ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1 Iomraidhean Croise

ᒨᓯᓯ ᓯᕗᓪᓖᑦ 35:22

ᐃᓴᕆᐊᐅᓕ ᑕᕝᕙᓂ ᓄᓇᖃᕐᑎᓪᓗᒍ, ᕉᐱᓂ ᐃᓐᓇᖓᖃᑎᖃᕐᐳᖅ ᐱᓪᕼᐊᒥᒃ, ᐊᑖᑕᖓᑕ ᐱᔨᒋᓪᓗᒍ ᓄᓕᐊᒃᑲᓐᓂᖓᓂ; ᐃᓴᕆᐊᓪᓗ ᑕᒪᓐᓇ ᑐᓴᕐᐹ. ᔧᑯ ᐃᕐᓂᖃᓚᐅᕐᐳᖅ 12ᓂᒃ.

ᒨᓯᓯ ᓯᕗᓪᓖᑦ 37:2

ᑕᒪᑦᔭᓗ ᔧᑰᑉ ᐃᓚᒋᔭᖏᑕ ᐅᓂᒃᑳᕐᑕᐅᓂᖏᑦ ᑕᒫᓂ ᐅᖃᐅᓯᐅᓯᒪᕗᑦ. ᔫᓯᐱ ᐃᓅᓱᒃᑐᖅ ᐊᕐᕌᒍᖃᕐᓗᓂ 17ᓂᒃ, ᐆᒪᔪᓂᒃ ᒥᐊᓂᕐᓯᖃᑕᐅᓚᐅᕐᐳᖅ ᐊᖓᔪᓂ ᐃᓚᒋᓪᓗᒋᑦ, ᑖᒃᑯᐊ ᐱᓪᕼᐊᑉ ᔨᐅᓪᐸᐅᓪᓗ ᐃᕐᓂᖏᑦ, ᔧᑰᑉ ᓄᓕᐊᒃᑲᓐᓂᖏᑕ; ᐊᑖᑕᒥᓄᓪᓗ ᐅᓐᓂᕐᓗᒃᓴᓚᐅᕐᐳᖅ ᐊᖓᔪᖏᑕ ᐱᑦᓯᐊᖏᓐᓂᖏᓐᓂᒃ.

ᒨᓯᓯ ᓯᕗᓪᓖᑦ 49:4

ᐃᒥᕐᑎᑐᑦ ᕿᑲᖏᑦᑐᑎᑐᑦ ᑍᒤᑉᐳᑎᑦ, ᐱᓪᓚᕆᓐᖑᕐᓂᕐᒥ ᐃᓂᖃᕐᓂᐊᓐᖏᓚᑎᑦ, ᐊᑖᑕᕕᑦ ᐃᓐᓇᓐᖓᕕᐊᓄᑦ ᐂᓚᐅᕋᕕᑦ; ᑕᕝᕙᓂᓗ ᐊᑖᑍᑦ ᓇᕐᕈᓇᕐᓯᑎᓚᐅᕐᐸᑦ ᓯᓂᒡᕕᓐᓄᑦ ᐂᓚᐅᕋᕕᑦ!

ᓴᒧᐃᓕ ᐂᑉᐸᖏᑦ 16:22

ᑍᒤᒻᒪᑦ ᐊᖓᔪᖅᑳᕐᔪᐊᖃᕐᕕᐅᑉ ᖄᖓᓂ ᑐᐱᕐᒥᒃ ᓇᑉᐰᓚᐅᕐᐳᑦ; ᐃᓴᕆᐊᓕᒥᐅᓕᒫᓪᓗ ᑕᑯᓐᓇᕐᑎᓪᓗᒋᑦ ᐋᑉᓴᓚᒻ ᐃᑎᓚᐅᕐᐳᖅ ᐊᑖᑕᖓᑕᓗ ᓄᓕᐊᖏᑦ ᐃᓐᓇᖓᖃᑎᒋᓪᓗᒋᑦ.

ᓴᒧᐃᓕ ᐂᑉᐸᖏᑦ 20:3

ᑍᕕᑎ ᑎᑭᓐᓇᒥ ᐃᒡᓗᒥᓄᑦ ᔨᕉᓴᓕᒧᑦ, ᓄᓕᐊᓂ ᖁᓖᑦ ᐅᑎᕐᕕᒋᓚᐅᕐᐰᑦ ᑲᒪᖁᓚᐅᕐᑕᓂ ᐃᒡᓗᒥᓂᒃ, ᖃᐅᔨᓴᕐᑎᒧᓪᓗ ᑲᒪᒋᔭᐅᑎᓕᕐᓗᒋᑦ, ᐱᔭᕆᐊᖃᕐᑕᖏᓐᓂᒃ ᑲᒪᒋᑦᓯᐊᓚᐅᕐᐰᑦ, ᑭᓯᐊᓂᓕ ᐃᓐᓇᖓᖃᑎᒋᓚᐅᓐᖏᓔᑦ. ᐱᑦᑍᓕᓕᕐᑎᓚᐅᕐᐰᑦ ᐃᓅᓯᓕᒫᖏᓐᓂ, ᐃᓅᓕᓚᐅᕐᐳᑦ ᐅᐃᒡᒐᕐᓂᑯᑎᑐᑦ.

ᑯᕉᓂᑲ ᓯᕗᓪᓖᑦ 5:1

ᕉᐱᓂᐅᑉ ᐃᕐᓂᖏᑦ ᐃᓴᕆᐊᓕᐅᑉ ᐊᖓᔪᒃᓯᕐᐹᖁᑎᖓᑕ ᐊᖓᔪᒃᓯᕐᐹᖑᒐᓗᐊᖅ, ᑭᓯᐊᓂ ᐊᑖᑕᖓᑕ ᓄᓕᐊᒃᑲᓐᓂᖓᓂᒃ ᐃᓐᓇᖓᖃᑎᖃᓚᐅᕐᒪᑦ ᓱᒃᑯᑎᕆᓚᐅᕐᐳᖅ, ᑕᕝᕙ ᐊᖓᔪᒃᓯᕐᐸᐅᓂᖓᑕ ᑎᑎᕋᕐᑕᐅᓯᒪᓂᖓ ᑐᓂᔭᐅᓚᐅᕐᐳᖅ ᐃᓴᕆᐊᓕᐅᑉ ᐃᕐᓂᖓᑕ ᔫᓯᐱᐅᑉ ᐃᕐᓂᖏᓐᓄᑦ, ᑍᒤᒻᒪᑦ ᐊᖓᔪᒃᓯᕐᐹᖑᓂᖓᑕ ᐃᓚᖏᑦ ᑎᑎᕋᕐᑕᐅᓯᒪᓐᖏᓚᑦ ᐊᖓᔪᒃᓯᕐᐹᕐᓯᐅᑎᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 2:33

ᐅᖓᒋᔭᒃᓴᕐᓯᐅᓕᕌᖓᑦᓯ ᐱᓯᑎᐊᓘᕗᓯ, ᐊᕐᓁᑦ ᐱᐅᖏᑦᑐᓕᔪᑦ ᐱᐅᓯᑦᓯᓐᓂᒃ ᐃᓕᓴᕐᐸᓯ.

ᐃᓯᑭᐊᓕᐅᑉ ᐊᒡᓚᖏᑦ 16:47

ᓈᒻᒪᒃᓯᓚᐅᓐᖏᓚᑎᑦ ᐊᑐᓚᐅᕐᑕᖓᓂᒃ ᐊᑐᕋᓗᐊᕋᕕᑦ, ᓇᕐᕈᓇᕐᑐᓂᒡᓗ ᐱᓇᓱᐊᓚᐅᕐᑕᖏᑕ ᐊᑦᔨᖏᓐᓂᒃ ᐊᑐᕐᓗᑎᑦ; ᐊᑯᓂᐅᖏᑦᑐᖅ ᑍᒃᑯᓇᓐᖓᑦ ᐱᐅᖏᓐᓂᕐᓵᓗᖕᓂᒃ ᐊᑐᓕᓚᐅᕐᐳᑎᑦ ᐃᓕᖅᑯᓯᕆᔭᓕᒫᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 22:10

ᐃᓚᖏᑦ ᐊᑖᑕᒥᑕ ᓄᓕᐊᖏᓐᓂᒃ ᐃᓐᓇᖓᖃᑎᖃᖃᑦᑕᕐᐳᑦ; ᐃᓚᖏᓪᓗ ᐊᕐᓇᓂᒃ ᐊᐅᓈᕐᑐᓂᒃ ᐱᔪᒪᑎᓐᓇᖏᑦ ᐃᓐᓇᖓᖃᑎᖃᖃᑦᑕᕐᓗᑎᒃ.

ᒨᓯᓯ ᐱᖓᔪᖏᑦ 18:8

ᐊᑖᑕᕕᑦ ᓄᓕᐊᖓᑕ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔪᒃᓴᐅᓐᖏᓚᑎᑦ; ᐊᑖᑕᕕᑦ ᑲᓐᖑᓇᕐᓂᕆᖕᒪᒍ.

ᒨᓯᓯ ᐱᖓᔪᖏᑦ 20:11

ᐊᖑᑦ ᐃᓐᓇᖓᖃᑎᖃᕐᐸᑦ ᐊᑖᑕᒥ ᓄᓕᐊᖓᓂᒃ, ᐊᑖᑕᓂ ᐅᐱᒋᖏᒻᒪᒍ ᑕᒪᕐᒥᒃ ᐊᖑᓪᓗ ᐊᕐᓇᕐᓗ ᑐᖁᑕᐅᔭᕆᐊᖃᕐᐳᒃ; ᓇᖕᒥᓂᖅ ᑐᖁᑕᐅᑦᔪᑎᒃᓴᓕᐅᕐᒪᑎᒃ.

ᐂᒨᓯᐅᑉ ᐊᒡᓚᖏᑦ 2:7

ᑐᓪᓕᕋᕐᒪᑕ ᐊᔪᕐᓴᕐᑐᑦ ᓂᐊᖁᖏᓐᓂᒃ ᒪᓂᖅᑲᒥᒃ ᑐᓪᓕᕋᕐᑐᑎᑐᑦ, ᓵᓚᐅᓯᒪᔪᓪᓗ ᐱᑦᓯᐊᕐᓇᒋᑦ ᐊᒡᕖᕐᑎᓚᐅᕐᒪᒋᑦ; ᐊᑖᑕᒌᓪᓗ ᐊᕐᓇᒥᒃ ᑖᑦᓱᒥᖓᑦᓮᓐᓇᖅ ᐱᖃᑎᖃᖃᑦᑕᓚᐅᕐᒪᑕ, ᑕᒪᑐᒧᖓ ᐊᑎᕋ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᕐᑕᐅᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 15:20

ᑎᑎᕋᕐᕕᒋᔭᒃᓴᕆᕙᕗᓪᓕ ᐅᖃᐅᑎᓗᒋᑦ ᓂᕆᖃᑕᐅᖁᖏᓪᓗᒋᑦ ᐆᒪᔪᕕᓂᕐᓂᒃ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ, ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑍᓕᖏᑦᑐᓄᑦ ᐃᓚᐅᖃᑕᖁᖏᓪᓗᒋᑦ, ᓂᕆᖃᑦᑕᖁᖏᓪᓗᒋᓪᓗ ᐆᒪᔪᓂᒃ ᕿᒥᑕᐅᓗᑎᒃ ᑐᖁᑕᐅᓯᒪᔪᓂᒃ, ᐊᐅᒃᑐᖃᑦᑕᖁᖏᓪᓗᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:29

ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᑦ ᓂᕆᖁᓇᓯ, ᐆᒪᔫᓪᓗ ᕿᒥᑕᕕᓂᐅᑉ ᐊᐅᖓᓂᒃ ᓂᕿᖓᓂᒡᓗ ᓂᕆᖁᓇᓯ; ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓇᓯ. ᑕᒪᒃᑯᓂᖓ ᐊᑐᕐᑍᓕᒍᑦᓯ ᐊᑲᐅᔪᒥᒃ ᐱᓂᐊᕐᐳᓯ. ᑕᕝᕙᐅᕗᓯ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:11

ᑯᓗᐃᒃᑯᑦ ᐃᒡᓗᒥᐅᖃᑎᖏᓐᓂᑦ ᑐᓴᕐᑎᑕᐅᓚᐅᕋᒪ, ᐃᓚᒃᑳ, ᐂᕙᖃᑦᑕᕐᓂᑦᓯᓐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:11

ᐃᒫᒡᓕ ᐅᖃᕋᓱᐊᓚᐅᕐᐳᖓ ᐃᓚᖃᖁᓇᓯ ᐅᒃᐱᕐᑑᖃᑕᐅᓂᕋᕐᑐᒥᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᐅᔪᒥᒃ, ᐱᔪᒪᓂᕐᔪᐊᒧᓪᓗ ᐊᐅᓚᑕᐅᓲᖑᔪᒥᒃ, ᒎᑎᓐᖑᐊᓄᓪᓗ ᑐᒃᓯᐊᕐᑎᐅᔪᒥᒃ, ᐅᖃᕐᓂᕐᓗᒃᑎᐅᓪᓗᓂ, ᐋᖓᔮᕐᑎᐅᔪᒥᒃ, ᑎᒡᓕᒃᑎᐅᓲᖑᔪᒥᒡᓗ. ᑍᒤᑦᑐᑦ ᐊᒡᓛᑦ ᓂᕆᖃᑎᒋᔭᒃᓴᕆᓐᖏᓚᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:13

ᓂᕿ ᐊᕿᐊᕈᕐᒧᑦ ᑐᕌᖓᖕᒪᑦ, ᐊᕿᐊᕈᕐᓗ ᓂᕿᒧᑦ ᑐᕌᖓᒋᓪᓗᓂ, ᒎᑎᐅᓪᓗ ᑕᒪᒃᑯᐊ ᑕᒪᕐᒥᒃ ᐊᑐᕈᓐᓃᕐᑎᑦᓱᒫᕐᐰᑦ. ᑎᒥ ᐊᕐᓇᕐᓂᐊᕐᓂᕐᒧᑦ ᐊᖑᓐᓂᐊᕐᓂᕐᒧᓪᓗ ᑐᕌᖓᖏᒻᒪᑦ, ᐊᑕᓂᕐᒧᓪᓕ ᐱᔨᑦᓯᕐᑐᒃᓴᓕᐊᕆᓯᒪᕗᖅ, ᐊᑕᓂᕐᓗ ᑎᒥᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:18

ᐊᖑᓐᓂᐊᕐᓂᖅ ᐊᕐᓇᕐᓂᐊᕐᓂᕐᓗ ᐅᓗᕆᐊᒋᓯᐅᒃ. ᐊᔪᕐᑐᓕᓃᑦ ᐊᓯᓕᒫᖏᑦ ᑎᒥᐅᑉ ᓯᓚᑖᓂᑦ ᐱᖕᒪᑕ; ᐊᖑᓐᓂᐊᕐᑐᕐᓕ ᐊᕐᓇᕐᓂᐊᕐᑐᕐᓗ ᓇᖕᒥᓂᖅ ᑎᒥᒥᓄᑦ ᐊᔪᕐᑐᓕᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:9

ᖃᐅᔨᒪᓐᖏᓚᓰ ᐊᑲᐅᖏᑦᑐᓕᔪᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ? ᓯᓔᕐᕆᔭᐅᑦᑍᓕᒋᑦᓯ; ᐊᖑᓐᓂᐊᕐᐸᒃᑐᑦ ᐊᕐᓇᕐᓂᐊᕐᐸᒃᑐᓪᓗ ᒎᑎᐅᖏᑦᑐᓂᒡᓗ ᒎᑎᖃᕐᑐᑦ, ᐂᑉᐸᓖᓪᓗ ᐊᓯᓐᓂᐊᕐᐸᒃᑐᑦ, ᐊᖑᑏᑦ ᐊᕐᓁᓪᓗ ᑍᒤᑦᑑᖃᑎᒥᖕᓅᕐᐸᒃᑐᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:21

ᓯᕘᕋᕗᖓ ᐃᓕᑦᓯᓐᓄᑦ ᑎᑭᒍᒪ ᒎᑎᒧᑦ ᒥᑭᒡᓕᑎᕐᑕᐅᓂᐊᕋᓱᒋᓪᓗᖓ ᐃᓕᑦᓯ ᓵᖓᓐᓂ, ᕿᒃᓵᒍᑎᖃᕐᓂᐊᕋᓱᒋᓪᓗᖓᓗ ᐅᓄᕐᑐᓄᑦ ᐊᔪᕐᑐᓕᓚᐅᕐᑐᓄᑦ ᖃᕿᐊᓕᓚᐅᖏᑦᑐᓄᑦ ᐱᐅᖏᑦᑐᓕᐊᕆᓚᐅᕐᑕᒥᖕᓂᑦ, ᓄᓕᐊᕐᓂᒃᑯᑦ, ᐱᔪᒪᓂᕐᔪᐊᒃᑯᓪᓗ ᐱᓕᕆᓂᕆᓚᐅᕐᑕᒥᖕᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:5

ᖁᕕᐊᓇᖏᑦᑐᒥᒃ ᐱᓯᒪᔪᖃᕐᐸᑦ ᐅᕙᓐᓂᒃ ᖁᕕᐊᓱᒍᓐᓃᕐᑎᑎᑐᐃᓐᓇᖏᓚᖅ ᐃᓕᑦᓯᓐᓂᓕᒫᕐᓕᑕᐅᖅ ᖁᕕᐊᓇᖏᑦᑐᒦᑎᑦᑎᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:12

ᑎᑎᕋᕐᕕᒋᓚᐅᕋᓗᐊᕐᐸᑦᓯ, ᐊᔪᕐᑐᓕᔪᕐᓕ ᑎᑎᕋᕈᑎᒋᓚᐅᓐᖏᓚᕋ, ᐊᔪᕐᑐᓕᕕᐅᔪᕐᓘᓐᓃᑦ, ᓇᖕᒥᓂᕐᓕ ᓇᓗᓁᕐᓯᕕᐅᖁᓪᓗᓯ ᐅᕙᑦᑎᓐᓄᑦ ᑐᓂᓯᒪᑦᓯᐊᓪᓚᕆᖕᓂᑦᓯᓐᓂᒃ ᒎᑎᐅᑉ ᓵᖓᓂ.

ᒐᓔᑎᐊᒥᐅᓄᑦ 5:19

ᑎᒥᐅᑉ ᐱᓇᓱᐊᕐᓂᖏᑦ ᓇᓗᓇᓐᖏᓚᑦ ᐃᒤᑦᑐᑦ; ᐊᕐᓇᕐᓂᐊᕐᓂᖅ ᐊᖑᓐᓂᐊᕐᓂᕐᓗ, ᑲᓐᖑᓇᕐᑐᓕᓂᖅ, ᓄᓕᐊᕐᓂᕐᒥᒃ ᐊᑐᕐᓂᕐᓗᖕᓂᖅ;

ᐃᐱᓯᒥᐅᓄᑦ 5:3

ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑐᒥᒃ ᐱᐅᖏᑦᑐᓕᔨᓂᒡᓗ ᐱᔪᒪᕕᒡᔪᐊᕐᑎᓂᒡᓗ ᐅᖃᐅᓯᐅᔪᒃᓴᐅᔪᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᑦ ᑍᒫᒃ ᐊᑐᕆᐊᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 22:30

“ᐊᖑᑦᑕᐅᖅ ᐊᑖᑕᒥᓂᒃ ᑲᓐᖑᓇᕐᓯᑎᑦᓯᔪᒃᓴᐅᓐᖏᓚᖅ ᓄᓕᐊᖏᑕ ᐃᓚᖓᓐᓂᒃ ᐃᓐᓇᖓᖃᑎᖃᕐᓂᕐᒥᖑᑦ.”

ᒨᓯᓯ ᑕᓪᓕᒪᖏᑦ 27:20

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐊᑖᑕᒥᓂᒃ ᑲᓐᖑᓇᕐᑐᒦᑎᑦᓯᔪᖅ ᐃᓐᓇᖓᖃᑎᖃᕐᓂᕐᒥᓄᑦ ᐊᑖᑕᖓᑕ ᓄᓕᐊᖓᑦᑕ ᐃᓚᖓᓐᓂᒃ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:7

ᒎᑎᐅᑉ ᕾᖁᓚᐅᖏᒻᒪᑎᒍᑦ ᐊᑐᕈᒥᓇᖏᑦᑐᓂᒃ ᑕᒪᒃᑯᓂᖓ ᐃᓕᖅᑯᓯᖃᖁᓗᑕ, ᐃᑦᔪᕐᓁᖁᓪᓗᑕᓕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:21

ᖃᕿᐊᓕᕐᕕᒃᓴᖃᕐᑎᓚᐅᕋᓗᐊᕐᐸᕋ, ᑭᓯᐊᓂᓕ ᓄᓕᐊᕐᓂᒃᑯᑦ ᐊᑐᕐᓂᕐᓗᖕᓂᕐᒥᑦ ᖃᕿᐊᓕᕈᒪᓚᐅᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᓴᒧᐃᓕ ᓯᕗᓪᓖᑦ 2:24

ᑍᒤᓕᐅᕈᓐᓃᕆᑦᑎᒃ ᐃᕐᓂᒃᑳᒃ; ᑕᒪᓐᓇ ᐱᐅᖏᑦᑐᒻᒪᕆᐊᓗᒃ ᐊᑕᓂᐅᑉ ᐃᓄᖁᑎᖏᑕ ᐅᖃᐅᓯᕆᖃᑦᑕᓕᕐᒪᑦᔪᒃ.