ᑯᕆᓐᑎᐊᒥᐅᓄᑦ ᓯᕗᓪᓖᑦ 15:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑕᒪᕐᒥᒡᓕ ᐊᑐᓂᑦ ᐱᕕᒃᓴᒥᒍᑦ ᑐᖓᓕᕇᒋᐊᖃᕐᓂᕆᔭᑎᒃ ᒪᓕᒡᓗᒍ ᒪᑭᑎᑕᐅᔪᒫᕐᐳᑦ: ᙭ᔅᑑᓯ ᓯᕗᓪᓕᕐᐸᐅᓯᒪᖕᒪᑦ; ᑭᖑᓂᖓᒍᑦ ᙭ᔅᑑᓯ ᑎᑭᑉᐸᑦ ᐱᒋᔭᖏᑦ ᒪᑭᑦᓱᒫᕆᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:23 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 26:19

ᑐᖁᖓᔪᖁᑎᑎᑦ ᐆᒻᒪᒃᑲᓐᓂᕈᒫᕐᐳᑦ, ᑎᒥᖏᑦ ᒪᑭᑦᓱᒫᕆᕗᑦ, ᑕᒪᕐᒥᒃ ᐃᓗᕕᕐᑕᐅᓯᒪᔪᑦ ᑐᐸᒍᒫᕐᐳᑦ. ᑐᐸᒡᓗᑎᒃ ᐃᓐᖏᕈᒫᕐᐳᑦ ᖁᕕᐊᓱᖕᓂᕐᒧᑦ, ᓲᕐᓗ ᐸᑐᒃ ᕿᓪᓕᒐᓛᒃᑎᑦᓯᕙᖕᒪᑦ ᓄᓇᒥᒃ ᖃᐅᓯᓕᕐᑎᑦᓯᓕᕌᖓᒥ ᑍᒫᒃᑕᐅᖅ ᐊᑕᓂᐅᑉ ᐆᒻᒪᕐᑎᑦᓱᒫᕐᐰᑦ ᑐᖁᓚᐅᕐᑐᕕᓃᑦ.

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 16:28

ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:23

ᑖᓐᓇ ᙭ᔅᑑᓯ ᐋᓐᓂᐊᕐᑎᑕᐅᔭᕆᐊᖃᓚᐅᕐᒪᑦ ᓯᕗᓪᓕᕐᐹᖑᓪᓗᓂᓗ ᑐᖁᒥᑦ ᒪᑭᓪᓗᓂ; ᐱᐅᓕᔭᐅᓂᐅᑉ ᖃᐅᒻᒤᓂᖓᓂᒃ ᐅᖃᐅᓯᖃᕐᓗᓂ ᐃᓅᖃᑎᒥᓄᑦ ᔫᑎᐅᖏᑦᑐᓄᓪᓗ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:20

ᓱᓕᔪᒥᒡᓕ ᙭ᔅᑑᓯ ᑐᖁᖓᔪᓂᑦ ᒪᑭᓯᒪᕗᖅ, ᓯᕗᓪᓕᕐᐹᖑᕗᕐᓗ ᑐᖁᓯᒪᔪᓄᑦ ᑕᒤᓐᓄᑦ ᒪᓕᒐᒃᓴᐅᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:52

ᐃᔨᐅᑉ ᓯᑯᓐᖏᓪᓚᖕᓂᖓᑐᑦ ᕿᓚᒻᒥᐅᑎᒋᔪᒥᒃ, ᑎᑦᑐᓚᐅᑦ ᑭᖑᓪᓕᕐᐹᖅ ᓂᓪᓕᕐᐸᑦ. ᑎᑦᑐᓚᐅᑦ ᓂᓪᓕᑐᐊᕐᐸᑦ, ᑐᖁᖓᔪᑦ ᒪᑭᑦᓱᒫᕐᐳᑦ ᓱᕈᔭᑦᑑᔪᓐᓃᕐᓗᑎᒃ, ᐅᕙᒍᓪᓗ ᑕᒪᑦᑕ ᐊᓯᑦᔨᕐᑕᐅᔪᒫᕐᐳᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:23

᙭ᔅᑑᓯᐅᓪᓗ ᐱᒋᕚᓯ; ᙭ᔅᑑᓯᓕ ᒎᑎᐅᑉ ᐱᒋᕚ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:14

ᒎᑎᐅᓪᓗ ᐊᑕᓂᖅ ᒪᑭᑎᓚᐅᕐᒪᒍ, ᑍᒫᒃᑕᐅᖅ ᒪᑭᑎᑦᓱᒫᕆᕚᑎᒍᑦ ᐱᔪᓐᓇᕐᓂᕐᒥᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:7

ᑕᑯᒃᓴᐅᔪᑐᐃᓐᓇᕐᒥᒃ ᑕᐅᑐᒃᑲᑦᓯ. ᓇᓪᓕᐊᑦ ᖁᓚᖏᒃᑯᓂ ᙭ᔅᑑᓯᒧᑦ ᐱᒋᔭᐅᓂᕐᒥᓂᒃ, ᑖᓐᓇ ᐃᒻᒥᓂᒃ ᐃᖅᑬᑎᓕᕐᓕ ᙭ᔅᑑᓯᒧᑦ ᐱᒋᔭᐅᖕᒥᒐᑦᑕᑦᑕᐅᖅ ᑖᒃᑯᑎᑐᓇᖅ.

ᒐᓔᑎᐊᒥᐅᓄᑦ 3:29

ᑕᕝᕙ ᙭ᔅᑑᓯᒥᐅᑕᐅᒍᕕᑦ, ᐂᑉᕋᕼᐋᒻᒧᑦ ᑭᖑᕚᕆᔭᐅᓕᕐᐳᑎᑦ, ᐊᖏᕈᑕᐅᓯᒪᔪᒥᒡᓗ ᑭᖑᕐᖑᑦᔨᖃᑕᐅᔪᒫᓕᕐᐳᑎᑦ.

ᒐᓔᑎᐊᒥᐅᓄᑦ 5:24

᙭ᔅᑑᓯ ᔩᓱᓯᒧᓪᓕ ᐱᒋᔭᐅᔪᑦ ᑭᑭᐊᒃᑐᕐᑕᐅᑎᑦᓯᓯᒪᕗᑦ ᑎᒥᐅᑉ ᐱᔪᒪᓗᐊᕐᓂᕆᕙᒃᑕᖏᓐᓂᒃ ᐃᒃᖠᒍᓂᖏᓐᓂᒃᓗ.

ᐱᓕᐱᒥᐅᓄᑦ 3:11

ᐊᔪᕐᓇᖏᑉᐸᑦ ᒪᑭᑎᑕᐅᔪᓐᓇᕈᒪᓪᓗᖓ ᑐᖁᒥᑦ ᐃᓅᓯᕐᒧᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:19

ᐃᓛᒃ ᐃᓕᑦᓯᐅᒐᑦᓯ ᐊᓯᑦᓯᓐᓂᒃ ᓂᕆᐅᒡᕕᒃᓴᖃᓐᖏᓚᒍᑦ ᐃᓗᑦᑎᒍᓪᓗ ᖁᕕᐊᓲᑎᒋᕙᑦᓯ ᐃᓕᑦᓯᓗ ᓂᕐᑐᕐᓇᐅᑎᒃᓴᒥᒃ ᐱᒃᓴᖃᐅᑎᒋᕙᑦᓯ, ᓵᓚᖃᕐᓂᑦᑎᓐᓂᒡᓗ ᐊᑕᓂᑦᑕ ᔩᓱᓯᐅᑉ ᑎᑭᕝᕕᒃᓴᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.