ᑯᕆᓐᑎᐊᒥᐅᓄᑦ ᓯᕗᓪᓖᑦ 12:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓚᖓᓐᓄᑦ ᐊᓂᕐᓂᖅ ᑐᓂᓯᕗᖅ ᓯᓚᑐᔪᓂᒃ ᐅᖃᐅᓯᖃᕐᑎᑦᓯᓂᕐᒥᒃ; ᐊᓯᐊᓄᓪᓗ ᐊᓂᕐᓂᖅ ᑖᓐᓇᑦᓮᓐᓇᖅ ᑐᓂᓯᕗᖅ ᖃᐅᔨᒪᓂᕐᑖᕐᑎᑎᓪᓗᓂ ᐅᖃᓪᓚᒃᑎᑦᓯᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:8 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:20

ᐊᓂᕐᓂᕐᐱᓪᓗ ᐱᐅᓂᖓᓄᑦ ᑕᓯᐅᖃᑦᑕᓚᐅᕐᐸᑎᑦ, ᐅᖃᐅᑎᓪᓗᒋᑦ ᖃᓄᐃᓕᐅᕐᑐᒃᓴᐅᓂᖏᓐᓂᒃ; ᓂᕆᑎᓚᐅᕐᐸᑎᑦ ᒫᓇᒥᒃ, ᐃᒥᕐᑎᓚᐅᕋᕕᒋᓪᓗ ᐃᒥᕈᓕᕐᑎᓪᓗᒋᑦ.

ᔫᐱᐅᑉ ᐊᒡᓚᖏᑦ 32:8

ᒎᑎᐅᓪᓕ ᐊᔪᒐᖃᖏᑦᑑᑉ ᐊᓂᕐᓂᖓᑕ ᐃᓄᖕᒦᑦᑑᑉ, ᓇᔫᑎᓂᖓᓄᑦ ᐃᓄᒃ ᑐᑭᓯᔪᓐᓇᕐᑎᑕᐅᔪᓐᓇᕐᐳᖅ.

ᐃᓐᖏᕈᑎᑦ 143:10

ᐊᔪᕆᕐᑐᓚᐅᓐᖓ ᐱᔪᒪᔭᕐᓂᒃ ᐊᑐᕈᓐᓇᖁᓪᓗᖓ, ᒎᑎᒋᒐᒃᑭᑦ! ᐊᓂᕐᓂᕐᓄᑦ ᐱᐅᔪᒧᑦ ᑕᓯᐅᓚᐅᓐᖓ ᐊᖅᑯᑎᒧᑦ ᓇᖏᐊᕐᓇᖏᑦᑐᒧᑦ.

ᒨᓯᓯ ᐂᑉᐸᖏᑦ 31:3

ᐃᓗᒻᒥᕐᑎᑉᐸᕋᓗ ᐊᓂᕐᓂᓐᓂᒃ, ᖃᐅᔨᒪᓂᕐᒥᒃ ᑐᓂᓯᕕᒋᓯᒪᕙᕋ, ᓴᓇᔪᓐᓇᕐᓂᕐᒥᒡᓗ, ᐱᓇᓱᐊᕈᓐᓇᕐᓂᕐᒥᒡᓗ ᖃᓄᐃᑦᑐᑐᐃᓐᓇᕐᓂᒃ ᓴᓇᓐᖑᐊᕈᓐᓇᕐᓂᕐᒥᒃ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 2:6

ᐊᑕᓂᖅ ᓯᓚᑐᓂᕐᒥᒃ ᑐᓂᓯᔨᐅᖕᒪᑦ, ᖃᓂᖓᓂᑦ ᐱᖕᒪᑕ ᖃᐅᔨᑎᑕᐅᓂᖅ ᑐᑭᓯᑎᑕᐅᓂᕐᓗ.

ᐂᓮᐊᓯᐅᑉ ᐊᒡᓚᖏᑦ 50:4

ᐊᑕᓂᐅᑉ ᒎᑎᐅᑉ ᑐᓂᓯᕕᒋᕚᖓ ᐅᖃᕐᒥᒃ ᐃᓕᓯᒪᔪᒥᒃ, ᖃᐅᔨᒪᖁᓪᓗᖓ ᖃᓄᖅ ᐅᖃᕆᐊᖃᕐᒪᖔᕐᒪ, ᑕᖃᓯᒪᔪᓂᒃ ᐱᔪᓐᓇᕐᓯᑎᑦᓯᖁᓪᓗᖓ, ᐅᓪᓛᑕᒫᑦ ᑐᐸᒃᑎᖃᑦᑕᕐᐹᖓ, ᓯᐅᑏᒃᑲᒃ ᑐᐹᖃᑦᑕᕐᐹᒃ ᑐᓵᖁᓪᓗᖓ ᐃᓕᓐᓂᐊᕐᑎᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 59:21

“ᐅᕙᖓᓕ,” ᐊᑕᓂᖅ ᐅᖃᕐᐳᖅ: “ᐃᒫᒃ ᐊᖏᖃᑎᒌᒍᑎᒥᒃ ᓇᓗᓁᕐᓯᕕᒋᔪᒪᕙᒃᑲ; ᐊᓂᕐᓂᕋ ᐃᓕᖕᓃᑦᑐᖅ, ᐅᖃᐅᓯᒃᑲᓗ ᖃᓂᕐᓄᑦ ᐃᓕᓯᒪᔭᒃᑲ, ᖃᓂᕐᓂᒃ ᕿᒤᓂᐊᓐᖏᓚᑦ, ᑭᖑᕚᕐᓂᓪᓗ ᑭᖑᕚᕆᔪᒫᕐᑕᖏᑕᓗ ᖃᓂᖏᓐᓂᒃ, ᐊᑕᓂᖅ ᑍᒪᒃ ᐅᖃᕐᐳᖅ, ᒫᓐᓇᒥᑦ ᐱᒋᐊᕐᓗᒍ ᐃᓱᖃᖏᑦᑐᒧᓪᓗ.”

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᒫᑎᐅᓯᐅᑉ ᐊᒡᓚᖏᑦ 13:11

ᔩᓱᓯᐅᑉ ᑭᐅᕔᑦ, “ᒎᑎᐅᑉ ᐊᑕᓂᐅᕕᖓᑕ ᓇᓗᓇᕐᓂᖓᓂᒃ ᖃᐅᔨᑎᑕᐅᕗᓯ, ᑖᒃᑯᐊᓕ ᖃᐅᔨᑎᑕᐅᓐᖏᓚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:3

ᑍᒤᒻᒪᑦ, ᐃᓅᖃᑎᒃᑲ, ᓂᕈᐊᓚᐅᕆᑦᓯ ᐊᖑᑎᓂᒃ 7ᓂᒃ ᖃᐅᔨᒪᔭᕆᑦᓯᐊᕐᑕᑦᓯᓐᓂᒃ, ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᓯᒪᔪᓂᒃ ᓯᓚᑐᓂᖃᕐᑐᓂᒃ, ᐱᔨᑦᓯᕐᓂᕐᒧᑦ ᑕᒪᑐᒧᖓ ᑲᒪᔨᐅᓂᐊᕐᑐᓂᒃ.

ᕉᒪᒥᐅᓄᑦ 15:14

ᐃᓅᖃᑎᒃᑳ, ᐅᕙᖓ ᓇᖕᒥᓂᖅ ᖁᓚᖏᑦᓯᐊᕐᐳᖓ ᐱᐅᔪᒥᒃ ᐃᓗᒻᒥᕐᑕᐅᓯᒪᒐᑦᓯ, ᖃᐅᔨᑎᑕᐅᓯᒪᓪᓗᓯᓗ, ᐊᔪᕆᕐᑐᖃᑦᑕᐅᑎᔪᓐᓇᕐᓗᓯᓗ ᐃᓕᑦᓯᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:5

ᑖᑦᓱᒨᓇ ᐊᔪᕐᓴᓐᖏᑎᑕᐅᒐᑦᓯ ᖃᓄᓕᒫᖅ ᐅᖃᓪᓚᖕᓂᑦᓯᒍᑦ ᖃᐅᔨᒪᓂᑦᓯᒍᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:2

ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:8

ᓇᒡᓕᖕᓂᖅ ᐃᓱᓕᓐᓂᐊᓐᖏᓚᖅ; ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᖕᓃᑦ, ᐃᓱᓕᑦᑐᒫᕐᐳᑦ; ᑐᓴᕐᖓᕐᑕᕐᓃᑦ, ᐃᓱᓕᑦᑐᒫᕆᕗᑦ; ᖃᐅᔨᒪᓃᑦ, ᐃᓱᓕᑦᑐᒫᕆᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:6

ᑕᕝᕙᓕ ᐃᓚᒃᑳ, ᐃᓕᑦᓯᓐᓄᑦ ᑎᑭᓪᓗᖓ ᐅᖃᐅᓯᕐᓄᑦ ᑐᓴᕐᖓᕐᑕᓄᑦ ᐅᖃᕕᒋᓕᕈᑦᓯ, ᓱᓇᒧᑦ ᐊᑐᕐᓇᕋᔭᕐᐹ? ᐊᑐᕐᓇᕋᔭᖏᑦᓯᐊᕐᐳᖅ, ᐅᖃᓪᓚᒡᕕᒋᒍᑦᓯᓕ ᓴᖅᑭᑎᑦᓯᕕᒋᒍᑦᓯᓗ ᒎᑎᒥᑦ ᐱᔪᒥᒃ, ᖃᐅᔨᑎᑦᓯᒍᒪᓘᓐᓃᑦ, ᒎᑎᐅᓪᓘᓐᓃᑦ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒡᕕᒋᒍᑦᓯ, ᐊᔪᕆᕐᑐᐃᒍᒪᓘᓐᓃᑦ ᑭᓯᐊᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:11

ᓇᓪᓕᐊᑦ ᐃᓅᑉ ᐃᓱᒪᖓᓂᒃ ᖃᐅᔨᒪᕚ? ᐃᓅᑉ ᐊᓂᕐᓂᖓ ᑭᓯᒥ ᓇᖕᒥᓂᕐᒥᓂᒃ ᖃᐅᔨᒪᕗᖅ; ᑍᒫᒃᑕᐅᖅ ᒎᑎᐅᑉ ᐃᓱᒪᖓᓂᒃ ᖃᐅᔨᒪᔪᖃᖏᓐᓂᕗᖅ ᒎᑎᐅᑉ ᐊᓂᕐᓂᖓ ᑭᓯᒥ ᖃᐅᔨᒪᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:16

ᐊᒡᓔᑦ ᐅᖃᕐᒪᑕ, “ᑭᐊ ᐊᑕᓂᐅᑉ ᐃᓱᒪᖓ ᖃᐅᔨᒪᕙᐅᒃ? ᑭᐊᓗ ᐃᓱᒪᓕᐅᕈᓐᓇᕐᐸᐅᒃ?” ᐅᕙᒍᓪᓕ ᙭ᔅᑑᓯᐅᑉ ᐃᓱᒪᖓᓂᒃ ᐃᓱᒪᖃᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:6

ᐅᖃᓪᓚᒃᓯᑎᐊᓘᖏᒃᑲᓗᐊᕈᒪ, ᖃᐅᔨᒪᖏᒃᑲᓗᐊᕈᒪᓗ; ᖃᓄᓕᒫᕐᓕ ᓇᓗᓁᕐᓯᑦᓯᐊᓚᐅᕐᐳᒍᑦ ᐃᓕᑦᓯᓐᓄᑦ ᓱᓇᓕᒫᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:14

ᒎᑎᓕ ᖁᔭᒋᔭᐅᓕ, ᙭ᔅᑑᓯᒃᑯᑦ ᓵᓚᖃᕐᓂᕐᒧᑦ ᑕᓯᐅᕐᐸᖕᒪᑎᒍᑦ, ᐅᕙᑦᑎᒍᓪᓗ ᖃᐅᔨᔭᐅᕙᓪᓕᐊᑎᑦᓯᖕᒪᑦ ᙭ᔅᑑᓯᒥᒃ ᑎᐱᑦᓯᐊᕆᒃᑐᒧᑦ ᒪᒪᕐᓮᔪᑎᑐᑦ ᓇᒧᑐᐃᓐᓇᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:6

ᐃᒃᖠᒎᕐᓂᕐᒧᑦ ᓵᓚᐅᑦᑍᓕᓪᓗᑕ, ᖃᐅᔨᒪᑦᓯᐊᕐᓗᑕ, ᕿᓄᐃᓵᕐᓗᑕ, ᐱᑦᓯᐊᕐᓗᑕ, ᐊᓂᕐᓂᒃᑯᑦ ᐃᑦᔪᕐᓁᑦᑐᒃᑯᑦ, ᓱᓕᔪᒥᒃ ᓇᒡᓕᖕᓂᖃᕐᓗᑕ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:7

ᑕᒤᓐᓂᒡᓕ ᐊᔪᕐᓴᓐᖏᓚᓯ, ᐅᒃᐱᕐᓂᒃᑯᑦ, ᐅᖃᓪᓚᖕᓂᕐᒥᒃ, ᖃᐅᔨᑎᑕᐅᓂᕐᒥᒃ, ᐃᑲᔪᕈᒪᑦᓯᐊᕐᓂᕐᒥᒃ, ᐅᕙᑦᑎᓐᓂᒡᓗ ᓇᒡᓕᒍᓱᖕᓂᕐᒥᒃ; ᑍᒫᒃᑕᐅᖅ ᑕᒪᓐᓇ ᐱᓇᓱᐊᑦᓯᐊᕐᓂᖅ ᐃᓕᑦᓯᓐᓄᑦ ᑲᔪᓯᑎᑕᐅᖁᕙᕋ.