ᑯᕆᓐᑎᐊᒥᐅᓄᑦ ᓯᕗᓪᓖᑦ 12:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᖃᐅᔨᒪᒐᑦᓯ ᒎᑎᒧᑦ ᐅᒃᐱᓕᓚᐅᕐᑎᓐᓇᓯ, ᒎᑎᓐᖑᐊᓄᑦ ᐅᖃᕈᓐᓇᖏᑦᑐᓄᑦ ᐊᐅᓚᑕᐅᓚᐅᕋᑦᓯ, ᑕᒻᒪᕐᑎᑕᐅᓪᓗᓯᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:2 Iomraidhean Croise

ᐃᓐᖏᕈᑎᑦ 115:5

ᖃᓂᖃᕐᐳᑦ, ᐅᖃᕈᓐᓇᕋᑎᒡᓕ; ᐃᔨᖃᕐᐳᑦ, ᑕᑯᔪᓐᓇᕋᑎᒡᓕ.

ᐃᓐᖏᕈᑎᑦ 115:7

ᐊᒡᒐᖃᕐᐳᑦ, ᑎᒍᓯᔪᓐᓇᕋᑎᒡᓕ; ᐃᑎᒐᖃᕐᐳᑦ, ᐱᓱᒍᓐᓇᕋᑎᒡᓕ; ᑐᕐᓱᖏᓪᓗ ᓂᓪᓕᐊᔪᓐᓇᕋᑎᒃ.

ᐃᓐᖏᕈᑎᑦ 135:16

ᖃᓂᖃᕋᓗᐊᕐᐳᑦ, ᐅᖃᕈᓐᓇᕋᑎᒡᓕ, ᐃᔨᖃᕐᐳᑦ, ᑕᑯᔪᓐᓇᕋᑎᒡᓕ,

ᐂᓮᐊᓯᐅᑉ ᐊᒡᓚᖏᑦ 46:7

ᑕᕝᕙ ᐃᕐᓲᑎᓪᓗᒍ ᐊᒡᔭᓕᕐᐹᑦ; ᐃᓂᒃᓴᖓᓄᓪᓗ ᐃᓕᓪᓗᒍ, ᑕᕝᕙᓂᓗ ᓇᐸᓕᕐᐳᖅ; ᐃᓂᒥᓂ ᐊᐅᓚᑦᔭᒍᓐᓇᓐᖏᓚᖅ, ᓂᓪᓕᐊᕕᐅᒐᓗᐊᕈᓂᓗ ᑭᐅᓂᐊᓐᖏᓚᖅ, ᖃᓄᐃᓐᓇᕐᑐᒦᓕᕐᐸᑕᓗ ᓴᐳᑦᔨᑦᔮᓇᓂ.

ᔨᕆᒤᐊᐅᑉ ᐊᒡᓚᖏᑦ 10:5

ᐱᕈᕐᓰᕕᖕᒥ ᑎᖕᒥᐊᓄᑦ ᑲᑉᐱᐊᓵᕆᑦᔪᑎᑎᑐᑦ ᑍᒤᑉᐳᑦ, ᒎᑎᒋᔭᐅᒐᓗᐊᕐᓗᑎᒃ ᐅᖃᕈᓐᓇᓐᖏᓚᑦ, ᐊᒡᔭᒐᑐᐃᓐᓇᐅᕗᑦ ᐱᓱᒍᓐᓇᖏᒻᒪᑕ; ᑲᑉᐱᐊᒋᑦᑍᓕᓯᐅᒃ ᐱᐅᖏᑦᑐᓕᔪᓐᓇᖏᒻᒪᑕ ᐱᐅᔪᒥᒡᓗ ᐱᓂᐊᕐᓂᖃᕋᑎᒃ.”

ᒫᑎᐅᓯᐅᑉ ᐊᒡᓚᖏᑦ 15:14

ᐃᓕᑦᓯ ᐃᓱᒫᓗᑎᒋᔭᕆᐊᖃᓐᖏᑕᓯ! ᑕᓯᐅᕐᑎᐅᖕᒪᑕ ᑕᐅᑐᖏᑑᓪᓗᑎᒃ, ᑕᐅᑐᓐᖏᑑᖃᑎᒥᖕᓂᒃ ᑕᓯᐅᕐᓯᓇᓱᐊᕐᑐᑦ ᑕᐅᑐᖏᑦᑐᐃᓐᓇᐅᒍᑎᒃᓗ ᐃᑎᕐᓴᒧᑦ ᑲᑕᒃᑲᔭᕐᐳᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᒐᓔᑎᐊᒥᐅᓄᑦ 4:8

ᑕᒪᑐᒪ ᓯᕗᓂᖓᒍᑦ, ᒎᑎᒥᒃ ᖃᐅᔨᒪᓚᐅᕐᑎᓐᓇᓯ, ᓯᐊᓛᕆᔭᐅᓚᐅᕐᐳᓯ ᐃᓕᖅᑯᓯᑐᐃᓐᓇᕐᓄᑦ ᒎᑎᐅᖏᑦᑐᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:9

ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ.

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᐲᑦᑐᕉᓯ ᓯᕗᓪᓖᑦ 1:18

ᖃᐅᔨᒪᑦᓯᐊᕋᑦᓯ ᐊᓯᕈᕐᑐᒃᓴᒧᑦ ᓯᐅᓪᕕᕆᒧᓪᓘᓐᓃᑦ ᒎᓗᒧᓪᓘᓐᓃᑦ ᐊᑭᓕᕐᑕᐅᓯᒪᖏᓐᓇᑦᓯ ᒪᑐᒪᓐᖓᑦ ᐃᓅᓯᕐᒥᑦ ᓱᒃᓴᐅᖏᑦᑐᒥᑦ ᓯᕗᓕᑦᓯᓐᓂᑦ ᐃᓅᓯᕐᑖᕆᓯᒪᔭᑦᓯᓐᓂᑦ ᕿᓚᕈᑦᔮᕐᑕᐅᓚᐅᕐᕋᓯ,

ᐲᑦᑐᕉᓯ ᓯᕗᓪᓖᑦ 4:3

ᐊᓂᒍᕐᓯᒪᓕᕐᒪᑕ ᐃᓅᓯᕆᓚᐅᕐᑕᓯ ᐅᒃᐱᖏᑦᑐᑦ ᐱᔪᒪᓂᖏᑦ ᒪᓕᒃᓗᒋᑦ, ᐃᓅᓯᒪᒐᑦᓯ ᑲᓐᖑᓇᕐᑐᓕᓂᕐᓂᒃ, ᐃᒃᖠᒍᖕᓂᕐᓂᒃ, ᐋᖓᔮᕐᓂᕐᓂᒃ, ᓄᓕᐊᕐᓂᕐᓂᒃ, ᐃᒥᐊᓗᖕᒧᑦ ᖁᕕᐊᓲᑎᖃᕐᓂᕐᓂᒃ, ᓇᕐᕈᓇᕐᑐᓄᓪᓗ ᑐᒃᓯᐊᖃᑦᑕᕐᓂᕐᓂᒃ ᒎᑎᐅᖏᑦᑐᓄᑦ.