ᑯᕆᓐᑎᐊᒥᐅᓄᑦ ᓯᕗᓪᓖᑦ 10:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐅᖃᕐᑐᖃᕐᐸᒃᐳᖅ, “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᑭᓯᐊᓂᓕ ᓱᓇᑐᐃᓐᓁᑦ ᑕᒪᕐᒥᒃ ᐱᕙᓪᓕᕐᓇᕐᑑᓐᖏᓚᑦ. “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᓱᓇᑐᐃᓐᓁᑦᓕ ᑕᒪᕐᒥᒃ ᐃᑲᔪᕐᑕᐅᓐᓇᓐᖏᓚᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:23 Iomraidhean Croise

ᕉᒪᒥᐅᓄᑦ 14:15

ᐅᒃᐱᕐᑑᖃᑏᓪᓕ ᓂᕆᔭᕐᓄᑦ ᖁᕕᐊᓱᒍᓐᓃᕐᑎᒃᑯᕕᐅᒃ, ᑕᕝᕙ ᓇᒡᓕᖕᓂᒃᑰᖏᑦᑐᒥᒃ ᐱᓂᐊᕐᓂᖃᓕᕐᐳᑎᑦ. ᓂᕆᓂᕐᓄᑦ ᐅᒃᐱᕐᑑᖃᑏᑦ ᐊᓯᕈᕐᑎᓐᓂᐊᕐᓇᒍ ᙭ᔅᑑᓯᐅᑉ ᑐᖁᑦᔪᑎᒋᓯᒪᔭᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:12

ᑍᒤᒃᑲᔭᕆᕗᓯᑦᑕᐅᖅ, ᐊᓂᕐᓂᐅᑉ ᑐᓂᕐᕈᑎᖏᓐᓂᒃ ᐊᔪᐃᓐᓇᒻᒪᕆᒃᑲᑦᓯ, ᐊᔪᐃᓐᓈᕆᓂᕐᐹᕆᔭᕆᐊᖃᕐᐸᓯᓕ ᐅᒃᐱᕐᑑᖃᑎᒌᑦ ᐱᕙᓪᓕᕈᑎᒃᓴᖏᑦ ᐱᓇᓱᐊᕐᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:17

ᒎᑎᒧᑦ ᖁᔭᓕᑦᓯᐊᕋᔭᕋᓗᐊᕐᐳᑎᑦ, ᐃᓅᖃᑏᓪᓕ ᑕᒪᑐᒧᖓ ᐱᕚᓪᓕᕐᑎᑕᐅᓐᖏᓚᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:12

“ᑕᒤᓐᓂᒃ ᐱᔪᓐᓇᕐᑎᑕᐅᕗᖓ,” ᑕᒪᕐᒥᒡᓕ ᐱᔪᓐᓇᕐᑕᑎᑦ ᐃᑲᔪᕐᑐᐃᓐᓇᐅᓐᖏᓚᑦ. ᑕᒤᓐᓂᒃ ᐱᔪᓐᓇᕐᑎᑕᐅᓂᕋᕐᓗᖓ ᐅᖃᕈᓐᓇᕆᕗᖓ, ᐅᕙᓐᓂᒃᓕ ᐊᐅᓚᑦᓯᓕᕐᓂᐊᕐᑐᒧᑦ ᕿᓚᒃᓱᕐᑕᐅᔪᒪᓐᖏᓚᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:1

ᒫᓐᓇᓕ ᓂᖀᑦ ᑐᓂᕐᕈᑕᐅᓯᒪᔪᑦ ᒎᑎᓐᖑᐊᓄᑦ ᐱᑦᔪᑎᒋᓪᓗᒋᑦ. ᖃᐅᔨᒪᕗᒍᑦ ᐅᖃᐅᓯᐅᕙᒃᑐᖅ ᓱᓕᖕᒪᑦ “ᐃᓘᓐᓇᑕ ᖃᐅᔨᒪᑎᑕᐅᓂᕐᒥᒃ ᐱᑎᑕᐅᓯᒪᕗᒍᑦ,” ᐅᓇ “ᖃᐅᔨᒪᑎᑕᐅᓂᖅ,” ᐱᐅᔪᕆᑎᑦᓯᕗᖅ, ᓇᒡᓕᖕᓂᕐᓕ ᐋᖅᑭᒃᓱᐃᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:9

ᐃᒃᐱᒍᓱᑦᓯᐊᕆᑦᓯᓕ, ᑕᒪᓐᓇ ᕿᓚᒃᓱᕐᑕᐅᓯᒪᖏᓐᓂᖅ ᐱᓂᐊᕐᓂᒃᑯᑦ ᐊᒡᕕᐊᕈᑕᐅᓕᖁᓇᒍ ᐅᒃᐱᕐᓂᕐᒥ ᓴᓐᖐᑦᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:19

ᐃᓱᒪᖃᕐᐱᓰ ᑍᒪᓐᖓᑦ ᐅᕙᑦᑎᓐᓂᒃ ᐸᓯᔭᒃᓴᐅᔪᓐᓃᕐᑎᓐᓇᓱᐊᕐᑐᑐᑦ ᐱᓇᓱᒋᓪᓗᑕ ᐃᓕᑦᓯᓐᓄᑦ? ᓇᒡᓕᒋᔭᒃᑳ, ᐅᖃᓪᓚᓚᐅᕐᐳᒍᓪᓕ ᒎᑎᐅᑉ ᓵᖓᓂ ᙭ᔅᑑᓯᒥ, ᖃᓄᐃᓕᐅᕐᓂᕗᓪᓗ ᑕᒪᕐᒥᒃ ᐱᓇᓱᐊᕐᐸᕗᑦ ᐱᕙᓪᓕᐊᑎᑕᐅᖁᓪᓗᓯ.

ᐃᐱᓯᒥᐅᓄᑦ 4:29

ᐅᖃᐅᓯᕐᓘᑎᓂᒃ ᐋᓐᓂᕐᓇᕐᑐᓂᒃ ᐅᖃᖃᑦᑕᕈᓁᕆᑦᓯ, ᐃᑲᔪᕐᑐᓂᒡᓕ ᐱᕙᓪᓕᕐᓇᕐᑐᓂᒃ ᐅᖃᖔᖃᑦᑕᓕᕆᑦᓯ, ᐱᐅᔪᓂᒃ ᐋᖅᑭᒃᓲᑎᒃᓴᓂᒃ ᐱᔭᕆᐊᓕᖕᓂᒡᓗ ᐱᕙᓪᓕᕐᑎᑦᓯᔪᓐᓇᕐᑐᓂᒃ, ᐅᖃᐅᓯᕆᔭᓯ ᐱᕙᓪᓕᕈᑎᒃᓴᐅᖁᓪᓗᒋᑦ ᑐᓵᔪᓄᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:11

ᑍᒤᒻᒪᑦ ᒪᓂᒍᕐᑎᒌᒋᑦᓯ ᐃᓕᑦᓯᓐᓄᑦ ᐊᑐᓂᑦ ᐃᑲᔪᕐᑎᒌᒡᓗᓯᓗ ᐊᑐᓂᑦ ᐃᓕᑦᓯᓐᓄᑦ, ᓲᕐᓗ ᑍᒫᒃ ᐱᓇᓱᐊᕋᑦᓯ.

ᑎᒧᑎᒧᑦ ᓯᕗᓪᓖᑦ 1:4

ᐅᓂᒃᑳᕐᑐᐊᓂᒃ ᑭᖑᕚᖑᖃᑎᒌᓪᓗ ᑭᓇᒃᑰᓂᖏᒃᓂᒃ ᐱᓇᓱᐊᑐᐃᓐᓇᖁᓇᒋᑦ ᐅᓄᕐᑐᐊᓗᖕᓂᒃ ᐅᖃᓪᓚᑐᐃᓐᓇᖃᑦᑕᖁᖏᓪᓗᒋᑦ, ᑕᒪᒃᑯᐊ ᓇᓚᐅᑦᑖᕐᑎᑦᓯᑐᐃᓐᓇᕐᒪᑕ; ᒎᑎᒥᑦ ᐱᔪᓂᒃ ᐱᓇᓱᐊᕐᑎᑦᓯᓇᑎᒃ, ᐅᒃᐱᕐᓂᑯᑦ ᐃᓕᓐᓂᐊᕐᓂᐅᒐᔭᕐᑐᓂᒃ.