ᑯᕆᓐᑎᐊᒥᐅᓄᑦ ᓯᕗᓪᓖᑦ 10:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᑕᐅᕙᒃᐳᓯ ᐃᓄᐃᑦ ᐊᑐᕐᐸᒃᑕᖏᓐᓄᑦ ᑭᓯᐊᓂ. ᒎᑎᓕ ᓱᖁᓯᔪᐃᑦᑑᒐᒥ, ᐱᔪᓐᓇᕐᑕᑦᓯ ᐅᖓᑖᓄᑦ ᐱᐅᓐᖏᑐᒧᑦ ᐱᔪᒥᓵᕐᑕᐅᑎᓐᓂᐊᓐᖏᓛᓯ. ᐱᐅᓐᖏᑐᒧᓪᓕ ᐱᔪᒥᓵᕐᑕᐅᑎᓪᓗᓯ ᓵᓚᒃᓴᕈᑎᒃᓴᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᓵᓚᒋᔭᐅᖁᓇᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:13 Iomraidhean Croise

ᐃᓐᖏᕈᑎᑦ 124:7

ᑕᕐᓂᕗᑦ ᐊᓐᓇᓚᐅᕐᐳᑦ ᑎᖕᒥᐊᑉ ᐊᓐᓇᖕᓂᖓᑐᑦ ᑎᖕᒥᐊᕋᓱᒃᑑᑉ ᓂᒐᖓᓂᑦ; ᓂᒐᕆᔭᐅᔪᖅ ᕿᒃᑐᕋᕐᒪᑦ, ᑕᕝᕙ ᐊᓐᓇᓚᐅᕐᐳᒍᑦ.

ᐃᓐᖏᕈᑎᑦ 125:3

ᐱᐅᖏᑦᑐᑦ ᐱᔪᓐᓇᐅᑎᖓᑕ ᑎᒃᑯᐊᕐᓯᒍᑎᖓ ᓇᓚᐅᑦᑖᕈᑎᒃᑯᑦ ᐊᐅᓚᑦᓰᓐᓇᕐᓂᐊᓐᖏᓚᖅ ᐃᓱᐊᕐᑐᑦ ᓄᓇᖏᓐᓂ, ᐃᓱᐊᕐᑐᑦ ᐱᐅᖏᑦᑐᒥᒃ ᐱᓇᓱᐊᓕᖁᓇᒋᑦ.

ᐃᓐᖏᕈᑎᑦ 36:5

ᐊᑕᓃᖅ, ᓇᒡᓕᖕᓃᑦ ᓱᖁᓯᔪᐃᑦᑐᖅ ᕿᓚᖕᒦᑉᐳᖅ; ᐱᑦᓯᐊᕐᓃᓪᓗ ᓱᖁᓯᔪᐃᑦᑐᖅ ᓄᕗᔭᓄᑦ ᑎᑭᓯᒪᕗᖅ.

ᐃᓐᖏᕈᑎᑦ 89:33

ᑭᓯᐊᓂᓕ ᑖᑦᓱᒧᖓ ᓇᒡᓕᖕᓂᕋ ᐲᕐᓂᐊᓐᖏᓚᕋ, ᓱᖁᓯᔪᐃᑦᑑᓂᕋᓗ ᑖᑦᓱᒧᖓ ᓱᓕᔪᓐᓃᕐᑎᓐᓂᐊᓐᖏᓚᕋ.

ᒨᓯᓯ ᐂᑉᐸᖏᑦ 3:17

ᐄᑦᔨᑉᑎᒥᑦ ᐊᐅᓪᓚᕐᑎᑦᓱᒪᓕᕋᒃᑭᑦ ᐃᓖᔭᕆᔭᐅᕕᒋᔭᖓᓐᓂᑦ ᓄᓇᒧᓪᓗ ᐊᔪᕐᓴᕐᓇᖏᑦᑐᒧᓐᖓᐅᑎᓗᒋᑦ, ᑖᓐᓇ ᓄᓇᒋᔭᐅᔪᖅ; ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᕼᐃᕔᑎᒥᐅᓄᓪᓗ, ᔨᐳᓮᑎᒥᐅᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 11:5

ᐃᓱᐊᕐᑐᓕᓂᖅ ᕿᑎᕐᒥᓂ ᑕᑦᓯᕈᑎᒋᔪᒫᕐᐹ ᓱᖁᓯᔪᐃᑦᑑᓂᕐᓗ ᕿᑎᕐᒥᒍᑦ ᑕᑦᓯᒋᓗᒍ.

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᔨᕆᒤᐊᐅᑉ ᐊᒡᓚᖏᑦ 12:5

ᐃᓄᖕᓂᒃ ᐅᓪᓚᐅᑎᖃᑎᖃᕐᓗᑎᑦ ᑕᖃᔨᐊᕆᔭᐅᒍᕕᑦ, ᖃᓄᕐᓕ ᕿᒻᒥᕐᔪᐊᓂᒃ ᓱᒃᑲᓕᐅᑎᖃᑎᖃᕈᓐᓇᕋᔭᕐᐲᑦ? ᓄᓇᒥ ᐊᑦᑕᕐᓇᕐᑐᖃᖏᑦᑐᒥ ᐹᓪᓚᖃᑦᑕᕈᕕᑦ ᔪᐊᕐᑕᓂᐅᑉ ᓇᐹᕐᑐᖃᕐᓂᖓᓃᓕᕈᕕᑦ ᖃᓄᕐᓕ ᐱᒐᔭᕐᐲᑦ?

ᔨᕆᒤᐊᐅᑉ ᐊᒡᓚᖏᑦ 29:11

ᐃᓱᒪᒋᓯᒪᓪᓗᒋᑦ ᐋᖅᑭᒃᓱᐃᑦᔪᑎᒋᓯᒪᔭᒃᑲ ᐃᓕᑦᓯᓐᓄᑦ ᖃᐅᔨᒪᒐᒃᑭᑦ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᔪᓐᓇᕐᓯᑎᑦᓯᔪᒪᓯᒪᓂᕋ, ᐊᓯᕈᐃᔪᒪᓗᖓᐅᖏᑦᑐᖅ ᐋᖅᑭᒃᓱᐃᓯᒪᒐᒪ ᓂᕆᐅᒋᔭᒃᓴᖃᖁᓪᓗᓯ ᓯᕗᓂᒃᓴᖃᖁᓪᓗᓯᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:23

ᐅᓪᓛᑎᑐᑦ ᓄᑖᓐᖑᕐᑎᑕᐅᕕᕾᓐᓇᐅᔭᕐᒪᑦ ᓱᕐᕋᔪᐃᑦᑑᓃᑦ ᐊᖏᔫᖕᒪᑦ.

ᑖᓂᐊᓕᐅᑉ ᐊᒡᓚᖏᑦ 3:17

ᐃᒐᐅᑉ ᐃᑯᒪᔫᑉ ᐃᓗᐊᓄᑦ ᐃᒋᑕᐅᒍᑦᑕ, ᒎᑎᐅᑉ ᐱᔨᑦᓯᕐᑕᑦᑕ, ᓴᐳᑎᓂᐊᕐᐹᑎᒍᑦ ᑕᕝᕙᓐᖓᑦ, ᐃᕝᕕᓪᓗ ᐊᖓᔪᖅᑳᕐᔪᐊᖅ ᐱᔪᓐᓇᕐᓂᕐᓂᑦ ᓴᐳᑎᓂᐊᕆᕚᑎᒍᑦ.

ᕼᐆᓯᐊᑉ ᐊᒡᓚᖏᑦ 2:20

ᓄᓕᐊᕐᑖᕆᔪᒫᕐᐸᒋᑦ ᓱᑯᓯᔪᐃᑦᑑᓂᕐᒥ; ᖃᐅᔨᔪᒫᕐᐳᑎᓪᓗ ᐊᑕᓂᕐᒥᒃ.

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᓘᑲᓯᐅᑉ ᐊᒡᓚᖏᑦ 11:4

ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ, ᐱᐅᖏᑦᑐᓕᕕᒋᔨᕗᑦᑕᐅᖅ ᐃᓱᒪᒋᔪᓐᓁᕐᕕᒋᕙᒃᑲᑦᑎᒍ; ᐱᐅᓐᖏᑐᒥᒃ ᐱᔪᒥᓵᕐᑕᐅᓇᕐᑐᒧᑦ ᑎᑭᑎᑦᑍᓕᑎᒍᑦ.”

ᓘᑲᓯᐅᑉ ᐊᒡᓚᖏᑦ 16:26

ᓱᓕ ᐊᑯᓐᓇᑦᑎᓐᓂ ᐃᑎᕐᓵᓗᒃᑕᖃᕐᒪᑦ, ᒫᓐᖓᑦ ᐃᓕᑦᓯᓐᓄᑦ ᐃᑳᕈᒪᔪᑦ ᐊᔪᕐᐳᑦ, ᑍᒫᒃᑕᐅᖅ ᐃᓕᑦᓯᓐᓂᑦ ᐃᑳᕈᒪᔪᑦ ᒪᐅᖓ ᐊᔪᕆᕗᑦ.’

ᓘᑲᓯᐅᑉ ᐊᒡᓚᖏᑦ 22:46

ᐅᖃᐅᑎᓪᓗᒋᑦ, “ᓱᖕᒪᑦ ᓯᓂᒃᐱᓰ? ᒪᑭᒋᑦᓯ ᑐᒃᓯᐊᕐᓗᓯ ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᒧᑦ ᑎᑭᖁᓇᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 27:44

ᐃᓚᖏᑦ ᓄᓇᒧᐊᓕᕐᐳᑦ, ᕿᔪᖕᓂᒃ ᐳᒃᑕᑦᔪᑎᖃᕐᓗᑎᒃ ᐅᒥᐊᕐᔪᐊᑉ ᐃᓚᕕᓂᖏᓐᓂᒃ. ᑍᒫᒃ ᑕᕝᕙ ᓄᓈᓚᐅᕐᐳᒍᑦ ᑐᖁᔪᖃᕋᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:9

ᒎᑎ ᓱᖁᓯᔪᐃᑦᑑᖕᒪᑦ, ᕾᖁᔨᓯᒪᔪᖅ ᐃᓕᑦᓯᓐᓂᒃ ᐃᓅᖃᑎᖃᖁᔨᓪᓗᓂ ᐃᕐᓂᖓᓂᒃ, ᔩᓱᓯ ᙭ᔅᑑᓯᒥᒃ ᐊᑕᓂᕐᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:10

ᑖᑦᓱᒪ ᓴᐳᑎᓚᐅᕐᐹᑎᒍᑦ ᑐᖁᒦᓐᓇᕐᑐᓂᑦ, ᓱᓕᓗ ᓴᐳᑎᓂᐊᕆᕚᑎᒍᑦ; ᑖᑦᓱᒪᓐᖓᑦ ᓂᕆᐅᒃᐳᒍᑦ ᓱᓕ ᓴᐳᑎᓯᒪᓂᐊᕐᒪᑎᒍᑦ.

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:24

ᑖᓐᓇ ᐃᓕᑦᓯᓐᓂᒃ ᕾᖁᔨᓚᐅᕐᑐᖅ ᓱᖁᓯᔪᐃᑦᑑᒐᒥ, ᑖᑦᓱᒪ ᑕᒪᓐᓇ ᐱᓇᓱᐊᕐᓂᐊᕐᐹ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:3

ᐊᑕᓂᕐᓕ ᓱᖁᓯᔪᐃᑦᑑᖕᒪᑦ; ᑖᑦᓱᒪ ᓴᓐᖏᔫᑎᓐᓂᐊᕐᐹᓯ ᓴᐳᑎᓗᓯᓗ ᓵᑖᓇᓯᒥᑦ.

ᑎᒧᑎᒧᑦ ᐂᑉᐸᖏᑦ 4:18

ᐊᑕᓂᐅᑉ ᐱᐅᖏᑦᑐᓂᑦ ᑕᒤᓐᓂᑦ ᓴᐳᑎᓂᐊᕐᐹᖓ ᖃᓄᐃᖏᓪᓗᖓ ᐊᑕᓂᐅᕕᖓᓄᑦ ᕿᓚᖕᒦᑦᑐᒧᑦ ᑎᑭᑦᑐᓐᓇᖁᓪᓗᖓ. ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐄᑉᕈᐃᓄᑦ 10:23

ᑍᒫᒃᑕᐅᖅ ᓂᕆᐅᖕᓂᕆᔭᑦᑎᓐᓂᒃ ᐅᖃᕆᒃᓴᐅᑦᔨᓂᕆᔭᕗᑦ ᐊᑕᕕᒌᓐᓇᕐᓚᕗᑦ ᒪᕐᕈᒍᓯᕈᑎᒋᖏᓪᓗᒍ, ᑖᓐᓇ ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᓂᐅᓴᖏᒻᒪᑦ.

ᐄᑉᕈᐃᓄᑦ 11:11

ᓵᕋᑦᑕᐅᖅ ᐅᒃᐱᕋᒥ ᓄᑕᕋᒃᓴᕐᑖᕈᓐᓇᕐᓯᓚᐅᕐᐳᖅ, ᓄᑕᕋᕐᑖᕈᓐᓇᕐᓂᖓ ᐊᓂᒍᕐᓯᒪᓕᕋᓗᐊᕐᑎᓪᓗᒍ, ᑖᑦᓱᒪ ᐊᖏᕈᑎᖃᕐᑑᑉ ᐅᒃᐱᕆᔭᒃᓴᐅᓂᖓᓂᒃ ᐃᓱᒪᖃᓚᐅᕋᒥ.

ᐄᑉᕈᐃᓄᑦ 12:4

ᐊᔪᕐᑐᓕᓂᕐᒥᒃ ᓵᓚᖃᕋᓱᐊᕐᑎᓪᓗᓯ ᑐᖁᑕᐅᑐᐃᓐᓇᕆᐊᖃᓕᕐᓗᓯ ᓱᓕ ᐱᓚᐅᖏᓐᓇᑦᓯ.

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᐲᑦᑐᕉᓯ ᓯᕗᓪᓖᑦ 4:19

ᑍᒤᒻᒪᑦ ᐊᒃᓱᕈᕐᓇᕐᑐᒦᑎᑕᐅᔪᑦ ᒎᑎᐅᑉ ᐱᔪᒪᔭᖓ ᒪᓕᒡᓗᒍ ᐱᓂᐊᕐᓂᖃᑦᓯᐊᕆᐊᖃᕐᐳᑦ ᐃᒻᒥᖕᓂᒡᓗ ᑐᓂᓯᒪᑦᓯᐊᕐᓗᑎᒃ ᐱᓐᖑᕐᑎᑦᑎᔨᒥᖕᓄᑦ, ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᕙᖏᑦᑐᒧᑦ.

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

ᔪᐊᓇᓯ ᓯᕗᓪᓖᑦ 1:9

ᐊᔪᕐᓂᕗᓪᓕ ᖃᕿᐊᓕᐅᑎᒋᒍᑦᑎᒍᑦ, ᑖᓐᓇ ᓱᖁᓯᔪᐃᑦᑑᒐᒥ ᐊᑦᔨᒌᑎᑦᓯᒐᒥᓗ, ᐊᔪᕐᓂᕗᑦ ᐃᓱᒪᒋᔪᓐᓁᕐᓂᐊᕐᐰᑦ ᓴᓗᒻᒪᕐᓗᑕᓗ ᐃᖢᐃᑦᑐᓕᒫᑦᓯᐊᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:10

ᐅᖃᐅᓯᒃᑲ ᒪᓕᒡᓗᒋᑦ ᕿᓄᐃᓵᓚᐅᕋᕕᑦ, ᓴᐳᑎᓯᒪᓂᐊᕐᐸᒋᑦ ᐆᒃᑐᕐᑕᐅᓇᕐᑐᓂᑦ ᓯᓚᕐᔪᐊᕐᒥᐅᓕᒫᓄᑦ ᑎᑭᑦᓱᒫᕐᑐᓂᑦ, ᐆᒃᑐᕐᑕᐅᖁᓪᓗᒋᑦ ᓄᓇᕐᔪᐊᕐᒦᑦᑐᑦ.

ᓴᒧᐃᓕ ᓯᕗᓪᓖᑦ 29:10

ᑍᒤᒻᒪ ᑍᕕᑏ, ᖃᐅᒃᐸᑦ ᐅᓪᓛᒃᑯᑦ ᒪᑭᓪᓗᓯ ᕿᒤᓯᒪᔪᓯ ᓴᐅᓕᒥᒃ ᐅᕙᑦᑎᓐᓄᐊᕐᓯᒪᔪᓯᓗ ᐊᐅᓪᓚᕐᑐᒃᓴᐅᕗᓯ ᖃᐅᒻᒪᓕᑐᐊᕐᐸᑦ.”