ᑯᕆᓐᑎᐊᒥᐅᓄᑦ ᓯᕗᓪᓖᑦ 4:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᒪᒃᑯᐊ ᐃᓚᒃᑳ ᐅᖃᐅᓯᕆᕙᒃᑲ ᐱᕙᓪᓕᕈᑎᒃᓴᑦᓯᓐᓄᑦ ᐅᕙᖓᓗ ᐊᐴᓗᓯᓗ ᐆᒃᑑᑎᒋᓗᓄᒃ, ᑐᑭᓯᒃᑲᓐᓂᖁᓪᓗᓯ ᐅᖃᐅᓯᕆᓯᒪᔭᑦᑎᓐᓂᑦ, ᐅᓇ ᐅᖃᐅᓯᐅᕙᒃᑐᖅ ᑐᑭᓯᓂᐊᕋᑦᓯᐅᒃ, “ᐱᖁᔧᑦ ᒪᓕᑦᓯᐊᕐᓗᒋᑦ ᐃᓅᔪᒃᓴᐅᕗᓯ.” ᓇᓕᕐᓯ ᐱᐅᔪᕆᓗᓂ ᐃᓄᐃᑦ ᓇᓪᓕᐊᓐᓂᒃ ᐱᐅᓂᕐᓴᐅᓂᕅᖁᓇᒍ ᐊᓯᐊ ᓇᕐᕈᒋᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:6 Iomraidhean Croise

ᐃᓐᖏᕈᑎᑦ 146:3

ᐊᖓᔪᖅᑳᕐᔪᐊᑦ ᑕᑎᑐᐊᕆᓂᐊᕐᓇᒋᑦ, ᐃᓄᑐᐃᓐᓁᓪᓗ, ᑖᒃᑯᐊ ᐃᑲᔪᕈᓐᓇᖏᒻᒪᑕ.

ᐃᓐᖏᕈᑎᑦ 8:4

ᐃᓄᒃ ᓱᓇᐅᖕᒪᑦ ᐃᖅᑲᐅᒪᕕᐅᒃ? ᓱᖕᒪᓪᓗ ᐃᓅᑉ ᐃᕐᓂᖓ ᑕᑯᔭᕐᑐᕐᐱᐅᒃ?

ᐂᓮᐊᓯᐅᑉ ᐊᒡᓚᖏᑦ 2:22

ᐃᓄᒃ ᐊᓚᕐᓯᐅᒃ ᓱᕐᓗᖕᒥᒍᑦ ᐊᓂᕐᓵᕐᑐᕐᐸᒃᑐᖅ, ᓱᓇᒦᒃ ᐊᑑᑎᒃᓴᖃᕐᒪᑦ?

ᐋᐴᓯᑕᓖᑦ ᐱᓂᐊᕐᓂᖏᑦ 18:24

ᑍᑦᓱᒪᓂ ᐊᖑᑦ ᔫᑎ ᐊᐴᓗᓯᒥᒃ ᐊᑎᓕᒃ, ᐊᓕᒃᓴᓐᑐᕆᐊᒥ ᐃᓅᓕᕐᓂᑯ, ᐃᐱᓲᓯᒧᑦ ᑎᑭᑉᐳᖅ. ᑖᓐᓇ ᐅᖃᓪᓚᑦᓯᐊᕈᓐᓇᕐᑑᖅ, ᐊᒡᓚᓂᒃ ᖃᐅᔨᒪᑦᓯᐊᕐᓗᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 19:1

ᐊᐴᓗᓯ ᑯᕆᓐᑎᒦᑎᓪᓗᒍ, ᐸᐅᓗᓯ ᐃᐱᓲᓯᒧᐊᕐᐳᖅ ᓄᓇᒃᑯᑦ ᑐᕅᓐᓇᕐᓗᓂ. ᑕᕝᕙᓂᓗ ᐃᓕᓐᓂᐊᕐᑎᓂᒃ ᑲᑎᓯᕗᖅ.

ᕉᒪᒥᐅᓄᑦ 12:3

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᖓᑕ ᑐᓂᓯᕕᒋᓯᒪᖕᒪᖓ ᑕᒪᑦᓯᓐᓄᑦ ᐅᖃᕐᐳᖓ: ᓇᖕᒥᓂᑦᓯᓐᓂᒃ ᐱᐅᔪᕆᖁᓇᓯ, ᐃᓕᑦᓯᓐᓂᒡᓕ ᐃᓱᒪᒋᓕᕆᑦᓯ ᐃᓱᒪᒃᓴᕐᓯᐅᑦᓯᐊᕐᓗᓯ, ᐊᑐᓂᑦ ᒎᑎᐅᑉ ᑐᓂᔭᖓ ᐅᒃᐱᕐᓂᖅ ᒪᓕᒡᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:12

ᐃᒫᒃ ᓇᓗᓁᕐᓯᓚᐅᕐᓚᖓ ᐃᓚᓯ ᐃᓚᖓᑦ ᐅᖃᕐᐳᖅ, “ᐸᐅᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᐊᐴᓗᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “ᓰᐸᓯᒧᑦ ᒪᓕᒃᑎᐅᕗᖓ,” ᐊᓯᐊᓗ “᙭ᔅᑑᓯᒧᑦ ᒪᓕᒃᑎᐅᕗᖓ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:19

ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᓯᓚᑐᔪᑦ ᓯᓚᑐᓂᖓᑦ ᐊᓯᕈᕐᓂᐊᕐᐸᕋ, ᐃᓕᓯᒪᔪᓪᓗ ᑐᑭᓯᓯᒪᓂᖓᑦ ᐊᑐᕈᓐᓃᕐᑎᓐᓂᐊᕐᐸᕋ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:31

ᑍᒤᒻᒪᑦ, ᐊᒡᓚᖕᓂ ᑎᑎᕋᕐᓯᒪᕗᖅ, “ᐃᒻᒥᓂᒃ ᓂᕐᑑᑎᔪᒪᔫᑉ ᐊᑕᓂᖅ ᓂᕐᑐᕈᑎᒋᓕᐅᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:4

ᓇᒡᓕᖕᓂᖅ ᕿᓄᐃᓵᕈᓐᓇᕐᐳᖅ ᐱᑦᓯᐊᕈᓐᓇᕐᓗᓂᓗ; ᓇᒡᓕᖕᓂᖅ ᐊᓐᓂᕈᑦᔨᓐᖏᓚᖅ, ᐱᐅᔪᕆᓇᓂᓗ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:19

ᓯᓚᕐᔪᐊᕐᒥᐅᑦ ᓯᓚᑐᓂᖓ ᒎᑎᒧᑦ ᓯᓔᓐᓂᐅᖕᒪᑦ. ᑎᑎᕋᕐᓯᒪᖕᒪᑦ, “ᒎᑎᐅᑉ ᓯᓚᑐᔪᑦ ᓂᒐᕐᑎᑉᐰᑦ ᓯᓚᑐᓵᕐᓂᖏᑎᒍᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:21

ᑍᒤᒻᒪᑦ ᐃᓅᑉ ᐱᔪᓐᓇᕐᓂᖏᑦ ᓂᕐᑐᕈᑎᒋᔭᐅᔪᒃᓴᐅᓐᖏᓚᑦ. ᑕᒤᑕ ᐱᒋᒐᑦᓯᒋᒃ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:2

ᐱᐅᔪᕆᕗᓯ! ᕿᒃᓵᒍᑎᒋᔭᕆᐊᖃᒃᖏᓚᓯᐅᒃ? ᑍᓐᓇ ᑍᒤᓕᐅᕐᑐᖅ ᐃᓚᒋᔪᓐᓃᕐᓯᐅᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:6

ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:1

ᒫᓐᓇᓕ ᓂᖀᑦ ᑐᓂᕐᕈᑕᐅᓯᒪᔪᑦ ᒎᑎᓐᖑᐊᓄᑦ ᐱᑦᔪᑎᒋᓪᓗᒋᑦ. ᖃᐅᔨᒪᕗᒍᑦ ᐅᖃᐅᓯᐅᕙᒃᑐᖅ ᓱᓕᖕᒪᑦ “ᐃᓘᓐᓇᑕ ᖃᐅᔨᒪᑎᑕᐅᓂᕐᒥᒃ ᐱᑎᑕᐅᓯᒪᕗᒍᑦ,” ᐅᓇ “ᖃᐅᔨᒪᑎᑕᐅᓂᖅ,” ᐱᐅᔪᕆᑎᑦᓯᕗᖅ, ᓇᒡᓕᖕᓂᕐᓕ ᐋᖅᑭᒃᓱᐃᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:23

ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓪᓗᒋᑦ ᑍᒫᒃ ᐱᕗᖓ, ᓮᒻᒪᕐᑎᑕᐅᓇᕐᓂᖏᓐᓂᒃ ᐱᖃᑕᐅᔪᒪᓪᓗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:12

ᐅᕙᑦᑎᓐᓂᒃ ᐱᐅᔪᕆᓐᖏᓐᓇᑦᑕ ᐊᑦᔨᐅᑎᑦᑐᒪᓐᖏᓚᒍᓪᓘᓐᓃᑦ ᐃᒻᒥᖕᓂᒃ ᐱᐅᔪᕆᔪᓄᑦ. ᑍᒃᑯᐊ ᐆᒃᑑᑎᒋᖃᑦᑕᐅᑎᕙᖕᒪᑕ ᐃᒻᒥᖕᓄᑦ, ᐊᑦᔨᐅᑎᖃᑦᑕᐅᑎᕙᒃᓗᑎᒡᓗ ᐃᒻᒥᖕᓄᑦ, ᑍᒤᓕᐅᕐᓗᑎᒃ ᑖᒃᑯᐊ ᓯᓔᑦᑑᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:15

ᐅᕙᑦᑎᓐᓂᒡᓗ ᓂᕐᑑᑎᓐᖏᓚᒍ ᐱᓗᐊᕐᑎᓪᓗᑕ, ᐊᓯᑦᑕ ᐱᓇᓱᐊᕐᕕᒋᓯᒪᔭᖏᑦ ᑎᑭᓪᓗᒋᑦ; ᐃᒫᒡᓕ ᓂᕆᐅᒋᔭᖃᕐᐳᒍᑦ ᐅᒃᐱᕐᓂᓯ ᐱᕈᕐᐸᓪᓕᐊᓂᖓᓄᑦ, ᐱᓇᓱᐊᕐᓂᕐᓴᐅᔪᓐᓇᖁᓪᓗᑕ ᐃᓕᑦᓯᓐᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:7

ᑕᑯᒃᓴᐅᔪᑐᐃᓐᓇᕐᒥᒃ ᑕᐅᑐᒃᑲᑦᓯ. ᓇᓪᓕᐊᑦ ᖁᓚᖏᒃᑯᓂ ᙭ᔅᑑᓯᒧᑦ ᐱᒋᔭᐅᓂᕐᒥᓂᒃ, ᑖᓐᓇ ᐃᒻᒥᓂᒃ ᐃᖅᑬᑎᓕᕐᓕ ᙭ᔅᑑᓯᒧᑦ ᐱᒋᔭᐅᖕᒥᒐᑦᑕᑦᑕᐅᖅ ᑖᒃᑯᑎᑐᓇᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:4

ᐃᓕᑦᓯᓐᓄᑦ ᑎᑭᑦᑐᖃᕐᐸᑦ ᔩᓱᓯᐅᑉ ᐊᓯᐊᓂᒃ ᐊᔪᕆᕐᑐᐃᑦᔪᑎᖃᕐᑐᒥᒃ ᐊᔪᕆᕐᑐᐃᑦᔪᑎᒋᓚᐅᓐᖏᑕᑦᑎᓐᓂᒃ, ᐅᕝᕙᓗ ᐊᓂᕐᓂᕐᒥᒃ ᐃᓚᓕᐅᕐᓯᒍᑦᓯ ᐱᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᐅᕝᕙᓗ ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᐊᓂᒃ ᐃᓚᓕᐅᕐᓯᒍᑦᓯ ᐃᓚᓕᐅᕐᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᑍᒤᑦᑐᓂᒃ ᖃᓄᐃᒃᓴᕋᓯ ᐱᕕᖃᕐᑎᑦᓯᓲᖑᒐᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:19

ᐃᓱᒪᖃᕐᐱᓰ ᑍᒪᓐᖓᑦ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᓐᓇᓱᐊᕐᑐᑐᑦ ᐱᓇᓱᒋᓪᓗᑕ ᐃᓕᑦᓯᓐᓄᑦ? ᓇᒡᓕᒋᔭᒃᑳ, ᐅᖃᓪᓚᓚᐅᕐᐳᒍᓪᓕ ᒎᑎᐅᑉ ᓵᖓᓂ ᙭ᔅᑑᓯᒥ, ᖃᓄᐃᓕᐅᕐᓂᕗᓪᓗ ᑕᒪᕐᒥᒃ ᐱᓇᓱᐊᕐᐸᕗᑦ ᐱᕙᓪᓕᐊᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:20

ᓯᕘᕋᒐᒪ ᐃᓱᒪᒋᔭᑦᑐᑦ ᑕᑯᓂᐊᕋᓱᒋᖏᓪᓗᓯ, ᐃᓱᒪᒋᔭᑦᓯᑐᓪᓗ ᑕᑯᔭᐅᓂᐊᕋᓱᒋᓇᖓ ᐃᓕᑦᓯᓐᓄ; ᓯᕘᕋᕗᖓ ᐂᕙᓂᖃᕐᓂᐊᕋᓱᒋᓪᓗᒍ ᐱᓂᕐᓴᐅᔪᒪᔪᖃᕐᓂᐊᕋᓱᒋᓪᓗᒍᓗ, ᓂᓐᖓᐅᒪᓂᕐᑕᖃᕐᓂᐊᕋᓱᒋᕙᕋ, ᓇᖕᒥᓂᕐᓯᐅᕐᓂᕐᑕᖃᕐᓂᐊᕋᓱᒋᓪᓗᒍ, ᐅᖃᕐᓂᕐᓘᑎᓂᖃᕐᓂᐊᕋᓱᒋᕙᕋ ᑎᕐᓕᐊᖃᑦᑕᐅᑎᓂᕐᑕᖃᕐᓂᐊᕋᓱᒋᓪᓗᒍᓗ, ᐃᒻᒥᓂᒃ ᓂᕐᑑᑎᓂᕐᑕᖃᕐᓂᐊᕋᓱᒋᕙᕋ, ᐋᖅᑭᒃᓯᒪᑦᓯᐊᖏᓐᓂᕐᑕᖃᕐᓂᐊᕋᓱᒋᓪᓗᒍᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:6

ᓂᕐᑑᑎᔪᒪᒍᒪ ᐅᕙᓐᓂᒃ, ᓯᓔᑦᑑᒐᔭᓐᖏᓚᖓ, ᓱᓕᔪᒥᒃ ᐅᖃᕋᔭᕋᒪ. ᑍᒤᓕᐅᕈᒪᓐᖏᓚᖓᓕ, ᐊᖏᔪᐊᓗᒃᑎᑐᑦ ᐃᓱᒪᒋᔭᐅᓕᕈᒪᓇᖓ, ᐅᖃᐅᓯᕆᓯᒪᔭᒪ ᐱᓂᐊᕐᓂᕐᒪᓘᓐᓃᑦ ᐅᖓᑖᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:15

ᑕᒪᓐᓇ ᑍᒤᑉᐳᖅ ᐱᑦᔪᑎᒋᓪᓗᓯ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓄᖕᓄᑦ ᐅᓄᕐᑐᓄᑦ ᑎᑭᐸᓪᓕᐊᖏᓐᓇᖁᓪᓗᒍ, ᖁᔭᓕᕙᓪᓕᐊᖏᓐᓇᖁᓪᓗᒋᑦ, ᒎᑎᐅᑉ ᓂᕐᑐᕐᓇᐅᑎᒃᓴᖓᓄᑦ.

ᑯᓘᓯᐊᒥᐅᓄᑦ 2:18

ᐱᑖᕆᔭᒃᓴᑦᓯᓐᓂᑦ ᓴᖑᑎᑕᐅᑦᑍᓕᒋᑦᓯ, ᐊᑦᔨᐅᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓄᑦ ᐂᖏᓕᓂᒡᓗ ᑐᒃᓯᐊᕐᕕᖃᕐᐸᒃᑐᓄᑦ, ᑕᑯᑎᑕᐅᓯᒪᓂᕐᒥᒃ ᑐᓐᖓᕕᖃᕐᑐᓄᑦ, ᑍᒤᑦᑐᑦ ᐱᐅᔪᕆᕗᑦ ᐱᐅᔪᕆᑦᔪᑎᒃᓴᖃᕋᑎᒃ ᐃᓱᒪᑐᐃᓐᓇᕐᒥᖕᓂᒡᓗ ᐋᖅᑮᕙᒃᓗᑎᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:5

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᓕᑦᓯᓐᓄᑦ ᐅᖃᐅᓯᖃᓚᐅᕋᑦᑕ ᐅᖃᐅᓯᑐᐃᓐᓇᕐᑎᒎᖏᑦᑐᖅ, ᐊᓂᕐᓂᐅᓪᓕ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᓱᓕᓂᖓᓗ ᓴᖅᑭᑎᑕᐅᑦᓯᐊᕐᓗᓂ. ᖃᐅᔨᒪᕗᓯ ᖃᓄᖅ ᐃᓅᓯᖃᓚᐅᕐᒪᖔᑦᑕ ᐃᓕᑦᓯᓐᓃᑦᑎᓪᓗᑕ ᐱᕙᓪᓕᕐᑎᑕᐅᖁᓪᓗᓯ.

ᑎᒧᑎᒧᑦ ᐂᑉᐸᖏᑦ 2:10

ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ.