ᑯᕆᓐᑎᐊᒥᐅᓄᑦ ᓯᕗᓪᓖᑦ 13:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓇᒡᓕᖕᓂᖅ ᐃᓕᖅᑯᓯᕐᓗᖕᒥᒃ ᓴᖅᑭᑎᑦᓯᓐᖏᓚᖅ, ᓇᖕᒥᓂᕐᓯᐅᕐᓂᕐᒥᒃ ᓴᖅᑭᑎᑦᓯᓐᖏᓚᖅ, ᓂᓐᖓᒃᓴᕅᓐᓇᓂᓗ, ᑕᒻᒪᕐᓂᕐᓂᒃ ᐳᐃᒍᑦᔧᕐᓯᓇᓱᐊᓐᖏᓚᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:5 Iomraidhean Croise

ᓴᒧᐃᓕ ᐂᑉᐸᖏᑦ 10:3

ᐊᒧᓁᑎᒥᐅᑦ ᐊᖓᔪᖅᑳᖁᑎᖏᑦ ᕼᐊᓄᓂᒧᑦ ᐅᖃᕐᐳᑦ ᐊᖓᔪᖅᑳᕐᔪᐊᒧᑦ, “ᑍᕕᑎᐅᑉ ᐅᖃᕆᐊᕐᑐᕐᑎᑕᖏᑦ ᐃᓚᑦᓱᒍᓲᑕᐅᕚᑦ ᐃᓕᖕᓄᑦ, ᐊᑖᑕᖕᓂᒃ ᐅᐱᒍᓱᒋᐊᕐᑐᕐᑐᕆᕕᐅᒃ? ᑎᓕᓯᓚᐅᕐᐳᕐᓕ ᐃᔨᕋᕐᑐᕐᓗᑎᒃ ᖃᐅᔨᓴᕆᐊᖁᓪᓗᒋᑦ ᐃᒡᓗᒐᓴᑦᑎᓐᓂᒃ, ᓵᓚᒋᔪᒪᓪᓗᑕ!”

ᔫᐱᐅᑉ ᐊᒡᓚᖏᑦ 21:27

ᖃᓄᖅ ᐃᓱᒪᖃᕐᒪᖔᑦᓯ ᖃᐅᔨᒪᕙᑦᓯ, ᐅᕙᓐᓂᒡᓗ ᐱᑦᓯᐊᕈᒪᓇᓯ ᐃᓱᒪᖃᑎᒌᒃᓯᒪᕗᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:17

ᓂᓐᖓᒃᓴᕅᑦᑐᖅ ᓯᓔᕐᕈᕐᑐᕐᓗᓂ ᐱᓇᓱᐊᕐᓴᕅᑉᐳᖅ, ᓯᓚᑐᔪᕐᓕ ᐅᐃᒪᔮᕋᓂ ᕿᓄᐃᓵᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 3:5

ᐃᓄᐃᑦ ᐃᒻᒥᖕᓄᑦ ᐅᖁᒤᒃᓴᕐᑎᖃᑦᑕᐅᑎᔪᒫᕐᐳᑦ, ᐊᑐᓂᑦ ᐃᓅᖃᑎᒥᖕᓄᑦ, ᓄᓇᖃᑎᒥᖕᓄᓪᓗ; ᐃᓅᓱᒃᑐᐃᑦ ᐅᐱᒍᓱᒍᓐᓃᕈᒫᕐᐳᑦ ᐃᓄᑐᖃᕐᓂᒃ, ᓱᓇᐅᒃᓴᕈᓐᓃᕐᓗᑎᒡᓗ ᐅᐱᒋᔭᐅᔪᓂᒃ.

ᔨᕆᒤᐊᐅᑉ ᐊᒡᓚᖏᑦ 11:19

ᖃᐅᔨᒪᓇᖓᓕ ᓄᕐᕋᐅᔭᕐᑎᑐᑦ ᑐᖁᑕᐅᕕᒃᓴᒥᓄᑦ ᐋᑕᐅᓕᕐᑐᑎᑐᑦ ᑍᒤᓚᐅᕐᐳᖓ. ᖃᐅᔨᒪᓚᐅᓐᖏᓚᖓ ᐋᖅᑭᒃᓱᐃᓯᒪᔪᕕᓂᐅᓕᕐᑎᓪᓗᒋᑦ ᑐᖁᑦᓯᔪᒪᓪᓗᑎᒃ ᐅᕙᓐᓂᒃ, ᐅᖃᕐᓗᑎᒃ, “ᓇᐹᕐᑐᖅ ᐊᓯᕈᓚᐅᕐᓚᕗᑦ ᐱᕈᕐᑐᖏᓪᓗ ᐆᒪᔪᑦ ᓄᓇᖓᓂᑦ ᓇᑲᓚᐅᕐᓚᕗᑦ, ᐊᑎᖓᓗ ᐃᖅᑲᐅᒪᔭᐅᔪᓐᓁᖁᓪᓗᒍ.”

ᒨᓯᓯ ᓯᑕᒪᖏᑦ 12:3

(ᒨᓯᓯᓕ ᐃᓅᓚᐅᕐᐳᖅ ᒥᑭᒡᓕᑎᕐᓯᒪᔪᕐᔪᐊᖑᓪᓗᓂ ᓄᓇᕐᔪᐊᒦᑦᑐᓕᒫᓂᑦ ᒥᑭᒡᓕᑎᕐᓯᒪᓂᕐᐹᖑᓪᓗᓂ.)

ᒨᓯᓯ ᓯᑕᒪᖏᑦ 16:15

ᑕᕝᕙ ᒨᓯᓯ ᐊᒃᓱᐊᓗᒃ ᓂᓐᖓᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᑐᓂᕐᕈᑎᖏᑦ ᑲᒪᒋᑦᑍᓕᒃᑭᑦ. ᓯᐅᑎᖅᑯᕐᑐᔪᒥᒡᓘᓐᓃᑦ ᐊᑕᐅᓯᕐᒥᒃ ᑖᒃᑯᓇᓐᖓᑦ ᐱᑎᑕᐅᓚᐅᓐᖏᓚᖓ, ᐋᓐᓂᕐᓯᓚᐅᕐᓇᖓᓘᓐᓃᑦ ᓇᓪᓕᐊᓐᓂᒃ.”

ᒨᓯᓯ ᓯᑕᒪᖏᑦ 32:6

ᒨᓯᓯᓗ ᐅᖃᕐᐳᖅ ᒑᑦ ᑭᖑᕚᖏᓐᓄᑦ ᕉᐱᓂᐅᓪᓗ ᑭᖑᕚᖏᓐᓄᑦ: “ᖃᑕᓐᖑᑎᓯ ᐅᓇᑕᕆᐊᕋᔭᕐᐹᑦ ᐃᓕᑦᓯ ᑕᒫᓃᑐᐃᓐᓇᕐᑎᓪᓗᓰ?

ᒫᑎᐅᓯᐅᑉ ᐊᒡᓚᖏᑦ 5:22

ᒫᓐᓇᓕ ᐅᖃᐅᑎᕙᑦᓯ: ᐃᓅᖃᑎᒥᓄᑦ ᓂᓐᖓᒃᑐᖅ ᐃᖅᑲᕐᑐᐃᕕᖕᒧᐊᕐᑕᐅᓂᐊᕐᐳᖅ; ᐃᓅᖃᑎᒥᓂᒡᓗ ᐊᑑᑎᒃᓴᖃᖏᓐᓂᕅᔪᖅ ᑖᓐᓇ ᔫᑎᑦ ᐃᖅᑲᕐᑐᐃᔨᖏᓐᓄᐊᕐᑕᐅᓂᐊᕐᐳᖅ, ᐃᓅᖃᑎᒥᓂᒡᓗ ᓱᓇᒃᓴᐅᖏᓐᓂᕅᔪᖅ, ᑖᓐᓇ ᐃᑯᒪᕐᔪᐊᕐᒧᑦ ᐱᑎᑕᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 9:4

ᔩᓱᓯᐅᑉ ᖃᐅᔨᒐᒥᒋᑦ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑍᒫᒃ ᐃᓱᒪᖃᕐᐱᓰ ᐱᐅᖏᑦᑐᐊᓗᖕᒥᒃ?

ᒫᑯᓯᐅᑉ ᐊᒡᓚᖏᑦ 3:5

ᐊᕙᑎᒥᓃᑦᑐᑦ ᑕᑯᓴᕐᐰᑦ ᐊᑲᐅᒃᓴᕈᓐᓃᕐᓗᓂ, ᕿᒃᓵᒍᑎᒋᓪᓗᒋᑦ ᐆᒻᒪᑎᖏᑦ ᓯᑎᔪᐊᓘᖕᒪᑕ, ᐊᖑᒻᒧᑦ ᐅᖃᕐᐳᖅ, “ᐊᒡᒐᑎᑦ ᐃᓵᓚᐅᒃᑭᑦ.” ᑕᕝᕙ ᐃᓵᒃᐰᑦ, ᐋᖅᑭᑦᓯᐊᕐᓗᑎᒃ ᖃᓄᐃᖏᑦᔪᓯᕕᓂᕐᒥᒃᑐᑦ.

ᓘᑲᓯᐅᑉ ᐊᒡᓚᖏᑦ 7:39

ᐹᕆᓯᐅᑉ ᕾᖁᔨᓯᒪᔫᑉ ᑖᓐᓇ ᑍᒤᓕᐅᕐᓂᖓ ᑕᑯᒐᒥᐅᒃ, ᐃᓱᒪᓕᕐᐳᖅ, “ᐅᓇ ᓱᓕᔪᒥᒃ ᓇᓚᐅᑦᑍᔫᒍᓂ, ᖃᐅᔨᒐᔭᕐᐳᖅ ᐊᕐᓇᖅ ᖃᓄᐃᑦᑑᖕᒪᖔᑦ ᐊᒃᑐᐊᔨᒋᔭᓂ; ᐊᔪᕐᑐᓕᔨᐅᓂᖓᓂᒃ ᖃᐅᔨᒐᔭᕐᐹ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:24

ᓇᓕᕐᓯ ᓇᖕᒥᓂᑐᐊᖅ ᐱᕙᓪᓕᕈᑎᒃᓴᒥᓂᒃ ᕿᓂᕐᓂᐊᕋᓂ, ᐊᓯᖏᑕᓕ ᐱᕙᓪᓕᕈᑎᒃᓴᖏᓐᓂᒃ ᕿᓂᕐᓕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:33

ᐅᕙᖓᑦᑕᐅᖅ ᖁᕕᐊᒋᔭᐅᓇᓱᐊᕋᒪ ᐱᓂᐊᕐᓂᒃᑯᑦ ᑕᒤᑎᒍᑦ, ᐅᕙᖓ ᐱᕙᓪᓕᕈᑎᒃᓴᓐᓄᑑᖏᑦᑐᑦ ᐊᓯᒪᓕ ᐱᕙᓪᓕᕈᑎᒃᓴᖏᓐᓄᑦ, ᐊᒥᓱᑦ ᐱᐅᓕᔭᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:18

ᓯᕗᓪᓕᕐᒥᒃ, ᑐᓴᕐᑎᑕᐅᒐᒪ ᐃᓚᒌᒃᑐᑎᑐᑦ ᑲᑎᒪᓕᕌᖓᑦᓯ ᐊᕕᒃᓯᒪᐅᑎᖃᑦᑕᕋᑦᓯᒎᖅ; ᐃᓚᖓᒍᓪᓗ ᑕᒪᓐᓇ ᐅᒃᐱᕆᕙᕋ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:25

ᑎᒥᐅᑉ ᑭᓱᑯᑦᓯᖏᑦ ᐊᑐᓃᖓᓕᖁᓇᒋᑦ, ᐃᒻᒥᖕᓄᓪᓕ ᐃᑲᔪᕐᑎᒌᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:36

ᓇᓪᓕᐊᓪᓗ ᓄᓕᐊᒃᓴᒥᓄᑦ ᓈᒻᒪᖏᑦᔪᑎᒃᓴᖃᕋᓱᒋᒍᓂ ᐊᖏᖃᑎᒌᒍᑎᒋᓯᒪᔭᖏᑕ ᐅᓪᓗᖏᓐᓄᑦ, ᐊᕐᕌᒍᖏᓪᓗ ᓈᒻᒪᓕᕐᐸᑕ, ᑲᑎᔭᕆᐊᖃᕋᓱᒋᒍᑎᒡᓗ ᐃᓱᒪᒥᖕᓂᒃ ᐱᔪᒃᓴᐅᕘᒃ, ᓄᓕᐊᕐᑖᕇᒡᓗᑎᒃ ᐊᔪᕐᑐᓕᓐᖏᓚᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:19

ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.

ᒐᓔᑎᐊᒥᐅᓄᑦ 5:13

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.

ᐱᓕᐱᒥᐅᓄᑦ 2:21

ᐊᓯᖏᓪᓕ ᓇᖕᒥᓂᖅ ᐱᔭᕆᐊᖃᕐᑕᒥᖕᓂᒃ ᑭᓯᐊᓂ ᐃᓱᒪᖃᕐᒪᑕ, ᔩᓱᓯ ᙭ᔅᑑᓯᐅᑉ ᐱᖏᑦ ᐃᓱᒪᒋᓇᒋᑦ.

ᐱᓕᐱᒥᐅᓄᑦ 4:8

ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:7

ᐃᓕᑦᓯ ᖃᐅᔨᒪᒐᑦᓯ ᐅᕙᑦᑎᓐᓂᒃ ᐃᑦᔪᐊᕐᓯᔭᕆᐊᖃᕋᑦᓯ; ᐃᓕᑦᓯᓐᓃᑎᓪᓗᑕ ᓱᓇᓕᕆᔪᒪᖏᑦᑑᓚᐅᖏᓐᓇᑦᑕ,

ᑎᒧᑎᒧᑦ ᐂᑉᐸᖏᑦ 2:10

ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ.

ᑎᒧᑎᒧᑦ ᐂᑉᐸᖏᑦ 4:16

ᓇᖕᒥᓂᖅ ᓴᐳᑎᓇᓱᐊᕐᑎᓪᓗᖓ ᐃᖅᑲᕐᑐᐃᕕᖕᒥ ᐃᑲᔪᕐᑕᐅᓚᐅᖏᓐᓇᒪ; ᑕᒤᓐᓄᓪᓕ ᕿᒪᒃᑕᐅᓚᐅᕐᐳᖓ. ᑍᒃᑯᐊᓕ ᓵᑕᒃᓴᓐᖑᖁᖏᒃᑲᓗᐊᕐᐸᒃᑲ ᑕᒪᑐᒧᖓ!

ᔧᒥᓯᐅᑉ ᐊᒡᓚᖏᑦ 1:19

᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ.