ᑯᕆᓐᑎᐊᒥᐅᓄᑦ ᓯᕗᓪᓖᑦ 16:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑍᒤᑦᑐᓄᑦ ᐃᓄᖕᓄᑦ ᐃᓕᑦᓯᓐᓂᒃ ᑐᓂᓯᒪᖁᕙᑦᓯ ᑕᒤᓐᓄᓪᓗ ᐱᓇᓱᐊᖃᑕᐅᔪᓄᑦ ᐱᓇᓱᐊᕐᑎᓄᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:16 Iomraidhean Croise

ᑯᕉᓂᑲ ᓯᕗᓪᓖᑦ 12:18

ᑕᕝᕙ ᐊᓂᕐᓂᐅᑉ ᐊᒪᓮ ᑎᑭᕝᕕᒋᕚ, ᐊᖓᔪᖅᑳᖑᔪᖅ 30ᓄᑦ, ᐅᖃᕐᓗᓂᓗ, “ᐃᓕᖕᓄᑦ ᐱᒋᔭᐅᕗᒍᑦ, ᑍᕕᑏ; ᐃᓕᖕᓂᒡᓗ ᐃᓕᖃᕐᐳᒍᑦ, ᔨᓯᐅᑉ ᐃᕐᓂᖓ! ᓮᒻᒪᕐᑎᑕᐅᒋᑦ, ᓮᒪᓂᐅᓪᓗ ᓇᔪᕐᓕᑎᑦ, ᐃᑲᔪᕐᑎᑎᓪᓗ ᓮᒻᒪᕐᑎᑕᐅᓕᑦ! ᒎᑎᕕᑦ ᐃᑲᔪᕐᒫᑎᑦ.” ᑕᕝᕙ ᑍᕕᑎᐅᑉ ᐃᓚᓕᐅᕐᐰᑦ, ᐊᖓᔪᖅᑳᓐᖑᕐᑎᓪᓗᒋᓪᓗ ᐅᓇᑕᕐᑐᒃᓴᖁᑎᒥᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 1:3

ᐃᓄᒃ ᓱᓇᒥᒃ ᐱᕚᓪᓕᕈᑎᖃᕐᐹ ᐊᒃᓱᕈᕈᑎᒋᔭᒥᓂᒃ? ᓴᓇᓂᕐᒥᓄᑦ ᓯᕿᓂᐅᑉ ᐊᑖᓂ?

ᕉᒪᒥᐅᓄᑦ 16:12

ᑕᕝᕙᐅᕗᑏᕐᐸᒃᑲ ᑐᕅᐲᓇ ᑐᕅᐴᓴᓗ, ᑖᒃᑯᐊᒃ ᐊᕐᓈᒃ ᐱᓇᓱᐊᕐᑑᒃ ᐊᑕᓂᕐᒥ. ᓇᒡᓕᖕᓇᕐᑐᕐᓗ ᐳᕐᓯᓯ, ᑖᓐᓇᑦᑕᐅᖅ ᐊᕐᓇᐅᓪᓗᓂ ᐊᓱᕈᒻᒪᕆᒃᓯᒪᔪᖅ ᐊᑕᓂᕐᒥ.

ᕉᒪᒥᐅᓄᑦ 16:3

ᑕᕝᕙᐅᕗᑏᕐᑎᑉᐹᒃᑲᒃ ᐳᕆᓯᓚ ᐊᑯᐃᓚᓗ, ᐱᓇᓱᐊᖃᑏᒃᑲᒃ ᙭ᔅᑑᓯ ᔩᓱᓯᒥ,

ᕉᒪᒥᐅᓄᑦ 16:6

ᑕᕝᕙᐅᕗᑏᕐᐸᕋ ᒥᐊᕆ, ᐱᓇᓱᐊᕐᓯᒪᔪᖅ ᐊᒃᓱᕈᕐᓗᓂ ᐃᓕᑦᓯᓐᓂ.

ᕉᒪᒥᐅᓄᑦ 16:9

ᑕᕝᕙᐅᕗᑏᕆᕙᕋ ᐅᕐᐹᓄᓯ, ᐱᓇᓱᐊᖃᑎᕗᑦ ᙭ᔅᑑᓯᒥ, ᐃᓚᓐᓈᕆᔭᕋᓗ ᓯᑕᑭᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:28

ᒎᑎᓗ ᐋᖅᑭᒃᓯᓯᒪᕗᖅ ᐃᓚᒌᒃᑐᓂ ᓯᕗᓪᓕᕐᒥᒃ ᐋᐴᓯᑕᓕᖕᓂᒃ, ᐂᑉᐸᖓᓂᒃ ᓇᓚᐅᑦᑍᔪᓂᒃ, ᐱᖓᔪᐊᓐᓂᒃ ᐃᓕᓮᔨᓂᒃ, ᑲᒪᓇᕐᑐᓕᓂᕐᒥᒃ ᐱᓇᓱᐊᕈᓐᓇᕐᑐᓂᒃ, ᐋᓐᓂᐊᕐᑐᓂᒡᓗ ᐋᖅᑭᒃᓯᓂᕐᒥᒃ ᑐᓂᕐᕈᓯᐊᓕᖕᓂᒃ, ᐊᓯᒥᖕᓂᒡᓗ ᐃᑲᔪᕈᓐᓇᕐᑐᓂᒃ, ᐃᓚᒌᒃᑐᓂᒡᓗ ᐊᐅᓚᑦᓯᔨᐅᔪᓐᓇᕐᑐᓂᒃ, ᐅᖃᐅᓯᕐᓄᓪᓗ ᑐᓴᕐᖓᕐᑕᓄᑦ ᐊᑦᔨᒌᖏᑦᑐᓄᑦ ᐅᖃᓪᓚᒍᓐᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:9

ᒎᑎᐅᑉ ᐱᓇᓱᐊᖃᑎᒌᒃᑎᒻᒪᑎᒍᑦ; ᒎᑎᐅᑉ ᐱᕈᕐᓰᕕᖁᑎᒋᕚᓯ, ᒎᑎᐅᑉ ᐃᒡᓗᖁᑎᒋᕚᓯ.

ᐃᐱᓯᒥᐅᓄᑦ 5:21

ᐃᓕᑦᓯᓐᓄᑦ ᐊᑐᓂᑦ ᑐᓂᖃᑦᑕᐅᑎᓯᒪᑦᓯᐊᕆᑦᓯ ᙭ᔅᑑᓯᒧᑦ ᑐᓂᓯᒪᓂᕆᔭᑦᓯᑐᑦ.

ᐱᓕᐱᒥᐅᓄᑦ 4:3

ᐃᕝᕕᓪᓗᑦᑕᐅᖅ ᑲᔪᓯᑦᓯᐊᕐᑐᒥᒃ ᐱᓇᓱᐊᖃᑎᒐ, ᕿᓄᕕᒋᕙᒋᑦ ᑖᒃᑯᐊᒃ ᐊᕐᓈᒃ ᐃᑲᔪᕐᑕᐅᖁᓪᓗᒋᒃ, ᐊᒃᓱᕈᒻᒪᕆᒃᓗᑎᒃ ᐱᓇᓱᐊᖃᑎᒋᓯᒪᒐᒃᑭᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓯᐊᒻᒪᕐᑎᑦᓯᖃᑎᒋᓪᓗᒋᒃ, ᒃᓕᒥᓐᑎ ᐃᓚᒋᓪᓗᒍ ᐊᓯᖏᓪᓗ ᐱᓇᓱᐊᖃᑎᒃᑲ ᐃᓚᒋᓪᓗᒋᑦ, ᐊᑎᖏᑦ ᑎᑎᕋᕐᓯᒪᔪᑦ ᐃᓅᓯᕾᓐᓇᕈᒫᕐᑐᑦ ᐊᑎᖃᕐᕕᖓᓐᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:9

ᐅᒃᐱᕐᑑᖃᑎᕗᑦ, ᐃᖅᑬᒐᓗᐊᕐᐳᓯ ᓇᓗᓇᓐᖏᓚᖅ ᐊᒃᓱᕈᕐᓗᑕ ᐱᓇᓱᐊᕐᓂᕆᓚᐅᕐᑕᑦᑎᓐᓂᒃ ᐅᖁᒤᒃᓴᕋᓗᐊᕐᓗᑕ, ᐱᓇᓱᐊᖃᑦᑕᓚᐅᕐᐳᒍᑦ ᐅᓪᓘᑎᓪᓗᒍ ᐅᓐᓄᐊᒥᓗ ᐃᓕᑦᓯᓐᓂᒃ ᐅᖁᒤᑎᑦᓯᔪᒪᓇᑕ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐱᓇᓱᐊᕐᑎᓪᓗᑕ ᒎᑎᒥᑦ ᐱᔪᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:12

᙭ᔅᑑᓯᒥᐅᑕᐅᖃᑎᕗᑦ, ᕿᓄᕕᒋᕙᑦᓯ, ᑲᒪᒋᑦᓯᐊᕐᓯᒋᒃ ᑕᓯᐅᕐᑎᒋᔭᓯ ᐊᖓᔪᖅᑳᕆᔭᓯᓗ ᐊᑕᓂᕐᒥ ᐊᔪᕆᕐᑐᐃᔨᒋᔭᓯᓗ,

ᑎᒧᑎᒧᑦ ᓯᕗᓪᓖᑦ 5:17

ᐅᒃᐱᕐᑑᖃᑎᒌᓄᑦ ᓈᒻᒪᒃᑐᒥᒃ ᓯᕗᓕᕐᑏᑦ ᐱᔭᒃᓴᒥᖕᓂᒃ ᐱᓇᓱᐊᑦᓯᐊᕐᑐᑦ ᐅᐱᒋᔭᐅᔭᕆᐊᖃᕐᓂᖏᑕ ᐅᖓᑖᓄᑦ ᐊᑭᓕᕐᑕᐅᖃᑦᑕᕐᑐᓴᐅᕗᑦ, ᐱᓗᐊᕐᑐᒥᒃ ᐊᒃᓱᕈᕐᓗᑎᒃ ᐊᔪᕆᕐᑐᐃᖃᑦᑕᕐᑐᑦ ᐃᓕᓮᖃᑦᑕᕐᑐᓪᓗ;

ᐄᑉᕈᐃᓄᑦ 13:17

ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

ᐄᑉᕈᐃᓄᑦ 13:24

ᓯᕗᓕᕐᑎᓕᒫᓯ ᑕᕝᕙᐅᕗᑏᕐᐸᕗᑦ ᐃᑦᔪᕐᓁᑎᑕᐅᓯᒪᔪᓕᒫᓪᓗ. ᐃᑕᓕᒥᐅᓪᓗ ᐅᒃᐱᖃᑎᑦᑕ ᑕᕝᕙᐅᕗᑏᕐᐹᓯ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”

ᔪᐊᓇᓯᐅᑉ ᐱᖓᔪᖏᑦ 1:8

ᐅᕙᒍᑦ ᑍᒫᒃ ᐱᓇᓱᐊᕐᑐᓂᒃ ᐃᑲᔪᕐᑐᒃᓴᐅᒐᑦᑕ, ᐱᓇᓱᐊᕐᓂᖓ ᓱᓕᓂᒃᑰᕐᑐᖅ ᐱᖃᑕᐅᕕᒋᓂᐊᕋᑦᑎᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:3

ᖃᐅᔨᒪᕙᒋᑦ ᕿᓄᐃᓵᕐᓂᖃᕐᓯᒪᒐᕕᑦ ᐋᓐᓂᐊᑎᑕᐅᓯᒪᕗᑎᓪᓗ ᐊᑎᕋ ᐱᓪᓗᒍ, ᓴᐱᓕᓚᐅᓐᖏᓚᑎᓪᓗ.