12 ᑍᒤᒻᒪᑦ ᓇᖏᕋᓱᒋᔪᖅ ᑲᒪᑦᓯᐊᓕᕐᓕ ᐅᕐᕈᖁᓇᒍ.
ᐱᐅᔪᕆᓂᖅ ᓯᕗᓪᓕᐅᕗᖅ ᐊᓯᕈᕐᑕᐅᓂᕐᒥᑦ, ᐊᔪᖏᓐᓇᓱᒋᓂᕐᓗ ᓯᕗᓪᓕᐅᕗᖅ ᑲᑕᖕᓂᕐᒥᑦ.
ᖁᕕᐊᓱᑦᓮᓐᓇᕐᐳᖅ ᐊᖑᑦ ᐊᑕᓂᕐᒥᒃ ᓯᕘᕋᔪᖅ, ᑖᓐᓇᓕ ᐆᒻᒪᑎᒥᓂᒃ ᓯᑎᑎᑦᓯᔪᖅ ᑲᑕᒍᒫᕐᐳᖅ ᐱᕐᕈᓗᐊᕿᓂᕐᒧᑦ.
“ᑲᒪᑦᓯᐊᕆᑦᓯ ᖃᓄᖅ ᑐᓵᖕᒪᖔᑦᓯ; ᓇᓪᓕᐊᑦ ᐱᖃᕐᑐᖅ ᑐᓂᓯᕕᐅᒃᑲᓐᓂᕐᓂᐊᕐᐳᖅ, ᐱᖃᖏᑦᑐᕐᓗ ᐊᕐᓵᕐᑕᐅᓂᐊᕐᐳᖅ ᐊᒡᓛᑦ ᒥᑭᔪᒥᒃ ᐱᖃᕋᓱᒋᒐᓗᐊᕐᐸᑦ.”
ᑕᒪᓐᓇ ᓱᓕᕗᖅ. ᑍᒃᑯᐊᓕ ᓇᑲᑕᐅᓚᐅᕐᐳᑦ ᐅᒃᐱᖏᓐᓂᖏᓐᓄᑦ, ᐃᕝᕕᓪᓕ ᓇᖏᕐᐳᑎᑦ ᐅᒃᐱᕐᓂᒃᑯᑦ ᑭᓯᐊᓂ. ᑍᒤᒻᒪᑦ ᐱᐅᔪᕆᓕᕐᓂᐊᕐᓇᒃ, ᓯᕘᕋᓗᑎᓪᓕ ᓂᑯᕕᖓᒋᑦ.
ᐃᓄᒡᓕ ᖃᐅᔨᒪᓇᓱᒋᔪᖅ ᖃᐅᔨᒪᔭᕆᐊᖃᓪᓚᕆᒃᑕᒥᓂᒃ ᓱᓕ ᖃᐅᔨᒪᓐᖏᓚᖅ.
ᖃᐅᔨᓴᕆᑦᓯ ᑭᓇᒧᓪᓘᓐᓃᑦ ᐊᔪᓕᕐᕕᒋᓂᐊᕐᑕᑦᓯᓐᓄᑦ ᐱᑎᑕᐅᑦᑍᓕᓗᓯ ᑐᑭᖃᖏᑦᑐᓄᑦ ᐃᓄᐃᑦ ᓯᓚᑐᓂᖏᑕ ᐋᖅᑭᒃᑕᖏᓐᓄᑦ, ᐃᓄᑐᐃᓐᓁᑦ ᐃᓕᖅᑯᓯᖏᓐᓄᑦ, ᐊᓂᕐᓂᐅᔪᓄᑦ ᓯᓚᕐᔪᐊᕐᒥ ᐊᐅᓚᑕᐅᓯᒪᔪᓄᑦ, ᙭ᔅᑑᓯᒥᓐᖔᖏᑦᑐᓄᑦ.
ᑍᒤᒻᒪᑦ ᓇᒡᓕᒋᔭᒃᑲ, ᑕᒪᓐᓇ ᓯᕗᓂᖓᒍᑦ ᖃᐅᔨᒪᓕᕋᑦᓯᐅᒃ, ᐅᓗᕆᐊᓱᒋᑦᓯ ᑕᒻᒪᕐᑎᑕᐅᖁᓇᓯ ᐱᖁᔭᖃᖏᓪᓗᑎᒃ ᐃᓅᓇᓱᐊᕐᑐᓄᑦ ᑲᑕᒃᑎᑕᐅᖁᓇᓯᓗ ᑐᓐᖓᕕᒋᓕᕐᑕᑦᓯᓐᓂᑦ.
