ᑯᕆᓐᑎᐊᒥᐅᓄᑦ ᓯᕗᓪᓖᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᖃᐅᔨᒪᓐᖏᓚᓰ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᖕᒪᓯ? ᒎᑎᐅᓪᓗ ᐊᓂᕐᓂᕐᖓᑕ ᐃᓂᒋᖕᒪᓯ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:16 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 36:27

ᐊᓂᕐᓂᕋᓗ ᐃᓗᑦᓯᓐᓄᐊᕈᒫᕐᐸᕋ, ᐃᓅᓯᕆᔭᐅᖁᔭᓐᓂᒃ ᐃᓅᔪᓐᓇᕐᓯᖁᓪᓗᓯ ᐊᑐᕐᑕᐅᖁᔭᒃᑲᓗ ᒪᓕᑦᓯᐊᕈᓐᓇᕐᓯᓗᓯᐅᒃ.

ᔪᐊᓇᓯᐅᑉ ᐊᒡᓚᖏᑦ 14:17

ᑖᓐᓇᐅᕗᖅ ᐊᓂᕐᓂᖅ ᓱᓕᔪᒥᑦ ᐱᔪᖅ, ᓯᓚᕐᔪᐊᕐᒥᐅᑦ ᐱᔪᓐᓇᓐᖏᑕᖓᑦ, ᑕᑯᔪᓐᓇᖏᓐᓇᒥᑦᔪᒃ ᖃᐅᔨᒪᖏᓐᓇᒥᑦᔪᒡᓗ; ᐃᓕᑦᓯᓕ ᖃᐅᔨᒪᕙᓯ, ᐃᓕᑦᓯᓐᓃᒻᒪᑦ, ᐃᓗᓯᓐᓃᓐᓂᐊᕐᒪᓪᓗ.

ᕉᒪᒥᐅᓄᑦ 6:16

ᖃᐅᔨᒪᓐᖏᓚᓰ ᑐᓂᒍᑦᓯ ᐃᓕᑦᓯᓐᓂᒃ ᑭᓇᑐᐃᓐᓇᕐᒧᑦ ᑭᒡᒐᑎᑐᑦ ᒪᓕᑦᓯᐊᕐᓂᐊᕐᑐᑎᑐᑦ, ᑭᒡᒐᐅᓕᕐᐳᓯ ᑕᕝᕙ ᓈᓚᒃᑕᑦᓯᓐᓄᑦ, ᐊᔪᕐᓂᕐᒧᓪᓘᓐᓃᑦ ᑐᖁᑎᑦᓯᔪᒧᑦ, ᐅᕝᕙᓗ ᓈᓚᖕᓂᕐᒧᑦ, ᐃᓗᐊᕐᑐᓐᖑᕐᑎᑦᓯᔪᒧᑦ?

ᕉᒪᒥᐅᓄᑦ 6:3

ᖃᐅᔨᒪᓐᖏᓚᓰ ᑕᒪᑦᑕ ᙭ᔅᑑᓯ ᔩᓱᓯᒧᑦ ᐹᑉᑎᑕᐅᓯᒪᔪᒍᑦ ᑐᖁᖓᓄᑦ ᐹᑉᑎᑕᐅᓯᒪᒐᑦᑕ?

ᕉᒪᒥᐅᓄᑦ 8:11

ᑖᑦᓱᒪᓕ ᐊᓂᕐᓂᖓᑕ ᔩᓱᓯᒥᒃ ᐆᒻᒪᕐᑎᑦᓯᔫᑉ ᑐᖁᒥᑦ ᐃᓂᒋᒃᐸᓯ, ᙭ᔅᑑᓯ ᔩᓱᓯᒥᒃ ᐆᒻᒪᕐᑎᑦᓯᓚᐅᕐᑑᑉ ᑐᖁᒥᑦ ᑎᒥᓯ ᑐᖁᔪᒃᓮᑦ ᐃᓅᓯᑖᕐᑎᓐᓂᐊᕆᕔᑦ ᑖᑦᓱᒪ ᐊᓂᕐᓂᖓᒍᑦ ᐃᓗᑦᓯᓐᓃᑦᑐᒧᑦ.

ᕉᒪᒥᐅᓄᑦ 8:9

ᐃᓕᑦᓯᓕ ᑎᒥᐅᑉ ᐱᔪᒪᔭᖓᓃᓐᖏᓚᓯ, ᐊᓂᕐᓂᕐᒦᑉᐳᓯᓕ, ᒎᑎᐅᑉ ᐊᓂᕐᓂᖓ ᐃᓂᖃᕐᐸᑦ ᐃᓕᑦᓯᓐᓂ. ᙭ᔅᑑᓯᐅᑉ ᐊᓂᕐᓂᖓᓂᒃ ᐱᖃᖏᑦᑐᖅ ᑖᑦᓱᒧᖓ ᐱᖁᑎᒋᔭᐅᓐᖏᓚᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:17

ᓇᓪᓕᐊᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᐊᓯᕈᐃᔪᖅ, ᒎᑎᐅᑉ ᐊᓯᕈᕈᒫᕆᕚ. ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᐃᑦᔪᕐᓁᒻᒪᑦ, ᐃᓕᑦᓯ ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᕚᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:9

ᒎᑎᐅᑉ ᐱᓇᓱᐊᖃᑎᒌᒃᑎᒻᒪᑎᒍᑦ; ᒎᑎᐅᑉ ᐱᕈᕐᓰᕕᖁᑎᒋᕚᓯ, ᒎᑎᐅᑉ ᐃᒡᓗᖁᑎᒋᕚᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:6

ᐱᐅᓱᒋᓂᓯ ᓈᒻᒪᖏᒻᒪᑦ. ᖃᐅᔨᒪᓐᖏᓚᓰ ᐳᕙᓪᓚᕐᓯᐊᒃᓴᐅᑉ ᒥᑭᑦᔫᑉ ᓂᐊᖂᔭᒃᓴᓕᒫᖅ ᐳᕙᓪᓚᕐᑎᑉᐸᓐᖕᒪᒍ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:16

ᖃᐅᔨᒪᓐᖏᓚᓯ? ᐃᓄᒃ ᐊᖑᓐᓂᐊᕐᑎᒥᒃ ᐊᕐᓇᕐᓂᐊᕐᑎᒥᒡᓘᓐᓃᑦ ᐱᖃᑎᖃᕐᑐᖅ ᑎᒥᒥᒍᑦ ᐊᑕᐅᓯᐅᖃᑎᒋᓕᕐᒪᒍ, ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᑖᒃᑯᐊᒃ ᒪᕐᕉᒃ ᑎᒥᒃᑯᑦ ᐊᑕᐅᓯᐅᓕᕐᓂᐊᕐᐳᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:19

ᖃᐅᔨᒪᓐᖏᓚᓰ? ᑎᒥᓯ ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᒃᓯᐊᕐᕕᒡᔪᐊᖁᑎᒋᖕᒪᒋᑦ, ᑖᓐᓇ ᐃᓗᑦᓯᓐᓃᑉᐳᖅ ᒎᑎᒥᑦ ᑐᓂᕐᕈᓯᐊᕆᔭᓯ, ᐃᓕᑦᓯᓐᓂᒡᓗ ᓇᖕᒥᓂᕆᓐᖏᓚᓯ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:9

ᖃᐅᔨᒪᓐᖏᓚᓰ ᐊᑲᐅᖏᑦᑐᓕᔪᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ? ᓯᓔᕐᕆᔭᐅᑦᑍᓕᒋᑦᓯ; ᐊᖑᓐᓂᐊᕐᐸᒃᑐᑦ ᐊᕐᓇᕐᓂᐊᕐᐸᒃᑐᓪᓗ ᒎᑎᐅᖏᑦᑐᓂᒡᓗ ᒎᑎᖃᕐᑐᑦ, ᐂᑉᐸᓖᓪᓗ ᐊᓯᓐᓂᐊᕐᐸᒃᑐᑦ, ᐊᖑᑏᑦ ᐊᕐᓁᓪᓗ ᑍᒤᑦᑑᖃᑎᒥᖕᓅᕐᐸᒃᑐᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:13

ᖃᐅᔨᒪᓐᖏᓚᓰ? ᑐᒃᓯᐊᕐᕕᒡᔪᐊᕐᒥ ᐃᖅᑲᓁᔭᕐᑐᑦ ᑐᒃᓯᐊᕐᕕᒡᔪᐊᕐᒥᑦ ᓂᕆᕙᖕᒪᑕ, ᑐᓂᕐᕈᓯᕐᕕᖕᒥᓗ ᐱᓇᓱᐊᕐᑐᑦ ᑐᓂᕐᕈᑎᕕᓃᑦ ᐃᓚᖏᓐᓂᒃ ᐱᖃᑕᐅᕙᖕᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:24

ᖃᐅᔨᒪᕕᓰ ᐅᓪᓚᖕᓂᒃᑯᑦ ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᔪᑦ ᑕᒪᕐᒥᒃ ᐱᓇᓱᐊᕐᒪᑕ, ᐊᑕᐅᓯᐅᓪᓕ ᓵᓚᒃᓴᕐᓂᖅ ᐱᕚ? ᑍᒤᒻᒪᑦ ᐅᓪᓚᒋᑦᓯ ᓵᓚᖃᐅᑎᒃᓴᖅ ᐱᓇᓱᐊᕐᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᑎᒧᑎᒧᑦ ᓯᕗᓪᓖᑦ 3:15

ᑎᑭᓐᓇᓵᕐᓂᕈᒪ, ᑖᒃᑯᐊ ᖃᐅᔨᒪᑦᔪᑎᒋᓂᐊᕋᕕᒋᑦ ᖃᓄᖅ ᐱᐅᓯᖃᕐᑐᒃᓴᐅᖕᒪᑦᑕ ᒎᑎᐅᑉ ᐅᒃᐱᕐᑐᖁᑎᖏᓐᓂ, ᑖᒃᑯᐊ ᒎᑎᐅᑉ ᑐᖁᓱᐃᑦᑑᑉ ᐅᒃᐱᕐᑐᖁᑎᒋᖕᒪᒋᑦ, ᓱᓕᓂᐅᑉ ᓱᑲᕆᖕᒪᒋᑦ ᑐᓐᖓᕕᒋᓪᓗᓂᒋᓪᓗ.

ᑎᒧᑎᒧᑦ ᐂᑉᐸᖏᑦ 1:14

ᓴᐳᑎᓯᒪᑦᓯᐊᕈᒃ ᓱᓕᔪᖅ ᐃᓕᖕᓄᑦ ᑐᓂᔭᐅᓯᒪᔪᖅ ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ ᑖᑦᓱᒨᓇ ᐃᓗᑦᑎᓐᓃᑦᑐᒃᑯᑦ.

ᐄᑉᕈᐃᓄᑦ 3:6

᙭ᔅᑑᓯᓕ ᓱᖁᓯᔪᐃᑦᑑᕗᖅ ᐃᕐᓂᐅᓪᓗᓂ ᐊᖓᔪᖅᑲᐅᔪᖅ ᒎᑎᐅᑉ ᐃᒡᓗᖓᓄᑦ. ᐅᕙᒍᑦ ᑖᑦᓱᒪ ᐃᒡᓗᒋᕚᑎᒍᑦ ᓴᐱᖏᑦᔪᑎᒃᓴᖅ ᓂᕆᐅᖕᓂᕐᓗ ᓂᕐᑐᕐᓇᐅᑎᒋᔭᕗᑦ ᐱᓯᒤᓐᓇᕐᓂᐊᕈᑦᑎᒍᑦ ᐃᓱᐊᓄᑦ.

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᔪᐊᓇᓯ ᓯᕗᓪᓖᑦ 4:12

ᒎᑎᒥᒃ ᑕᑯᔪᖃᓚᐅᕐᓯᒪᓐᖏᓚᖅ; ᓇᒡᓕᒋᖃᑦᑕᐅᑎᒍᑦᑕᓕ, ᒎᑎᐅᑉ ᓇᔪᕐᐹᑎᒍᑦ ᓇᒡᓕᖕᓂᖓᓗ ᐃᓗᑦᑎᓐᓂ ᓈᒻᒪᒃᓯᕗᖅ.