅᔪᓯ, ᐅᐃᑦᓯᓐᓄᑦ ᑐᓂᓯᒪᑦᓯᐊᕆᑦᓯ, ᐃᓚᖏᑦ ᒎᑎᐅᑉ ᐅᖃᐅᓯᖏᓐᓂᒃ ᐅᒃᐱᖏᑦᑐᑦ, ᐅᒃᐱᓕᖁᓪᓗᒋᑦ ᐅᐃᓖᑦ ᐃᓕᖅᑯᓯᖏᑦ ᐱᑦᔪᑎᒋᓗᒋᑦ ᐅᖃᓪᓚᖕᓂᒃᑯᑐᐃᓐᓇᐅᖏᑦᑐᖅ,