ᑯᕆᓐᑎᐊᒥᐅᓄᑦ ᓯᕗᓪᓖᑦ 15:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓗᕕᕐᑕᐅᓚᐅᕐᐳᖅ, ᐅᓪᓗᐃᑦ ᐱᖓᔪᐊᓐᓂ ᒪᑭᓚᐅᕐᐳᖅ, ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:4 Iomraidhean Croise

ᐃᓐᖏᕈᑎᑦ 16:8

ᐊᑕᓂᖅ ᓵᓐᓂ ᑍᒪᓐᖓᑦ ᐃᓂᖃᕐᑎᑉᐸᕋ, ᑕᓕᕐᐱᓐᓃᒻᒪᑦ ᓱᓇᒧᑦ ᐊᐅᓚᑕᐅᓂᐊᓐᖏᓚᖓ.

ᐃᓐᖏᕈᑎᑦ 2:7

ᐊᑕᓂᐅᑉ ᐱᖁᔭᖓ ᐅᖃᐅᓯᕆᔪᒪᕙᕋ: ᐅᕙᓐᓄᑦ ᐅᖃᕐᒪᑦ, “ᐃᕐᓂᕆᕙᒋᑦ ᐅᓪᓗᒥ ᐃᕐᓂᕐᑖᕆᕙᒋᑦ.

ᕼᐆᓯᐊᑉ ᐊᒡᓚᖏᑦ 6:2

ᐅᓪᓘᒃ ᒪᕐᕉᒃ ᐊᓂᒍᕐᐸᑎᒃ ᐆᒻᒪᕐᑎᓐᓂᐊᕐᐹᑎᒍᑦ; ᐅᓪᓗᑦ ᐱᖓᔪᐊᓐᓂ ᒪᑭᑎᓐᓂᐊᕐᐹᑎᒍᑦ, ᐃᓅᓕᖁᓪᓗᑕ ᑖᑦᓱᒪ ᓵᖓᓂ.

ᔫᓇᐅᑉ ᐊᒡᓚᖏᑦ 1:17

ᐊᑕᓂᐅᓪᓗ ᐱᖁᔨᓂᖓᒍᑦ ᐃᒪᕐᒥᐅᑕᕐᔪᐊᖅ ᔫᓇᒥᒃ ᐄᓯᖁᕚ, ᔫᓇᓗ ᐃᒪᕐᒥᐅᑕᐅᑉ ᐊᕿᐊᕈᐊᓃᓚᐅᕐᐳᖅ ᐅᓪᓗᑦ ᐱᖓᓱᑦ ᐅᓐᓄᐊᓪᓗ ᐱᖓᓱᑦ ᓈᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 12:40

ᔫᓇ ᐃᒪᕐᒥᐅᑖᓘᑉ ᐃᓗᐊᓃᓚᐅᕐᒪᑦ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ, ᑍᒫᒃᑕᐅᖅ ᐃᓅᑉ ᐃᕐᓂᖓ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ ᓄᓇᕐᔪᐊᑉ ᐃᑎᓂᖓᑕ ᐃᓗᐊᓃᑦᓱᒫᕆᕗᖅ.

ᒫᑎᐅᓯᐅᑉ ᐊᒡᓚᖏᑦ 16:21

ᑕᕝᕙᓐᖓᑦ ᐱᒋᐊᕐᓗᓂ ᔩᓱᓯ ᓇᓗᓇᖏᑦᓯᐊᕐᑐᒥᒃ ᐃᓕᓐᓂᐊᕐᑎᒥᓄᑦ ᐅᖃᐅᓯᖃᓕᕐᐳᖅ, “ᔨᕉᓴᓕᒻᒧᐊᕆᐊᖃᕐᐳᖓ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᖓ ᐊᖏᔪᒥᒃ ᔫᑎᓄᑦ ᐊᖓᔪᖅᑲᐅᔪᓄᑦ, ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᐳᖓ, ᐅᓪᓗᐃᓪᓕ ᐱᖓᔪᐊᓐᓂ ᒪᑭᑦᓱᒫᕆᕗᖓ.”

ᒫᑎᐅᓯᐅᑉ ᐊᒡᓚᖏᑦ 20:19

ᑐᓂᕐᕈᑎᒋᓛᕐᐹᓪᓗ ᔫᑎᐅᖏᑦᑐᓄᑦ, ᒥᑕᐅᑎᒋᔭᐅᖁᓪᓗᒍ, ᑏᒐᕐᑐᕐᑕᐅᓗᓂᓗ ᑭᑭᐊᕐᑐᕐᑕᐅᓛᕐᐳᖅ, ᐅᓪᓗᐃᓪᓕ ᐱᖓᔪᐊᓐᓂ ᒪᑭᓛᕐᐳᖅ.”

ᒫᑯᓯᐅᑉ ᐊᒡᓚᖏᑦ 9:31

ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ, ᐅᖃᐅᑎᓪᓗᒋᑦ, “ᐃᓅᑉ ᐃᕐᓂᖓ ᐱᔭᐅᑎᑕᐅᔪᒫᕐᐳᖅ ᐃᓄᖕᓄᑦ, ᑖᒃᑯᐊ ᑐᖁᑦᓱᒫᕐᐹᑦ; ᑐᖁᖓᓚᐅᕐᓗᓂ, ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᒪᑭᑦᓱᒫᕆᕗᖅ.”

ᓘᑲᓯᐅᑉ ᐊᒡᓚᖏᑦ 24:26

ᖃᐅᔨᒪᓐᖏᓚᓰᒃ ᙭ᔅᑑᓯ ᑍᒫᒃ ᐃᓗᖏᕐᓱᕐᑎᑕᐅᓂᒃᑯᑦ ᐃᓂᖁᓇᕐᓂᕐᔪᐊᕐᒧᑦ ᐱᑎᑕᐅᔪᒃᓴᐅᓂᖓᓃᒃ?”

ᓘᑲᓯᐅᑉ ᐊᒡᓚᖏᑦ 24:46

ᐅᖃᐅᑎᓪᓗᒋᑦ, “ᐃᒫᒃ ᑕᕝᕙ ᑎᑎᕋᕐᓯᒪᕗᖅ, ᙭ᔅᑑᓯ ᐋᓐᓂᐊᑎᑕᐅᔭᕆᐊᖃᕐᐳᖅ ᐅᓪᓗᐃᓪᓗ ᐱᖓᔪᐊᓐᓂ ᒪᑭᑦᓴᕆᐊᖃᕐᐳᖅ ᑐᖁᖓᔪᓂᑦ,

ᓘᑲᓯᐅᑉ ᐊᒡᓚᖏᑦ 9:22

ᐅᖃᐅᑎᓪᓗᒋᑦ, “ᐃᓅᑉ ᐃᕐᓂᖓ ᐊᖏᔪᒥᒃ ᐋᓐᓂᐊᑎᑕᐅᔭᕆᐊᖃᕐᐳᖅ, ᓇᕐᕈᒋᔭᐅᓗᓂ ᔫᑎᑦ ᐊᖓᔪᖅᑳᖏᓐᓂᑦ, ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓂᑦ, ᐱᖁᔭᓂᒡᓗ ᐃᓕᓮᔨᓂᑦ, ᑐᖁᑕᐅᓛᕐᐳᖅ, ᐅᓪᓗᐃᑦ ᐱᖓᔪᐊᓐᓂᒃ ᒪᑭᓛᕆᕗᖅ.”

ᔪᐊᓇᓯᐅᑉ ᐊᒡᓚᖏᑦ 19:38

ᑕᒪᑐᒪᓕ ᑭᖑᕐᖓᒍᑦ ᔫᓯᐱ ᐊᕆᒪᑎᐊᒥᐅᖅ, ᔩᓱᓯᒧᑦ ᐃᓕᓐᓂᐊᕐᑎᐅᒐᒥ ᖃᐅᔨᔭᐅᑦᑍᓕᓪᓗᓂ, ᔫᑎᓂᒃ ᓯᕘᕋᒐᒥ, ᐰᓛᑑᓯᒧᑦ ᐊᐱᕆᔭᕐᑐᕐᐳᖅ ᔩᓱᓯᐅᑉ ᑎᒥᖓᓂᒃ ᐱᔪᓐᓇᕐᑎᑕᐅᔪᒪᓪᓗᓂ, ᐰᓛᑑᓯᐅᑉ ᐱᔪᓐᓇᕐᑎᑉᐹ. ᑕᕝᕙ ᔫᓯᐱᐅᑉ ᔩᓱᓯᐅᑉ ᑎᒥᖓ ᐅᐸᒃᓗᒍ ᐊᖅᑲᕐᑎᑉᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 1:3

ᐋᓐᓂᐊᑎᑕᐅᓂᕐᒥ ᑭᖑᓂᖓᓂ ᐅᓪᓗᓂᒃ 40ᓂᒃ ᓴᖅᑭᖃᑦᑕᓚᐅᕐᐳᖅ ᑖᒃᑯᓄᖓ ᐅᓄᕐᑐᐃᕐᓱᕐᓗᓂ, ᒪᑭᓯᒪᓪᓚᕆᖕᓂᕐᒥᓂᒃ ᖁᓚᖏᑦᓯᐊᓕᕈᑎᒃᓮᑦ ᐊᑐᕐᓗᒋᑦ, ᐅᖃᖃᑎᒋᓪᓗᒋᑦ ᒎᑎᐅᑉ ᐊᑕᓂᐅᕕᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 17:31

ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

ᕉᒪᒥᐅᓄᑦ 6:4

ᐃᓗᕕᕐᑕᐅᖃᑎᒋᓯᒪᕙᕗᑦ ᑐᖁᒧᑦ ᐹᑉᑎᑕᐅᓂᒃᑯᑦ, ᙭ᔅᑑᓯᑦᑕᐅᖅ ᐆᒻᒪᕐᑎᑕᐅᖕᒪᑦ ᑐᖁᒥᑦ ᐊᑖᑕᐅᑉ ᓂᕐᑐᕐᓇᕐᓂᕐᔪᐊᖓᒍᑦ, ᐅᕙᒍᑦᑕᐅᖅ ᐃᓅᓯᕐᒥ ᓄᑖᒥ ᐃᓅᔪᓐᓇᕐᓯᖁᓪᓗᑕ.

ᑯᓘᓯᐊᒥᐅᓄᑦ 2:12

ᐹᑉᑎᑕᐅᑎᓪᓗᓯ ᙭ᔅᑑᓯ ᐃᓗᕕᕐᑕᐅᖃᑎᒋᒐᑦᓯᐅᒃ, ᒪᑭᖃᑎᒋᓚᐅᕐᐸᓯᓗ ᐅᒃᐱᕐᓂᑯᑦ ᒎᑎᐅᑉ ᐱᔪᓐᓇᕐᓂᖓᒍᑦ, ᑖᑦᓱᒥᖓ ᒪᑭᑎᑦᓯᓚᐅᕐᑐᒃᑯᑦ ᑐᖁᖓᔪᓂᑦ.

ᐄᑉᕈᐃᓄᑦ 13:20

ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,

ᐲᑦᑐᕉᓯ ᓯᕗᓪᓖᑦ 1:11

ᖃᐅᔨᓇᓱᐊᓚᐅᕐᐳᑦ ᖃᖓᐅᓂᐊᕐᒪᖔᑦ ᖃᓄᕐᓗ ᓴᖅᑭᓐᓂᐊᕐᒪᖔᑦ ᙭ᔅᑑᓯᐅᑉ ᐊᓂᕐᓂᖓ ᑖᒃᑯᓇᓃᑦᑐᖅ ᑕᒪᑐᒥᖓ ᓇᓗᓁᕐᓯᓚᐅᕐᐳᖅ; ᙭ᔅᑑᓯᐅᑉ ᐋᓐᓂᐊᑎᑕᐅᓂᕐᒥᒃ ᐊᑐᕈᒫᕐᓂᖓᓂᒃ ᖁᕕᐊᓇᕐᑐᕐᔪᐊᒥᒡᓗ ᑭᖑᓂᖃᕈᒫᕐᓂᖓᓂᒃ.