ᑯᕆᓐᑎᐊᒥᐅᓄᑦ ᓯᕗᓪᓖᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑖᑦᓱᒨᓇ ᐊᔪᕐᓴᓐᖏᑎᑕᐅᒐᑦᓯ ᖃᓄᓕᒫᖅ ᐅᖃᓪᓚᖕᓂᑦᓯᒍᑦ ᖃᐅᔨᒪᓂᑦᓯᒍᓪᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:5 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 2:4

ᑕᒪᕐᒥᒡᓗ ᐃᓗᒻᒥᕐᑕᐅᕗᑦ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ, ᐅᖃᐅᓯᕐᓄᑦ ᐅᖃᐅᓯᕆᓐᖏᑕᒥᖕᓄᑦ ᐅᖃᓪᓚᓕᕐᐳᑦ, ᑍᒫᒃ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᕈᓐᓇᕐᓯᑎᒻᒪᒋᑦ.

ᕉᒪᒥᐅᓄᑦ 11:12

ᔫᑎᑦ ᐊᔪᕐᑐᓕᓂᖏᑦ ᓯᓚᕐᔪᐊᕐᒥᐅᓂᒃ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑕ, ᐊᓂᕐᓂᒃᑯᓪᓗ ᐱᔭᒃᓴᒥᖕᓂᒃ ᐊᓯᐅᔨᓂᖓᑦ ᔫᑎᐅᖏᑦᑐᓄᑦ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑦ, ᑕᕝᕙᓕ ᐊᑕᖏᕐᑐᒥᒃ ᐱᖃᑕᐅᓕᑐᐊᕈᑎᒃ ᐊᖏᓂᕐᓴᒥᒃ ᓮᒻᒪᕐᑎᑕᐅᔪᒫᕐᐳᑦ!

ᕉᒪᒥᐅᓄᑦ 15:14

ᐃᓅᖃᑎᒃᑳ, ᐅᕙᖓ ᓇᖕᒥᓂᖅ ᖁᓚᖏᑦᓯᐊᕐᐳᖓ ᐱᐅᔪᒥᒃ ᐃᓗᒻᒥᕐᑕᐅᓯᒪᒐᑦᓯ, ᖃᐅᔨᑎᑕᐅᓯᒪᓪᓗᓯᓗ, ᐊᔪᕆᕐᑐᖃᑦᑕᐅᑎᔪᓐᓇᕐᓗᓯᓗ ᐃᓕᑦᓯᓐᓄᑦ.

ᕉᒪᒥᐅᓄᑦ 15:4

ᖃᓄᓕᒫᖅ ᑎᑎᕋᕐᓯᒪᔪᑦ ᓯᕗᓂᑦᑎᓐᓂ ᑎᑎᕋᕐᓯᒪᕗᑦ ᐊᔪᕆᕐᑐᕐᑕᐅᑦᔪᑎᒃᓴᑦᑎᓐᓄᑦ, ᕿᓄᐃᓵᕐᓂᒃᑯᑦ ᑲᔪᖏᕐᓴᕐᑕᐅᓂᒃᑯᓪᓗ ᐊᒡᓚᑎᒍᑦ ᓂᕆᐅᒋᔭᒃᓴᕐᑖᕈᓐᓇᖁᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:10

ᐃᓚᖓᑦ ᑲᒪᓇᕐᑐᓕᔪᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᒎᑎᐅᑉ ᐅᖃᐅᓯᕆᔭᐅᑯᔭᖏᓐᓂᒃ ᑐᓂᓯᕕᐅᕗᖅ; ᐃᓚᖓᓪᓗ ᐊᓂᕐᓃᑦ ᖃᓄᐃᑦᑑᓂᖏᓐᓂᒃ ᖃᐅᔨᑎᑕᐅᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓴᕐᖓᕐᑕᓂᕐᓄᑦ ᐊᑦᔨᒌᖏᑦᑐᓄᑦ ᐅᖃᕈᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓂᓯᕕᐅᕗᖅ ᑐᓴᕐᖓᕐᑕᕈᑎᐅᔪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:8

ᐃᓚᖓᓐᓄᑦ ᐊᓂᕐᓂᖅ ᑐᓂᓯᕗᖅ ᓯᓚᑐᔪᓂᒃ ᐅᖃᐅᓯᖃᕐᑎᑦᓯᓂᕐᒥᒃ; ᐊᓯᐊᓄᓪᓗ ᐊᓂᕐᓂᖅ ᑖᓐᓇᑦᓮᓐᓇᖅ ᑐᓂᓯᕗᖅ ᖃᐅᔨᒪᓂᕐᑖᕐᑎᑎᓪᓗᓂ ᐅᖃᓪᓚᒃᑎᑦᓯᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:2

ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:8

ᓇᒡᓕᖕᓂᖅ ᐃᓱᓕᓐᓂᐊᓐᖏᓚᖅ; ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᖕᓃᑦ, ᐃᓱᓕᑦᑐᒫᕐᐳᑦ; ᑐᓴᕐᖓᕐᑕᕐᓃᑦ, ᐃᓱᓕᑦᑐᒫᕆᕗᑦ; ᖃᐅᔨᒪᓃᑦ, ᐃᓱᓕᑦᑐᒫᕆᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:26

ᖃᓄᕐᓕ ᐅᖃᕐᓂᐊᓕᕐᐳᖓ ᐃᓚᒃᑳ? ᑲᑎᖃᑎᒌᒑᖓᑦᓯ ᐃᓚᑦᓯ ᐊᑐᓂᑦ ᐃᓐᖏᕈᑎᒃᓴᖃᕐᐳᑦ, ᐃᓚᖓᑦ ᐊᔪᕆᕐᑐᐃᑦᔪᑎᒃᓴᖃᕐᐳᖅ, ᐃᓚᖓᑦ ᒎᑎᒧᑦ ᑕᑯᑎᑕᐅᓯᒪᕗᖅ, ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᒃᓴᖃᕐᐳᖅ, ᐅᕝᕙᓗ ᐃᓚᖓᑦ ᑐᓴᕐᖓᕐᑕᓄᑦ ᐅᖃᐅᓯᐅᔪᓂᒃ ᑐᑭᓯᓇᕐᓯᑎᑦᓯᑦᔪᑎᒃᓴᖃᕐᐳᖅ. ᑕᒪᒃᑯᐊᓕᒫᓪᓕ ᐊᑐᕐᑕᐅᔪᒃᓴᐅᕗᑦ ᐃᓚᒌᒃᑐᑦ ᐱᕙᓪᓕᕐᑎᑕᐅᑦᔪᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:11

ᑍᒤᒻᒪᑦ ᐅᒃᐱᕐᑑᖃᑏᑦ ᓴᓐᖐᑦᑐᖅ, ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᑕᖓ, ᐊᓯᕈᕐᑕᐅᓕᕐᐳᖅ ᖃᐅᔨᑎᑕᐅᓯᒪᓂᕐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:7

ᑕᒤᓐᓂᒡᓕ ᐊᔪᕐᓴᓐᖏᓚᓯ, ᐅᒃᐱᕐᓂᒃᑯᑦ, ᐅᖃᓪᓚᖕᓂᕐᒥᒃ, ᖃᐅᔨᑎᑕᐅᓂᕐᒥᒃ, ᐃᑲᔪᕈᒪᑦᓯᐊᕐᓂᕐᒥᒃ, ᐅᕙᑦᑎᓐᓂᒡᓗ ᓇᒡᓕᒍᓱᖕᓂᕐᒥᒃ; ᑍᒫᒃᑕᐅᖅ ᑕᒪᓐᓇ ᐱᓇᓱᐊᑦᓯᐊᕐᓂᖅ ᐃᓕᑦᓯᓐᓄᑦ ᑲᔪᓯᑎᑕᐅᖁᕙᕋ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:11

ᐊᔪᕐᓴᕐᑎᑕᐅᓂᐊᓐᖏᓚᓯ ᑕᒤᑎᒍᑦ ᐊᓐᓂᕈᓱᒐᓯ ᑐᓂᓯᔪᓐᓇᖁᓪᓗᓯ, ᐅᕙᑦᑎᒍᓪᓗ ᒎᑎᒧᑦ ᖁᔭᓕᑦᔪᑕᐅᓂᐊᕐᐳᓯ ᐊᓐᓂᕈᓱᒐᓯ ᑐᓂᓯᓂᑦᓯᓐᓄᑦ;

ᐃᐱᓯᒥᐅᓄᑦ 1:17

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

ᐃᐱᓯᒥᐅᓄᑦ 2:7

ᑍᒤᓕᐅᓚᐅᕐᐳᕐᓕ ᓇᓪᓕᐅᑦᑐᒃᓴᒥ ᐱᔪᒫᕐᑐᒥ ᓴᖅᑭᑎᑦᓱᒪᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᔪᐊᖓ ᓇᓕᖃᖏᑦᑑᑉ ᐊᒥᒐᖏᓐᓂᖓ ᓇᒡᓕᒍᓱᖕᓂᖓᑕᓗ ᓴᖅᑭᑎᑕᐅᓯᒪᓂᖓ ᙭ᔅᑑᓯ ᔩᓱᓯᒥ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᐃᐱᓯᒥᐅᓄᑦ 6:19

ᐅᕙᖓᑦᑕᐅᖅ ᑐᒃᓯᐅᑎᓯᓐᖓ, ᑐᓂᓯᕕᐅᖁᓪᓗᖓ ᐅᖃᐅᓯᒃᓴᒥᒃ ᓯᕘᕋᖏᓪᓗᖓ ᐅᖃᓪᓚᒋᐊᖃᓕᕌᖓᒪ ᐅᖃᐅᓰᑦ ᑐᓴᕈᒥᓇᕐᑐᑦ ᓇᓗᓇᕐᓂᖏᑦ ᓇᓗᓁᕈᓐᓇᕐᓗᒋᑦ.

ᐱᓕᐱᒥᐅᓄᑦ 1:9

ᑐᒃᓯᐅᑎᕙᑦᓯᓗ ᓇᒡᓕᒍᓱᖕᓂᓯ ᑍᒪᓐᖓᑦ ᐊᖏᒡᓕᕙᓪᓕᐊᖏᓐᓇᖁᓪᓗᒍ, ᖃᐅᔨᕙᓪᓕᐊᖁᓪᓗᓯᓗ ᓱᓕᔪᒥᒃ ᑐᑭᓯᑦᓯᐊᖁᓪᓗᓯᓗ ᖃᓄᐃᓕᐅᕆᐊᖃᕐᓂᕐᒥᒃ,

ᑯᓘᓯᐊᒥᐅᓄᑦ 2:3

ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.

ᑯᓘᓯᐊᒥᐅᓄᑦ 3:10

ᐃᓅᓯᕐᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᕐᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᕐᑎᑦᓯᔨᓂ ᐊᑦᔨᒋᓗᒍ.

ᔧᒥᓯᐅᑉ ᐊᒡᓚᖏᑦ 3:13

ᑭᓇ ᓇᓪᓕᓯᓂ ᓯᓚᑐᓪᓗᓂᓗ ᑐᑭᓯᐊᕙ? ᑕᕝᕙ ᐱᓇᓱᐊᑦᓯᐊᕐᓂᕐᒥᒍᑦ ᓴᖅᑭᑎᑦᓯᔪᒃᓴᐅᕗᖅ ᐃᓅᓯᐊᕐᓂᕐᒥᒃ ᐱᐅᔪᕆᖏᓐᓂᕐᒥᒃ ᓯᓚᑐᓂᕐᒥᒡᓗ.

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.