23 ᙭ᔅᑑᓯᐅᓪᓗ ᐱᒋᕚᓯ; ᙭ᔅᑑᓯᓕ ᒎᑎᐅᑉ ᐱᒋᕚ.
ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”
ᓯᓚᕐᔪᐊᕐᒧᑦ ᑎᓕᓚᐅᕋᕕᖓ, ᑍᒫᒃᑕᐅᖅ ᓯᓚᕐᔪᐊᕐᒧᑦ ᑎᓕᕙᒃᑲ.
ᑐᒃᓯᐊᕐᐳᖓ ᑖᒃᑯᐊᓕᒫᑦ ᐊᑕᐅᓯᐅᖁᓪᓗᒋᑦ; ᐃᕝᕕᑦᑕᐅᖅ ᐊᑖᑖᒃ, ᐃᓗᓐᓃᓐᓇᕕᑦ, ᐅᕙᖓᓗ ᐃᓗᖕᓃᓐᓇᒪ, ᑖᒃᑯᐊᑦᑕᐅᖅ ᐃᓗᑦᑎᓐᓃᖁᓪᓗᒋᑦ, ᓯᓚᕐᔪᐊᕐᒥᐅᑦ ᐅᒃᐱᓕᖁᓪᓗᒋᑦ ᑎᓕᓚᐅᕋᕕᖓ.
ᐃᓅᒍᑦᑕ, ᐊᑕᓂᕐᒧᑦ ᐃᓅᕗᒍᑦ, ᑐᖁᒍᑦᑕᓗ, ᐊᑕᓂᕐᒧᑦ ᑐᖁᕗᒍᑦ; ᑍᒤᒻᒪᑦ ᐃᓅᒍᑦᑕᓘᓐᓃᑦ ᑐᖁᒍᑦᑕᓘᓐᓃᑦ, ᐊᑕᓂᐅᑉ ᐱᒋᕚᑎᒍᑦ.
ᖃᐅᔨᒪᖁᕙᑦᓯᓕ ᙭ᔅᑑᓯ ᐊᖑᑎᓕᒫᓄᑦ ᓂᐊᖁᕆᔭᐅᖕᒪᑦ, ᐊᖑᓪᓗ ᐊᕐᓇᒧᑦ ᓂᐊᖁᕆᔭᐅᓪᓗᓂ, ᙭ᔅᑑᓯᐅᓪᓗ ᒎᑎ ᓂᐊᖁᕆᕚ.
ᑕᒪᕐᒥᒡᓕ ᐊᑐᓂᑦ ᐱᕕᒃᓴᒥᒍᑦ ᑐᖓᓕᕇᒋᐊᖃᕐᓂᕆᔭᑎᒃ ᒪᓕᒡᓗᒍ ᒪᑭᑎᑕᐅᔪᒫᕐᐳᑦ: ᙭ᔅᑑᓯ ᓯᕗᓪᓕᕐᐸᐅᓯᒪᖕᒪᑦ; ᑭᖑᓂᖓᒍᑦ ᙭ᔅᑑᓯ ᑎᑭᑉᐸᑦ ᐱᒋᔭᖏᑦ ᒪᑭᑦᓱᒫᕆᕗᑦ.
ᒎᑎ ᑍᒫᒃ ᐱᑎᑦᓯᒍᓂ, ᑕᕝᕙ ᐃᕐᓂᖅ ᒎᑎᐅᑉ ᐊᑖᓄᑦ ᓇᖕᒥᓂᖅ ᐱᑎᓐᓂᐊᕆᕗᖅ, ᑖᑦᓱᒪ ᐊᑖᓄᑦ ᐱᑎᑦᓯᓯᒪᔪᒧᑦ, ᒎᑎ ᓱᓇᓕᒫᓄᑦ ᐊᐅᓚᑦᓯᔨᐅᓕᖁᓪᓗᒍ.
ᐃᓄᖕᒧᑦ ᓂᐅᕕᐊᖑᓯᒪᑎᓪᓗᒍ ᐊᑕᓂᕐᒧᑦ ᕾᖁᔭᐅᔪᖅ ᐊᑕᓂᐅᑉ ᐱᒋᔭᐅᔪᓐᓃᕐᑎᒻᒪᒍ. ᑍᒫᒃᑕᐅᖅ ᐃᓄᖕᒧᑦ ᓂᐅᕕᐊᖑᓯᒪᑎᓐᓇᒍ ᕾᖁᔭᐅᔪᖅ ᙭ᔅᑑᓯᐅᑉ ᓇᖕᒥᓂᕐᑖᕆᕚ.
ᐅᕙᑦᑎᓐᓄᓪᓕ ᒎᑎ ᐊᑕᐅᓯᐅᕗᖅ, ᐊᑖᑕ, ᑖᑦᓱᒪᓐᖓᑦ ᓱᓇᓕᒫᑦ ᐱᓯᒪᖕᒪᑕ, ᑖᑦᓱᒨᓇᓗ ᐃᓅᓪᓗᑕ; ᐊᑕᓂᕐᓗ ᐊᑕᐅᓯᐅᕗᖅ ᔩᓱᓯ ᙭ᔅᑑᓯ, ᑖᑦᓱᒨᓇ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ ᑖᑦᓱᒨᓇᓗ ᐃᓅᓪᓗᑕ.
ᑕᑯᒃᓴᐅᔪᑐᐃᓐᓇᕐᒥᒃ ᑕᐅᑐᒃᑲᑦᓯ. ᓇᓪᓕᐊᑦ ᖁᓚᖏᒃᑯᓂ ᙭ᔅᑑᓯᒧᑦ ᐱᒋᔭᐅᓂᕐᒥᓂᒃ, ᑖᓐᓇ ᐃᒻᒥᓂᒃ ᐃᖅᑬᑎᓕᕐᓕ ᙭ᔅᑑᓯᒧᑦ ᐱᒋᔭᐅᖕᒥᒐᑦᑕᑦᑕᐅᖅ ᑖᒃᑯᑎᑐᓇᖅ.
ᑕᕝᕙ ᙭ᔅᑑᓯᒥᐅᑕᐅᒍᕕᑦ, ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᐳᑎᑦ, ᐊᖏᕈᑕᐅᓯᒪᔪᒥᒡᓗ ᑭᖑᕐᖑᑦᔨᖃᑕᐅᔪᒫᓕᕐᐳᑎᑦ.
᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.
ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.
