ᑯᕆᓐᑎᐊᒥᐅᓄᑦ ᓯᕗᓪᓖᑦ 11:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑍᒫᒃᑕᐅᖅ ᐃᒥᐅᑦ ᑎᒍᕚ ᓂᕆᔭᕇᕋᒥᒃ ᐅᖃᕐᓗᓂ, “ᐅᓇ ᐃᒥᐅᑦ ᓄᑖᒥᒃ ᐊᖏᕈᑕᐅᔪᖅ ᓇᓗᓁᒃᑯᓯᕐᓯᒪᔪᖅ ᐊᐅᓐᓂᒃ, ᑍᒤᓕᐅᖃᑦᑕᕆᑦᓯ ᐃᒥᓕᑐᐊᕈᑦᓯᐅᒃ, ᐅᕙᓐᓂᒃ ᐃᖅᑲᐅᒪᑦᔪᑎᒋᓗᒍ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:25 Iomraidhean Croise

ᒨᓯᓯ ᐂᑉᐸᖏᑦ 24:6

ᒨᓯᓯᐅᓪᓗ ᐆᒪᔪᑦ ᐊᐅᖏᑕ ᐃᓚᖏᑦ ᐴᖅᑲᕐᐰᑦ ᐴᒍᑕᕐᓄᑦ, ᐃᓚᖏᓪᓗ ᑐᓂᕐᕈᓯᕐᕕᖕᒧᑦ ᓯᕐᐸᕐᓴᐅᑎᒋᓪᓗᓂᒋᑦ.

ᒨᓯᓯ ᐂᑉᐸᖏᑦ 24:8

ᒨᓯᓯᐅᓪᓗ ᐊᐅᒃ ᐴᒍᑕᕐᒦᑦᑐᖅ ᐱᓪᓗᓂᐅᒃ ᐃᓄᐃᑦ ᓯᕐᐸᕐᓴᕐᕕᒋᕔᑦ, ᐅᖃᕐᓗᓂᓗ, “ᑕᑯᒋᑦ ᑕᒪᓐᓇ ᐊᐅᒃ ᓇᓗᓁᒃᑯᑕᐅᕗᖅ ᐊᖏᖃᑎᖃᕐᓯᒪᓂᑦᑕ ᑍᒤᓕᖓᓂᐊᓕᕐᓂᖓᓂᒃ. ᐊᑕᓂᐅᑉ ᐊᖏᖃᑎᒋᓚᐅᕐᒪᓯ ᐱᖁᔭᒥᓂᒃ ᑐᓂᓯᕕᒋᒐᒥᓯ.”

ᔨᕆᒤᐊᐅᑉ ᐊᒡᓚᖏᑦ 31:31

ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᓄᑖᒥᒃ ᐊᖏᖃᑎᒌᒍᑎᓕᐅᕈᒫᕐᓂᕋ ᐃᓴᕆᐊᓕᐅᑉ ᔫᑕᐅᓪᓗ ᐃᓅᖃᑎᒌᖏᓐᓄᑦ.

ᓘᑲᓯᐅᑉ ᐊᒡᓚᖏᑦ 22:20

ᑍᒫᒃᑕᐅᖅ ᐃᒥᐅᑎ ᑎᒍᕚ ᓂᕆᔭᕇᕋᒥ, ᐅᖃᕐᓗᓂ, “ᐅᓇ ᐃᒥᐅᑎ ᑯᕕᔭᐅᔪᖅ ᐃᓕᑦᓯ ᐱᓪᓗᓯ ᐊᖏᖃᑎᒌᒍᑎ ᓄᑖᖅ ᐊᐅᓐᓂᒃ ᓇᓗᓁᒃᑯᑕᓕᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:16

ᐃᒥᐅᑎ ᓮᒻᒪᕐᑎᑕᐅᓇᕐᑐᖅ ᒎᑎᒧᑦ ᖁᔭᓕᑦᔪᑎᒋᔭᕗᑦ ᐊᑕᓂᐅᑉ ᐅᓐᓄᒍᒻᒥᑕᖓᓂ ᙭ᔅᑑᓯᐅᑉ ᐊᐅᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ? ᓂᐊᖂᔭᕐᓗ ᐊᕕᒃᑕᕗᑦ ᙭ᔅᑑᓯᐅᑉ ᑎᒥᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:24

ᖁᔭᓕᓪᓗᓂᓗ, ᐊᕕᒃᐹ, ᐅᖃᕐᓗᓂᓗ, “ᐅᓇ ᑕᕝᕙ ᑎᒥᒐ, ᑐᓂᔭᐅᔪᖅ ᐃᓕᑦᓯᓐᓄᑦ. ᑍᒤᓕᐅᖃᑦᑕᕆᑦᓯ ᐃᖅᑲᐅᒪᔭᐅᓂᒃᓴᓐᓄᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:14

ᑍᒃᑯᐊᓕ ᐃᓱᒪᖏᑦ ᓱᓕ ᒪᑐᓯᒪᕗᑦ ᐅᓪᓗᒥᒧᑦ ᑎᑭᓪᓗᒍ; ᐅᖃᓕᒫᓕᕌᖓᒥᒃ ᐊᖏᖃᑎᒌᖕᓂᑐᖃᕐᓃᑦᑐᓂᒃ, ᒪᑐᐊᕆᔭᐅᓚᐅᕐᑐᖅ ᓱᓕ ᐲᕐᑕᐅᓯᒪᓐᖏᓚᖅ, ᑖᓐᓇ ᒪᑐᐊᖅ ᙭ᔅᑑᓯᒃᑯᑦ ᑭᓯᐊᓂ ᐲᕐᑕᐅᔪᓐᓇᕐᒪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:6

ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.

ᐄᑉᕈᐃᓄᑦ 13:20

ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,