ᑯᕆᓐᑎᐊᒥᐅᓄᑦ ᓯᕗᓪᓖᑦ 14:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒤᒃᑲᔭᕆᕗᓯᑦᑕᐅᖅ, ᐊᓂᕐᓂᐅᑉ ᑐᓂᕐᕈᑎᖏᓐᓂᒃ ᐊᔪᐃᓐᓇᒻᒪᕆᒃᑲᑦᓯ, ᐊᔪᐃᓐᓈᕆᓂᕐᐹᕆᔭᕆᐊᖃᕐᐸᓯᓕ ᐅᒃᐱᕐᑑᖃᑎᒌᑦ ᐱᕙᓪᓕᕈᑎᒃᓴᖏᑦ ᐱᓇᓱᐊᕐᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:12 Iomraidhean Croise

ᕉᒪᒥᐅᓄᑦ 14:19

ᑍᒤᒻᒪᑦ ᐊᒃᓱᕈᕐᓗᑕ ᐱᓇᓱᐊᓚᐅᕐᑕ ᐃᓱᒫᓘᑕᐅᓇᖏᑦᑐᓂᒃ ᑕᓯᐅᕐᓯᓂᕐᒥᒃ ᑕᒤᓐᓄᑦ ᐱᕈᕐᐸᓪᓕᐊᑦᔪᑕᐅᔪᓐᓇᕐᑐᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:31

ᑐᓂᕐᕈᑏᓪᓕ ᐊᑐᕐᓂᕐᐹᖏᓐᓂᒃ ᐱᓇᓱᐊᓕᕆᑦᓯ. ᒫᓐᓇᓗ ᐊᔪᕆᕐᑑᑎᔪᒪᕙᑦᓯ ᐃᓕᖅᑯᓯᕐᒥᒃ ᐱᐅᓂᕐᐸᐅᔪᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:7

ᐃᓄᖕᓄᑦ ᐊᑐᓂᑦ ᐊᓂᕐᓂᐅᑉ ᑐᓂᕐᕈᑎᖏᑕ ᐱᓇᓱᐊᕐᑎᑦᓯᓂᖏᑦ ᓴᖅᑭᕐᐳᑦ ᐊᓯᖏᑕ ᐱᕙᓪᓕᕈᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:1

ᓇᒡᓕᖕᓂᖅ ᐱᓇᓱᐊᕐᓯᐅᒃ ᐊᖏᓂᕐᐸᐅᑎᓪᓗᒍ, ᐊᓂᕐᓂᐅᓪᓗ ᑐᓂᕐᕈᑎᖏᑦ ᐊᔪᐃᓐᓈᕆᓯᒋᒃ, ᐱᓗᐊᕐᑐᒥᒡᓕ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᑎᑕᐅᓂᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:13

ᑍᒤᒻᒪᑦ ᐃᓄᒃ ᑐᓴᕐᖓᕐᑕᕐᑐᖅ ᑐᒃᓯᐊᕐᑐᒃᓴᐅᕗᖅ ᑐᑭᓯᓇᕐᓯᑎᑦᓯᓂᕐᒥᒃ ᐱᔪᓐᓇᕐᑎᑕᐅᔪᒪᓗᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:5

ᑕᒪᑦᓯ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᕈᓐᓇᖁᕙᑦᓯ, ᑭᓯᐊᓂᓕ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᖁᓂᕐᓴᕆᕙᑦᓯ. ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒃᑐᖅ ᐊᑑᑎᖃᕐᓂᕐᓴᐅᖕᒪᑦ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᓪᓚᒃᑐᒥᑦ, ᑭᓯᐊᓂ ᑐᓴᕐᖓᕐᑕᓄᑦ ᐅᖃᓚᕐᑑᑉ ᐅᖃᐅᓯᕆᔭᖏᑦ ᑐᑭᓯᓇᕐᓯᑎᑕᐅᒃᐸᑕ, ᐅᒃᐱᕐᑑᖃᑎᒌᑦ ᐱᕙᓪᓕᕐᑎᑕᐅᒐᔭᕐᐳᑦ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.