16 ᑕᕝᕙ ᐃᓇᑉᐸᑦᓯ, ᐅᕙᓐᓂᒃ ᒪᓕᒃᑎᐅᓚᐅᕆᑦᓯ.
ᒪᓕᓚᐅᕐᓯᓐᖓ, ᐅᕙᖓᑦᑕᐅᖅ ᙭ᔅᑑᓯᒥᒃ ᒪᓕᒃᑲᒪ.
ᐅᒃᐱᕐᑑᖃᑎᒃᑲ ᒪᓕᓚᐅᕐᓯᓐᖓ, ᒪᓕᒐᒃᓴᑦᓯᐊᒥᒃ ᐋᖅᑮᓯᒪᒐᑦᑕ ᐃᓕᑦᓯᓐᓄᑦ ᑍᒤᒻᒪᑦ ᒪᓕᒃᑐᑦ ᑕᒪᑐᒥᖓ ᑲᒪᒋᑦᓯᐊᕐᓯᐅᒃ.
ᐃᓕᓐᓂᐊᓚᐅᕐᑕᓯ ᐃᓕᓚᐅᕐᑕᐅᓯᓗ ᑐᓴᓚᐅᕐᑕᓯᓗ ᑕᑯᓚᐅᕐᑕᓯᓗ ᐅᕙᓐᓂᑦ ᐱᓂᐊᕐᓂᒃᑯᑦ, ᑕᒪᒃᑯᐊ ᐱᓇᓱᐊᕐᓯᒋᒃ; ᒎᑎᐅᓪᓗ ᓮᒻᒪᕐᑎᑦᓯᔫᑉ ᑕᕝᕙ ᐃᓚᒋᓂᐊᕐᐹᓯ.
ᐅᕙᑦᑎᓐᓂᒃ ᒪᓕᒃᑎᐅᓕᓚᐅᕐᐳᓯ ᐊᑕᓂᕐᒥᒡᓗ; ᐊᖏᔪᒥᒃ ᐅᖁᒤᒃᓴᕐᑎᑕᐅᒐᓗᐊᕐᑎᓪᓗᓯ, ᐅᖃᐅᓰᑦ ᐃᓚᓕᐅᓚᐅᕋᑦᓯᐅᒃ ᖁᕕᐊᓱᒃᑎᑦᑕᐅᓪᓗᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ;
ᑍᒤᓕᐅᓚᐅᕐᐳᒍᑦ ᐃᑲᔪᕐᑕᐅᔭᕆᐊᖃᖏᓐᓂᕐᒨᖏᑦᑐᖅ, ᐃᓕᑦᓯᓐᓄᓪᓕ ᒪᓕᒐᒃᓴᐅᔪᓐᓇᕐᑐᒥᒃ ᐃᓅᓯᖃᓚᐅᕐᐳᒍᑦ.
ᐃᖅᑲᐅᒪᓯᐅᒃ ᓯᕗᓕᕐᑎᓯ, ᒎᑎᐅᑉ ᐅᖃᐅᓯᖏᓐᓂᒃ ᐃᓕᑦᓯᓐᓄᑦ ᐅᖃᕐᐸᒃᑐᑦ; ᐃᓱᒪᒋᓯᐅᒃ ᖃᓄᖅ ᐃᓅᓯᖃᕐᒪᖔᑕ, ᐅᒃᐱᕐᓂᖏᓪᓗ ᒪᓕᒡᓗᒋᑦ.
ᒥᐊᓂᕆᔭᑦᓯᓐᓄᑦ ᐊᖓᔪᖅᑳᕐᔪᐊᑎᑐᑦ ᐱᓂᐊᕋᓯ ᒪᓕᒐᓴᐅᓇᓱᐊᕆᑦᓯᓕ ᑖᒃᑯᓄᖓ.
