ᑯᕆᓐᑎᐊᒥᐅᓄᑦ ᓯᕗᓪᓖᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᒎᑎᐅᓪᓕ ᓯᓚᑐᓂᖓ ᓇᓗᓇᕐᑐᖅ ᐃᔨᕐᓯᒪᔪᖅ ᐅᖃᐅᑎᒋᕙᕋ, ᒎᑎᐅᑉ ᐋᖅᑭᒃᓯᒪᓚᐅᕐᐹ ᓂᕐᑐᕐᓇᐅᑎᒃᓴᑦᑎᓐᓄᑦ ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:7 Iomraidhean Croise

ᐃᓐᖏᕈᑎᑦ 78:2

ᖃᓂᕋ ᐂᑦᑕᕐᓂᐊᕋᒃᑯ ᐊᑦᔨᐅᔪᒥᒃ ᐅᖃᕐᓗᖓ; ᐅᖃᐅᓯᖃᕐᓂᐊᕋᒪ ᐃᔨᕐᓯᒪᔪᓂᒃ ᑍᑦᓱᒪᓂᑐᖃᖅ ᐱᓚᐅᕐᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 11:25

ᑍᑦᓱᒪᓂᐅᑎᓪᓗᒍ ᔩᓱᓯ ᐅᖃᕐᐳᖅ, “ᐊᑖᑖᒃ, ᖁᔭᒋᕙᒋᑦ, ᐊᑕᓂᐅᔪᑎᑦ ᕿᓚᖕᒥ ᓄᓇᕐᔪᐊᕐᒥᓗ! ᑕᒪᒃᑯᐊ ᐃᔨᕐᓯᒪᒐᕕᒋᑦ ᓯᓚᑐᔪᓄᑦ ᐃᓕᓯᒪᔪᓄᓪᓗ, ᑕᒪᑐᒥᖓᓕ ᓴᖅᑭᑎᑦᓯᓚᐅᕋᕕᑦ ᓄᑕᖅᑲᑎᑐᑦ ᑍᒤᑦᑐᓄᑦ;

ᒫᑎᐅᓯᐅᑉ ᐊᒡᓚᖏᑦ 13:35

ᑕᕝᕙ ᓇᓚᐅᑦᑍᔫᑉ ᐅᖃᐅᓯᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᐊᑦᔨᐅᔪᓂᒃ ᐊᑐᕐᓗᖓ ᐅᖃᕐᕕᒋᓂᐊᕐᐸᒃᑲ; ᐅᖃᐅᑎᓂᐊᕐᐸᒃᑲ ᐃᔨᕐᓯᒪᓚᐅᕐᑐᓂᒃ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ.”

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᕉᒪᒥᐅᓄᑦ 8:29

ᓯᕗᓂᖓᒍᑦ ᓂᕈᐊᕐᓯᒪᔭᓂ ᒎᑎᐅᑉ ᕾᖁᓯᒪᖕᒪᒋᑦᑕᐅᖅ ᐃᕐᓂᕐᒥᓄᑦ ᐊᑦᔨᒋᔭᐅᓕᖁᓪᓗᒋᑦ, ᑖᓐᓇ ᐊᖓᔪᒃᖠᕐᐹᖑᖁᓪᓗᒍ ᐅᒃᐱᕐᑑᖃᑎᒌᑦ ᐊᒥᓱᑦ ᐊᑯᕐᖓᓐᓂ.

ᕉᒪᒥᐅᓄᑦ 8:30

ᓯᕗᓂᖓᒍᓪᓗ ᓂᕈᐊᕐᓯᒪᔭᓂ ᕾᖁᓚᐅᕆᕔᑦ; ᕾᖁᔭᓂᓗ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ; ᐸᓯᔭᒃᓴᐅᔪᓐᓃᕐᑎᑕᓂᓗ ᓂᕐᑐᕐᓇᕐᓂᕐᒥᓂᒃ ᐃᓚᖏᐅᑎᑎᓚᐅᕆᕔᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:1

ᐃᓅᖃᑎᒃᑲ, ᐃᓕᑦᓯᓐᓄᑦ ᑎᑭᓐᓇᒪ, ᐊᔪᕆᕐᑐᐃᑎᓪᓗᖓ ᒎᑎᐅᑉ ᓱᓕᑦᓯᐊᕐᓂᖓᑕ ᓇᓗᓇᕐᓂᖓᓂᒃ; ᐅᖃᐅᓰᑦ ᐋᖅᑭᒃᓱᑦᓯᐊᕐᓯᒪᔪᑦ ᓯᓚᑐᔪᓪᓘᓐᓃᑦ ᐊᑐᕐᓗᒋᑦ ᐅᖃᓪᓚᓚᐅᓐᖏᓚᖓ.

ᐃᐱᓯᒥᐅᓄᑦ 1:4

ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

ᐃᐱᓯᒥᐅᓄᑦ 3:10

ᒫᓐᓇᐅᓕᕐᑐᒃᑯᑦ ᐅᒃᐱᕐᑑᖃᑎᒌᑎᒍᑦ, ᒎᑎᐅᑉ ᓱᓇᑐᐃᓐᓇᓕᒫᑎᒍᑦ ᓯᓚᑐᓂᕐᔪᐊᖓ ᖃᐅᔨᔭᐅᔪᓐᓇᕐᓯᖁᓪᓗᒍ ᐊᐅᓚᑦᑎᔨᐅᕙᒃᑐᓄᑦ ᐱᔪᓐᓇᕐᓂᖃᕐᑐᓄᓪᓗ ᕿᓚᖕᒥᐅᓄᑦ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᐄᑉᕈᐃᓄᑦ 1:2

ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ.

ᐄᑉᕈᐃᓄᑦ 11:3

ᐅᒃᐱᕐᓂᑯᑦ ᑐᑭᓯᕗᒍᑦ ᓯᓚᕐᔪᐊᖅ ᐱᓐᖑᕐᑎᑕᐅᓯᒪᖕᒪᑦ ᒎᑎᐅᑉ ᐅᖃᐅᓯᖓᓄᑦ, ᑕᑯᒃᓴᐅᔪᑦ ᐱᓐᖑᕐᑎᑕᐅᓯᒪᖕᒪᑕ ᑕᑯᒃᓴᐅᖏᑦᑐᒥᑦ.

ᐲᑦᑐᕉᓯ ᓯᕗᓪᓖᑦ 1:11

ᖃᐅᔨᓇᓱᐊᓚᐅᕐᐳᑦ ᖃᖓᐅᓂᐊᕐᒪᖔᑦ ᖃᓄᕐᓗ ᓴᖅᑭᓐᓂᐊᕐᒪᖔᑦ ᙭ᔅᑑᓯᐅᑉ ᐊᓂᕐᓂᖓ ᑖᒃᑯᓇᓃᑦᑐᖅ ᑕᒪᑐᒥᖓ ᓇᓗᓁᕐᓯᓚᐅᕐᐳᖅ; ᙭ᔅᑑᓯᐅᑉ ᐋᓐᓂᐊᑎᑕᐅᓂᕐᒥᒃ ᐊᑐᕈᒫᕐᓂᖓᓂᒃ ᖁᕕᐊᓇᕐᑐᕐᔪᐊᒥᒡᓗ ᑭᖑᓂᖃᕈᒫᕐᓂᖓᓂᒃ.

ᐲᑦᑐᕉᓯ ᓯᕗᓪᓖᑦ 5:1

ᐃᓐᓁᑦ ᐊᐅᓚᑦᓯᔩᑦ ᐃᓇᑉᐸᒃᑲ, ᐅᕙᖓᑦᑕᐅᖅ ᐊᐅᓚᑦᓯᔨᐅᖃᑕᐅᒐᒪ ᙭ᔅᑑᓯᐅᑉ ᐊᒃᓱᕈᓇᕐᑐᒦᑎᑕᐅᓚᐅᕐᓂᖓᓂᒃ ᑕᑯᖃᑕᐅᓯᒪᒐᒪ ᐱᖃᑕᐅᔪᒫᕆᕗᖓ ᓂᕐᑐᕐᓇᕐᑐᔪᐊᕐᒥ ᓴᖅᑭᕈᒫᕐᑐᒥ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᐲᑦᑐᕉᓯ ᐂᑉᐸᖏᑦ 1:3

ᒎᑎᐅᓂᖓᑕ ᐱᔪᓐᓇᓂᖓᓄᑦ ᑐᓂᓯᕕᒋᖕᒪᑎᒍᑦ ᑕᒤᓐᓂᒃ ᐃᓅᓯᕐᒥ ᐊᑐᕆᐊᖃᕐᑕᑦᑎᓐᓂᒃ ᐱᐅᔪᓂᒃ, ᑖᑦᓱᒥᖓ ᖃᐅᔨᑎᑕᐅᓂᑦᑎᒍᑦ ᕾᖁᓚᐅᕐᒪᑎᒍᑦ ᓇᖕᒥᓂᖅ ᐱᓐᓇᕐᓇᕐᓂᕐᒥᒍᑦ ᐱᑦᓯᐊᕐᓂᕐᒥᒍᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:8

ᐃᓅᖃᑎᒌᒡᔪᐊᓕᒫᓪᓗ ᓄᓇᕐᔪᐊᒦᑦᑐᑦ ᑖᑦᓱᒥᖓ ᑐᒃᓯᐊᕐᕕᖃᕈᒫᕐᐳᑦ, ᐊᑎᖏᑦ ᑎᑎᕋᕐᑕᐅᓯᒪᖏᑦᑐᓕᒫᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ ᒪᒃᐱᕐᑐᖃᓂ ᐃᓅᓯᕾᓐᓇᕈᒫᕐᑐᑦ ᓄᕐᕋᐅᔭᐅᑉ ᑐᖁᑕᐅᓚᐅᕐᑑᑉ ᐊᑎᒃᑯᑎᖏᓐᓂ.