ᑯᕆᓐᑎᐊᒥᐅᓄᑦ ᓯᕗᓪᓖᑦ 7:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᓯᓚᕐᔪᐊᕐᒥᐅᓪᓗ ᐱᒋᔭᖏᓐᓂᒃ ᐱᓇᓱᐊᕈᑎᖃᕐᑐᑦ ᑕᒪᒃᑯᓄᖓ ᐱᓇᓱᐊᖏᑦᑐᑎᑐᑦ ᑍᒤᓕᕐᓕᑦ. ᓯᓚᕐᔪᐊᑉ ᒫᓐᓇ ᐱᐅᓯᖓ ᐊᓂᒍᕐᐸᓪᓕᐊᓕᕐᒪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:31 Iomraidhean Croise

ᐃᓐᖏᕈᑎᑦ 39:6

ᓱᓕᔪᒥᒡᓕ ᐃᓄᓕᒫᑦ ᐱᓱᑲᑕᒃᐳᑦ ᑕᕐᕋᑐᐃᓐᓇᕐᑎᑐᑦ; ᐱᔭᒃᓴᖃᕐᓂᕐᒧᓪᓗ ᓄᖅᑲᔪᐃᑦᑑᕗᑦ ᓱᕙᓕᑭᐊᒧᑦ ᐊᒡᓗᐃᑦᔪᑎᓂᒡᓗ ᑲᑎᕐᓱᐃᕗᑦ, ᖃᐅᔨᒪᓇᑎᒃ ᑭᐊ ᐱᓛᕐᒪᖔᒋᑦ.

ᐃᓐᖏᕈᑎᑦ 73:20

ᓲᕐᓗ ᓯᓐᓇᒃᑑᒪᒥᑦ ᑐᐸᒃᑐᑐᑦ ᑍᒤᑉᐳᑦ, ᑍᒫᒃ ᐊᑕᓃᖅ ᒪᑭᒃᑯᕕᑦ, ᑕᐅᑦᑐᖏᑦ ᐊᓯᐅᔪᒫᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:4

ᑭᖑᕚᕆᑦ ᐊᓂᒍᕐᐸᓪᓕᐊᕗᑦ, ᐊᒻᒪ ᑭᖑᕚᕆᑦ ᐊᓯᖏᑦ ᑭᖑᕝᕕᐅᑎᒋᕗᑦ; ᓄᓇᓕ ᓱᖁᓯᕈᓐᓇᓐᖏᓚᖅ ᐃᓱᖃᖏᑦᑐᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:2

ᐂᑦᑐᕐᑐᐃᓕᕆᑦ ᓂᕆᔭᒃᓴᓂᒃ 7ᓄᑦ, 8ᓄᓪᓘᓐᓃᑦ, ᖃᐅᔨᒪᖏᓐᓇᕕᑦ ᐱᐅᖏᑦᑐᒥᒃ ᓄᓇᒥ ᓱᔪᖃᕐᓂᐊᕐᒪᖔᑦ.

ᓘᑲᓯᐅᑉ ᐊᒡᓚᖏᑦ 21:34

“ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:29

ᐃᓚᒃᑳ, ᐃᒫᒃ ᐅᖃᕋᓱᐊᕐᐳᖓ, ᐱᕕᒃᓴᕗᑦ ᓯᕕᑭᑦᑑᓕᕐᒪᑦ; ᒫᓐᓇᒥᑦ ᐱᒋᐊᕐᓗᒍ, ᐂᑉᐸᖃᕐᑐᑦ ᐂᑉᐸᖃᖏᑦᑐᑎᑐᑦ ᑍᒤᓕᕐᓕᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:30

ᕿᒃᓵᒃᑎᑕᐅᔪᓪᓗ ᕿᒃᓵᖏᑦᑐᑎᑐᑦ ᑍᒤᓕᕐᓕᑦ, ᖁᕕᐊᓱᒃᑐᓪᓗ ᖁᕕᐊᓱᖏᑦᑐᑎᑐᑦ ᑍᒤᓕᕐᓕᑦ, ᓂᐅᕕᕐᑐᓪᓗ ᓂᐅᕕᐊᒥᖕᓂᒃ ᐱᑖᖏᑦᑐᑎᑐᑦ ᑍᒤᓕᕐᓕᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:18

ᓱᓇᒥᒡᓕ ᑍᒪ ᐊᑭᓕᕐᑕᐅᔪᒃᓴᐅᕗᖔ? ᐃᒫ ᑭᓯᐊᓂ: ᐊᔪᕆᕐᑐᐃᓂᒃᑯᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᑭᖃᖏᑦᑐᒥᒃ ᐱᓇᓱᐊᕈᑎᒋᔪᒪᕙᒃᑲ, ᐱᔭᕆᐊᖃᕐᑕᕋᓗᐊᒃᑲᓗ ᑎᒥᒃᑯ ᐱᖏᓪᓗᒋᑦ ᐊᔪᕆᕐᑐᐃᖃᑦᑕᕐᓂᓐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᐄᑉᕈᐃᓄᑦ 12:27

ᐅᓇ ᐅᖃᐅᓯᖅ, “ᓱᓕ ᐊᑕᐅᓯᐊᕐᓗᖓ,” ᓇᓗᓇᖏᑦᑐᒥᒃ ᓴᖅᑭᑎᑦᓯᕗᖅ ᐱᓐᖑᕐᑎᑕᐅᓯᒪᔪᑦ ᐊᐅᓚᑎᑕᐅᓂᐊᕐᒪᑕ ᐲᕐᑕᐅᓗᑎᒡᓗ, ᑖᒃᑯᐊ ᐊᐅᓚᑎᑕᐅᔪᓐᓇᖏᑦᑐᑦ ᑍᒤᓕᖕᒊᓐᓇᓕᖁᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 4:14

ᖃᐅᔨᒪᓐᖏᓚᓯᓕ ᖃᐅᒃᐸᐅᓛᕐᑐᒥᒃ, ᐃᓅᓯᓯ ᖃᓄᐃᑦᑑᓛᕐᒪᖔᑦ? ᐳᔪᕐᑎᑐᑦ ᑍᒤᑉᐳᖅ ᓴᖅᑭᑬᓐᓇᕐᓗᓂ ᑕᕝᕔᓐᓇᕐᓗ ᐊᓯᐅᕗᖅ.

ᐲᑦᑐᕉᓯ ᓯᕗᓪᓖᑦ 1:24

ᐊᒡᓔᑦ ᐅᖃᕐᒪᑕ, “ᐃᓄᓕᒫᑦ ᐃᕕᒃᓱᒐᕐᑎᑐᑦ ᑍᒤᑉᐳᑦ, ᑕᑯᒥᓇᕐᓂᖏᓪᓗ ᓄᓇᕋᕐᑎᑐᑦ ᑍᒤᑦᑑᓪᓗᑎᒃ; ᐃᕕᒃᓱᒃᑲᑦ ᐸᓂᓕᕐᐳᑦ ᐱᕈᕐᑐᓪᓗ ᑐᖁᓕᓪᓗᑎᒃ.

ᐲᑦᑐᕉᓯ ᓯᕗᓪᓖᑦ 4:7

ᓱᓇᓕᒫᑦ ᐃᓱᓕᕝᕕᒃᓴᖓᑦ ᖃᒡᓕᕗᖅ; ᑍᒤᒻᒪᑦ ᖃᐅᔨᒪᓇᓱᑦᓯᐊᕆᐊᖃᓕᕐᐳᓯ ᐃᒻᒥᓂᒃ ᐱᓯᒪᑦᓯᐊᕈᓐᓇᕐᑐᒥᒃ ᐃᓅᓯᑲᕐᓗᓯ ᑐᒃᓯᐊᕈᓐᓇᕐᓂᐊᕋᑦᓯ.

ᔪᐊᓇᓯ ᓯᕗᓪᓖᑦ 2:17

ᓯᓚᕐᔪᐊᖅ ᓄᖑᔪᒫᕐᐳᖅ, ᐃᒃᓯᒎᕐᓃᓪᓗ ᓄᖑᔪᒫᕐᐳᑦ; ᒎᑎᐅᓪᓕ ᐱᔪᒪᔭᖓᓂᒃ ᐊᑐᕐᑐᖅ ᑖᓐᓇ ᐃᓱᖃᖏᑦᑐᒧᑦ ᐃᓅᔪᒫᕐᐳᖅ.