ᑯᕆᓐᑎᐊᒥᐅᓄᑦ ᓯᕗᓪᓖᑦ 1:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᓇᐅᒡᓕ ᓯᓚᑐᔪᑦ? ᓇᐅᒡᓕ ᐊᒡᓚᓂᒃ ᐃᓕᓯᒪᔪᑦ? ᓇᐅᒃᓕ ᐅᓪᓗᒥ ᐃᓅᔪᓂᒃ ᖃᐅᔨᒪᓇᓱᐊᕐᑎ? ᒎᑎᐅᓪᓕ ᓯᓚᕐᔪᐊᕐᒥᐅᑦ ᓯᓚᑐᓂᖏᑦ ᓯᓔᓐᓂᓐᖑᕐᑎᓚᐅᓐᖏᓔᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:20 Iomraidhean Croise

ᓴᒧᐃᓕ ᐂᑉᐸᖏᑦ 15:31

ᑍᕕᑎ ᐅᖃᐅᑦᔭᐅᒐᒥ ᐊᕼᐃᑐᐱᐅᓪ ᐃᓚᓕᐅᑎᓂᖓᓂᒃ ᐋᑉᓴᓚᐅᑉ ᐊᑭᕋᕐᑐᓕᕐᓂᖓᓄᑦ, ᑐᒃᓯᐊᓚᐅᕐᐳᖅ, “ᐊᑕᓃᖅ, ᐃᓕᖕᓄᑦ ᑐᒃᓯᐊᕐᐳᖓ, ᐊᕼᐃᑐᐱᐅᑉ ᐃᓱᒪᓕᐅᕆᓂᖓ ᑐᑭᖃᕈᓐᓃᕐᑎᓚᐅᕈᒃ!”

ᓴᒧᐃᓕ ᐂᑉᐸᖏᑦ 16:23

ᐊᕼᐃᑐᐱᓕᐅᑉ ᐃᓱᒻᒥᕐᑐᐃᑦᔪᑎᒋᔭᖏᑦ ᑍᑦᓱᒪᓂᐅᑎᓪᓗᒍ ᒪᓕᒐᒃᓴᓪᓚᕆᐅᑎᑕᐅᕙᓚᐅᕐᐳᖅ ᒎᑎᐅᑉ ᐅᖃᐅᓯᖓᑐᑦ; ᑕᒪᖏᖕᓄᑦ ᑍᕕᑎᒧᑦ ᐋᑉᓴᓚᒻᒧᓪᓗ.

ᓴᒧᐃᓕ ᐂᑉᐸᖏᑦ 17:14

ᐋᑉᓴᓚᒻ ᐃᓴᕆᐊᓕᒥᐅᓕᒫᓪᓗ ᐅᖃᕐᐳᑦ, “ᕼᐅᓮᑉ ᐊᑬᑎᒥᐅᑕᐅᑉ ᐃᓱᒻᒥᕐᑐᐃᑦᔪᑎᒋᔭᖓ ᐱᐅᓂᕐᓴᐅᕗᖅ ᐊᕼᐃᑐᐱᐅᑉ ᐃᓱᒻᒥᕐᓱᐃᑦᔪᑎᖏᓐᓂᑦ.” ᐊᑕᓂᖅ ᐱᒋᐊᕐᑎᑦᓯᓚᐅᕐᒪᑦ ᐊᕼᐃᑐᐱᓕᐅᑉ ᐃᓱᒻᒥᕐᑐᐃᒍᑎᒋᔭᖓ ᐱᐅᔪᐊᓗᒃ ᒪᓕᒃᑕᐅᖁᓇᒍ, ᑲᑕᖕᓇᕐᑐᒧᑦ ᑎᑭᑎᑦᓯᔪᓐᓇᖁᓪᓗᒍ ᐋᑉᓴᓚᒻᒧᑦ.

ᓴᒧᐃᓕ ᐂᑉᐸᖏᑦ 17:23

ᐊᕼᐃᑐᐱᓕ ᖃᐅᔨᒐᒥ ᐃᓱᒻᒥᕐᑐᐃᒍᑎᒋᔭᖓ ᒪᓕᒃᑕᐅᖏᓐᓂᖓᓂᒃ, ᓯᐅᑎᖅᑯᕐᑐᔪᖁᑎᒥᓄᑦ ᐃᑭᕗᖅ ᐅᑎᕐᓗᓂᓗ ᓄᓇᒧᑦ ᐱᕈᕐᕕᒋᓯᒪᔭᒥᓄᑦ. ᐱᓇᓱᐊᕆᐊᓕᖕᒥᓂᒡᓕ ᐊᖏᕐᕋᒥᓂ ᐱᔭᕇᕋᒥ, ᐃᒻᒥᓂᒃ ᕿᒥᑉᐳᖅ; ᑐᖁᓪᓗᓂᓗ, ᐃᓗᕕᕐᑕᐅᓚᐅᕐᐳᕐᓗ ᐃᓚᒌᑦ ᐃᓗᕕᖃᕐᕕᖓᓄᑦ.

ᔫᐱᐅᑉ ᐊᒡᓚᖏᑦ 12:17

ᑖᑦᓱᒪ ᓯᓚᑐᔪᑦ ᓯᓚᑐᓂᖃᕈᓐᓁᕐᑎᑉᐰᑦ, ᐃᖅᑲᕐᑐᐃᔩᓪᓗ ᓯᓔᑦᑐᑎᑐᑦ ᐱᓇᓱᐊᕐᑎᓪᓗᒋᑦ.

ᔫᐱᐅᑉ ᐊᒡᓚᖏᑦ 12:20

ᐅᒃᐱᕆᔭᐅᑦᓯᐊᕐᑐᑦ ᐅᖃᓪᓚᒍᓐᓁᓪᓕᑎᑉᐰᑦ, ᐃᓄᑐᕾᓪᓗ ᖃᐅᔨᒪᓂᖏᑦ ᐲᕐᑎᑉᐰᑦ.

ᔫᐱᐅᑉ ᐊᒡᓚᖏᑦ 12:24

ᓄᓇᕐᔪᐊᕐᒥᐅᑦ ᐊᖓᔪᖅᑳᖏᑕ ᑐᑭᓯᓯᒪᓂᖏᑦ ᐲᔭᕐᐰᑦ, ᓇᓗᓕᕐᑎᓪᓗᒋᓪᓗ ᐃᓄᖃᖏᑦᑐᒥ ᐊᓯᐅᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 33:18

ᐃᖅᑲᐅᒪᔪᒫᕐᐳᓯᓗ ᑲᑉᐱᐊᓱᖕᓂᐅᓚᐅᕐᑐᓂᒃ, “ᓇᐅᒡᓕ ᑎᑎᕋᕐᐸᓚᐅᕐᑐᑦ? ᓇᐅᒡᓕ ᑖᒃᓰᔭᕐᑎᑦᓯᔨᐅᕙᓚᐅᕐᑐᑦ? ᓇᐅᒡᓕ ᐃᒡᓗᒐᓴᒡᔪᐊᑦ ᐊᕙᓗᖏᑕ ᖃᐅᔨᓴᕐᕕᖏᓐᓂ ᓈᓮᕙᓚᐅᕐᑐᑦ?”

ᐂᓮᐊᓯᐅᑉ ᐊᒡᓚᖏᑦ 44:25

ᑭᐊ ᓇᓗᓕᕐᑎᑉᐰᑦ ᓱᓕᓇᑎᒃ ᓇᓚᐅᑦᑍᓇᓱᒃᑐᑦ, ᓯᕗᓂᕐᒥᒡᓗ ᖃᐅᔨᒪᓇᓱᐊᕐᑐᑦ ᓯᓔᑦᑐᓐᖑᕐᑎᓪᓗᒋᑦ; ᑭᐊ ᑎᒥᒃᑯᑦ ᓯᓚᑐᔪᑦ ᐅᑎᒧᑦ ᓵᑎᑉᐰᑦ, ᖃᐅᔨᒪᓂᖏᓪᓗ ᓯᓔᓐᓂᐅᓕᕐᑎᓪᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 53:1

ᑭᒃᑯᑦ ᐅᓂᒃᑲᐅᑎᒋᔭᑦᑎᓐᓂᒃ ᐅᒃᐱᕈᓱᓚᐅᕐᐸᑦ? ᑭᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᓂᖓ ᓴᖅᑭᓯᒪᕚ?

ᔨᕆᒤᐊᐅᑉ ᐊᒡᓚᖏᑦ 10:7

ᑭᓇᓕ ᓯᕘᕋᖏᑦᑑᔪᓐᓇᕐᐹ ᐃᓕᖕᓃᒃ? ᐊᖓᔪᖅᑳᕐᔪᐊᖑᔪᑎᑦ ᐃᓅᖃᑎᒌᒡᔪᐊᓄᑦ ᓂᕐᑐᕐᑕᐅᔪᒃᓴᐅᕗᑎᑦ; ᓯᓚᑐᔪᕐᔪᐊᓕᒫᑦ ᐃᓅᖃᑎᒌᒡᔪᐊᓂ ᐊᖓᔪᖅᑲᐅᕕᓕᒫᓪᓗ ᑲᑎᓪᓗᒋᑦ ᐃᓕᒃᑐᑦ ᑍᒤᑦᑐᕐᑕᖃᓐᖏᓚᑦ.

ᒫᑎᐅᓯᐅᑉ ᐊᒡᓚᖏᑦ 13:22

ᐱᕈᕐᑐᒃᓮᓪᓕ ᑲᑕᒃᑐᑦ ᐅᕐᐲᑦ ᑲᑭᓪᓚᐅᑎᓖᑦ ᐊᑯᕐᖓᓐᓄᑦ ᐃᒤᑦᑐᒥᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᓄᑦ; ᑕᒪᑐᒪᓕ ᐃᓅᓯᐅᑉ ᐃᓱᒪᔮᕐᓇᕐᓂᖓᓄᑦ ᐊᔪᕐᓴᖏᑦᑑᔪᒪᓂᕐᒧᓪᓗ ᐅᖃᐅᓰᑦ ᐃᐱᑎᑕᐅᕗᑦ, ᐱᕈᕐᕕᐅᓇᑎᒡᓗ.

ᔪᐊᓇᓯᐅᑉ ᐊᒡᓚᖏᑦ 12:31

ᒫᓐᓇ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᑕᐅᕕᐊᑦ ᓇᓪᓕᐅᑎᕗᖅ, ᒫᓐᓇᓗ ᓯᓚᕐᔪᐊᑉ ᑕᒪᑐᒪ ᐊᐅᓚᑦᓯᔨᖓ ᓵᓚᐅᓗᓂ ᐊᓂᑎᑕᐅᓂᐊᓕᕐᐳᖅ;

ᐋᐴᓯᑕᓖᑦ ᐱᓂᐊᕐᓂᖏᑦ 17:18

ᐃᐱᑭᐅᕌᓯᒧᑦᑕᐅᖅ ᒪᓕᒡᑎᐅᔪᑦ ᐃᐱᑭᐅᕆᐊᓂᒃ ᑍᔭᐅᔪᑦ, ᔨᓄᒧᑦ ᒪᓕᒡᑎᐅᔪᑦ ᓯᑑᑭᓂᒃ ᑍᔭᐅᔪᑦ ᐃᓕᓮᔩᑦ ᐂᕙᖃᑎᒋᕔᑦ. ᑖᒃᑯᐊ ᐅᖃᕐᐳᑦ, “ᐅᓇ ᖃᐅᔨᒪᓇᓂ ᐅᖃᓪᓚᒐᓱᒃᑐᖅ ᖃᓄᖅ ᐅᖃᕋᓱᐊᕐᐸ?” ᐊᓯᖏᑦ ᐅᖃᕐᐳᑦ, “ᐅᓇ ᐅᖓᓯᒃᑐᒥᐅᑦ ᒎᑎᖓᓂᒃ ᐅᖃᐅᓯᖃᕋᓱᒃᐸᓪᓔᔪᖅ.” ᐸᐅᓗᓯ ᐊᔪᕆᕐᑐᐃᑦᔪᑎᖃᓚᐅᕐᒪᑦ ᔩᓱᓯᒥᒃ ᒪᑭᕝᕕᒃᓴᐅᔪᒫᕐᑐᒥᒡᓗ.

ᕉᒪᒥᐅᓄᑦ 1:20

ᑍᒪᓐᖓᓂᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ, ᒎᑎᐅᑉ ᑕᑯᒃᓴᐅᓇᓂ ᐱᔪᓐᓇᕐᓂᖏᑦ, ᐊᔪᒐᖃᖏᓐᓂᖓᓗ ᐃᓱᖃᖏᑦᑐᖅ, ᒎᑎᐅᓂᖓᑕᓗ ᐃᓕᖅᑯᓯᖓ, ᓇᓗᓇᖏᑦᓯᐊᕐᓗᑎᒃ ᑕᑯᒃᓴᐅᖕᒪᑕ, ᑐᑭᓯᔭᐅᔪᓐᓇᕐᐳᓪᓗ ᓴᓇᓯᒪᔭᖏᑎᒍᑦ ᓇᓗᓁᕐᑕᐅᖕᒪᑕ. ᑍᒤᒻᒪᑦ ᐸᓯᔭᒃᓴᐅᖏᑦᔪᑎᒃᓴᖃᕈᓐᓃᕐᐳᑦ.

ᕉᒪᒥᐅᓄᑦ 1:22

ᓯᓚᑐᓇᓱᒋᒐᒥᒃ, ᓯᓔᑦᑑᓕᕐᐳᑦ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:19

ᐊᒡᓚᖕᓂ ᑎᑎᕋᕐᓯᒪᖕᒪᑦ, “ᓯᓚᑐᔪᑦ ᓯᓚᑐᓂᖓᑦ ᐊᓯᕈᕐᓂᐊᕐᐸᕋ, ᐃᓕᓯᒪᔪᓪᓗ ᑐᑭᓯᓯᒪᓂᖓᑦ ᐊᑐᕈᓐᓃᕐᑎᓐᓂᐊᕐᐸᕋ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:26

ᐃᓅᖃᑎᒃᑲ, ᐃᖅᑲᐅᒪᓕᕆᑦᓯ ᖃᓄᐃᑦᑐᓚᐅᕐᒪᖔᑦᓯ ᒎᑎᒧᑦ ᕾᖁᔭᐅᑎᓪᓗᓯ. ᐃᓚᖏᑦ ᐃᓄᐃᑦ ᐃᓕᖅᑯᓯᖓ ᒪᓕᒡᓗᒍ ᓯᓚᑐᔫᓚᐅᕐᐳᑉ, ᐃᓛᖏᓪᓗ ᐱᓪᓚᕆᐅᓚᐅᕐᐳᑦ, ᐃᓛᓯᒍᓪᓗ ᐃᕐᓂᐊᖑᓯᒪᓚᐅᕐᐳᑦ ᐊᖓᔪᖅᑳᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:27

ᒎᑎᓕ ᓂᕈᐊᓚᐅᕐᐳᖅ ᓯᓚᕐᔪᐊᕐᒥᐅᓄᑦ ᓯᓔᓐᓇᓱᒋᔭᐅᔪᑦ ᐊᑐᕐᓗᒋᑦ ᓯᓚᑐᔪᑦ ᑲᓐᖑᓱᒃᑎᑦᓱᒪᓪᓗᒋᑦ, ᓯᓚᕐᔪᐊᕐᒥᐅᓂᓪᓗ ᓴᓐᖐᓐᓇᓱᒋᔭᐅᔪᓂᒃ ᒎᑎ ᓂᕈᐊᓚᐅᕐᐳᖅ ᓯᓚᕐᔪᐊᕐᒥ ᓴᓐᖏᔪᑦ ᑲᓐᖑᓱᒃᑎᑦᓱᒪᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:28

ᓯᓚᕐᔪᐊᕐᒥᐅᓄᑦ ᒥᑭᓐᓂᕐᐸᐅᓇᓱᒋᔭᐅᔪᑦ ᓱᓇᑐᐃᓐᓁᑦ ᓇᕐᕈᓇᕐᑐᓪᓗ ᓱᓇᐅᖏᑦᑐᓪᓗ ᓂᕈᐊᕆᓚᐅᕐᐰᑦ, ᓯᓚᕐᔪᐊᕐᒥᐅᓄᑦ ᐊᑐᕐᓇᕐᑑᓇᓱᒋᔭᐅᔪᑦ ᓱᓇᐅᔪᓐᓃᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:32

ᐊᑕᓂᐅᓪᓕ ᐃᖅᑲᕐᑐᕐᐸᒃᐹᑎᒍᑦ ᓱᒋᐊᕐᐸᒡᓗᓂᑎᒍᓪᓗ, ᑍᒤᓕᐅᕐᐸᒃᐹᑎᒍᑦ ᐃᒋᑕᒃᓴᐅᖃᑕᐅᖁᓇᑕ ᓯᓚᕐᔪᐊᕐᒥᐅᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:6

ᓯᓚᑐᔪᓂᒡᓕᑦᑕᐅᖅ ᐅᖃᐅᓯᖃᕋᓗᐊᕆᕗᖓ ᐅᒃᐱᕐᓂᕐᒥ ᐱᕈᕇᕐᓯᒪᔪᓄᑦ, ᓯᓚᑐᓂᖅ ᓯᓚᕐᔪᐊᕐᒥᑦ ᐱᔪᖅ ᐊᑐᕐᓇᒍ ᓯᓚᕐᔪᐊᕐᒥᐅᓪᓗ ᐊᐅᓚᑦᓯᔨᖏᓐᓂᑦ ᐱᔪᖅ ᐊᑐᕐᒥᓇᒍ, ᑕᒪᒃᑯᐊ ᓱᓇᐅᔪᓐᓃᕐᓂᐊᕐᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:8

ᓇᓪᓕᐊᓪᓘᓐᓃᑦ ᐊᐅᓚᑦᓯᔩᑦ ᓯᓚᕐᔪᐊᕐᒥ ᑕᒪᑐᒥᖓ ᑐᑭᓯᓯᒪᓐᖏᓚᑦ; ᑐᑭᓯᓚᐅᕈᓂᑦᔪᒃ, ᐊᑕᓂᖅ ᓂᕐᑐᕐᓇᕐᑐᕐᔪᐊᖅ ᑭᑭᐊᒃᑐᕋᔭᓚᐅᓐᖏᓛᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:18

ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:19

ᓯᓚᕐᔪᐊᕐᒥᐅᑦ ᓯᓚᑐᓂᖓ ᒎᑎᒧᑦ ᓯᓔᓐᓂᐅᖕᒪᑦ. ᑎᑎᕋᕐᓯᒪᖕᒪᑦ, “ᒎᑎᐅᑉ ᓯᓚᑐᔪᑦ ᓂᒐᕐᑎᑉᐰᑦ ᓯᓚᑐᓵᕐᓂᖏᑎᒍᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:2

ᖃᐅᔨᒪᓐᖏᓚᓰ ᒎᑎᐅᑉ ᐃᓄᖁᑎᖏᑕ ᓯᓚᕐᔪᐊᕐᒥᐅᑦ ᐃᖅᑲᕐᑐᕈᒫᕐᒪᒋᑦ? ᓯᓚᕐᔪᐊᕐᒥᐅᓂᒡᓕ ᐃᖅᑲᕐᑐᐃᔪᒫᕈᑦᓯ, ᐱᔭᕆᐊᑭᓐᓂᕐᓴᓂᒃ ᐃᖅᑲᕐᑐᐃᔪᓐᓇᓐᖏᓚᓰ?

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?