ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑎᒡᓕᒃᐸᒃᑐᑦ, ᐱᔪᒪᕕᒡᔪᐊᕐᑏᑦ, ᐋᖓᔮᕐᑏᑦ, ᐊᓯᒥᖕᓂᒡᓗ ᐅᖃᕐᓂᕐᓗᑎᖃᕐᐸᒃᑐᑦ, ᑎᒡᓕᒐᕐᑏᑦ, ᑕᒪᒃᑯᐊᓕᒫᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:27

ᐊᕐᓇᐅᑉ ᑍᒤᑦᑑᑉ ᐃᒡᓗᖓ ᐃᓗᕕᕐᑕᐅᕕᖕᒧᑦ ᑐᕌᕐᐳᖅ, ᑐᖁᖓᔪᓪᓗ ᐃᓂᖓᓄᐊᕐᓂᕐᒧᑦ ᑐᕅᓐᓇᕈᑕᐅᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 1:23

ᐊᖓᔪᖅᑳᖁᑎᓯᓗ ᐊᑭᕋᕐᑐᕐᑎᐅᓕᕐᐳᑦ ᑎᒡᓕᒃᑎᓄᓪᓗ ᐃᓚᒋᔭᐅᓕᕐᓗᑎᒃ; ᐅᐃᕕᕐᕆᒃᓯᓂᕐᒥᒃ ᖁᕕᐊᒋᔭᖃᕐᑐᐃᓐᓇᐅᓕᕐᐳᑦ ᑐᓂᓯᕕᐅᔪᒪᓂᕐᒥᒡᓗ ᐱᓇᓱᐊᒐᖃᕐᓗᑎᒃ. ᐃᓕᐊᕐᔪᖕᓂᒃ ᓴᐳᓐᓂᐊᓐᖏᓚᑦ, ᐅᐃᒡᒐᕐᓂᕐᓂᒡᓗ ᐃᑲᔪᕈᒪᓂᕐᒥᒃ ᐃᓱᒪᖃᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 7:11

ᐃᒡᓗᖁᑎᒐ ᐊᑎᓐᓂᒃ ᓇᓗᓁᒃᑯᑕᖃᕐᑐᖅ, ᐃᒡᓗᒋᔭᐅᓕᕐᑎᑉᐱᓯᐅᒃ ᑎᒡᓕᒃᑎᓄᑦ? ᑕᑯᒋᑦ ᐅᕙᖓ ᓇᖕᒥᓂᖅ ᑕᑯᓯᒪᕙᕋ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 22:13

“ᑕᑯᒋᑦ, ᑍᒤᒻᒪᑦ ᑎᒡᓕᒐᕐᐸᒃᑐᓯ ᖄᖏᕐᓂᑯᓕᐅᕐᓂᒃᑯᑦ ᐱᒋᐊᕈᒫᕐᐸᑦᓯ ᐱᔪᓐᓇᕐᓂᓐᓄᑦ, ᑐᖁᕅᕙᒃᑐᓯᓗ ᐱᖃᓯᐅᑎᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 22:27

ᐊᖓᔪᖅᑳᖁᑎᖏᑦ ᐊᒪᕈᕐᑎᑐᑦ ᐆᒪᔪᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᑍᒤᑉᐳᑦ, ᐃᓄᐊᖃᑦᑕᕐᐳᑦ, ᓈᒻᒪᓈᖏᑦᑐᒃᑯᑦ ᐊᒃᓗᐃᓕᓇᓱᐊᕐᐳᑦ ᑐᖁᑦᓯᕙᒃᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 22:29

ᑕᒫᓂ ᓄᓇᓖᑦ ᓯᕘᕋᓵᕆᓂᒃᑯᑦ ᑮᓇᐅᔭᕐᑖᕐᐸᒃᐳᑦ ᑎᒡᓕᒐᖃᑦᑕᕐᓗᑎᒡᓗ, ᐊᒃᓗᔪᓂᒃ ᐃᑲᔪᕐᑕᐅᔭᕆᐊᓕᖕᓂᒡᓗ ᓱᒃᑯᔨᐊᖃᕐᐸᒃᐳᑦ, ᓄᓇᓕᑐᖃᐅᖏᑦᑐᓂᒡᓗ ᑮᓇᐅᔧᕐᑎᑦᓯᕙᒃᐳᑦ ᓈᒻᒪᓈᕐᑐᒥᒃ ᐱᓂᐊᕐᕕᒋᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 21:19

ᓇᐹᕐᑐᒥᒡᓗ ᐸᐅᕐᖓᓕᒃᓴᒥᒃ ᐊᖅᑯᑎᐅᑉ ᓴᓂᐊᓃᑦᑐᒥᒃ ᑕᑯᒐᒥ ᐅᐸᒃᐹ, ᓇᓂᓯᓐᖏᓚᕐᓗ ᐱᕈᕐᑐᖏᓐᓂᒃ ᐅᖃᐅᔭᖃᑐᐃᓐᓇᕐᒪᑦ. ᓇᐹᕐᑐᖅ ᐅᖃᐅᑎᕚ, “ᐱᕈᕐᕕᐅᒃᑲᓐᓂᓚᐅᕐᓯᒪᑦᔮᔪᓐᓃᕐᐳᑎᑦ!” ᑕᕝᕔᓐᓇᖅ ᓇᐹᕐᑐᖅ ᐸᐅᕐᖓᓕᒃᓴᖅ ᑐᖁᓕᕗᖅ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑎᐅᓯᐅᑉ ᐊᒡᓚᖏᑦ 23:33

ᖁᒡᓗᒋᐊᖑᔪᓯ, ᐃᕐᓂᐅᔪᓯᓗ ᖁᒡᓗᒋᐊᕐᔪᐊᓄᑦ, ᖃᓄᖅ ᐃᓕᑦᓯᓐᓂᒃ ᓴᐳᑎᔪᓐᓇᕋᓱᒋᕕᓯ ᑲᑉᐱᐊᓇᕐᑐᕕᖕᒥᑦ?

ᔪᐊᓇᓯᐅᑉ ᐊᒡᓚᖏᑦ 12:6

ᑍᒫᒃ ᐅᖃᕐᐳᖅ, ᐊᔪᕐᓴᕐᑐᓂᒃ ᐃᑲᔪᕈᒪᓂᕐᒨᖏᑦᑐᖅ ᑎᒡᓕᒐᓲᖑᓂᕐᒥᓄᓪᓕ; ᑮᓇᐅᔭᖃᐅᑎᒥᒃ ᐃᒃᐱᐊᕐᔪᖕᒥᒃ ᐱᓯᒪᔨᐅᒐᒥ, ᑕᕝᕙᓐᖓᑦ ᓇᖕᒥᓂᖅ ᐊᑐᕐᓂᐊᕐᑕᒥᓂᒃ ᑎᒍᓯᑐᐃᓐᓇᕐᐸᒃᑲᒥ.

ᐋᐴᓯᑕᓖᑦ ᐱᓂᐊᕐᓂᖏᑦ 20:32

“ᒫᓐᓇ ᒎᑎᒧᑦ ᑐᓂᓕᕐᐸᑦᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐊᔪᕆᕐᑐᐃᑦᔪᑕᐅᓂᖓᓄᑦ ᑕᒪᑐᒧᖓ ᐱᔪᓐᓇᕐᓯᕙᓪᓕᐊᑎᑕᐅᔪᓐᓇᕋᑦᓯ ᑭᖑᕐᖑᑎᔭᒃᓴᒥᒡᓗ ᑐᓂᓯᕕᒋᔪᓐᓇᕐᐹᓯ ᒎᑎᐅᑉ ᐃᓄᖁᑎᓕᒫᒥᓄᑦ ᐊᖏᕈᑎᒋᓯᒪᔭᒥᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:50

ᓇᓗᓁᕐᓯᕕᒋᕙᑦᓯ ᐃᓚᒃᑳ, ᑎᒥ ᐊᐅᖃᕐᑐᖅ ᑭᖑᕐᖑᑦᔨᔪᓐᓇᖏᒻᒪᑦ ᒎᑎᐅᑉ ᐊᑕᓂᐅᕕᖓᓂᒃ, ᓱᕈᔭᑦᑐᕐᓗ ᑭᖑᕐᖑᑦᔨᔪᓐᓇᖏᓐᓂᕗᖅ ᓱᕈᕈᓐᓇᖏᑦᑐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:11

ᐃᒫᒡᓕ ᐅᖃᕋᓱᐊᓚᐅᕐᐳᖓ ᐃᓚᖃᖁᓇᓯ ᐅᒃᐱᕐᑑᖃᑕᐅᓂᕋᕐᑐᒥᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᐅᔪᒥᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᓲᖑᔪᒥᒃ, ᒎᑎᓐᖑᐊᓄᓪᓗ ᑐᒃᓯᐊᕐᑎᐅᔪᒥᒃ, ᐅᖃᕐᓂᕐᓗᒃᑎᐅᓪᓗᓂ, ᐋᖓᔮᕐᑎᐅᔪᒥᒃ, ᑎᒡᓕᒃᑎᐅᓲᖑᔪᒥᒡᓗ. ᑍᒤᑦᑐᑦ ᐊᒡᓛᑦ ᓂᕆᖃᑎᒋᔭᒃᓴᕆᓐᖏᓚᓯ.

ᒐᓔᑎᐊᒥᐅᓄᑦ 5:21

ᐃᒃᓯᒍᖕᓂᖅ, ᐋᖓᔮᕐᓂᖅ, ᑲᑎᓐᖓᓪᓗᑎᒃ ᓄᓕᐊᖃᑦᑕᕐᓃᑦ, ᐊᓯᖏᓐᓂᒡᓗ ᐊᑐᕐᓂᕐᓗᖃᑦᑕᕐᓃᑦ. ᓯᕘᕋᒋᔭᒃᓴᑦᓯᓐᓂᒃ ᐅᖃᐅᑎᕙᑦᓯ ᐅᖃᐅᑎᓚᐅᕐᓯᒪᒐᓗᐊᕆᓪᓗᓯ, ᑕᒪᒃᑯᐊ ᑍᒤᓕᐅᖃᑦᑕᕐᑐᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᓐᖏᓚᑦ.

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᐃᐱᓯᒥᐅᓄᑦ 5:5

ᖁᓚᕐᓇᖏᑦᑐᒥᒃ ᖃᐅᔨᒪᒐᑦᓯᐅᒃ ᐊᕐᓇᕐᓂᐊᕐᐸᒃᑐᑦ ᐊᖑᓐᓂᐊᕐᐸᒃᑐᓪᓗ ᐱᐅᖏᑦᑐᓕᔪᓪᓘᓐᓃᑦ, ᐱᔪᒪᕕᒃᔪᐊᕐᐸᒃᑐᓪᓗ (ᐱᔪᒪᕕᒃᔪᐊᕐᓂᖅ ᒎᑎᐅᑉ ᐊᓯᐊᓂᒃ ᐱᔨᑦᓯᕐᓂᐅᖕᒪᑦ), ᑕᒪᒃᑯᐊ ᒎᑎᐅᑉ ᙭ᔅᑑᓯᐅᓪᓗ ᐊᑕᓂᐅᕕᖓᓂᒃ ᑭᖑᕐᖑᑦᔨᖃᑕᐅᓂᐊᖏᒻᒪᑕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᐲᑦᑐᕉᓯ ᓯᕗᓪᓖᑦ 4:15

ᓇᓪᓕᓯ ᐊᒡᕕᐊᕈᕐᑎᑕᐅᑦᑍᓕᓕ ᐃᓄᐊᕐᓂᕐᒧᑦ, ᑎᒡᓕᖕᓂᕐᒧᑦ, ᐊᔪᕐᑐᓕᓂᕐᒧᑦ, ᐅᕝᕙᓘᓐᓃᑦ ᐃᓅᖃᑎᒥᓄᑦ ᐸᒃᕕᓵᕆᔨᐅᓂᕐᒧᑦ;