ᑯᕆᓐᑎᐊᒥᐅᓄᑦ ᓯᕗᓪᓖᑦ 9:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᖃᑦᑕᕐᓂᕋ, ᐅᕙᓐᓂᒃ ᓂᕐᑐᕈᑎᒋᔪᒪᖏᓐᓇᒃᑯ, ᐊᔪᕆᕐᑐᐃᔭᕐᑐᖁᔭᐅᓯᒪᒐᒪ ᑲᑉᐱᐊᓇᕐᑐᐊᓘᒐᔭᕐᐳᖅ ᐅᕙᓐᓄᑦ ᐊᔪᕆᕐᑐᐃᖏᒃᑯᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ!

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:16 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᔨᕆᒤᐊᐅᑉ ᐊᒡᓚᖏᑦ 1:17

ᔨᕆᒤᐋ ᐅᐸᓗᖕᒊᔭᓕᕆᑦ, ᐂᓗᑎᓪᓗ ᐅᖃᐅᑎᔭᕐᑐᓕᒃᑭᑦ ᑕᒤᓐᓂᒃ ᐅᖃᐅᓯᕆᔭᐅᖁᔭᓐᓂᒃ. ᓯᕘᕋᒋᑦᑍᓕᒃᑭᑦ, ᓯᕘᕋᒍᕕᓪᓕ ᓯᕘᕋᑎᓐᓂᕐᓴᐅᔪᓐᓇᕐᐸᒋᑦ ᐱᖃᑎᒋᓕᕈᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 20:7

ᐊᑕᓃᖅ ᐅᐃᕕᕐᕆᒐᕕᖓ ᐅᐃᕕᕐᕆᔭᐅᓯᒪᕗᖓ; ᐱᔪᓐᓇᕐᓂᕐᓴᐅᒐᕕᑦ ᓵᓚᒋᕙᕐᒪ, ᐅᓪᓗᓕᒫᖅ ᐱᓐᖑᐊᕆᔭᐅᕗᖓ, ᒥᑕᐅᑎᒋᔭᐅᓪᓗᖓᓗ.

ᔨᕆᒤᐊᐅᑉ ᐊᒡᓚᖏᑦ 20:9

ᐅᖃᕋᓗᐊᕋᒪ, “ᐊᑕᓂᖅ ᐅᖃᐅᑎᒋᓂᐊᕈᓐᓃᕐᐸᕋ ᐅᕝᕙᓘᓐᓃᑦ ᐅᖃᕐᑕᐅᖁᔭᖏᓐᓂᒃ ᐅᖃᕐᐸᖕᓂᐊᕈᓐᓃᕐᐳᖓ,” ᑕᕝᕙ ᐃᓗᓐᓂ ᐃᑯᐊᓚᔪᑎᑐᑦ ᑍᒤᑦᑐᖃᓕᕐᐳᖅ, ᓄᖅᑲᖓᑎᑕᒃᓴᐅᖏᑦᑐᓂᒃ, ᓄᖅᑲᖓᔭᕆᐊᒃᓴᕐᓗ ᐊᔪᓕᕐᐳᖓ.

ᐂᒨᓯᐅᑉ ᐊᒡᓚᖏᑦ 3:8

“ᓛᔭ ᓂᓪᓕᐊᓗᓂ ᐃᕐᓯᓵᕐᐸᑦ! ᑭᓈ ᓯᕘᕋᒐᔭᓐᖏᓛᖅ? “ᐊᑕᓂᖅ ᒎᑎ ᐅᖃᓚᒃᐸᑦ; ᑭᓇ ᐅᖃᐅᓯᖃᕐᑍᓕᔪᓐᓇᕐᐹ?”

ᐂᒨᓯᐅᑉ ᐊᒡᓚᖏᑦ 7:15

ᐊᑕᓂᐅᑉ ᕾᖁᓚᐅᕐᐹᖓ ᓰᐱᓕᕆᔨᐅᑎᓪᓗᖓ, ᐊᑕᓂᐅᓪᓗ ᐅᖃᐅᑎᕚᖓ, ‘ᐅᖃᓪᓚᒋᐊᕐᑐᕆᑦ ᐃᓄᖁᑎᓐᓄᑦ ᐃᓴᕆᐊᓕᐅᒥᐅᓄᑦ.’

ᒫᑎᐅᓯᐅᑉ ᐊᒡᓚᖏᑦ 25:16

ᐱᔨ ᑮᓇᐅᔭᕐᑖᕐᑎᑕᐅᔪᖅ 5,000ᓂᒃ ᑕᕝᕔᓐᓇᖅ ᐊᑐᕐᑐᐊᕐᑕᐅᑎᑉᐰᑦ; ᑭᖑᓂᖓᒍᓪᓗ ᑮᓇᐅᔭᕐᑖᒃᑲᓐᓂᕐᐳᖅ ᐊᓯᖏᓐᓂᒃ 5,000ᓂᒃ.

ᓘᑲᓯᐅᑉ ᐊᒡᓚᖏᑦ 9:62

ᔩᓱᓯᐅᑉ ᑭᐅᕚ, “ᓇᓪᓕᐊᑦ ᐱᕈᕐᓰᕕᓕᐅᕈᑎᒥᓂᒃ ᑎᒍᓯᔪᖅ ᓴᓇᓯᒋᐊᕐᓗᓂ, ᑭᖑᒧᑦ ᕿᕕᐊᕈᓂ, ᐊᑐᕐᑕᐅᔪᓐᓇᓐᖏᓚᖅ ᒎᑎᐅᑉ ᐊᑕᓂᐅᕕᖓᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:20

ᐅᕙᒍᒡᓕ ᓄᖅᑲᐅᑦᔨᔪᓐᓇᓐᖏᓚᒍᒃ ᓇᖕᒥᓂᖅ ᑕᑯᓚᐅᕐᑕᑦᑎᖕᓂᒃ ᑐᓴᓚᐅᕐᑕᑦᑎᖕᓂᒡᓗ ᐅᖃᐅᓯᖃᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:15

ᐊᑕᓂᐅᑉ ᐅᖃᐅᑎᕚ, “ᐂᓕᕆᑦ, ᑖᓐᓇ ᓂᕈᐊᕋᒃᑯ ᐅᕙᓐᓂᒃ ᐱᔨᑦᓯᖁᓪᓗᒍ, ᐊᑎᕋ ᑐᓴᕐᑕᐅᖁᓪᓗᒍ ᔫᑎᐅᖏᑦᑐᓄᑦ, ᐊᖓᔪᖅᑳᕐᔪᐊᓄᑦ, ᐃᓄᖕᓄᓪᓗ ᐃᓴᕆᐊᓕᒥᐅᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 9:6

ᒪᑭᓪᓗᑎᑦ ᐃᒡᓗᒐᓴᖕᓄᐊᓕᕆᑦ, ᑍᑲᓂ ᐅᖃᐅᑦᔭᐅᓂᐊᕐᐳᑎᑦ ᖃᓄᐃᓕᐅᕆᐊᖃᕐᒪᖔᕐᐱᑦ.”

ᕉᒪᒥᐅᓄᑦ 1:14

ᐱᓇᓱᐊᒐᒃᓴᖃᕋᒪ ᑕᒤᓐᓄᑦ ᒍᕇᑭᓄᑦ, ᐱᖁᔭᓂᒃ ᒪᓕᒐᖃᕐᑐᓄᓪᓗ, ᓯᓚᑐᔪᓄᑦ ᓯᓔᑦᑐᓄᓪᓗ.

ᕉᒪᒥᐅᓄᑦ 15:17

᙭ᔅᑑᓯ ᔩᓱᓯᒥ, ᐱᑦᔪᑎᒃᓴᖃᑦᓯᐊᕐᓗᖓ ᐱᓇᓱᐊᕐᓂᕋ ᒎᑎᒧᑦ ᓂᕐᑐᕐᓇᐅᑎᒋᔪᓐᓇᖁᓪᓗᒍ.

ᕉᒪᒥᐅᓄᑦ 4:2

ᐂᑉᕋᕼᐋᒻᓕ ᐱᓂᐊᑦᓯᐊᕐᓂᕐᒥᓄᑦ ᐸᓯᔭᒃᓴᐅᔪᓐᓃᕐᑎᑕᐅᓚᐅᕈᓂ, ᐃᒻᒥᓂᒃ ᓂᕐᑐᕈᑎᒃᓴᖃᕋᔭᓚᐅᕐᐳᖅ, ᓂᕐᑐᕐᓇᑎᑕᐅᒐᔭᓐᖏᓚᕐᓕ ᒎᑎᐅᑉ ᓵᖓᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:15

ᐊᒡᓛᑦ 10,000ᓂᒃ ᑲᒪᔨᖃᕋᓗᐊᕈᑦᓯ ᙭ᔅᑑᓯᒥ, ᐊᒥᓱᓂᒃ ᐊᑖᑕᖃᖏᓐᓇᑦᓯ. ᐃᓕᑦᓯᓐᓄᑦ ᐊᑖᑕᒋᔭᐅᒐᒪ ᙭ᔅᑑᓯ ᔩᓱᓯᒥ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:12

ᐊᓯᕗᑦ ᐃᓕᑦᓯᓐᓂᑦ ᐃᑲᔪᕐᑕᐅᔪᓐᓇᕐᐸᑕ, ᐅᕙᒍᓪᓕ ᐃᑲᔪᕐᑕᐅᔭᕆᐊᖃᕐᓂᕐᓴᐅᓐᖏᓚᒎᑦ? ᑍᒤᓕᐅᕋᓱᐊᕐᐸᖏᑦᑐᒍᑦ, ᐅᖁᒤᓐᓇᕐᑐᒦᑉᐸᒃᑲᓗᐊᕐᓗᑕ ᐊᒡᕕᐊᕈᑕᐅᔪᒪᓇᑕ ᙭ᔅᑑᓯᐅᑉ ᐅᖃᐅᓯᖏᓐᓄᑦ ᑐᓴᕈᒥᓇᕐᑐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:14

ᑍᒫᑦᓮᓐᓇᕐᑕᐅᖅ, ᐊᑕᓂᖅ ᐱᖁᔨᓯᒪᕗᖅ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᑦᔪᑎᖃᕐᑐᑦ ᐃᓅᑦᔪᑎᒃᓴᖏᓐᓂᒃ ᐊᑭᓕᕐᑕᐅᔪᒃᓴᐅᖕᒪᑕ ᐱᓇᓱᐊᕐᓂᕐᒥᖕᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:12

ᑐᕈᐊᓯᒧᑦ ᑎᑭᓐᓇᒪ ᐊᔪᕆᕐᑐᐃᔭᕐᑐᕐᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᐱᓇᓱᐊᕐᕕᒃᓴᖅ ᐅᕙᓐᓄᑦ ᒪᑐᐃᕐᑕᐅᓚᐅᕐᐳᖅ ᐊᑕᓂᕐᒥ;

ᑯᓘᓯᐊᒥᐅᓄᑦ 4:17

ᐋᑭᐸᓯ ᐅᖃᐅᑎᓯᐅᒃ, “ᐱᔭᕇᑦᓯᐊᕋᓱᖕᓂᐊᕐᐸᑦ ᐱᓇᓱᐊᒐᒃᓴᖅ ᐱᔭᒃᓴᕐᑖᕆᓚᐅᕐᑍᑦ ᐊᑕᓂᕐᒥᑦ.”

ᓴᒧᐃᓕ ᓯᕗᓪᓖᑦ 12:23

ᐅᕙᓐᓂᓪᓕ, ᐅᖓᓯᒡᓕ ᐊᔪᕐᑐᓕᔪᒃᓴᐅᓂᕋ ᐊᑕᓂᕐᒧᑦ ᑐᒃᓯᐅᑦᔨᖃᑦᑕᕈᓐᓃᕋᔭᕈᒪ ᐃᓕᑦᓯᓐᓂᒃ; ᐊᔪᕆᕐᑐᖃᑦᑕᕐᓂᐊᕐᐸᑦᓯ ᐱᐅᔪᒥᒃ ᓈᒻᒪᓈᕐᑐᒥᒡᓗ.