ᑯᕆᓐᑎᐊᒥᐅᓄᑦ ᓯᕗᓪᓖᑦ 3:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓄᑦ ᑐᓂᔭᐅᓯᒪᔪᖅ ᐊᑐᕐᓗᒍ, ᑐᓐᖓᕕᓕᐅᓚᐅᕐᐳᖓ ᐃᒡᓗᓕᐅᕐᑎᒻᒪᕆᒃᑎᑐᑦ, ᐊᓯᓐᓂᒡᓗ ᖄᖓᒍᑦ ᐃᒡᓗᓕᐅᕐᑐᖃᓕᕐᐳᖅ. ᐃᒡᓗᓕᐅᕐᑐᓪᓕ ᐊᑐᓂᑦ ᑲᒪᑦᓯᐊᕆᐊᖃᕐᐳᑦ ᓴᓇᔭᒥᖕᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:10 Iomraidhean Croise

ᑯᕉᓂᑲ ᐂᑉᐸᖏᑦ 2:12

ᕼᐅᕋᒻ ᐅᖃᓚᐅᕆᕗᖅ: “ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᓂᕐᑐᕐᑕᐅᓕ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᖅ, ᐊᖓᔪᖅᑳᕐᔪᐊᖅ ᑍᕕᑎ ᐃᕐᓂᕐᑖᕐᑎᓚᐅᕐᒪᒍ ᓯᓚᑐᔪᒥᒃ, ᓇᓗᓁᕐᓯᑦᓯᐊᕈᓐᓇᕐᑐᒥᒃ ᑐᑭᓯᓯᒪᑦᓯᐊᕐᑐᒥᒡᓗ, ᓴᓇᓂᐊᕐᑐᒥᒃ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ, ᐃᒡᓗᕐᔪᐊᒃᓴᒥᓂᒡᓗ ᓴᓇᓂᐊᕐᑐᒥᒃ.

ᒨᓯᓯ ᐂᑉᐸᖏᑦ 36:4

ᑕᕝᕙ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᐊᑐᓂᑦ ᑐᐱᐅᑉ ᓱᓇᑐᐃᓐᓇᒃᓴᖏᓐᓂᒃ ᓴᓇᔭᕐᑐᕐᓗᑎᒃ ᕾᕗᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:8

ᐊᖑᑦ ᐅᖃᐅᓯᐅᑦᓯᐊᕐᐸᒃᐳᖅ ᐱᐅᔪᓂᒃ ᐃᓱᒪᖃᕐᓂᖓ ᐱᓪᓗᒍ, ᐱᐅᖏᑦᑐᓂᒡᓕ ᐃᓱᒪᖃᕐᑐᖅ ᓇᕐᕈᒋᔭᐅᒐᔪᒃᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 9:1

ᓯᓚᑐᓂᖅ ᐃᒡᓗᓕᐅᕐᐳᖅ ᐊᖏᕐᕋᒃᓴᒥᓂᒃ, ᐃᒡᓗᓕᐊᖓᑕᓗ ᓱᑲᒃᓴᖏᓐᓂᒃ 7ᓂᒃ ᐃᓕᓯᓪᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:9

ᐊᔪᕆᕐᑐᐃᔪᖅ ᓯᓚᑐᔪᑐᐃᓐᓇᐅᓚᐅᓐᖏᓚᖅ, ᖃᐅᔨᒪᓂᕐᒥᒡᓗ ᐱᑎᑦᓯᓚᐅᕐᐳᖅ ᐃᓄᖕᓄᑦ. ᐃᓱᒪᒃᓴᕐᓯᐅᓚᐅᕐᐳᖅ ᕿᓂᕐᓗᓂᓗ ᐅᖃᐅᓯᕐᓂᒃ ᒪᓕᒐᒃᓴᓂᒃ ᐅᓄᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 12:3

ᓯᓚᑐᔪᓪᓕ ᖃᐅᒪᔪᒫᕐᐳᑦ ᕿᓚᐅᑉ ᖃᐅᒪᓂᖓᑐᑦ, ᑕᓯᐅᕐᓯᓚᐅᕐᑐᓪᓗ ᐅᓄᕐᑐᓂᒃ ᐃᓗᐊᕐᑐᒧᑦ ᐅᓪᓗᕆᐊᑎᑐᑦ ᖃᐅᒪᔪᒫᕐᐳᑦ ᐃᓱᖃᖏᑦᑐᒧᑦ.

ᓴᑲᕅᐊᐅᑉ ᐊᒡᓚᖏᑦ 4:9

“ᔨᕈᐸᐱᐅᓕᐅᑉ ᑐᒃᓯᐊᕐᕕᒡᔪᐊᑉ ᑐᓐᖓᕕᐊ ᐃᓕᓚᐅᕐᐹ, ᑐᒃᓯᐊᕐᕕᒡᔪᐊᕐᓗ ᑖᓐᓇ ᐱᔭᕇᕐᓂᐊᕆᕚ. ᑕᒪᓐᓇᓗ ᑍᒫᒃ ᐱᒃᐸᑦ, ᖃᐅᔨᓂᐊᕐᐳᓯ ᕿᓚᖕᒥᐅᑦ ᐊᑕᓂᖓᑦᑕ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 24:45

“ᑭᓇ ᓱᖁᓯᔪᐃᑦᑑᓪᓗᓂ ᓯᓚᑐᓪᓗᓂᓗ ᐱᔨᐅᕚ? ᑖᓐᓇ ᐊᖓᔪᖅᑳᖓᑕ ᐊᖓᔪᖅᑳᖑᕐᑎᑕᖓ ᐱᔨᐅᖃᑎᖏᓐᓄᑦ, ᓂᕿᒃᓴᖏᓐᓂᒃ ᑐᓂᓯᖃᑦᑕᖁᓪᓗᒍ ᑐᓂᓯᕕᒃᓴᖓ ᓇᓪᓕᐅᑎᔭᕌᖓᑦ.

ᒫᑎᐅᓯᐅᑉ ᐊᒡᓚᖏᑦ 7:24

“ᑍᒤᒻᒪᑦ, ᓇᓪᓕᐊᑦ ᐅᖃᐅᓯᕆᔭᓐᓂᒃ ᑐᓴᕐᑐᖅ, ᐊᑐᕐᓗᒋᓪᓗ, ᑖᓐᓇ ᐊᑦᔨᐅᕗᖅ ᐊᖑᒻᒧᑦ ᓯᓚᑐᔪᒧᑦ ᕾᕐᑐᒥ ᐃᒡᓗᓕᐅᕐᑐᒧᑦ;

ᓘᑲᓯᐅᑉ ᐊᒡᓚᖏᑦ 11:35

ᑍᒤᒻᒪᑦ ᖃᐅᔨᓴᑦᓯᐊᕆᑦ ᖃᐅᒪᔪᖅ ᐃᓗᖕᓃᑦᑐᖅ ᑖᕐᓯᖁᓇᒍ.

ᓘᑲᓯᐅᑉ ᐊᒡᓚᖏᑦ 21:8

ᔩᓱᓯ ᐅᖃᕐᐳᖅ, “ᖃᐅᔨᓴᕆᑦᓯ ᓯᓔᕐᕆᔭᐅᖁᓇᓯ; ᐊᒥᓱᑦ ᑎᑭᑦᓱᒫᕐᒪᑕ ᐅᕙᓐᓄᑦ ᐱᔨᐅᓂᕋᕐᑐᑦ, ᐅᖃᕐᓗᑎᒃ, ‘ᑖᓐᓇᐅᕗᖓ ᙭ᔅᑑᓯ!’ ᐊᒻᒪᓗ, ‘ᒫᓐᓇ ᐱᕕᒃᓴᖓ ᓇᓪᓕᐅᑎᕗᖅ!’ ᑖᒃᑯᐊ ᒪᓕᖕᓂᐊᕋᓯᐅᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 18:27

ᐊᐴᓗᓯ ᐊᑬᐊᒧᐊᕈᒪᖕᒪᑦ, ᐅᒃᐱᕐᑑᖃᑎᒌᑦ ᐃᑲᔪᕐᑐᕐᐹᑦ, ᑎᑎᕋᕐᓗᑎᒃ ᐃᓕᓐᓂᐊᕐᑎᓄᑦ ᐃᓚᓕᐅᕐᑕᐅᖁᓪᓗᒍ. ᑍᑯᖓ ᑎᑭᒻᒪᑦ, ᐊᖏᔪᒥᒃ ᐃᑲᔪᕐᐳᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐅᒃᐱᕐᑐᓐᖑᕐᑎᑕᐅᓚᐅᕐᑐᓂᒃ.

ᕉᒪᒥᐅᓄᑦ 1:5

ᑖᑦᓱᒨᓇ ᐱᑎᑕᐅᕗᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐋᐴᓯᑕᓕᓐᖑᕐᑎᑕᐅᓪᓗᑕ ᐃᓄᓕᒫᑦ ᕾᖁᔭᐅᖁᓪᓗᒋᑦ, ᓈᓚᒍᓐᓇᕐᓯᖁᓪᓗᒋᓪᓗ ᐅᒃᐱᕐᓂᑯᑦ.

ᕉᒪᒥᐅᓄᑦ 12:3

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᖓᑕ ᑐᓂᓯᕕᒋᓯᒪᖕᒪᖓ ᑕᒪᑦᓯᓐᓄᑦ ᐅᖃᕐᐳᖓ: ᓇᖕᒥᓂᑦᓯᓐᓂᒃ ᐱᐅᔪᕆᖁᓇᓯ, ᐃᓕᑦᓯᓐᓂᒡᓕ ᐃᓱᒪᒋᓕᕆᑦᓯ ᐃᓱᒪᒃᓴᕐᓯᐅᑦᓯᐊᕐᓗᓯ, ᐊᑐᓂᑦ ᒎᑎᐅᑉ ᑐᓂᔭᖓ ᐅᒃᐱᕐᓂᖅ ᒪᓕᒡᓗᒍ.

ᕉᒪᒥᐅᓄᑦ 15:15

ᓯᕘᕋᓇᖓᓕ ᑎᑎᕋᕐᕕᒋᓯᒪᕙᑦᓯ ᐅᖃᐅᓯᕆᔭᒪ ᐃᓚᖏᓐᓂ ᐃᖅᑬᑎᒃᑲᓐᓂᕈᒪᓪᓗᓯ, ᒎᑎᐅᑉ ᐱᓯᐊᕐᓂᕐᒥᒍᑦ ᑐᓂᓯᒪᔭᖓ ᐅᕙᓐᓄᑦ ᐱᑦᔪᑎᒋᓪᓗᒍ

ᕉᒪᒥᐅᓄᑦ 15:20

ᑍᒪᓐᖓᑦ ᐊᒃᓱᕈᕈᑎᖃᕐᐳᖓ ᐊᔪᕆᕐᑐᐃᔪᒪᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᐅᑉ ᖃᐅᔨᒪᔭᐅᕕᒋᓐᖏᑕᓕᒫᖏᓐᓄᑦ, ᐃᒡᓗᓕᐅᕈᒪᓇᖓ ᐊᓯᒪ ᑐᓐᖓᕕᓕᐊᕆᓯᒪᔭᖓᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:11

ᑐᓐᖓᕕᖕᒥᒃ ᐊᓯᐊᓂᒃ ᑐᓐᖓᕕᓕᐅᕐᑐᖃᕈᓐᓇᓐᖏᓚᖅ ᐃᓕᔭᐅᔭᕇᕐᓯᒪᔫᑉ ᐊᓯᐊᓂᒃ, ᑕᕝᕙ ᔩᓱᓯ ᙭ᔅᑑᓯᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:2

ᐊᓯᑦᓯᓐᓄᑦ ᐋᐴᓯᑕᓕᐅᖏᒃᑲᓗᐊᕈᒪ, ᐃᓕᑦᓯᓐᓄᓪᓕ ᐋᐴᓯᑕᓕᐅᕗᖓ! ᐃᓕᑦᓯ ᓇᓗᓁᒃᑯᑕᕆᒐᑦᓯ ᐊᑕᓂᕐᒥ ᐋᐴᓯᑕᓕᐅᓂᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:15

ᐅᕙᑦᑎᓐᓂᒡᓗ ᓂᕐᑑᑎᓐᖏᓚᒍ ᐱᓗᐊᕐᑎᓪᓗᑕ, ᐊᓯᑦᑕ ᐱᓇᓱᐊᕐᕕᒋᓯᒪᔭᖏᑦ ᑎᑭᓪᓗᒋᑦ; ᐃᒫᒡᓕ ᓂᕆᐅᒋᔭᖃᕐᐳᒍᑦ ᐅᒃᐱᕐᓂᓯ ᐱᕈᕐᐸᓪᓕᐊᓂᖓᓄᑦ, ᐱᓇᓱᐊᕐᓂᕐᓴᐅᔪᓐᓇᖁᓪᓗᑕ ᐃᓕᑦᓯᓐᓂ.

ᐃᐱᓯᒥᐅᓄᑦ 2:20

ᐃᒡᓗᓕᐊᖑᖃᑕᐅᓕᕐᓗᓯᓗ ᐋᐴᓯᑕᓖᑦ ᓇᓚᐅᑦᑍᔪᓪᓗ ᑐᓐᖓᕕᓕᐊᕆᓚᐅᕐᑕᖓᓐᓄᑦ, ᑐᓐᖓᕕᖕᒧᓪᓕ ᑎᕆᖅᑯᕆᔭᐅᕗᖅ ᑕᕝᕙ ᙭ᔅᑑᓯ ᔩᓱᓯ.

ᑯᓘᓯᐊᒥᐅᓄᑦ 1:29

ᑕᒪᓐᓇ ᐱᔭᕇᕈᒪᓪᓗᒍ ᐊᒃᓱᕉᑎᒋᕙᕋ ᐃᓗᖏᕐᑐᕐᓗᖓ, ᐱᔪᓐᓇᕐᓂᕐᒥᒃ ᐊᖏᔪᒥᒃ ᐊᑐᕐᑎᑕᐅᓪᓗᖓ ᑖᑦᓱᒪ ᐅᕙᓐᓄᑦ ᕾᓯᒪᔭᖓᓂᒃ.

ᑯᓘᓯᐊᒥᐅᓄᑦ 4:17

ᐋᑭᐸᓯ ᐅᖃᐅᑎᓯᐅᒃ, “ᐱᔭᕇᑦᓯᐊᕋᓱᖕᓂᐊᕐᐸᑦ ᐱᓇᓱᐊᒐᒃᓴᖅ ᐱᔭᒃᓴᕐᑖᕆᓚᐅᕐᑍᑦ ᐊᑕᓂᕐᒥᑦ.”

ᑎᓴᓗᓁᑲᒥᐅᓄᑦ ᓯᕗᓪᓖᑦ 3:2

ᑎᓕᓯᓚᐅᕐᐳᒍᓪᓗ ᑎᒧᑎᒥᒃ, ᐅᒃᐱᕐᑑᖃᑎᑎᓐᓂᒃ ᐱᓇᓱᐊᖃᑎᒋᔭᕗᓪᓗ ᒎᑎᒧᑦ ᐊᔪᕆᕐᑐᐃᑎᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᓲᖑᓯᑎᑕᐅᖁᓪᓗᓯ ᐅᒃᐱᕐᓂᓯ ᐃᑲᔪᕐᑕᐅᒃᑲᓐᓂᖁᓪᓗᒍ.

ᑎᒧᑎᒧᑦ ᓯᕗᓪᓖᑦ 4:16

ᐃᓕᖕᓂᒃ ᐊᔪᕆᕐᓱᖃᓯᐅᔨᓴᑦᓯᐊᕆᑦ ᐊᔪᕆᕐᑐᐃᓂᕐᓂᒡᓗ. ᑕᒪᒃᑯᐊ ᐊᓯᐊᓄᐊᕐᑍᓕᒋᑦ, ᑍᒤᒃᑯᕕᑦ ᐃᓕᖕᓂᒃ ᐱᐅᓕᓂᐊᕐᐳᑎᑦ ᐊᔪᕆᕐᑐᕐᑕᕐᓂᒡᓗ.

ᑎᒧᑎᒧᑦ ᐂᑉᐸᖏᑦ 2:15

ᒎᑎᒧᓪᓕ ᐃᒻᒥᓂᒃ ᑐᓂᓕᕆᑦ ᓈᒻᒪᒋᔭᐅᔪᑎᑐᑦ, ᐱᓇᓱᐊᕐᑎ ᐱᓇᓱᐊᒐᕐᒥᓂᒃ ᑲᓐᖑᓲᑎᖃᕆᐊᖃᖏᒻᒪᑦ, ᓱᓕᔪᑦ ᐅᖃᐅᓰᑦ ᐊᑐᑦᓯᐊᕐᓗᒋᑦ.

ᔧᒥᓯᐅᑉ ᐊᒡᓚᖏᑦ 3:1

ᐊᒥᓲᓐᖏᑦᑐᓯᒍᑦ ᐊᔪᕆᓱᐃᔨᖑᕐᑐᒃᓴᐅᕗᓯ, ᐅᒃᐱᕐᑑᖃᑎᒃᑲ, ᖃᐅᔨᒪᒐᑦᓯ ᐅᕙᒍᑦ ᐊᔪᕆᕐᓱᐃᕙᒃᑐᒍᑦ ᓂᑲᒋᔭᐅᓐᖏᓐᓂᕐᓴᐅᓗᑕ ᐃᖅᑲᕐᑐᕐᑕᐅᔪᒫᕋᑦᑕ.

ᐲᑦᑐᕉᓯ ᓯᕗᓪᓖᑦ 4:11

ᓇᓪᓕᐊᑦ ᐊᔪᕆᕐᑐᐃᒍᓂ, ᐊᔪᕆᕐᑐᐃᔪᒃᓴᐅᕗᖅ ᒎᑎᐅᑉ ᐅᖃᐅᓯᐅᖁᔭᖓᓂᒃ; ᓇᓪᓕᐊᑦ ᐱᔨᑦᓯᕐᑐᖅ, ᐱᔨᑦᓯᕐᑐᒃᓴᐅᕗᖅ ᐱᔪᓐᓇᕐᓂᖅ ᒎᑎᒥᑦ ᑐᓂᕐᕈᓯᐊᕆᔭᓂ ᐊᑐᕐᓗᓂᐅᒃ; ᑕᒤᑎᒍᑦ ᒎᑎ ᓂᕐᑐᕐᓇᕐᑎᑕᐅᖁᓪᓗᒍ ᔩᓱᓯ ᙭ᔅᑑᓯᒃᑯᑦ. ᑖᓐᓇ ᓂᕐᑐᕐᑕᐅᓂᕐᒥᒃ ᐱᓕᑑᖕᒪᑦ ᐱᔪᓐᓇᕐᓂᕐᒥᒡᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᐲᑦᑐᕉᓯ ᐂᑉᐸᖏᑦ 3:15

ᖃᐅᔨᒪᓗᓯ ᐊᑕᓂᑦᑕ ᕿᓄᐃᓵᕐᓂᖓ ᐱᐅᓕᔭᐅᓂᕐᒥᒃ ᐱᑦᔪᑎᖃᕐᒪᑦ. ᐸᐅᓗᓯᑦᑕᐅᖅ ᐅᒃᐱᕐᑑᖃᑎᕗᑦ ᓇᒡᓕᖕᓇᕐᑐᖅ ᐃᓕᑦᓯᓐᓄᑦ ᑎᑎᕋᕐᓯᒪᖕᒪᑦ ᓯᓚᑐᓂᕐᒥᒃ ᑐᓂᕐᕈᓯᐊᒥᓂᒃ ᐊᑐᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:14

ᐃᒡᓗᒐᓴᒡᔪᐊᓪᓗ ᐊᕙᓗᕐᔪᐊᖓ ᑐᓐᖓᕕᖃᕐᐳᖅ 12ᓂᒃ, ᑐᓐᖓᕕᖏᓪᓗ ᑎᑎᕋᕐᓯᒪᒋᕗᑦ ᓄᕐᕋᐅᔭᐅᑉ ᐋᐴᓯᑕᓕᖏᑕ ᐊᑎᖏᓐᓂᒃ 12ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:19

ᐊᕙᓗᕐᔪᐊᓪᓗ ᑐᓐᖓᕕᖏᑦ ᐱᐅᓴᕐᓯᒪᕗᑦ ᐅᔭᕋᖕᓄᑦ ᐱᐅᔪᐊᓗᖕᓄᑦ; ᓯᕗᓪᓕᕐᐹᖅ ᑐᓐᖓᕕᖓ ᔮᓯᐸᕆᐅᕗᖅ, ᑐᖓᓕᖓ ᓴᐰᕋᐅᕗᖅ, ᐱᖓᔪᖓᑦ ᐊᒊᑎᐅᕗᖅ, ᓯᑕᒪᖓᑦ ᐃᒪᕆᐅᓪᑎᐅᕗᖅ,