ᑯᕉᓂᑲ ᓯᕗᓪᓖᑦ 9:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓴᕆᐊᓕᒥᐅᓕᒫᑦ ᑭᖑᕚᕇᒃᐸᓪᓕᐊᓂᖏᑎᒍᑦ ᑎᑎᕋᕐᑕᐅᓚᐅᕐᐳᑦ ᐱᒋᐊᕐᓂᖓᓂᑦ, ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖏᑕ ᑎᑎᖅᑲᖁᑎᖏᓐᓂ. ᔫᑕᒃᑯᓪᓕ ᐊᐅᓪᓚᕈᑦᔭᐅᓚᐅᕐᐳᑦ ᐹᐱᓘᓂᒧᑦ ᐱᐅᖏᑦᑐᓕᓯᒪᓂᖏᓐᓄᑦ.

ᑯᕉᓂᑲ ᓯᕗᓪᓖᑦ 9:1 Iomraidhean Croise

ᐊᑕᓃᑦ ᓯᕗᓪᓖᑦ 14:19

ᔨᕈᐳᐊᒻ ᐱᓂᐊᕐᓂᕆᓚᐅᕐᑕᖏᑕ ᐃᓚᖏᑦ, ᐅᓇᑕᕐᓂᖏᑦ ᐊᐅᓚᑦᓯᓂᖏᓪᓗ, ᑎᑎᕋᕐᓯᒪᕗᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑕ ᐅᓂᒃᑲᐅᓯᐅᓂᖏᓐᓂ.

ᐊᑕᓃᑦ ᐂᑉᐸᖏᑦ 24:14

ᓂᐱᑯᓁᓴᐅᑉ ᔨᕉᓴᓕᒥᐅᑦ ᐃᓄᓕᒫᖏᑦ ᑎᒍᓪᓗᒋᑦ ᐊᐅᓪᓚᕈᑎᕔᑦ, ᐊᖓᔪᖅᑳᕐᔪᐊᑉ ᕿᑐᕐᖓᓕᒫᖏᑦ, ᓯᕗᓕᕐᑎᖁᑎᖏᓪᓗ ᑲᑎᓪᓗᒋᑦ 10,000ᓚᐅᕐᐳᑦ ᑎᒍᔭᓕᒫᖏᑦ, ᓴᓇᔨᖁᑎᓕᒫᖏᓪᓗ ᓱᓇᑐᐃᓐᓇᕐᓂᒃ ᓴᕕᕋᔭᓕᕆᔩᓪᓗ ᐱᖃᑕᐅᑎᓪᓗᒋᑦ; ᑕᒪᒃᑯᐊ ᐊᔪᕐᓴᕐᑐᑦ ᑭᓯᐊᓂ ᐱᓐᖏᑕᑐᐊᕆᓪᓗᒋᑦ ᕿᒪᒃᑕᐅᑎᑉᐰᑦ.

ᐊᑕᓃᑦ ᐂᑉᐸᖏᑦ 24:15

ᓂᐱᑯᓁᓴᐅᑉ ᔨᕼᐅᐃᐊᑭᓐ ᑎᒍᓯᒪᓪᓗᒍ ᐊᐅᓪᓚᕈᑎᕚ ᐹᐱᓘᓂᒧᑦ; ᐊᓈᓇᖓᓗ, ᔨᕼᐅᐃᐊᑭᐅᓪᓗ ᓄᓕᐊᖏᑦ, ᐊᖓᔪᖅᑳᖁᑎᖏᓪᓗ, ᔫᑕᒥᓗ ᓯᕗᓕᕐᑎᓕᒫᑦ ᐱᖃᓯᐅᑎᓪᓗᒋᑦ, ᔨᕉᓴᓕᒥᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ.

ᐊᑕᓃᑦ ᐂᑉᐸᖏᑦ 24:16

ᓂᐱᑯᓁᓴᐅᑉ ᐊᖑᑎᓪᓚᕆᐅᔪᓕᒫᑦ ᐹᐱᓘᓂᒧᑦ ᐊᐅᓪᓚᕈᑎᓚᐅᕐᐰᑦ ᑲᑎᓪᓗᒋᑦ 7,000, ᓴᓇᔩᓪᓗᑦ ᐱᔪᓐᓇᑦᓯᐊᕐᑐᑦ, ᓴᕕᕋᔭᓕᕆᔩᓪᓗ ᐱᔪᓐᓇᑦᓯᐊᕐᑐᑦ 1000 ᓴᓐᖏᔪᑦ ᐅᓇᑕᕈᓐᓇᕐᑐᓕᒫᑦ ᐊᐅᓪᓚᕈᑎᓚᐅᕐᐰᑦ.

ᑯᕉᓂᑲ ᓯᕗᓪᓖᑦ 8:40

ᐆᓛᒻ ᐃᕐᓂᖏᑦ ᐊᔪᖏᑦᑐᕐᔪᐊᖑᓚᐅᕐᐳᑦ ᐅᓇᑕᕐᓂᕐᒥᒃ, ᐱᓯᒃᓯᓅᕐᓯᑎᐅᓪᓗᑎᒃ, ᐃᕐᓂᖃᓚᐅᕐᐳᑦ ᐅᓄᕐᑐᓂᒃ ᐃᕐᖑᑕᖃᕐᓗᑎᒡᓗ ᐅᓄᕐᑐᓂᒃ, ᑲᑎᓕᒫᕐᓗᒋᑦ 150ᐅᕗᑦ. ᑖᒃᑯᐊ ᐱᓐᔭᒥᓂᐅᑉ ᑭᖑᕚᖏᓐᓇᕆᕔᑦ.

ᑯᕉᓂᑲ ᐂᑉᐸᖏᑦ 33:11

ᑍᒤᒻᒪ ᐊᑕᓂᐅᑉ ᐱᔭᐅᑎᓚᐅᕐᐰᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑎᖏᓐᓄᑦ, ᑖᒃᑯᐊ ᒫᓇᓯᒥᒃ ᑎᒍᓯᕗᑦ ᓴᕕᕋᔭᖕᓄᓪᓗ ᓂᒃᓯᒃᓯᒪᓪᓗᒍ ᐊᕐᓵᕐᑑᔭᓄᑦ ᑲᓐᓄᔭᓄᑦ ᕿᓚᒃᓱᕐᐹᑦ ᐊᐅᓪᓚᐅᑎᓪᓗᒍᓗ ᐹᐱᓘᓂᒧᑦ.

ᐄᓱᕋᐅᑉ ᐊᒡᓚᖏᑦ 2:1

ᐅᓄᕐᑐᑦ ᐊᐅᓪᓚᕈᑦᔭᐅᓯᒪᔪᕕᓃᑦ ᕿᒤᓚᐅᕐᐳᑦ ᐹᐱᓘᓂᒥᒃ ᐅᑎᕐᓗᑎᒡᓗ ᔨᕉᓴᓕᒧᑦ ᔫᑕᒧᓪᓗ, ᐃᓘᓐᓇᑎᒃ ᓄᓇᒥᖕᓄᑦ. ᑖᒃᑯᐊ ᐃᓚᖏᑦ ᐊᐅᓪᓚᕈᑦᔭᐅᓯᒪᓚᐅᕐᒪᑕ ᐹᐱᓘᓂᒧᑦ ᑍᒪᓐᖓᒥᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᑎᒍᓚᐅᕐᓯᒪᖕᒪᒋᑦ.

ᐄᓱᕋᐅᑉ ᐊᒡᓚᖏᑦ 2:59

ᑖᒃᑯᐊ ᐅᑎᓚᐅᕐᑐᑦ ᐃᓚᒌᑦ ᓄᓇᓕᖕᓂᑦ ᐅᑯᓇᓐᖓᑦ ᑎᐅᓪ-ᒥᓚᒥᑦ, ᑎᐅᓪ-ᕼᐋᕐᓴᒥᑦ, ᓯᕉᑉᒥᑦ, ᐊᑕᓐᒥᑦ, ᐃᒥᕆᒥᑦ; ᑭᓯᐊᓂ ᓇᓗᓁᕐᓯᔪᓇᓚᐅᖏᑦᑐᑦ ᑭᖑᕚᕆᔭᐅᓂᕐᒥᓂ ᐃᓴᕆᐊᓕᒥᐅᓄᑦ ᓯᕗᓕᕕᓂᖏᑕᓗ ᐅᐃᒍᓕᕇᖕᓂᖏᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 11:1

ᐃᓄᐃᑦ ᐊᖓᔪᖅᑳᖏᑦ ᔨᕉᓴᓕᒥ ᓄᓇᖃᓚᐅᕐᐳᑦ; ᐃᓄᒐᓴᒡᔪᐊᓪᓕ ᑭᓯᐊᓂ ᓇᓚᐅᑦᑖᕈᑎᒃᑯᑦ ᓇᓚᐅᑕᐅᔪᑦ ᑕᓪᓕᒪᐅᔪᖏᑦ ᔨᕉᓴᓕᒥ ᓄᓇᖃᕐᑎᑕᐅᔪᓐᓇᓚᐅᕐᐳᑦ, ᑕᓪᓕᒪᐅᔪᖏᑕ ᐊᒥᐊᒃᑯᖏᑦ ᐊᓯᐊᓂ ᓄᓇᒦᖏᓐᓇᕐᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 7:5

ᑕᕝᕙ ᒎᑎᐅᑉ ᐃᒃᐱᒍᓱᒃᑎᓕᓚᐅᕐᐹᖓ ᐃᓄᖕᓂᒃ ᑲᑎᓯᖁᓪᓗᖓ ᓯᕗᓕᕐᑎᖏᓐᓂᒃ, ᐊᖓᔪᖅᑳᖏᓐᓂᒡᓗ, ᐃᓚᒌᑦ ᑎᑎᕋᕐᑕᐅᓯᒪᓂᖏᑦ ᖃᐅᔨᓴᕐᑕᐅᖁᓪᓗᒋᑦ. ᑎᑎᕋᕐᓯᒪᔪᖁᑎᖏᓪᓗ ᓇᓂᓚᐅᕐᐸᒃᑲ ᑍᒃᑯᐊ ᓯᕗᓪᓖᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐅᑎᕐᓂᕕᓂᖏᑕ ᐃᒤᓕᖓᓂᖏᓐᓂᒃ:

ᓂᕼᐃᒤᐊᐅᑉ ᐊᒡᓚᖏᑦ 7:64

ᓇᓗᓁᕐᓯᔪᓐᓇᖏᒻᒪᑕ ᓯᕗᓕᕕᓂᕐᒥᖕᓂᒃ, ᐃᓚᓕᐅᕐᑕᐅᓚᐅᓐᖏᓚᑦ ᑐᓂᕐᕈᓯᕐᑎᑦᓯᔨᐅᓂᖏᓐᓂᒃ ᓇᕐᕈᓇᕐᑑᓂᕋᕐᑕᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 3:2

ᐊᔪᖏᑦᑐᕐᔪᐊᖁᑎᒋᔭᐅᔪᓪᓗ ᐅᓇᑕᕐᑐᒃᓮᓪᓗ, ᐃᓱᐊᕐᓮᔩᓪᓗ, ᐱᔪᒫᕐᑐᓂᒡᓗ ᓇᓚᐅᑦᑍᓲᑦ, ᐊᖓᔪᖅᑳᓪᓗ,

ᔨᕆᒤᐊᐅᑉ ᐊᒡᓚᖏᑦ 13:19

ᐃᒡᓗᒐᓴᒡᔪᐊᑦ ᓂᒋᑉᒦᑦᑐᑦ ᓇᒧᓐᖓᕐᕕᒃᓴᖃᕈᓐᓃᕐᒪᑕ, ᒪᑐᐃᕐᑕᐅᔪᓐᓇᕈᓐᓃᕐᓗᑎᒡᓗ; ᔫᑕᒥᐅᓕᒫᑦ ᐊᐅᓪᓚᕈᑦᔭᐅᕗᑦ ᐅᖓᓯᒃᑐᒧᑦ ᓄᓇᒋᓐᖏᑕᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 39:9

ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᑦ ᑎᒍᓪᓗᓂᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ ᐃᓚᒋᓪᓗᒋᑦ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᑐᑦ ᑖᑦᓱᒧᖓ.

ᑖᓂᐊᓕᐅᑉ ᐊᒡᓚᖏᑦ 1:2

ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.