ᑯᕆᓐᑎᐊᒥᐅᓄᑦ ᓯᕗᓪᓖᑦ 6:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᖃᐅᔨᒪᓐᖏᓚᓰ ᐊᑲᐅᖏᑦᑐᓕᔪᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ? ᓯᓔᕐᕆᔭᐅᑦᑍᓕᒋᑦᓯ; ᐊᖑᓐᓂᐊᕐᐸᒃᑐᑦ ᐊᕐᓇᕐᓂᐊᕐᐸᒃᑐᓪᓗ ᒎᑎᐅᖏᑦᑐᓂᒡᓗ ᒎᑎᖃᕐᑐᑦ, ᐂᑉᐸᓖᓪᓗ ᐊᓯᓐᓂᐊᕐᐸᒃᑐᑦ, ᐊᖑᑏᑦ ᐊᕐᓁᓪᓗ ᑍᒤᑦᑑᖃᑎᒥᖕᓅᕐᐸᒃᑐᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:9 Iomraidhean Croise

ᒨᓯᓯ ᓯᕗᓪᓖᑦ 19:5

ᓘᑎᓗ ᐅᖃᐅᑎᕚᑦ ᐅᖃᕐᓗᑎᒃ, “ᓇᐅᒡᓕ ᐊᖑᑎᑦ ᐅᓐᓄᒃ ᐃᒡᓗᖕᓄᐊᖅᑲᐅᔪᑦ? ᑖᒃᑯᐊ ᐅᕙᑦᑎᓐᓄᑦ ᐊᓂᑎᓚᐅᒃᑭᑦ! ᓄᓕᐊᕈᒪᒐᑦᑎᒍ.”

ᒨᓯᓯ ᐂᑉᐸᖏᑦ 23:1

“ᓱᓕᖏᑦᑐᒥᒃ ᐅᖃᐅᓯᖃᕐᓗᓯ ᐃᓅᖃᑎᑦᓯᓐᓄᑦ ᓯᐊᒻᒪᕐᑎᑦᓯᔪᒃᓴᐅᓐᖏᓚᓯ, ᐸᓯᔭᒃᓴᐅᔪᒥᒡᓗ ᐃᑲᔪᕐᑐᕐᑐᒃᓴᐅᓐᖏᓚᓯ, ᓱᓕᖏᑦᑐᒥᒃ ᖃᐅᔨᓯᒪᓂᕋᕐᓂᑦᓯᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:1

ᓴᒡᓗᕿᑦᓯᓪᓗᑎᒃ ᐅᖁᒤᓐᓂᓂᐊᕈᑎᑎᒍᑦ ᐊᑭᓕᕐᑐᐃᔪᑦ ᐊᑕᓂᐅᑉ ᓇᕐᕈᒋᕔᑦ, ᓱᓕᓪᓗᑎᒡᓕ ᐅᖁᒤᓐᓂᕐᓯᐅᑎᓂᒃ ᐊᑐᕐᑐᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:8

ᐊᑦᔨᒌᒃᑎᑦᓯᖏᓐᓂᕐᒥᒃ ᑲᓐᖓᕐᓱᐃᔪᖅ ᕿᒃᓵᖕᓇᕐᑐᒥᒃ ᑲᑎᕐᓱᐃᓂᐊᕐᐳᖅ, ᓂᓐᖓᐅᒪᓂᖓᑕᓗ ᑲᑉᐱᐊᓇᕐᓂᖓ ᓵᓚᖃᕐᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:27

ᐊᕐᓇᐅᑉ ᑍᒤᑦᑑᑉ ᐃᒡᓗᖓ ᐃᓗᕕᕐᑕᐅᕕᖕᒧᑦ ᑐᕌᕐᐳᖅ, ᑐᖁᖓᔪᓪᓗ ᐃᓂᖓᓄᐊᕐᓂᕐᒧᑦ ᑐᕅᓐᓇᕈᑕᐅᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᐃᓯᑭᐊᓕᐅᑉ ᐊᒡᓚᖏᑦ 18:11

ᐊᑖᑕᖓᑕ ᐊᑐᓚᐅᕐᓯᒪᓐᖏᑕᖏᓐᓂᒃ, ᓂᕆᕙᒡᓗᓂᓗ ᐆᒪᔪᓂᒃ ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᒃ, ᐃᓅᖃᑎᒥᓗ ᓄᓕᐊᖓᓂᒃ ᑲᒪᖃᑦᑕᕐᓗᓂ,

ᒨᓯᓯ ᐱᖓᔪᖏᑦ 18:20

ᐃᓅᖃᑎᕕᑦ ᓄᓕᐊᖓᓂᒃ ᓄᓕᐊᕆᐊᖃᓐᖏᓚᑎᑦ, ᑍᒤᓕᐅᕈᕕᑦ ᐃᓕᖕᓂᒃ ᓇᕐᕈᓇᕐᓯᑎᓐᓇᕕᑦ ᑖᑦᓱᒥᖓᓗ.

ᒨᓯᓯ ᐱᖓᔪᖏᑦ 18:22

ᐊᖑᒻᒥᒃ ᓄᓕᐊᕆᐊᖃᓐᖏᓚᑎᑦ ᐊᕐᓇᒥᒃ ᓄᓕᐊᕐᑐᑎᑐᑦ; ᑕᒪᓐᓇ ᒎᑎᒧᑦ ᐱᐅᖏᑦᑐᐊᓘᖕᒪᑦ.

ᒨᓯᓯ ᐱᖓᔪᖏᑦ 19:15

ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ.

ᒨᓯᓯ ᐱᖓᔪᖏᑦ 20:13

ᐊᖑᑦ ᐃᓐᓇᖓᖃᑎᖃᕐᐸᑦ ᐊᖑᒻᒥᒃ ᐊᕐᓇᑎᑐᑦ ᐱᓗᒍ, ᑖᒃᑯᐊᒃ ᐱᓂᐊᕐᓂᖓᒃ ᐃᑦᔪᕐᓇᕐᑐᐊᓘᕗᖅ, ᑕᒪᕐᒥᒃ ᑖᒃᑯᐊᒃ ᑐᖁᑕᐅᔭᕆᐊᖃᕐᐴᒃ; ᓇᖕᒥᓂᖅ ᑐᖁᑕᐅᑦᔪᑎᒃᓴᓕᐅᕐᒪᑎᒃ.

ᓴᑲᕅᐊᐅᑉ ᐊᒡᓚᖏᑦ 5:3

ᐅᖃᐅᑎᕚᖓᓗ, “ᑖᒃᑯᓇᓂ ᓱᒋᐊᕐᑕᐅᑦᔪᑎᒃᓮᑦ ᑕᒫᓂ ᓄᓇᖃᕐᑐᓕᒫᓄᑦ ᑎᑎᕋᕐᓯᒪᕗᑦ; ᐃᒫᒃ ᑎᑎᖅᑲᑦ ᐃᒡᓗᐊᓂ ᑎᑎᕋᕐᓯᒪᖕᒪᑦ, ᑎᒡᓕᒃᐸᒃᑐᑦ ᓄᓇᒥᑦ ᐊᐅᓪᓚᕐᑎᑕᐅᔪᒫᕐᐳᑦ; ᑎᑎᖅᑲᓪᓗ ᑖᒃᑯᐊ ᑐᓄᐊᓂ ᐃᒤᓕᖓᒋᕗᑦ; ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᑦ ᐊᐅᓪᓚᕐᑎᑕᐅᔪᒫᕆᕗᑦ.

ᒫᑎᐅᓯᐅᑉ ᐊᒡᓚᖏᑦ 19:29

ᑭᒃᑯᓕᒫᑦ ᐃᒡᓗᒥᖕᓂᒃ ᕿᒤᓯᒪᔪᑦ ᖃᑕᓐᖑᑎᒥᖕᓂᒡᓘᓐᓃᑦ ᓇᔭᒥᖕᓂᒡᓘᓐᓃᑦ ᐊᑖᑕᒥᖕᓂᒡᓘᓐᓃᑦ ᐊᓈᓇᒥᖕᓂᒡᓘᓐᓃᑦ ᕿᑐᕐᖓᒥᖕᓂᒡᓘᓐᓃᑦ ᓄᓇᒥᖕᓂᒡᓘᓐᓃᑦ, ᐅᕙᖓ ᐱᑦᔪᑎᒋᓗᖓ, ᑖᒃᑯᐊ ᐱᑎᑕᐅᒃᑲᓐᓂᕈᒫᕐᐳᑦ 100ᐃᕐᑐᓪᓗᐊᕐᑐᓂᒃ, ᑐᓂᓯᕕᐅᓗᑎᒡᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᓘᑲᓯᐅᑉ ᐊᒡᓚᖏᑦ 21:8

ᔩᓱᓯ ᐅᖃᕐᐳᖅ, “ᖃᐅᔨᓴᕆᑦᓯ ᓯᓔᕐᕆᔭᐅᖁᓇᓯ; ᐊᒥᓱᑦ ᑎᑭᑦᓱᒫᕐᒪᑕ ᐅᕙᓐᓄᑦ ᐱᔨᐅᓂᕋᕐᑐᑦ, ᐅᖃᕐᓗᑎᒃ, ‘ᑖᓐᓇᐅᕗᖓ ᙭ᔅᑑᓯ!’ ᐊᒻᒪᓗ, ‘ᒫᓐᓇ ᐱᕕᒃᓴᖓ ᓇᓪᓕᐅᑎᕗᖅ!’ ᑖᒃᑯᐊ ᒪᓕᖕᓂᐊᕋᓯᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 20:32

“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 24:25

ᐸᐅᓗᓯ ᓇᓗᓇᕈᓐᓁᕐᑎᑦᓯᕗᖅ ᓇᓛᒎᑦᓯᐊᕐᓂᕐᒥᒃ ᓇᖕᒥᓂᕐᓗ ᐱᓯᒪᑦᓯᐊᕈᓐᓇᕐᓂᕐᒥᒃ, ᐃᖅᑲᕐᑐᕐᑕᐅᔪᒫᕐᓂᕐᒥᒃ, ᕖᓕᒃᓯ ᓯᕘᕋᓕᕐᓗᓂ ᐅᖃᕐᐳᖅ, “ᒫᓐᓇ ᐊᓂᑲᓚᐅᕆᑦ; ᐱᕕᒃᓴᑖᑲᓐᓂᕈᑦᑕ ᕾᖁᓛᕆᕙᒋᑦ.”

ᕉᒪᒥᐅᓄᑦ 1:18

ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᓂᖏᓐᓄᑦ ᓱᓕᓂᕐᒥᒃ ᐊᒡᕕᐊᕐᓯᔪᓄᑦ ᐱᐅᖏᑦᑐᓕᐅᕐᓂᕐᒥᖕᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:33

ᑕᒻᒪᕐᑎᑕᐅᓂᐊᕋᓯ: “ᐱᐅᖏᑦᑐᓕᔪᓂᒃ ᐃᓚᖃᖃᑦᑕᕐᓂᖅ ᐃᓕᖅᑯᓯᑦᓯᐊᕙᖕᒥᒃ ᐊᓯᕈᐃᕗᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:50

ᓇᓗᓁᕐᓯᕕᒋᕙᑦᓯ ᐃᓚᒃᑳ, ᑎᒥ ᐊᐅᖃᕐᑐᖅ ᑭᖑᕐᖑᑦᔨᔪᓐᓇᖏᒻᒪᑦ ᒎᑎᐅᑉ ᐊᑕᓂᐅᕕᖓᓂᒃ, ᓱᕈᔭᑦᑐᕐᓗ ᑭᖑᕐᖑᑦᔨᔪᓐᓇᖏᓐᓂᕗᖅ ᓱᕈᕈᓐᓇᖏᑦᑐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:16

ᖃᐅᔨᒪᓐᖏᓚᓰ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᖕᒪᓯ? ᒎᑎᐅᓪᓗ ᐊᓂᕐᓂᕐᖓᑕ ᐃᓂᒋᖕᒪᓯ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1

ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:10

ᐅᖃᐅᓯᖃᓚᐅᓐᖏᓚᖓᓕ ᐅᒃᐱᖏᑦᑐᓂᒃ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᐸᒃᑐᓂᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᔪᓂᒃ, ᑎᒡᓕᑐᔪᓂᒡᓘᓐᓃᑦ, ᒎᑎᓐᖑᐊᓄᓪᓘᓐᓃᑦ ᑐᒃᓯᐊᕐᕕᖃᕐᑐᓂᒃ, ᑕᒪᒃᑯᓂᖓ ᐅᖃᐅᓯᖃᓚᐅᕈᒪ ᓯᓚᕐᔪᐊᕐᒥᒃ ᕿᒤᓪᓚᕆᒃᓗᓯ ᑭᓯᐊᓂᐅᒐᔭᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:11

ᐃᒫᒡᓕ ᐅᖃᕋᓱᐊᓚᐅᕐᐳᖓ ᐃᓚᖃᖁᓇᓯ ᐅᒃᐱᕐᑑᖃᑕᐅᓂᕋᕐᑐᒥᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᐅᔪᒥᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᓲᖑᔪᒥᒃ, ᒎᑎᓐᖑᐊᓄᓪᓗ ᑐᒃᓯᐊᕐᑎᐅᔪᒥᒃ, ᐅᖃᕐᓂᕐᓗᒃᑎᐅᓪᓗᓂ, ᐋᖓᔮᕐᑎᐅᔪᒥᒃ, ᑎᒡᓕᒃᑎᐅᓲᖑᔪᒥᒡᓗ. ᑍᒤᑦᑐᑦ ᐊᒡᓛᑦ ᓂᕆᖃᑎᒋᔭᒃᓴᕆᓐᖏᓚᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10

ᑎᒡᓕᒃᐸᒃᑐᑦ, ᐱᔪᒪᕕᒡᔪᐊᕐᑏᑦ, ᐋᖓᔮᕐᑏᑦ, ᐊᓯᒥᖕᓂᒡᓗ ᐅᖃᕐᓂᕐᓗᑎᖃᕐᐸᒃᑐᑦ, ᑎᒡᓕᒐᕐᑏᑦ, ᑕᒪᒃᑯᐊᓕᒫᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:18

ᐊᖑᓐᓂᐊᕐᓂᖅ ᐊᕐᓇᕐᓂᐊᕐᓂᕐᓗ ᐅᓗᕆᐊᒋᓯᐅᒃ. ᐊᔪᕐᑐᓕᓃᑦ ᐊᓯᓕᒫᖏᑦ ᑎᒥᐅᑉ ᓯᓚᑖᓂᑦ ᐱᖕᒪᑕ; ᐊᖑᓐᓂᐊᕐᑐᕐᓕ ᐊᕐᓇᕐᓂᐊᕐᑐᕐᓗ ᓇᖕᒥᓂᖅ ᑎᒥᒥᓄᑦ ᐊᔪᕐᑐᓕᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:19

ᖃᐅᔨᒪᓐᖏᓚᓰ? ᑎᒥᓯ ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᒃᓯᐊᕐᕕᒡᔪᐊᖁᑎᒋᖕᒪᒋᑦ, ᑖᓐᓇ ᐃᓗᑦᓯᓐᓃᑉᐳᖅ ᒎᑎᒥᑦ ᑐᓂᕐᕈᓯᐊᕆᔭᓯ, ᐃᓕᑦᓯᓐᓂᒡᓗ ᓇᖕᒥᓂᕆᓐᖏᓚᓯ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:24

ᖃᐅᔨᒪᕕᓰ ᐅᓪᓚᖕᓂᒃᑯᑦ ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᔪᑦ ᑕᒪᕐᒥᒃ ᐱᓇᓱᐊᕐᒪᑕ, ᐊᑕᐅᓯᐅᓪᓕ ᓵᓚᒃᓴᕐᓂᖅ ᐱᕚ? ᑍᒤᒻᒪᑦ ᐅᓪᓚᒋᑦᓯ ᓵᓚᖃᐅᑎᒃᓴᖅ ᐱᓇᓱᐊᕐᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:21

ᓯᕘᕋᕗᖓ ᐃᓕᑦᓯᓐᓄᑦ ᑎᑭᒍᒪ ᒎᑎᒧᑦ ᒥᑭᒡᓕᑎᕐᑕᐅᓂᐊᕋᓱᒋᓪᓗᖓ ᐃᓕᑦᓯ ᓵᖓᓐᓂ, ᕿᒃᓵᒍᑎᖃᕐᓂᐊᕋᓱᒋᓪᓗᖓᓗ ᐅᓄᕐᑐᓄᑦ ᐊᔪᕐᑐᓕᓚᐅᕐᑐᓄᑦ ᖃᕿᐊᓕᓚᐅᖏᑦᑐᓄᑦ ᐱᐅᖏᑦᑐᓕᐊᕆᓚᐅᕐᑕᒥᖕᓂᑦ, ᓄᓕᐊᕐᓂᒃᑯᑦ, ᐱᔪᒪᓂᕐᔪᐊᒃᑯᓪᓗ ᐱᓕᕆᓂᕆᓚᐅᕐᑕᒥᖕᓄᑦ.

ᒐᓔᑎᐊᒥᐅᓄᑦ 6:7

ᐅᐃᕕᕐᕆᔭᐅᑦᑍᓕᒋᑦᓯ; ᒎᑎ ᒥᑕᐅᑎᒋᔭᒃᓴᐅᖏᒻᒪᑦ, ᐃᓄᒃ ᓇᖕᒥᓂᖅ ᑲᓐᖓᕐᓲᑎᒋᓚᐅᕐᑕᒥᓂᒃ ᑲᑎᕐᓱᐃᔪᒫᕐᒪᑦ.

ᒨᓯᓯ ᑕᓪᓕᒪᖏᑦ 22:22

“ᐊᖑᓪᓕ ᐊᖑᔭᐅᒃᐸᑦ ᓄᓕᐊᕆᔭᐅᔪᒥᒃ ᐃᓐᓇᖓᖃᑎᖃᕐᑎᓪᓗᒍ, ᑖᒃᑯᐊᒃ ᑕᕝᕙ ᑕᒪᕐᒥᒃ ᑐᖁᑕᐅᔪᒃᓴᐅᕘᒃ, ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᐃᓴᕆᐊᓕᒥᐅᓂ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 22:5

“ᐊᕐᓇᖅ ᐊᖑᑎᓯᐅᑎᓂᒃ ᐊᓐᓄᕌᓂᒃ ᐊᑐᕐᑐᒃᓴᐅᓐᖏᓚᖅ, ᐊᖑᓪᓗ ᐊᕐᓇᕐᓯᐅᑎᓂᒃ ᐊᓐᓄᕌᕐᓯᒪᔪᒃᓴᐅᓐᖏᓚᖅ; ᐊᑕᓂᐅᑉ ᒎᑎᑦᓯ ᑍᒤᓕᐅᕐᑐᑦ ᖁᕕᐊᒋᖏᒻᒪᒋᑦ.

ᒨᓯᓯ ᑕᓪᓕᒪᖏᑦ 23:17

“ᐃᓴᕆᐊᓕᒥᐅᑕᕐᒥᒃ ᐊᕐᓇᒥᒃ ᐊᖑᑎᒥᒡᓘᓐᓃᑦ ᒎᑎᐅᖏᑦᑐᓄᑦ ᑐᒃᓯᐊᕐᕕᐅᕙᒃᑐᓂ ᓄᓕᐊᒐᐅᔪᖃᕐᑐᒃᓴᐅᓐᖏᓚᖅ ᓄᓕᐊᕐᑐᖃᖃᑦᑕᕐᑐᒃᓴᐅᓇᓂᓗ ᐃᓴᕆᐊᓕᐅᑉ ᑭᖑᕚᖏᓐᓂ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᐄᑉᕈᐃᓄᑦ 12:16

ᐊᕐᓇᕐᓂᐊᕐᓂᕐᒧᑦ ᐊᖑᓐᓂᐊᕐᓂᕐᒧᓪᓗ ᐊᔪᓕᕈᑎᖃᕐᑐᖃᕐᑍᓕᓕ ᓈᒻᒪᖏᑦᑐᓂᒃᓘᓪᓃᑦ ᐃᓕᖅᑯᓯᖃᕋᓱᐊᕐᑐᖃᕐᑍᓕᓕ ᐃᑦᔪᕐᓇᕐᑐᒥᒃ ᐄᓴᑐᑦ ᑍᒤᑦᑐᒥᒃ, ᑖᑦᓱᒪ ᐊᑕᐅᓯᐊᕐᓗᓂ ᓂᕆᔭᒃᓴᒥᓄᑦ ᐃᕐᓂᐊᖑᖅᑳᕐᓯᒪᓂᓂ ᑐᓐᓂᖅᑯᑎᒋᓚᐅᕐᒪᒍ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᔧᒥᓯᐅᑉ ᐊᒡᓚᖏᑦ 1:16

ᐅᐃᕕᕆᔭᐅᓂᐊᕋᓯ, ᓇᒡᓕᒋᔭᒃᑲ ᐅᒃᐱᕐᑑᖃᑎᒃᑲ.

ᔪᐊᓇᓯ ᓯᕗᓪᓖᑦ 3:7

ᕿᑐᕐᖓᑯᓗᒃᑲ, ᑭᓇᒧᓪᓘᓐᓃᑦ ᑕᒻᒪᕐᑎᑕᐅᑦᑍᓕᒋᑦᓯ. ᓇᓪᓕᐊᑦ ᓈᒻᒪᒃᑐᒥᒃ ᐱᓇᓱᐊᕐᑐᖅ ᑖᓐᓇ ᐃᓗᐊᕐᑑᕗᖅ, ᓲᕐᓗ ᑖᓐᓇ ᐃᓗᐊᕐᑑᖕᒪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 19:22

ᖁᕕᐊᓱᖃᑎᒋᓕᕐᓗᒋᓪᓗ, ᑕᕝᕔᓐᓇᖅ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑎᓂᑦ ᐃᒡᓗᖓ ᐊᕙᑕᖏᕐᑕᐅᕗᖅ ᐅᒃᑯᐊᖓᓂᒡᓗ ᐊᑦᓴᕐᑕᕐᓗᑎᒃ; ᐊᖑᓪᓗ ᐃᑦᑐᖅ ᐅᖃᐅᑎᕚᑦ, “ᐊᖑᑦ ᑍᓐᓇ ᐊᖏᕐᕋᐅᑎᔧᑦ ᐊᓂᑎᒍᒃ! ᓄᓕᐊᕈᒪᒐᑦᑎᒍ!”