ᑯᕆᓐᑎᐊᒥᐅᓄᑦ ᓯᕗᓪᓖᑦ 5:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᒤᒻᒪᑦ ᓇᓪᓕᐅᓐᓂᕐᓯᐅᕐᓂᖅ ᐊᑐᓕᕐᓚᕗᑦ, ᐳᕙᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᔭᕗᑦ ᐱᐅᖏᑦᑐᓕᓂᖅ ᐊᑐᖏᓪᓗᒍ, ᐳᕙᓪᓚᖅᑯᑎᖃᖏᑦᑐᒥᒡᓕ ᓂᐊᖂᔭᕐᒥᒃ ᐃᑦᔪᕐᓁᑦᑐᒥᒃ ᓱᓕᑦᓯᐊᕐᓂᕐᒥᒡᓗ ᐱᖔᓕᕐᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:8 Iomraidhean Croise

ᐃᓐᖏᕈᑎᑦ 32:2

ᓮᒻᒪᕐᑎᑕᐅᕗᖅ ᐃᓄᒃ, ᐊᑕᓂᐅᑉ ᑍᓯᕕᒋᔪᓐᓃᕐᑕᖓ ᐊᔪᕐᓂᖏᓐᓂᒃ, ᐊᓂᕐᓂᖓᓂᓗ ᐅᐃᕕᕐᕆᒃᓯᓂᕐᒥᒃ ᐱᑕᖃᕈᓐᓃᕐᑐᖅ.

ᐃᓐᖏᕈᑎᑦ 42:4

ᐃᖅᑲᐅᒪᓕᕌᖓᒪ ᑕᒪᒃᑯᓂᖓ, ᑕᕐᓂᕋ ᐅᒃᑯᐃᕐᐸᒃᐸᕋ ᐅᕙᓐᓄᑦ. ᐃᓄᒋᐊᒃᑐᕐᔪᐊᑦ ᐃᓚᒋᕙᓚᐅᕋᒃᑭᑦ; ᒎᑎᐅᑉ ᐃᒡᓗᖓᓄᑦ ᐂᖃᑕᐅᓪᓗᖓ, ᓂᓪᓕᐊᓪᓗᑕᓗ ᖁᕕᐊᓱᖕᓂᕐᒧᑦ ᓂᕐᑐᐃᓂᕐᒧᓪᓗ, ᐃᓄᒋᐊᒃᑐᕐᔪᐊᑦ ᐃᓚᒋᓪᓗᒋᑦ ᓇᓪᓕᐅᓐᓂᕐᓯᐅᖃᑎᒌᒃᑐᑦ.

ᒨᓯᓯ ᐂᑉᐸᖏᑦ 12:15

ᐊᑕᓂᖅ ᐅᖃᕐᐳᖅ, “ᐅᓪᓗᓂᒃ 7ᓂᒃ ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕆᔪᒃᓴᐅᕗᓯ; ᐅᓪᓗᑦ ᓯᕗᓪᓕᕐᐹᖓᓐᓂ ᐳᕙᓪᓚᕐᓴᐅᑎᑦ ᐃᒡᓗᑦᓯᓐᓃᑦᑐᑦ ᐊᓂᑕᐅᔪᒃᓴᐅᕗᑦ, ᓇᓪᓕᐊᑦ ᐳᕙᓪᓚᕐᓴᐅᑎᖃᕐᑐᒥᒃ ᓂᕆᔪᖅ, ᑖᒃᑯᐊ ᐅᓪᓗᑦ 7 ᓈᓚᐅᕐᑎᓐᓇᒋᑦ, ᑖᓐᓇ ᐃᓴᕆᐊᓕᒥᐅᓄᑦ ᐃᓄᖁᑎᓐᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ.

ᒨᓯᓯ ᐂᑉᐸᖏᑦ 12:19

ᐅᓪᓗᓂ ᑖᒃᑯᓇᓂ 7ᓂ ᐃᒡᓗᑦᓯᓐᓂ ᐳᕙᓪᓚᕐᓴᐅᒻᒥᒃ ᓇᓂᓯᔪᖃᕐᑐᒃᓴᐅᓐᖏᓚᖅ; ᓇᓪᓕᐊᓐᓂᒃ ᐳᕙᓪᓚᕐᓴᐅᑎᖃᕐᑐᒥᒃ ᓂᕆᔪᖃᕐᐸᑦ, ᑖᓐᓇ ᐃᓴᕆᐊᓕᒥᐅᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ, ᐃᓅᖃᑎᑐᖃᕆᖏᒃᑲᓗᐊᕈᑦᓯᐅᒃ ᐃᓅᖃᑎᒋᒍᑦᓯᐅᒡᓘᓐᓃᑦ.

ᒨᓯᓯ ᐂᑉᐸᖏᑦ 12:8

ᑕᒪᑐᒪᓂᓗ ᐅᓐᓄᒥ ᓂᕿᖓ ᓂᕆᔭᐅᔪᒃᓴᐅᕗᖅ, ᐃᑯᒪᒧᑦ ᐆᑕᐅᓯᒪᑎᓪᓗᒍ; ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐃᓚᖃᕐᑎᓪᓗᒍ ᐱᕈᕐᑐᕕᓂᕐᓂᒡᓗ ᖃᓯᓕᓇᕐᑐᓂᒃ ᓂᕿᒧᑦ ᐃᓚᒋᔭᐅᓲᓂᒃ ᐃᓚᖃᕐᑎᓪᓗᒍ.

ᒨᓯᓯ ᐂᑉᐸᖏᑦ 13:6

ᐅᓪᓗᓂᒃ 7ᓂᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᐊᖂᔭᒥᒃ ᓂᕿᖃᕐᑐᒃᓴᐅᕗᓯ; ᐅᓪᓗᓪᓕ 7ᒋᓕᕐᐸᒍ ᑕᕝᕙ ᐊᑕᓂᕐᒧᑦ ᐅᐱᒍᓲᑎᒋᔭᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 13:7

ᐅᓪᓗᓂᒃ 7ᓂᒃ ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕿᖃᕐᑐᒃᓴᐅᕗᓯ; ᓂᐊᖂᔭᒥᒃ ᐳᕙᓪᓚᕐᓴᐅᑎᓕᖕᒥᒃ ᐃᒡᓗᑦᓯᓐᓃᑦᑐᖃᕐᑐᒃᓴᐅᓐᖏᓚᖅ, ᐳᕙᓪᓚᕐᓴᐅᒥᒡᓘᓐᓃᑦ ᓇᓂᓕᒫᖅ ᓄᓇᑦᓯᓐᓃᑦᑐᑲᕐᑐᒃᓴᐅᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 25:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᖃᖅᑲᖁᑎᖓᓂ ᐃᓅᖃᑎᒌᒡᔪᐊᓄᑦ ᓇᑭᑐᐃᓐᓇᖅ ᐱᓯᒪᔪᓄᑦ ᓂᕆᕕᒡᔪᐊᕐᑕᐅᔪᒃᓴᒥᒃ ᐋᖅᑭᒃᓱᐃᔪᒫᕐᐳᖅ ᓂᕆᕕᒡᔪᐊᕐᑕᐅᕙᒃᑐᓂᑦ ᓂᕿᑦᓯᐊᕙᐅᓂᕐᐹᓂᒃ ᓂᕆᔭᒃᓴᖃᕐᑐᒥᒃ ᕔᓂᑦᓯᐊᕙᐅᓂᕐᐹᓂᒡᓗ ᐃᒥᒐᒃᓴᖃᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 30:29

ᐃᓕᑦᓯᓕ ᐃᓐᖏᕈᒫᕐᐳᓯ ᐅᓐᓄᒃᑯᑦ ᐃᑦᔪᕐᓁᑦᑐᒥᒃ ᓇᓪᓕᐅᓐᓂᕐᓯᐅᕐᓂᕐᒧᑦ ᓂᕆᕕᒡᔪᐊᕐᓂᐊᕐᑐᓃᑦᑐᑎᑐᑦ, ᖁᕕᐊᓱᖃᕐᑎᒋᒍᒫᕐᐳᓯ ᓱᐴᒐᕐᑎᓄᑦ ᐅᐸᒍᑎᓕᕐᑐᑎᑐᑦ ᐊᑕᓂᐅᑉ ᖃᖅᑲᖁᑎᖓᓄᑦ, ᐃᓴᕆᐊᓕᒥᐅᑦ ᕾᕐᑐᖓᓐᓄᑦ.

ᒨᓯᓯ ᐱᖓᔪᖏᑦ 23:6

ᐅᓪᓗᐃᑦ 15ᖓᓂ ᑕᖅᑭᒥ ᑕᕝᕙᓂ ᐊᑕᓂᐅᑉ ᓇᓪᓕᐅᓐᓂᕐᓯᐅᕐᕕᐅᑎᑕᖓ ᐳᕙᓪᓚᕐᓴᐅᑎᖃᖏᑦᑐᒥ ᓂᐊᖂᔭᕐᑐᕐᕕᒃ ᐱᒋᐊᕐᓂᖃᕐᐳᖅ; ᐅᓪᓗᓂᒃ 7ᓂᒃ ᓂᐊᖂᔭᕐᑐᖃᑦᑕᕆᐊᖃᕐᐳᓯ ᐳᕙᓪᓚᕐᓴᐅᑎᖃᖏᑦᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 16:12

ᑕᕝᕙ ᐃᓕᓐᓂᐊᕐᑎᑦ ᑐᑭᓯᓕᕐᐳᑦ ᐅᓗᕆᐊᓱᖁᔭᐅᖏᓐᓂᕐᒥᒡᓂᒃ ᓂᐊᖂᔭᒧᑦ ᐳᕙᓪᓚᖅᑯᑎᒥᒃ, ᐹᕆᓯᓪᓕ ᓵᑦᔪᓰᓪᓗ ᐊᔪᕆᕐᑐᐃᓂᖏᓐᓂᒃ ᑖᒃᑯᓂᖓᑐᐊᖅ.

ᒫᑎᐅᓯᐅᑉ ᐊᒡᓚᖏᑦ 16:6

ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑲᒪᑦᓯᐊᕆᑦᓯ ᐃᒃᐱᒍᓱᑦᓯᐊᕐᓗᓯᓗ ᐹᕆᓯᑦ ᓵᑦᔪᓰᓪᓗ ᐳᕙᓪᓚᖅᑯᑎᖏᓐᓂᒃ.”

ᒫᑯᓯᐅᑉ ᐊᒡᓚᖏᑦ 8:15

ᖃᐅᔨᒪᓇᓱᐊᖁᓪᓗᒋᑦ ᐅᖃᐅᑎᕔᑦ, “ᑲᒪᑦᓯᐊᕆᑦᓯ, ᐅᑦᔨᕐᓱᕐᓗᓯ ᐹᕆᓯᑦ ᐃᕉᑕᓯᐅᓪᓗ ᐳᕙᓪᓚᖅᑯᑎᖏᓐᓂᒃ.”

ᓘᑲᓯᐅᑉ ᐊᒡᓚᖏᑦ 12:1

ᐃᓄᐃᑦ 1,000 ᐅᖓᑖᓃᑦᑐᑦ ᑲᑎᕙᓪᓕᐊᑎᓪᓗᒋᑦ, ᐊᒡᓛᑦ ᐃᒻᒥᖕᓄᑦ ᑐᓪᓕᕋᖃᑦᑕᐅᑎᓕᕐᓗᑎᒃ ᐅᓄᓗᐊᒧᑦ, ᔩᓱᓯᐅᑉ ᐃᓕᓐᓂᐊᕐᑎᓂ ᓯᕗᓪᓕᐅᓪᓗᒋᑦ ᐅᖃᐅᑎᕔᑦ, “ᖃᐅᔨᓴᕆᑦᓯ ᐹᕆᓯᑦ ᐳᕙᓪᓚᖅᑯᑎᖓᓂᒃ, ᑕᒪᓐᓇ ᑕᒃᑯᕐᒨᕐᓂᐅᖕᒪᑦ.

ᔪᐊᓇᓯᐅᑉ ᐊᒡᓚᖏᑦ 1:47

ᔩᓱᓯᐅᓪᓕ ᓈᑕᓁ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᐅᓯᕆᕚ, “ᑕᑯᒋᑦ, ᑕᕝᕙ ᐃᓴᕆᐊᓕᒥᐅᑕᓪᓚᕆᒃ, ᑖᑦᓱᒪᓂᓗ ᓱᓕᖏᓐᓂᕐᑕᖃᓐᖏᓚᖅ!”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:3

ᓱᓕ ᑎᒥᐅᑉ ᐃᓕᖅᑯᓯᖏᓐᓂᒃ ᐊᑐᕋᑦᓯ. ᐱᒃᑲᐅᓂᕐᓴᐅᔪᒪᓂᖃᕋᑦᓯ ᐊᑭᕋᕐᑐᕐᑎᒌᒃᓗᓯᓗ, ᑕᕝᕙ ᑎᒥᐅᑉ ᐃᓕᖅᑯᓯᖏᑎᑐᑦ ᐃᓕᖅᑯᓯᖃᓐᖏᓚᓰ? ᐃᓄᑐᐃᓐᓇᐅᓪᓗ ᐃᓕᖅᑯᓯᖓᓂᒃ ᐊᑐᓐᖏᓚᓰ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1

ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:6

ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:17

ᐊᓯᕗᑦ ᐊᒥᓱᑦ ᐱᓇᓱᐊᕐᑐᑦ ᐊᑦᔨᒋᖏᓐᓇᑦᑎᒍ, ᒎᑎᐅᑉ ᐅᖃᐅᓯᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᑐᑦ; ᓱᓕᑦᓯᐊᕐᑐᒥᒡᓕ ᐅᖃᐅᓯᖃᕐᐳᒍᑦ ᑖᑦᓱᒪ ᓵᖓᓂ, ᒎᑎᒧᓪᓗ ᑎᓕᔭᐅᓯᒪᓪᓗᑕ, ᙭ᔅᑑᓯᒥᒃ ᐅᖃᐅᓯᖃᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:8

ᑕᒪᑐᒥᖓ ᐃᓕᑦᓯᓐᓄᑦ ᐱᖁᔭᓕᐅᕋᓱᐊᓐᖏᓚᖓ, ᐊᓯᓯᓕ ᑲᔪᖏᑦᓯᐊᕐᓗᑎᒃ ᐱᓇᓱᐊᑦᓯᐊᕐᒪᑕ ᓇᒡᓕᖕᓂᓯ ᓱᓕᑦᓯᐊᕐᒪᖔᑦ ᐆᒃᑐᑐᐃᓐᓇᕐᐸᕋ.

ᐃᐱᓯᒥᐅᓄᑦ 6:24

ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᓕᑦ, ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᓇᒡᓕᒋᔭᖃᕐᑐᑦ, ᑲᔪᓯᑦᓯᐊᕐᑐᒥᒡᓗ ᐅᖓᒋᔭᖃᕐᑐᑦ ᑖᑦᓱᒥᖓ.

ᒨᓯᓯ ᑕᓪᓕᒪᖏᑦ 16:16

“ᐊᖑᑎᓕᒫᑦ ᐃᓅᖃᑎᒌᒡᔪᐊᓂᑦ ᐱᓯᒪᔪᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᐱᖓᓱᐃᕐᑐᕐᓗᑎᒃ ᐊᕐᕌᒍᒥ ᐊᑕᐅᓯᕐᒥ ᑕᕝᕙᓂ ᑐᒃᓯᐊᕐᕕᖕᒥ: ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒥ, ᐱᕈᕐᑐᓂᒃ ᑲᑎᕐᓯᕕᐅᑉ ᓇᓪᓕᐅᓐᓂᕐᓯᐅᕐᑕᐅᓂᖓᓂ, ᑐᐲᓐᓇᕐᒥᓗ ᐃᓂᖃᓚᐅᕐᓂᑦᓯ ᓇᓪᓕᐅᓐᓂᕐᓯᐅᕐᑕᐅᓂᖓᓂ. ᐊᖑᑎᓪᓕ ᐊᑐᓂᑦ ᑐᓂᕐᕈᑎᒃᓴᒥᖕᓂᒃ ᓇᒃᓴᕐᑐᒃᓴᐅᕗᑦ;

ᒨᓯᓯ ᑕᓪᓕᒪᖏᑦ 16:3

ᑍᒤᑦᑐᒥᒃ ᓂᕆᓕᕐᑎᓪᓗᓯ, ᓂᐊᖂᔭᕐᑐᕐᑐᒃᓴᐅᓐᖏᓚᓯ ᐳᕙᓪᓚᕐᓴᐅᑎᖃᕐᑐᒥᒃ. ᐅᓪᓗᓂᒃ 7ᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᕿᖃᕐᑐᒃᓴᐅᕗᓯ, ᑍᒤᑦᓴᕆᐊᖃᓚᐅᕋᑦᓯ ᐄᑦᔨᑉᑎᒥᑦ ᑐᐊᕕᕐᓗᓯ ᐊᐅᓪᓚᕆᐊᖃᓕᕐᑎᓪᓗᓯ. ᓂᐊᖂᔭᓂᒃ ᑕᒪᒃᑯᓂᖓ ᓂᕆᔪᒃᓴᐅᕗᓯ ᑍᒤᑦᑐᑦ ᑍᔭᐅᕙᖕᓂᐊᕐᒪᑕ ᐅᖁᒤᒃᓴᑎᕐᑕᐅᓂᐅᑉ ᓂᐊᖂᔭᖁᑎᖏᓐᓂᒃ; ᑍᒫᓐᖓᑦ ᐃᓅᓯᓕᒫᑦᓯᓐᓂ ᐃᖅᑲᐅᒪᒃᓯᔪᓐᓇᖁᓪᓗᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᓯᒪᓂᑦᓯᓐᓂᒃ, ᓄᓇᒥᑦ ᐅᖁᒤᒃᓴᕐᑎᑕᐅᕕᖕᒥᑦ.

ᔮᓱᐊᑉ ᐊᒡᓚᖏᑦ 24:14

“ᒫᓐᓇᓕ ᑍᒤᒻᒪᑦ ᐊᑕᓂᖅ ᓯᕘᕋᒋᓯᐅᒃ, ᐅᐱᒋᑦᓯᐊᕐᓗᒍ ᐱᔨᑦᓯᕐᓯᐅᒃ ᓱᓕᑦᓯᐊᕐᓗᓯ ᓱᖁᓯᔪᐃᑦᑑᓗᓯᓗ; ᓯᕗᓕᓯ ᒎᑎᒋᓚᐅᕐᑕᒋᑦ ᖁᔭᓈᕐᓯᐅᒃ ᑐᒃᓯᐊᕐᕕᒋᓚᐅᕐᑕᖏᑦ ᑰᑉ ᐊᑭᐊᓂ, ᐄᑦᔨᑉᑎᒥᓗ, ᐊᑕᓂᕐᓕ ᐱᔨᑦᓯᕐᓯᐅᒃ.

ᐲᑦᑐᕉᓯ ᓯᕗᓪᓖᑦ 4:2

ᒫᓐᓇᒥᑦ ᑕᒫᓂ ᓄᓇᒥ ᐃᓅᓯᓕᒫᓯ ᓈᓗᒍ ᐃᓅᔭᕆᐊᖃᓕᕐᐳᓯ ᒎᑎᐅᑉ ᐱᔪᒪᔭᖓᓄᑦ ᐊᐅᓚᑕᐅᓗᓯ, ᑎᒥᐅᑉ ᐱᔪᒪᔭᖓᓅᖏᑦᑐᖅ.