ᑯᕆᓐᑎᐊᒥᐅᓄᑦ ᓯᕗᓪᓖᑦ 16:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐊᑕᓂᕐᒥᒃ ᐱᓐᓇᕆᔭᖃᖏᑦᑐᖅ ᑖᓐᓇ ᓇᕐᕈᓇᕐᓯᓕᕐᓕ! ᒪᕋᓈ-ᑕ ᐃᒫᒃ; ᐊᑕᓂᕗᑦ ᕾᓕᕆᑦ!

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:22 Iomraidhean Croise

ᓲᓗᒨᓂᐅᑉ ᐃᓐᖏᕈᓯᖏᑦ 1:7

ᓇᒡᓕᒋᔮᒃ, ᐅᖃᐅᑎᓚᐅᓐᖓ, ᓇᓂ ᓰᐱᖁᑎᖕᓂᒃ ᒥᐊᓂᕐᓯᕙᒃᐱᑦ? ᓇᓂᓗ ᐅᓪᓗᑯᑦ ᑕᕾᕐᓯᕐᐸᒃᐸᑦ? ᓱᖕᒪᑦ ᓰᐱᓂᒃ ᐃᓚᕕᑦ ᒥᐊᓂᕐᓯᕕᖏᑕ ᖃᓂᒋᔮᓂ ᐱᓱᑲᑕᑐᐃᓐᓇᕐᑎᑉᐹᖓ?

ᓲᓗᒨᓂᐅᑉ ᐃᓐᖏᕈᓯᖏᑦ 5:16

ᖃᓂᖓ ᒪᒪᕐᐳᖅ, ᐃᓛᒃ ᑕᒤᑎᒍᑦ ᐱᔪᒥᓇᕐᐳᖅ. ᓇᒡᓕᒋᔭᕋ ᑍᒤᑉᐳᖅ ᑖᓐᓇ ᐃᓚᓐᓈᕆᔭᕋ, ᔨᕉᓴᓕᒥᐅᑦ ᐸᓂᖏᑦ ᐅᖃᐅᑎᕙᑦᓯ.

ᐂᓮᐊᓯᐅᑉ ᐊᒡᓚᖏᑦ 5:1

ᐃᓐᖏᓚᐅᕐᓚᖓ ᐆᒥᖓ ᓇᒡᓕᒋᔭᓐᓄᑦ, ᓇᒡᓕᖕᓂᕐᒥᒃ ᐃᓐᖏᐅᑎᖃᕐᓗᖓ ᕔᓂᒃᓴᓂᒃ ᐱᕈᕐᓰᕕᖁᑎᖓᓂᒃ; ᓇᒡᓕᒋᔭᕋ ᕔᓂᒃᓴᓂᒃ ᐱᕈᕐᓰᕕᖁᑎᖃᓚᐅᕐᐳᖅ ᐱᕈᕐᕕᐅᑦᓯᐊᕐᓇᕐᑐᒥᒃ ᐱᖒᑉ ᖄᖓᓂ.

ᒫᑎᐅᓯᐅᑉ ᐊᒡᓚᖏᑦ 10:37

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ; ᓇᓪᓕᐊᓪᓗ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 14:15

“ᓇᒡᓕᒋᒍᑦᓯᓐᖓ, ᐱᖁᔭᒃᑲ ᒪᓕᖕᓂᐊᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 14:21

“ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᕐᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᕐᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.”

ᔪᐊᓇᓯᐅᑉ ᐊᒡᓚᖏᑦ 14:23

ᔩᓱᓯᐅᑉ ᑭᐅᕚ, “ᐅᕙᓐᓂᒃ ᓇᒡᓕᒍᓱᒃᑑᑉ, ᐅᖃᐅᓯᒃᑲ ᒪᓕᖕᓂᐊᕐᐰᑦ, ᐊᑖᑕᒪᓗ ᓇᒡᓕᒋᓂᐊᕐᐹ, ᐊᑖᑕᒐᓗ ᐅᕙᒍᒃ ᑎᑭᓛᕐᐸᕗᒃ ᑕᕝᕙᓂᓗ ᐊᖏᕐᕋᖃᓕᕐᓗᓄᒃ.

ᔪᐊᓇᓯᐅᑉ ᐊᒡᓚᖏᑦ 15:24

ᐱᓂᐊᕐᓂᖃᓚᐅᖏᒃᑯᒪ ᐱᓂᐊᕐᓂᕆᔭᐅᓚᐅᕐᓯᒪᖏᑦᑐᒥᒃ ᑖᒃᑯᓄᖓ, ᐊᔪᕐᓂᖃᕋᔭᓐᖏᓚᑦ; ᒫᓐᓇᓕ ᑕᑯᓯᒪᕗᑦ ᐊᑖᑕᒐᓗ ᑕᒪᓐᓄᒃ ᐆᒥᒋᕚᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 16:14

ᑖᑦᓱᒪ ᓂᕐᑐᕐᓇᕐᑎᑦᑐᒫᕐᐹᖓ, ᑖᓐᓇ ᐅᖃᐅᓯᓐᓂᒃ ᐅᖃᐅᓯᖃᕐᓂᐊᕐᒪᑦ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 8:42

ᔩᓱᓯᐅᑉ ᐅᖃᐅᑎᕔᑦ, “ᒎᑎ ᐊᑖᑕᒋᒍᑦᓯᐅᒃ, ᓇᒡᓕᒋᒐᔭᕐᐸᑦᓯᓐᖓ, ᒎᑎᒥᑦ ᐱᓚᐅᕋᒪ ᑕᕝᕙᓐᖔᕐᓯᒪᓪᓗᖓᓗ ᒫᓐᓇ ᑕᕝᕙᓃᑉᐳᖓ; ᐅᕙᓐᓂᒃ ᑕᒪᐅᓐᖓᕐᑎᓚᐅᖏᓐᓇᒪ, ᑖᑦᓱᒪᓕ ᑎᓕᓚᐅᕐᐹᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 23:14

ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓄᐊᕐᐳᑦ ᔫᑎᓪᓗ ᐊᖓᔪᖅᑳᖏᓐᓄᑦ ᐅᖃᕐᓗᑎᒃ, “ᓴᖑᑎᓐᓂᐊᓐᖏᑕᑦᑎᓐᓂᒃ ᐊᖏᖃᑎᒌᒃᐳᒍᑦ ᓂᕆᔪᒪᓇᑕ ᓱᓇᑐᐃᓐᓇᕐᒥᒃ ᐸᐅᓗᓯᒥᒃ ᑐᖁᑦᓯᓚᐅᖏᓐᓂᑦᑎᓐᓂ.

ᕉᒪᒥᐅᓄᑦ 9:3

ᓇᖕᒥᓂᖅ ᐊᒡᓛᑦ ᓇᕐᕈᓇᕐᓯᑎᑕᐅᔪᒪᒐᔭᕐᐳᖓ ᙭ᔅᑑᓯᒥᓪᓘᓐᓃᑦ ᐊᕕᑎᑕᐅᖔᕐᓗᖓ ᐃᓅᖃᑎᒃᑲ ᐱᑦᔪᑎᒋᓪᓗᒋᑦ, ᔫᑎᐅᖃᑎᒃᑲ ᑎᒥᒃᑯᑦ ᐃᓚᒋᔭᒃᑲ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:3

ᑍᒤᒻᒪᑦ ᑐᑭᓯᓯᒪᑦᓯᐊᖁᕙᑦᓯ, ᒎᑎᐅᑉ ᐊᓂᕐᓂᖓᓄᑦ ᐅᖃᓪᓚᒃᑎᑕᐅᔪᒥᒃ, ᐃᒤᓕᔪᖃᓚᐅᕐᓯᒪᓐᖏᓚᖅ “ᔩᓱᓯ ᓇᕐᕈᓇᕐᓯᓕ!” ᐃᒫᒡᓗ ᐅᖃᕐᑐᖃᕈᓐᓇᓐᖏᓚᖅ “ᔩᓱᓯ ᐊᑕᓂᐅᕗᖅ” ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᖃᕐᑎᑕᐅᖏᒃᑯᓂ.

ᒐᓔᑎᐊᒥᐅᓄᑦ 5:6

᙭ᔅᑑᓯ ᔩᓱᓯᒥ ᑭᐱᓯᒪᓂᖅ ᑭᐱᓯᒪᖏᓐᓂᕐᓗ ᐊᑐᖏᒻᒪᑎᒃ, ᐅᒃᐱᕐᓂᒃᑯᓪᓕ ᐱᓇᓱᐊᕐᓂᖅ ᓇᒡᓕᖕᓂᒃᑯᑦ ᐊᑐᕐᑐᑑᕗᖅ.

ᐃᐱᓯᒥᐅᓄᑦ 6:24

ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᓕᑦ, ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᓇᒡᓕᒋᔭᖃᕐᑐᑦ, ᑲᔪᓯᑦᓯᐊᕐᑐᒥᒡᓗ ᐅᖓᒋᔭᖃᕐᑐᑦ ᑖᑦᓱᒥᖓ.

ᐱᓕᐱᒥᐅᓄᑦ 4:5

ᐃᓅᖃᑎᓕᒫᑦᓯᓐᓄᑦ ᓂᑲᒍᓱᖕᓂᓯ ᖃᐅᔨᔭᐅᓕ. ᐊᑕᓂᖅ ᖃᓂᒻᒪᑦ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᐲᑦᑐᕉᓯ ᓯᕗᓪᓖᑦ 1:8

ᑖᓐᓇ ᑕᑯᓚᐅᕐᓯᒪᖏᒃᑲᓗᐊᕐᓗᒍ, ᓇᒡᓕᒋᕙᓯ. ᑕᑯᕙᖏᓐᑲᓗᐊᕋᑦᓯᐅᒃ, ᐅᒃᐱᕆᕙᓯ ᐃᓗᒻᒥᕐᑕᐅᓪᓗᓯᓗ ᖁᕕᐊᓱᖕᓂᕐᒧᑦ ᐊᖏᔪᕐᔪᐊᒧᑦ ᓈᒻᒪᒃᑐᒥᒃ ᐅᖃᐅᓯᕐᑕᖃᕈᓐᓇᖏᑦᑐᒧᑦ,

ᐲᑦᑐᕉᓯ ᓯᕗᓪᓖᑦ 2:7

ᐃᓕᑦᓯᓐᓄᓪᓕ ᐅᒃᐱᕐᑐᓄᑦ, ᐅᔭᕋᒃ ᑖᓐᓇ ᐅᐱᒋᔭᐅᕗᖅ. ᐅᒃᐱᕈᒪᓐᖏᑦᑐᓄᓪᓕ, “ᐅᔭᕋᒃ ᐃᒡᓗᓕᐅᕐᑐᓄᑦ ᓇᕐᕈᒋᔭᐅᔪᖅ, ᑐᓐᖓᕕᓪᓚᕆᐅᓪᓗᓂ ᑎᕆᖅᑯᕆᔭᐅᓂᖓ ᐊᑑᑎᖃᕐᓂᕐᐹᖑᓕᕐᐳᖅ.”

ᔪᐊᓇᓯ ᓯᕗᓪᓖᑦ 4:19

ᓇᒡᓕᖕᓂᖃᕐᐳᒍᑦ, ᑖᑦᓱᒪ ᓇᒡᓕᒋᖅᑳᓚᐅᕐᒫᑎᒍᑦ.

ᔪᐊᓇᓯ ᓯᕗᓪᓖᑦ 5:1

ᑕᒪᕐᒥᒃ ᐅᒃᐱᕐᑐᑦ ᔩᓱᓯ ᙭ᔅᑑᓯ ᒎᑎᒧᑦ ᐃᕐᓂᐊᖑᑎᑕᐅᓯᒪᕗᑦ, ᑕᒪᕐᒥᒡᓗ ᐊᑖᑕᒥᒃ ᓇᒡᓕᒍᓱᒃᑐᑦ ᑖᑦᓱᒪ ᕿᑐᕐᖓᖓᑦᑕᐅᖅ ᓇᒡᓕᒋᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:20

ᑖᒃᑯᓂᖓ ᐅᖃᐅᓯᖃᕐᑐᖅ ᐅᖃᕐᐳᖅ, “ᓱᓕᕗᖓ ᐊᑯᓂᐅᖏᑦᑐᖅ ᕾᓂᐊᕐᐳᖓ.” ᐋᒥᓐ. ᐊᑕᓃᖅ ᔩᓱᓯ ᕾᓕᕆᑦ!