ᑯᕆᓐᑎᐊᒥᐅᓄᑦ ᓯᕗᓪᓖᑦ 4:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐊᒡᓛᑦ 10,000ᓂᒃ ᑲᒪᔨᖃᕋᓗᐊᕈᑦᓯ ᙭ᔅᑑᓯᒥ, ᐊᒥᓱᓂᒃ ᐊᑖᑕᖃᖏᓐᓇᑦᓯ. ᐃᓕᑦᓯᓐᓄᑦ ᐊᑖᑕᒋᔭᐅᒐᒪ ᙭ᔅᑑᓯ ᔩᓱᓯᒥ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:15 Iomraidhean Croise

ᒨᓯᓯ ᓯᑕᒪᖏᑦ 11:12

ᐅᑯᐊ ᐃᓄᓕᒫᑦ ᕿᑐᕐᖓᕐᑖᕆᓚᐅᕋᒃᑮᑦ? ᑖᒃᑯᓂᖓ ᐃᕐᓂᕐᑖᓚᐅᕋᒫ? ᐅᕙᓐᓄᑦ ᐅᖃᕈᓐᓇᓕᕐᐲᑦ, ‘ᐅᑯᐊ ᐃᕿᒻᒥᓗᒋᑦ ᐊᒡᔭᒃᑭᑦ, ᓲᕐᓗ ᓄᑕᕋᑯᓗᒃ ᐊᒫᒪᒃᑐᖅ ᑲᒪᔨᒥᓄᑦ ᐊᒡᔭᕐᑕᐅᖕᒪᑦ,’ ᓄᓇᒧᑦ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᕐᓄᑦ ᑎᑭᐅᑎᓗᒋᑦ?

ᕉᒪᒥᐅᓄᑦ 15:20

ᑍᒪᓐᖓᑦ ᐊᒃᓱᕈᕈᑎᖃᕐᐳᖓ ᐊᔪᕆᕐᑐᐃᔪᒪᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᐅᑉ ᖃᐅᔨᒪᔭᐅᕕᒋᓐᖏᑕᓕᒫᖏᓐᓄᑦ, ᐃᒡᓗᓕᐅᕈᒪᓇᖓ ᐊᓯᒪ ᑐᓐᖓᕕᓕᐊᕆᓯᒪᔭᖓᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:1

ᒫᓐᓇᓕ ᐃᓚᒃᑳ, ᐃᖅᑬᑎᑦᓱᒪᕙᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᐃᓚᓕᐅᓚᐅᕐᑕᑦᓯᓐᓂᒃ, ᐅᒃᐱᕐᓂᑦᓯᓐᓄᓪᓗ ᑐᓐᖓᕕᒋᔭᑦᓯᓐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:10

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓄᑦ ᑐᓂᔭᐅᓯᒪᔪᖅ ᐊᑐᕐᓗᒍ, ᑐᓐᖓᕕᓕᐅᓚᐅᕐᐳᖓ ᐃᒡᓗᓕᐅᕐᑎᒻᒪᕆᒃᑎᑐᑦ, ᐊᓯᓐᓂᒡᓗ ᖄᖓᒍᑦ ᐃᒡᓗᓕᐅᕐᑐᖃᓕᕐᐳᖅ. ᐃᒡᓗᓕᐅᕐᑐᓪᓕ ᐊᑐᓂᑦ ᑲᒪᑦᓯᐊᕆᐊᖃᕐᐳᑦ ᓴᓇᔭᒥᖕᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:6

ᐅᕙᖓ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓚᐅᕐᐳᖓ, ᐊᐴᓗᓯ ᐃᒥᕐᒥᒃ ᑯᕕᓯᓚᐅᕐᐳᖅ, ᒎᑎᓕ ᐱᕈᕐᑎᑦᓯᓚᐅᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:8

ᐱᕈᕐᓯᐊᒃᓴᒥᒃ ᑲᓐᖓᕐᓱᐃᔪᖅ, ᐃᒥᕐᒥᒡᓗ ᑯᕕᓯᔪᖅ ᐊᑦᔨᒌᒃᐴᒃ, ᐊᑐᓂᓪᓗ ᐊᑭᓕᕐᑕᐅᔪᒫᕐᐴᒃ ᐱᓇᓱᐊᕐᓂᖏᒃ ᒪᓕᒡᓗᒋᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:12

ᐊᓯᕗᑦ ᐃᓕᑦᓯᓐᓂᑦ ᐃᑲᔪᕐᑕᐅᔪᓐᓇᕐᐸᑕ, ᐅᕙᒍᓪᓕ ᐃᑲᔪᕐᑕᐅᔭᕆᐊᖃᕐᓂᕐᓴᐅᓐᖏᓚᒎᑦ? ᑍᒤᓕᐅᕋᓱᐊᕐᐸᖏᑦᑐᒍᑦ, ᐅᖁᒤᓐᓇᕐᑐᒦᑉᐸᒃᑲᓗᐊᕐᓗᑕ ᐊᒡᕕᐊᕈᑕᐅᔪᒪᓇᑕ ᙭ᔅᑑᓯᐅᑉ ᐅᖃᐅᓯᖏᓐᓄᑦ ᑐᓴᕈᒥᓇᕐᑐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:14

ᑍᒫᑦᓮᓐᓇᕐᑕᐅᖅ, ᐊᑕᓂᖅ ᐱᖁᔨᓯᒪᕗᖅ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᑦᔪᑎᖃᕐᑐᑦ ᐃᓅᑦᔪᑎᒃᓴᖏᓐᓂᒃ ᐊᑭᓕᕐᑕᐅᔪᒃᓴᐅᖕᒪᑕ ᐱᓇᓱᐊᕐᓂᕐᒥᖕᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:16

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᖃᑦᑕᕐᓂᕋ, ᐅᕙᓐᓂᒃ ᓂᕐᑐᕈᑎᒋᔪᒪᖏᓐᓇᒃᑯ, ᐊᔪᕆᕐᑐᐃᔭᕐᑐᖁᔭᐅᓯᒪᒐᒪ ᑲᑉᐱᐊᓇᕐᑐᐊᓘᒐᔭᕐᐳᖅ ᐅᕙᓐᓄᑦ ᐊᔪᕆᕐᑐᐃᖏᒃᑯᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ!

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:18

ᓱᓇᒥᒡᓕ ᑍᒪ ᐊᑭᓕᕐᑕᐅᔪᒃᓴᐅᕗᖔ? ᐃᒫ ᑭᓯᐊᓂ: ᐊᔪᕆᕐᑐᐃᓂᒃᑯᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᑭᖃᖏᑦᑐᒥᒃ ᐱᓇᓱᐊᕈᑎᒋᔪᒪᕙᒃᑲ, ᐱᔭᕆᐊᖃᕐᑕᕋᓗᐊᒃᑲᓗ ᑎᒥᒃᑯ ᐱᖏᓪᓗᒋᑦ ᐊᔪᕆᕐᑐᐃᖃᑦᑕᕐᓂᓐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:23

ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓪᓗᒋᑦ ᑍᒫᒃ ᐱᕗᖓ, ᓮᒻᒪᕐᑎᑕᐅᓇᕐᓂᖏᓐᓂᒃ ᐱᖃᑕᐅᔪᒪᓪᓗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:5

ᓇᖕᒥᓂᖅ ᐅᕙᑦᑎᓐᓂᒃ ᐊᔪᕆᕐᑐᐃᑦᔪᑎᒋᖏᓐᓇᑦᑕ, ᔩᓱᓯᐅᓪᓕ ᙭ᔅᑑᓯᐅᑉ ᐊᑕᓂᐅᓂᖓ ᐊᔪᕆᕐᑐᐃᑦᔪᑎᒋᕙᕗᑦ, ᐅᕙᑦᑎᓐᓂᒡᓗ ᐱᔨᐅᑎᓪᓗᑕ ᐃᓕᑦᓯᓐᓄᑦ ᔩᓱᓯ ᐱᑦᔪᑎᒋᓪᓗᒍ.

ᒐᓔᑎᐊᒥᐅᓄᑦ 3:24

ᑕᕝᕙ ᐱᖁᔭᑦ ᐅᕙᑦᑎᓐᓂᒃ ᐊᐅᓚᑦᓯᓚᐅᕐᐳᑦ ᙭ᔅᑑᓯ ᑎᑭᓚᐅᕐᑎᓐᓇᒍ, ᐅᒃᐱᕐᓂᒃᑯᑦ ᐸᓯᔭᒃᓴᐅᔪᓐᓃᕈᓐᓇᖁᓪᓗᑕ.

ᒐᓔᑎᐊᒥᐅᓄᑦ 3:25

ᒫᓐᓇᓕ ᐅᒃᐱᕐᓂᑰᕐᓂᖅ ᑎᑭᒻᒪᑦ, ᐱᖁᔭᓄᑦ ᐊᔪᓕᕐᑎᑕᐅᓯᒪᓗᑕ ᐱᓯᒪᔭᐅᔪᓐᓃᕐᐳᒍᑦ.

ᒐᓔᑎᐊᒥᐅᓄᑦ 4:19

ᕿᑐᕐᖓᑯᓗᒃᑲ, ᐊᓈᓇᐅᔪᑎᑐᑦ ᐃᒃᐱᒍᓱᒐᒪ ᓲᕐᓗ ᐃᕐᓂᓱᒃᑐᑐᑦ, ᐋᓐᓂᐊᕈᑎᒋᕙᑦᓯ, ᙭ᔅᑑᓯᐅᑉ ᐃᓅᓯᖓᓂᒃ ᐃᓅᓕᓚᐅᖏᓐᓂᑦᓯᓐᓂ.

ᑎᒧᑎᒧᑦ ᐂᑉᐸᖏᑦ 4:3

ᓇᓪᓕᐅᑎᔪᒫᕐᒪᑦ ᓇᓛᒎᕐᑑᑉ ᐊᔪᕆᕐᑑᑕᐅᓂᖏᓐᓂᒃ ᓈᓚᒍᒪᖏᑦᑐᓂᒃ, ᑖᒃᑯᐊᓗ ᐊᔪᕆᕐᑐᐃᔪᒃᓴᕐᓯᐅᓕᕈᒫᕐᐳᑦ ᑐᓴᕐᓂᕆᔭᒥᖕᓂᒃ ᐊᔪᕆᕐᑐᐃᔪᓐᓇᕐᑐᓂᒃ ᖁᕕᐊᒋᔭᖏᓐᓂᒡᓗ ᐊᔪᕆᕐᑐᐃᔪᓐᓇᕐᑐᓂᒃ,

ᑍᑑᓯᒧᑦ 1:4

ᑍᑑᓯᒧᑦ, ᐅᒃᐱᕐᓂᑯᑦ ᓱᓕᔪᒥᒃ ᐃᕐᓂᓐᓄᑦ ᑕᒪᑐᒧᖓ ᐊᑕᐅᓯᐅᑦᔪᑎᒋᔭᑦᑎᓐᓄᑦ. ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ ᐱᐅᓕᔨᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑦᓯᓂᖓᓂᒡᓗ ᑐᓂᓯᕕᐅᖁᕙᒋᑦ.

ᐰᓕᒨᓂᒧᑦ 1:19

ᑖᒃᑯᐊ ᒫᓐᓇ ᑎᑎᕋᕐᑕᒃᑲ ᓇᖕᒥᓂᖅ ᐅᕙᖓ ᐸᐅᓗᓯ ᐊᒡᒐᓐᓄᑦ ᑎᑎᕋᕐᐸᒃᑲ, ᐅᕙᖓ ᐊᑭᓕᕈᒫᕐᐸᒋᑦ; ᐅᕙᓐᓄᑦ ᐊᑭᓕᒃᓴᖃᕐᓂᕋᕐᓗᑎᑦ ᐅᖃᖏᒃᑲᓗᐊᕐᐳᖓ ᐃᓕᖕᓂᒃ ᓇᖕᒥᓂᖅ ᐊᑭᓕᒃᓴᕆᒐᕕᑦ ᐅᕙᓐᓄᑦ.

ᔧᒥᓯᐅᑉ ᐊᒡᓚᖏᑦ 1:18

ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᐲᑦᑐᕉᓯ ᓯᕗᓪᓖᑦ 1:23

ᓄᑖᒥᒃ ᐃᕐᓂᐊᖑᓯᒪᒐᑦᓯ, ᐊᓯᕈᕐᓂᐊᕐᑐᒥᐅᖏᑦᑐᖅ ᕿᑐᕐᖓᕐᑖᖑᓪᓗᓯ, ᐊᓯᕈᕐᓂᐊᖏᑦᑐᒥᒡᓕ, ᒎᑎᐅᑉ ᐅᖃᐅᓯᖓᒍᑦ ᐆᒪᔪᒃᑯᑦ ᐃᓱᖃᖏᑦᑐᒃᑯᓪᓗ.