ᑯᕆᓐᑎᐊᒥᐅᓄᑦ ᓯᕗᓪᓖᑦ 3:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:18 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:12

ᖃᐅᔨᒪᕖᑦ ᐊᖑᒻᒥᒃ ᐃᒻᒥᓂᒃ ᓯᓚᑐᓇᓱᒋᔪᒥᒃ? ᓯᓔᑦᑐᖅ ᐃᓱᒪᓇᕐᓂᕐᓴᐅᕗᖅ ᑖᑦᓱᒪᓐᖓᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:5

ᐊᑕᓂᖅ ᑕᑎᒋᒍᒃ ᐆᒻᒪᑎᖕᓄᑦ ᑕᒤᓐᓄᑦ, ᖃᐅᔨᒪᔭᑎᓪᓗ ᑕᑎᒋᓂᐊᕐᓇᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:7

ᐃᒻᒥᓂᒃ ᓯᓚᑐᓇᓱᒋᑦᑍᓕᒋᑦ; ᐊᑕᓂᕐᓕ ᐃᓕᕋᒋᒍᒃ, ᐱᐅᖏᑦᑐᒥᒡᓗ ᕿᒤᓗᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 5:7

ᒫᓐᓇᓗ ᓈᓚᒃᓯᓐᖓ, ᐃᕐᓂᒃᑲ, ᐅᖃᐅᓯᕆᔭᒃᑲᓗ ᐳᐃᒍᕐᑍᓕᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 44:20

ᐊᕐᔭᓕᓂᕐᓂᒃ ᓂᕆᕗᖅ; ᐆᒻᒪᑎᒥᒍᑦ ᐃᓱᒪᑦᓯᐊᖏᓐᓂᕐᒥᓄᑦ ᐅᐃᕕᕆᔭᐅᕗᖅ; ᓇᖕᒥᓂᖅ ᑕᕐᓂᕐᒥᓂᒃ ᐱᐅᓕᔪᓐᓇᓐᖏᓚᖅ, ᐅᖃᕈᓐᓇᓐᖏᓚᕐᓗ, “ᑕᓕᕐᐱᓐᓄᑦ ᑎᒍᒥᐊᕐᑕᕋ ᓱᓕᒐᓗᐊᕐᐹ?”

ᐂᓮᐊᓯᐅᑉ ᐊᒡᓚᖏᑦ 5:21

ᑲᑉᐱᐊᓐᓇᒦᒃ ᐃᒻᒥᖕᓂᒃ ᑕᐅᑐᒃᑕᒥᒍᑦ ᓯᓚᑐᓇᓱᒋᔪᑦ, ᖃᐅᔨᒪᓂᕐᓴᐅᓇᓱᒋᔪᓪᓗ ᐃᒻᒥᒍᑦ ᑕᐅᑐᒃᑕᒥᒍᑦ!

ᔨᕆᒤᐊᐅᑉ ᐊᒡᓚᖏᑦ 37:9

ᐃᒫᒃ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐅᐃᕕᕐᕆᑦᑍᓕᒋᑦᓯ ᐃᓱᒪᓗᓯ ᑲᐅᓪᑎᐊᒥᐅᑦ ᐊᐅᓪᓚᕈᑎᒃ ᐅᑎᕐᓂᐊᖏᓐᓇᓱᒋᓕᕐᓗᒋᑦ, ᑖᒃᑯᐊᓕ ᐅᑎᕐᓂᐊᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 8:8

ᖃᓄᖅ ᐅᖃᕈᓐᓇᕐᐱᓰ? ᓯᓚᑐᓂᕋᕐᓗᓯ ᐊᑕᓂᐅᑉ ᐱᖁᔭᖏᓐᓂᒃ ᓇᔪᕐᑎᖃᕐᓂᑦᓯᓐᓄᑦ, ᑕᑯᒋᑦ, ᐊᒡᓚᖕᓂᒃ ᐃᓕᓯᒪᔪᖁᑎᓯ ᓱᓕᖏᑦᑐᒥᒃ ᐱᓇᓱᐊᕈᑎᖃᓕᕐᑎᓪᓗᒌᑦ?

ᒫᑎᐅᓯᐅᑉ ᐊᒡᓚᖏᑦ 13:22

ᐱᕈᕐᑐᒃᓮᓪᓕ ᑲᑕᒃᑐᑦ ᐅᕐᐲᑦ ᑲᑭᓪᓚᐅᑎᓖᑦ ᐊᑯᕐᖓᓐᓄᑦ ᐃᒤᑦᑐᒥᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᓄᑦ; ᑕᒪᑐᒪᓕ ᐃᓅᓯᐅᑉ ᐃᓱᒪᔮᕐᓇᕐᓂᖓᓄᑦ ᐊᔪᕐᓴᖏᑦᑑᔪᒪᓂᕐᒧᓪᓗ ᐅᖃᐅᓰᑦ ᐃᐱᑎᑕᐅᕗᑦ, ᐱᕈᕐᕕᐅᓇᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 18:4

ᐃᒻᒥᓂᒃ ᒥᑭᒡᓕᑎᕐᑐᖅ ᐆᑐᓇᖅ ᓱᕈᓯᑯᓗᒃᑎᑐᓪᓗ ᑍᒤᓕᕐᓗᓂ, ᑖᓐᓇ ᒎᑎᐅᑉ ᐊᑕᓂᐅᕕᖓᓂ ᐱᓪᓚᕆᐅᓂᕐᐸᐅᕗᖅ.

ᒫᑯᓯᐅᑉ ᐊᒡᓚᖏᑦ 10:15

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᒎᑎᐅᑉ ᐊᑕᓂᐅᕕᖓᓂᒃ ᓄᑕᕋᑯᓗᒃᑎᑐᑦ ᐃᓚᓕᐅᕐᓯᖏᑦᑐᖅ ᑕᑉᕗᖓ ᐃᑎᕐᓂᐊᓐᖏᓚᖅ.”

ᓘᑲᓯᐅᑉ ᐊᒡᓚᖏᑦ 18:17

ᓱᓕᔪᒥᒃ ᐅᖃᐅᑎᕙᑦᓯ, ᒎᑎᐅᑉ ᐊᑕᓂᐅᕕᖓᓂᒃ ᓄᑕᕋᑯᓗᒃᑎᑐᑦ ᐃᓚᓕᐅᕐᓯᖏᑦᑐᖅ ᑖᓐᓇ ᑕᕝᕗᖓ ᐃᑎᕐᓂᐊᓐᖏᓚᖅ.”

ᓘᑲᓯᐅᑉ ᐊᒡᓚᖏᑦ 21:8

ᔩᓱᓯ ᐅᖃᕐᐳᖅ, “ᖃᐅᔨᓴᕆᑦᓯ ᓯᓔᕐᕆᔭᐅᖁᓇᓯ; ᐊᒥᓱᑦ ᑎᑭᑦᓱᒫᕐᒪᑕ ᐅᕙᓐᓄᑦ ᐱᔨᐅᓂᕋᕐᑐᑦ, ᐅᖃᕐᓗᑎᒃ, ‘ᑖᓐᓇᐅᕗᖓ ᙭ᔅᑑᓯ!’ ᐊᒻᒪᓗ, ‘ᒫᓐᓇ ᐱᕕᒃᓴᖓ ᓇᓪᓕᐅᑎᕗᖅ!’ ᑖᒃᑯᐊ ᒪᓕᖕᓂᐊᕋᓯᐅᒃ.

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᕉᒪᒥᐅᓄᑦ 12:16

ᐱᓇᓱᐊᖃᑎᒌᑦᓯᐊᕆᑦᓯ ᐃᓕᑦᓯᓐᓄᑦ; ᐱᐅᔪᕆᖏᓪᓗᓯ, ᐊᔪᕐᓂᕐᓮᑦ ᐱᓇᓱᐊᖃᑎᒋᓯᒋᒃ; ᓇᖕᒥᓂᖅ ᓯᓚᑐᓇᓱᒋᖏᓪᓗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:33

ᑕᒻᒪᕐᑎᑕᐅᓂᐊᕋᓯ: “ᐱᐅᖏᑦᑐᓕᔪᓂᒃ ᐃᓚᖃᖃᑦᑕᕐᓂᖅ ᐃᓕᖅᑯᓯᑦᓯᐊᕙᖕᒥᒃ ᐊᓯᕈᐃᕗᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:17

ᓇᓪᓕᐊᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᐊᓯᕈᐃᔪᖅ, ᒎᑎᐅᑉ ᐊᓯᕈᕈᒫᕆᕚ. ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᐃᑦᔪᕐᓁᒻᒪᑦ, ᐃᓕᑦᓯ ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᕚᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:10

᙭ᔅᑑᓯ ᐱᑦᔪᑎᒋᓪᓗᒍ ᓯᓔᑦᑑᔭᕐᐳᒍᑦ, ᐃᓕᑦᓯᓕ ᙭ᔅᑑᓯᒥ ᓯᓚᑐᕗᓯ. ᓴᓐᖐᑦᑑᕗᒍᑦ, ᐃᓕᑦᓯᓕ ᓴᓐᖏᔫᕗᓯ. ᐅᐱᒋᔭᐅᕗᓯ, ᐅᕙᒍᓪᓕ ᓇᕐᕈᒋᔭᐅᕗᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:9

ᖃᐅᔨᒪᓐᖏᓚᓰ ᐊᑲᐅᖏᑦᑐᓕᔪᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ? ᓯᓔᕐᕆᔭᐅᑦᑍᓕᒋᑦᓯ; ᐊᖑᓐᓂᐊᕐᐸᒃᑐᑦ ᐊᕐᓇᕐᓂᐊᕐᐸᒃᑐᓪᓗ ᒎᑎᐅᖏᑦᑐᓂᒡᓗ ᒎᑎᖃᕐᑐᑦ, ᐂᑉᐸᓖᓪᓗ ᐊᓯᓐᓂᐊᕐᐸᒃᑐᑦ, ᐊᖑᑏᑦ ᐊᕐᓁᓪᓗ ᑍᒤᑦᑑᖃᑎᒥᖕᓅᕐᐸᒃᑐᑦ,

ᒐᓔᑎᐊᒥᐅᓄᑦ 6:3

ᐱᐅᔪᕆᔪᖃᕐᐸᓪᓕ ᓱᓇᐅᖏᑦᑑᒐᓗᐊᕐᓗᓂ, ᑖᓐᓇ ᓇᖕᒥᓂᕐᒥᓂᒃ ᐅᐃᕕᕐᕆᕗᖅ.

ᒐᓔᑎᐊᒥᐅᓄᑦ 6:7

ᐅᐃᕕᕐᕆᔭᐅᑦᑍᓕᒋᑦᓯ; ᒎᑎ ᒥᑕᐅᑎᒋᔭᒃᓴᐅᖏᒻᒪᑦ, ᐃᓄᒃ ᓇᖕᒥᓂᖅ ᑲᓐᖓᕐᓲᑎᒋᓚᐅᕐᑕᒥᓂᒃ ᑲᑎᕐᓱᐃᔪᒫᕐᒪᑦ.

ᐃᐱᓯᒥᐅᓄᑦ 5:6

ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ.

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᔧᒥᓯᐅᑉ ᐊᒡᓚᖏᑦ 1:22

ᐅᖃᐅᓯᕐᓕ ᐱᓇᓱᐊᕈᑎᒋᓯᐅᒃ, ᑐᓵᑐᐃᓐᓇᖏᓪᓗᒍ, ᑐᓵᑐᐃᓐᓇᕈᑦᓯ ᓇᖕᒥᓂᖅ ᐅᐃᕕᕆᒐᑦᓯ.

ᔧᒥᓯᐅᑉ ᐊᒡᓚᖏᑦ 1:26

ᐅᒃᐱᕋᓱᒋᔪᒥᒃ ᐃᓕᑦᓯᓐᓃᑦᑐᖃᕐᐸᑦ, ᐅᖃᓂᓗ ᐊᑐᕐᓂᕐᓗᒃᑍᓕᓂᕐᒧᑦ ᐱᓯᒪᔪᓐᓇᖏᒃᑯᓂᐅᒃ ᐆᒻᒪᑎᓂ ᐅᐃᕕᕆᕚ, ᑕᑉᕙ ᐅᒃᐱᕐᓂᖓ ᐊᑑᑎᖃᓐᖏᓚᖅ.

ᔪᐊᓇᓯ ᓯᕗᓪᓖᑦ 1:8

ᐊᔪᕐᓂᖃᖏᓐᓂᕋᕈᑦᑕᓕ, ᐅᕙᑦᑎᓐᓂᒃ ᓇᖕᒥᓂᖅ ᐅᐃᕕᕆᕗᒍᑦ, ᓱᓕᔪᕐᓗ ᐃᓗᑦᑎᓐᓃᓐᖏᓚᖅ.