ᑯᕆᓐᑎᐊᒥᐅᓄᑦ ᓯᕗᓪᓖᑦ 5:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᒫᒡᓕ ᐅᖃᕋᓱᐊᓚᐅᕐᐳᖓ ᐃᓚᖃᖁᓇᓯ ᐅᒃᐱᕐᑑᖃᑕᐅᓂᕋᕐᑐᒥᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᐅᔪᒥᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᓲᖑᔪᒥᒃ, ᒎᑎᓐᖑᐊᓄᓪᓗ ᑐᒃᓯᐊᕐᑎᐅᔪᒥᒃ, ᐅᖃᕐᓂᕐᓗᒃᑎᐅᓪᓗᓂ, ᐋᖓᔮᕐᑎᐅᔪᒥᒃ, ᑎᒡᓕᒃᑎᐅᓲᖑᔪᒥᒡᓗ. ᑍᒤᑦᑐᑦ ᐊᒡᓛᑦ ᓂᕆᖃᑎᒋᔭᒃᓴᕆᓐᖏᓚᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:11 Iomraidhean Croise

ᐃᓐᖏᕈᑎᑦ 10:3

ᐱᐅᖏᑦᑐᓕᔪᑦ ᐆᒻᒪᑎᒥ ᐱᔪᒪᔭᖏᓐᓂᒃ ᐱᐅᔪᕆᑦᔪᑎᖃᕐᐳᑦ; ᐱᔪᒪᑐᓛᕐᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᕔᑦ, ᐊᑕᓂᕐᒥᒡᓗ ᓇᕐᕈᒋᔭᖃᕐᓗᑎᒃ.

ᐃᓐᖏᕈᑎᑦ 101:5

ᐃᓅᖃᑎᒥᓂᒃ ᐃᔨᕋᕐᑐᕐᓗᓂ ᐅᖃᐅᑎᒃᓴᕐᑐᖅ ᑐᖁᓐᓂᐊᕐᐸᕋ; ᐃᓄᒃ ᐱᓪᓚᕆᐅᓇᓱᐊᕐᑐᖅ ᐱᐅᔪᕆᔪᒥᒡᓗ ᐆᒻᒪᑎᓕᒃ ᐃᓚᒋᔪᒪᓐᖏᓚᕋ.

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 18:17

ᓱᓕᓕ ᑖᒃᑯᐊᖑᑎᓪᓗᓯ ᓈᓚᒍᒪᖏᑉᐸᑦ, ᑕᕝᕙ ᐅᖃᐅᑎᒋᓕᕐᓯᐅᒃ ᐅᒃᐱᕐᑑᖃᑎᒌᓄᑦ ᐃᓚᒌᒃᑐᓄᑦ; ᑖᒃᑯᓂᖓᓕ ᐃᓚᒌᒃᑐᓂᒃ ᓱᓕ ᓈᓚᒍᒪᖏᑉᐸᑦ, ᑕᕝᕙ ᐅᒃᐱᖏᑦᑐᑎᑐᑦ ᑍᒤᑦᑑᑎᓕᕈᒃ, ᐅᕝᕙᓗ ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑎᑐᑦ.”

ᒫᑎᐅᓯᐅᑉ ᐊᒡᓚᖏᑦ 23:25

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᐃᒥᐅᑎᑦ ᐸᓕᐊᓪᓗ ᓯᓚᑎᖏᑦ ᓴᓗᒻᒪᕐᓴᕐᐸᒃᐸᓯ, ᐃᓗᖏᓪᓕ ᑕᑕᑉᐳᑦ ᓯᕘᕋᓵᕆᓂᕐᒥᒃ, ᐃᓱᒪᒋᔭᑑᔪᒪᓂᕐᒥᒡᓗ.

ᓘᑲᓯᐅᑉ ᐊᒡᓚᖏᑦ 18:11

ᐹᕆᓯ ᐃᓄᑑᓪᓗᓂ ᓇᖏᕐᐳᖅ ᑐᒃᓯᐊᕐᓗᓂ, ‘ᒎᑏ, ᖁᔭᒋᕙᒋᑦ ᐊᓯᑦᑐᑦ ᑍᒤᖏᓐᓇᒪ, ᐱᔪᒪᑐᔪᐊᓗᒃᑎᑐᑦ, ᑎᒡᓕᑐᔪᐊᓗᒃᑎᑐᓪᓘᓐᓃᑦ, ᓄᓕᐊᒥᖕᓂᒃ ᐊᓯᓐᓂᐊᕐᐸᒃᑐᑎᑐᑦ, ᐆᑐᓇᖅ ᕉᒪᒥᐅᑦ ᑮᓇᐅᔧᕐᑎᑦᓯᔨᖓᑐᑦ.

ᓘᑲᓯᐅᑉ ᐊᒡᓚᖏᑦ 21:34

“ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:15

ᐅᒃᐱᕐᑐᑦ ᐊᑕᖏᕐᓗᑎᒃ 120 ᖃᓂᒋᔭᖓᓃᓚᐅᕐᐳᑦ, ᐅᓪᓗᐃᑦ ᐃᓚᖓᓐᓂ ᑲᑎᒪᑎᓪᓗᒋᑦ ᐲᑦᑐᕉᓯ ᓂᑯᕕᑉᐳᖅ ᐅᖃᕐᓗᓂ,

ᐋᐴᓯᑕᓖᑦ ᐱᓂᐊᕐᓂᖏᑦ 9:17

ᑕᕝᕙ ᐊᓇᓁᐊᓯ ᐂᕗᖅ, ᐃᒡᓗᒧᑦ ᐃᑎᕐᓗᓂ; ᐸᑎᒻᒥᓪᓗᓂᐅᒃ ᐅᖃᕐᐳᖅ, “ᐅᒃᐱᖃᑎᒐ ᓴᐅᓗᓰ, ᐊᑕᓂᐅᑉ ᔩᓱᓯᐅᑉ ᐃᓕᖕᓄᑦ ᓴᖅᑭᓚᐅᕐᑑᑉ ᕾᓕᕐᑎᓪᓗᑎᑦ, ᑎᓕᕚᖓ ᑕᐅᑐᓕᕐᑎᑕᐅᖁᓪᓗᑎᑦ ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᑎᑦ.”

ᕉᒪᒥᐅᓄᑦ 13:13

ᐃᓕᖅᑯᓯᑦᓯᐊᕆᒡᓗᑕ ᐃᓅᓕᕐᑕ ᐅᓪᓗᕐᓯᐅᕐᑐᑎᑐᑦ, ᓄᓕᐊᕐᓂᕐᒥᒃ ᐊᑐᕐᓂᕐᓗᒍᓐᓃᕐᑕ ᐋᖓᔮᕈᓐᓃᕐᓗᑕᓗ, ᑲᓐᖑᓲᑎᒃᓴᓂᒃ ᐱᓇᓱᐊᕈᓐᓃᕐᑕ ᐃᒃᓯᒎᕐᓂᕐᒥᒡᓗ, ᐂᕙᓇᑕ ᐊᓐᓂᕈᑦᔨᓇᑕᓗ.

ᕉᒪᒥᐅᓄᑦ 16:17

ᐃᓅᖃᑎᒃᑲ ᐃᓇᑉᐸᑦᓯ, ᐅᑦᔨᕐᑐᑦᓯᐊᕐᓯᐅᒃ ᐃᓅᖃᑎᒌᖕᓂᕐᒥᒃ ᐊᕕᑎᑦᓯᕙᒃᑐᑦ, ᐅᒃᐱᕐᓂᑦᓯ ᑐᓐᖓᕕᒋᔭᖏᓐᓂᒃ ᓯᖁᑎᕆᓇᓱᒃᑏᑦ, ᐱᓇᓱᐊᕐᑐᓪᓗ ᐊᔪᕆᕐᑐᕐᑕᐅᑦᔪᑎᒋᓚᐅᕐᑕᑦᓯ ᐊᓯᐊᒎᕐᑐᓂᒃ; ᑖᒃᑯᐊ ᐃᓚᒋᓂᐊᕋᓯᒋᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:14

ᑍᒤᒻᒪᑦ ᓇᒡᓕᒋᔭᒃᑲ, ᒎᑎᓐᖑᐊᓄᑦ ᑭᒡᒐᕐᑐᕐᓂᕐᒥᒃ ᐱᖃᑕᐅᓂᐊᕋᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:21

ᓂᕆᓕᕌᖓᑦᓯ, ᐃᓚᑦᓯᓐᓂᒃ ᐅᑕᖅᑭᖏᑦᓯᐊᕐᓗᓯ ᓇᖕᒥᓂᖅ ᓇᒃᓴᕐᑕᑦᓯᓐᓂᒃ ᐱᕙᒃᐳᓯ, ᐃᓚᖏᑦ ᑳᒃᑎᓪᓗᒋᑦ ᐃᓚᖏᑦ ᐋᖓᔮᓕᕐᐸᒃᐳᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:13

ᐊᒡᓔᑦ ᐅᖃᕐᒪᑕ, “ᐃᓄᒃ ᐊᔪᕐᑐᓕᔪᖅ ᐃᓚᒌᖕᓂᑦᓯᓐᓂᑦ ᐊᓂᑎᓯᐅᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10

ᑎᒡᓕᒃᐸᒃᑐᑦ, ᐱᔪᒪᕕᒡᔪᐊᕐᑏᑦ, ᐋᖓᔮᕐᑏᑦ, ᐊᓯᒥᖕᓂᒡᓗ ᐅᖃᕐᓂᕐᓗᑎᖃᕐᐸᒃᑐᑦ, ᑎᒡᓕᒐᕐᑏᑦ, ᑕᒪᒃᑯᐊᓕᒫᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:6

ᐅᒃᐱᕐᑑᖃᑎᒌᖑᔪᓯᓕ ᐅᒃᐱᖏᑦᑐᓄᑦ ᐃᖅᑲᕐᑐᐃᔨᓄᑦ ᐃᖅᑲᕐᑐᕐᑕᐅᑎᑦᓯᖔᖃᑦᑕᕐᐳᓯ ᐅᒃᐱᕐᑑᖃᑎᑦᓯᓐᓂᒃ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:9

ᖃᐅᔨᒪᓐᖏᓚᓰ ᐊᑲᐅᖏᑦᑐᓕᔪᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ? ᓯᓔᕐᕆᔭᐅᑦᑍᓕᒋᑦᓯ; ᐊᖑᓐᓂᐊᕐᐸᒃᑐᑦ ᐊᕐᓇᕐᓂᐊᕐᐸᒃᑐᓪᓗ ᒎᑎᐅᖏᑦᑐᓂᒡᓗ ᒎᑎᖃᕐᑐᑦ, ᐂᑉᐸᓖᓪᓗ ᐊᓯᓐᓂᐊᕐᐸᒃᑐᑦ, ᐊᖑᑏᑦ ᐊᕐᓁᓪᓗ ᑍᒤᑦᑑᖃᑎᒥᖕᓅᕐᐸᒃᑐᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:12

ᐊᓯᖏᓐᓄᓪᓕ ᐅᖃᕐᐳᖓ, ᐅᕙᓐᓂᑦ ᐱᔪᒥᒃ ᐊᑕᓂᕐᒥᐅᖏᑦᑐᖅ; ᐅᒃᐱᕐᑐᖅ ᐊᖑᑦ ᐅᒃᐱᖏᑦᑐᒥᒃ ᓄᓕᐊᖃᕈᓂ, ᑖᑦᓱᒪᓗ ᑲᑎᒪᔪᒪᒃᐸᒍ, ᐊᕕᑕᒃᓴᕆᓐᖏᓛ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:15

ᐅᒃᐱᖏᑦᑐᕐᓕ ᐂᑉᐸᒥᓂᒃ ᐊᕕᑦᓯᔪᒪᒃᐸᑦ, ᐊᕕᑦᓯᓕ; ᐅᒃᐱᕐᑐᖅ ᐊᖑᑦ ᐊᕐᓇᕐᓘᓐᓃᑦ ᐂᑉᐸᕇᖕᓂᕐᒧᑦ ᑍᒤᑦᑐᒧᑦ ᕿᓚᒃᓱᕐᓯᒪᓐᖏᓚᖅ. ᒎᑎᐅᓪᓕ ᕾᖁᓯᒪᕚᑎᒍᑦ ᐃᓱᒫᓘᑎᖃᖁᓇᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:11

ᑍᒤᒻᒪᑦ ᐅᒃᐱᕐᑑᖃᑏᑦ ᓴᓐᖐᑦᑐᖅ, ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᑕᖓ, ᐊᓯᕈᕐᑕᐅᓕᕐᐳᖅ ᖃᐅᔨᑎᑕᐅᓯᒪᓂᕐᓄᑦ.

ᒐᓔᑎᐊᒥᐅᓄᑦ 2:12

ᔧᒥᓯᐅᑉ ᑎᓕᓯᒪᔭᖏᑦ ᑎᑭᓚᐅᖏᓐᓂᖏᓐᓂ, ᐲᑦᑐᕉᓯ ᔫᑎᐅᖏᑦᑐᓄᑦ ᓂᕆᖃᑕᐅᖃᑦᑕᓚᐅᕐᒪᑦ. ᑎᑭᒻᒪᑕᓕ ᔫᑎᐅᖏᑦᑐᓄᑦ ᓂᕆᖃᑕᐅᖃᑦᑕᕈᓐᓃᓚᐅᕐᐳᖅ ᑭᐱᔭᐅᓯᒪᔪᑦ ᓯᕘᕋᒋᒐᒥᒋᑦ.

ᐃᐱᓯᒥᐅᓄᑦ 5:18

ᐋᖓᔮᕐᓂᐊᕋᓯ ᐅᐂᓂᑐᕐᓂᕐᒧᑦ, ᑕᒪᓐᓇ ᓱᒃᑯᑎᕆᑐᐃᓐᓇᕐᒪᑦ ᐃᓄᓯᑦᓯᓐᓂᒃ; ᐊᓂᕐᓂᕐᒥᒡᓕ ᐃᓗᒻᒥᕐᑕᐅᖔᓕᕆᑦᓯ.

ᐃᐱᓯᒥᐅᓄᑦ 5:5

ᖁᓚᕐᓇᖏᑦᑐᒥᒃ ᖃᐅᔨᒪᒐᑦᓯᐅᒃ ᐊᕐᓇᕐᓂᐊᕐᐸᒃᑐᑦ ᐊᖑᓐᓂᐊᕐᐸᒃᑐᓪᓗ ᐱᐅᖏᑦᑐᓕᔪᓪᓘᓐᓃᑦ, ᐱᔪᒪᕕᒃᔪᐊᕐᐸᒃᑐᓪᓗ (ᐱᔪᒪᕕᒃᔪᐊᕐᓂᖅ ᒎᑎᐅᑉ ᐊᓯᐊᓂᒃ ᐱᔨᑦᓯᕐᓂᐅᖕᒪᑦ), ᑕᒪᒃᑯᐊ ᒎᑎᐅᑉ ᙭ᔅᑑᓯᐅᓪᓗ ᐊᑕᓂᐅᕕᖓᓂᒃ ᑭᖑᕐᖑᑦᔨᖃᑕᐅᓂᐊᖏᒻᒪᑕ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:14

ᓇᓪᓕᐊᑦ ᑎᑎᕋᕐᑕᑦᑎᓐᓂ ᑖᒃᑯᓇᖓᑦ ᐅᖃᐅᓯᕆᔭᑦᑎᓐᓂᒡᓗ ᓈᓚᒍᒪᖏᑦᑐᖅ, ᑖᓐᓇ ᓇᓪᓕᐊᖑᖕᒪᖔᑦ ᓇᓗᓁᕐᓯᐅᒃ, ᐱᓇᓱᐊᖃᑎᒋᔪᓐᓃᓗᒍᓗ, ᑲᓐᖑᓱᒃᑎᑕᐅᖁᓪᓗᒍ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:6

᙭ᔅᑑᓯᒥᐅᑕᐅᖃᑎᒃᑲ ᓇᓪᓕᒋᔭᒃᑲ, ᒫᓐᓇ ᐱᖁᓪᓚᕆᒃᐸᑦᓯ, ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑎᖓᓂ, ᐃᓚᖃᖁᓇᓯ ᐅᒃᐱᕐᑑᖃᑎᓂᒃ ᐃᓅᓯᖃᕐᑐᓂᒃ ᓱᓇᓕᕆᔪᒪᖏᑦᑐᒥᒃ ᐱᐅᓯᐅᓲᒥᒃ ᒪᓕᒐᓱᐊᖏᑦᑐᒥᒃ ᐊᔪᕆᕐᑑᑎᒋᓚᐅᕐᑕᑦᑎᓐᓂᒃ.

ᑎᒧᑎᒧᑦ ᓯᕗᓪᓖᑦ 3:3

ᐋᖓᔮᕐᑎᐅᖏᓪᓗᓂ, ᑲᑉᐱᐊᒋᔭᐅᓐᖏᓪᓗᓂ ᐃᓕᕋᓇᖏᓪᓗᓂ, ᐂᕙᖃᑦᑕᖏᓪᓗᓂᓗ, ᑮᓇᐅᔭᓂᒃ ᐱᔪᒪᓗᐊᕐᑎᐅᖏᓪᓗᓂ.

ᑎᒧᑎᒧᑦ ᓯᕗᓪᓖᑦ 6:5

ᐂᕙᓕᕐᑎᑦᓯᕙᒃᐳᑦ ᐃᓄᖕᓂᒃ ᐃᓱᒪᖃᑦᓯᐊᕋᓱᐊᖏᑦᑐᓂᒃ ᓱᓕᓂᕐᒦᖏᑦᑐᓂᒡᓗ, ᐅᒃᐱᕐᓂᖅ ᐊᔪᕐᓴᓐᖏᑦᔪᑎᒃᓴᐅᓇᓱᒋᒃᓯᕐᑐᓂᒃ.

ᔪᐊᓇᓯᐅᑉ ᐂᑉᐸᖏᑦ 1:10

ᑭᓇᑐᐃᓐᓇᕐᒧᑦ ᑎᑭᑕᐅᒍᑦᓯ ᑕᒪᑐᒥᖓ ᐊᔪᕆᕐᑑᓯᖃᖏᑦᑐᒧᑦ, ᐊᖏᕐᕋᑦᓯᓐᓄᑦ ᑐᓐᖓᓴᕐᓂᐊᕋᓯᐅᒃ ᐅᕝᕙᓗ ᑐᓐᖓᓇᕐᕕᒋᑦᑍᓕᓯᐅᒃ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:14

ᐅᓄᖏᑦᑑᒐᓗᐊᓂᒡᓕ ᓈᒻᒪᒃᓴᖏᑦᔪᑎᒃᓴᖃᕐᐳᖓ ᐃᓕᖕᓄᑦ: ᓇᔪᕐᑕᕐᓂ ᒪᓕᒃᑐᕐᑕᖃᕐᒪᑦ ᐸᓛᒻᒥᐅᑉ ᐊᔪᕆᕐᑑᓯᖏᓐᓂᒃ, ᑖᓐᓇ ᐹᓚᒃ ᐊᔪᕆᕐᑐᐃᓚᐅᕐᒪᑦ ᐃᓴᕆᐊᓕᒥᐅᓂᒃ ᐊᒡᕕᐊᕈᑎᒃᓴᓕᐅᕆᓪᓗᓂ, ᓂᕆᑎᓪᓗᒋᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:20

ᓈᒻᒪᒃᓴᖏᑦᔪᑎᖃᕐᐳᖓᓕ ᐃᓕᖕᓄᑦ ᐃᒤᑦᑐᒥᒃ, ᐊᕐᓇᖅ ᔨᓴᐱᐊᓕ ᓱᖁᑎᒋᓐᖏᓐᓇᕕᐅᒃ, ᓇᓚᐅᑦᑍᔫᓂᕋᕐᑎᓪᓗᒍ ᐊᔪᕆᕐᑐᐃᓂᕐᒥᒍᑦ ᑕᒻᒪᕐᑎᑦᓯᓕᕐᒪᑦ ᐱᔨᓐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᓪᓗᓂᒋᑦ ᓂᕆᑎᑦᓯᕙᒡᓗᓂᓗ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.