ᑯᕆᓐᑎᐊᒥᐅᓄᑦ ᓯᕗᓪᓖᑦ 14:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐅᖃᐅᓯᕐᓄᓪᓕ ᑐᓴᕐᖓᕐᑕᓄᑦ ᐅᖃᓪᓚᒃᑐᖅ ᐃᒻᒥᓂᑐᐊᖅ ᐱᕙᓪᓕᕐᑎᑉᐳᖅ, ᒎᑎᐅᓪᓕ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒃᑐᖅ ᐅᒃᐱᕐᑑᖃᑎᒌᑦ ᐱᕙᓪᓕᕐᑎᑉᐰᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:4 Iomraidhean Croise

ᒫᑯᓯᐅᑉ ᐊᒡᓚᖏᑦ 16:17

ᐅᕙᓐᓄᑦ ᐅᒃᐱᕐᑐᑦ ᓇᓗᓁᒃᑯᑕᖃᕈᒫᕐᐳᑦ ᒪᑯᓂᖓ; ᐊᑎᕋ ᐊᑐᕐᓗᒍ ᐊᓂᕐᓂᕐᓗᖕᓂᒃ ᐊᓂᑎᑦᓯᖃᑦᑕᕈᒫᕐᐳᑦ; ᐅᖃᐅᓯᕐᓄᑦ ᓄᑖᓄᑦ ᐅᖃᓪᓚᖃᑦᑕᕈᒫᕐᐳᑦ;

ᕉᒪᒥᐅᓄᑦ 14:19

ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:10

ᐃᓚᖓᑦ ᑲᒪᓇᕐᑐᓕᔪᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᒎᑎᐅᑉ ᐅᖃᐅᓯᕆᔭᐅᑯᔭᖏᓐᓂᒃ ᑐᓂᓯᕕᐅᕗᖅ; ᐃᓚᖓᓪᓗ ᐊᓂᕐᓃᑦ ᖃᓄᐃᑦᑑᓂᖏᓐᓂᒃ ᖃᐅᔨᑎᑕᐅᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓴᕐᖓᕐᑕᓂᕐᓄᑦ ᐊᑦᔨᒌᖏᑦᑐᓄᑦ ᐅᖃᕈᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓂᓯᕕᐅᕗᖅ ᑐᓴᕐᖓᕐᑕᕈᑎᐅᔪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:28

ᒎᑎᓗ ᐋᖅᑭᒃᓯᓯᒪᕗᖅ ᐃᓚᒌᒃᑐᓂ ᓯᕗᓪᓕᕐᒥᒃ ᐋᐴᓯᑕᓕᖕᓂᒃ, ᐂᑉᐸᖓᓂᒃ ᓇᓚᐅᑦᑍᔪᓂᒃ, ᐱᖓᔪᐊᓐᓂᒃ ᐃᓕᓮᔨᓂᒃ, ᑲᒪᓇᕐᑐᓕᓂᕐᒥᒃ ᐱᓇᓱᐊᕈᓐᓇᕐᑐᓂᒃ, ᐋᓐᓂᐊᕐᑐᓂᒡᓗ ᐋᖅᑭᒃᓯᓂᕐᒥᒃ ᑐᓂᕐᕈᓯᐊᓕᖕᓂᒃ, ᐊᓯᒥᖕᓂᒡᓗ ᐃᑲᔪᕈᓐᓇᕐᑐᓂᒃ, ᐃᓚᒌᒃᑐᓂᒡᓗ ᐊᐅᓚᑦᓯᔨᐅᔪᓐᓇᕐᑐᓂᒃ, ᐅᖃᐅᓯᕐᓄᓪᓗ ᑐᓴᕐᖓᕐᑕᓄᑦ ᐊᑦᔨᒌᖏᑦᑐᓄᑦ ᐅᖃᓪᓚᒍᓐᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:1

ᐃᓄᐃᑦ ᐂᖏᓖᓪᓗ ᐅᖃᐅᓯᖏᓐᓄᑦ ᐅᖃᕈᓐᓇᕋᓗᐊᕈᒪ, ᓇᒡᓕᖕᓂᖃᕐᓇᖓᓗ, ᓯᕙᓂᐅᑎᑎᑐᑦ ᓂᐱᖅᑯᕐᑐᔪᑎᑐᑦ ᐃᒥᐊᑦᑐᑎᑐᓪᓗ ᑍᒤᒃᑲᔭᕐᐳᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:2

ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:12

ᑍᒤᒃᑲᔭᕆᕗᓯᑦᑕᐅᖅ, ᐊᓂᕐᓂᐅᑉ ᑐᓂᕐᕈᑎᖏᓐᓂᒃ ᐊᔪᐃᓐᓇᒻᒪᕆᒃᑲᑦᓯ, ᐊᔪᐃᓐᓈᕆᓂᕐᐹᕆᔭᕆᐊᖃᕐᐸᓯᓕ ᐅᒃᐱᕐᑑᖃᑎᒌᑦ ᐱᕙᓪᓕᕈᑎᒃᓴᖏᑦ ᐱᓇᓱᐊᕐᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:22

ᑍᒤᒻᒪᑦ, ᐅᖃᐅᓰᑦ ᑐᓴᕐᖓᕐᑕᑦ ᓇᓗᓁᒃᑯᑕᐅᕗᑦ ᐅᒃᐱᖏᑦᑐᓄᑦ ᐅᒃᐱᕐᑐᓅᖏᑦᑐᖅ, ᒎᑎᐅᓪᓕ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᖕᓂᖅ ᐅᒃᐱᕐᑐᓄᑦ ᓇᓗᓁᒃᑯᑕᐅᕗᖅ ᐅᒃᐱᖏᑦᑐᓅᖏᑦᑐᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:3

ᒎᑎᐅᓪᓕ ᐅᖃᐅᓯᕆᖁᔭᖏᓐᓂᒃ ᐅᖃᐅᓯᖃᕐᑐᖅ ᐃᓄᖕᓄᑦ ᐅᖃᓪᓚᒃᐳᖅ, ᑖᒃᑯᐊ ᓲᖑᓯᑎᑕᐅᖁᓪᓗᒋᑦ ᐱᕙᓪᓕᕐᑎᑕᐅᖁᓪᓗᒋᓪᓗ ᓮᒻᒪᕐᓴᕐᓗᒋᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:5

ᑕᒪᑦᓯ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᕈᓐᓇᖁᕙᑦᓯ, ᑭᓯᐊᓂᓕ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᖁᓂᕐᓴᕆᕙᑦᓯ. ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒃᑐᖅ ᐊᑑᑎᖃᕐᓂᕐᓴᐅᖕᒪᑦ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᓪᓚᒃᑐᒥᑦ, ᑭᓯᐊᓂ ᑐᓴᕐᖓᕐᑕᓄᑦ ᐅᖃᓚᕐᑑᑉ ᐅᖃᐅᓯᕆᔭᖏᑦ ᑐᑭᓯᓇᕐᓯᑎᑕᐅᒃᐸᑕ, ᐅᒃᐱᕐᑑᖃᑎᒌᑦ ᐱᕙᓪᓕᕐᑎᑕᐅᒐᔭᕐᐳᑦ.