8 ᐊᕼᐃᑑᑉ ᐃᕐᓂᕐᑖᕐᐳᖅ ᔭᑑᒡᒥᒃ, ᔭᑑᒃ ᐃᕐᓂᕐᑖᕐᐳᖅ ᐊᕼᐂᒫᔅᒥᒃ;
ᐅᖃᕆᐊᒃᑲᓐᓂᕐᐳᖅ ᔭᑑᒃᒧᑦ, “ᑕᑯᒋᑦ, ᐃᕐᓃᑦ ᐊᕼᐂᒫᔅ ᔫᓇᑕᓂᓗ ᐊᐰᐊᑕᐅᑉ ᐃᕐᓂᖓ ᐃᓚᒋᓗᒋᒃ ᐅᑎᓕᕆᑦᓯ ᐃᒡᓗᒐᓴᖕᓄᑦ ᐃᓱᒫᓗᖏᑦᓯᐊᕐᓗᑎᑦ.
ᑭᖑᓂᐊᒍᑦ ᕼᐅᓮᑉ ᐅᖃᐅᑎᕚᒃ ᔭᑑᒃ ᐊᐰᐊᑕᓗ ᑐᓂᕐᕈᓯᕐᑎᑦᓯᔩᒃ ᖃᓄᖅ ᐃᓱᒻᒥᕐᑐᐃᒍᑎᖃᓚᐅᕐᓂᕐᒥᓂᒃ ᐋᑉᓴᓚᒻᒧᑦ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓄᑦ ᖃᓄᕐᓗ ᐊᕼᐃᑐᐱᐅᓪ ᐅᖃᓚᐅᕐᒪᖔᑦ.
ᐊᐱᐊᑕᐅᑉ ᐃᕐᓂᖓ ᔫᓇᑕᓂ ᔭᑑᑭᐅᓪᓗ ᐃᕐᓂᖓ ᐊᕼᐂᒫᔅ ᐅᑕᕿᓚᐅᕐᐴᒃ ᐃᓐ-ᕈᒋᓕᐅᑉ ᑰᖓᓂ, ᔨᕉᓴᓕᐅᑉ ᖃᓂᒋᔭᖓᓂ, ᑕᑯᔭᐅᔪᒪᖏᓐᓇᒥᒃ ᐃᑎᕐᑎᓪᓗᒋᒃ ᐃᒡᓗᒐᓴᖕᓄᑦ; ᐱᔨᒧᑦ ᐊᕐᓇᒧᑦ ᐅᐸᒃᑕᐅᖏᓐᓇᖃᑦᑕᓚᐅᕐᐴᒃ ᐅᖃᐅᑎᔭᐅᕙᒡᓗᑎᒡᓗ ᖃᓄᐃᑉᐸᓪᓕᐊᓕᕐᓂᖏᓐᓂᒃ, ᑖᒃᑯᐊᒃᑕᐅᖅ ᐅᖃᕆᐊᕐᑐᖃᑦᑕᓚᐅᕐᐴᒃ ᑍᕕᑎᒧᑦ.
ᐋᑉᓴᓚᐅᑉ ᐊᖓᔪᖅᑳᖁᑎᖏᑦ ᑎᑭᓐᓇᒥᒃ ᐃᒡᓗᒧᑦ ᐊᕐᓇᒧᑦ ᐊᐱᕆᕗᑦ, “ᓇᐅᒡᓕ ᐊᕼᐂᒫᔅᑯᒃ ᔫᓇᑕᓂᒃᑯᒃ?” ᐊᕐᓇᐅᑉ ᑭᐅᕔᑦ, “ᑰᖕᒥᒃ ᐃᑳᓚᐅᕐᐴᒃ.” ᐊᖑᑏᑦ ᕿᓂᓚᐅᕐᐳᑦ ᓇᓂᓯᓇᑎᒡᓗ, ᑕᕝᕙ ᐅᑎᓚᐅᕐᐳᑦ ᔨᕉᓴᓕᒧᑦ.
ᑕᕝᕙ ᐊᕼᐂᒫᔅ ᔭᑑᑭᐅᑉ ᐃᕐᓂᖓ ᐅᖃᕐᐳᖅ ᔪᐊᐱᒧᑦ, “ᐅᓪᓚᒡᓗᖓ ᐅᖃᕆᐊᕐᑐᓚᐅᕐᓚᖓ ᐊᖓᔪᖅᑳᕐᔪᐊᕐᒧᑦ ᑐᓴᕈᒥᓇᕐᑐᒥᒃ ᐊᑕᓂᐅᑉ ᐱᐅᓕᓚᐅᕐᒪᒍ ᐊᑭᕋᖏᓐᓂᑦ.”
ᐊᕼᐂᔅᓕ ᔭᑑᑭᐅᑉ ᐃᕐᓂᖓ ᐅᖃᕆᐊᓪᓚᓚᐅᕐᐳᖅ, “ᖃᓄᐃᓕᔭᐅᓂᐊᕋᓗᐊᕈᒪ ᐅᖃᕆᐊᕐᑐᕐᑎᓚᐅᓐᖓ ᐱᔨᖕᓄᑦ ᐱᖃᑕᐅᓗᖓ ᑯᔅᒥᐅᓂᒃ ᒪᓕᖃᑕᐅᓗᖓ.” ᔪᐊᐱᐅᑉ ᐊᐱᕆᕚ, “ᓱᖕᒪᑦ ᑍᒫᒃ ᐱᓂᐊᕈᒪᕕᑦ, ᐃᕐᓃᒃ? ᐊᑭᓕᕐᑕᐅᔮᓐᖏᑦᑐᑎᑦ ᑕᒪᑐᒧᖓ.”
ᓰᕙ ᐃᖅᑲᕐᑐᐃᔨᓄᑦ ᑎᑎᕋᕐᑎᐅᓚᐅᕐᐳᖅ; ᔭᑑᒃᓗ ᐊᐰᐊᑕᓗ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ,
ᔭᑑᒃ ᐊᕼᐃᑑᑉ ᐃᕐᓂᖓ ᐊᕼᐃᒥᓕᒡᓗ ᐊᐰᐊᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ; ᓯᕅᐊ ᑎᑎᕋᕐᑎᐅᑎᓪᓗᒍ;
ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᓗᒍ, ᐊᖓᔪᖅᑳᕐᔪᐊᓐᖑᕐᑎᑕᒃᓴᕆᕚᒃ ᐃᓴᕆᐊᓕᒥᐅᓄᑦ; ᑎᑦᑐᓚᐅᑎᓗ ᓂᓪᓕᕐᑎᑕᐅᓗᓂ, ᐅᖃᕐᓗᓯ, ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!’
ᑎᓕᓯᖕᒪᑦ ᔭᑑᒡᒥᒃ ᑐᓂᕐᕈᓯᕐᑎᑦᓯᔨᒥᒃ, ᓁᑕᓂᒥᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ, ᐱᓁᐊᒥᒡᓗ ᔨᕼᐅᐃᐊᑕᐅᑉ ᐃᕐᓂᖓᓂᒃ, ᓯᕆᐅᓪᓗ ᑭᖑᕚᖏᑦ ᐱᓕᐅᓪᓗ ᑭᖑᕚᖏᑦ ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᓐᓂᒃ ᓯᕆᑍᑎᓂᒃ ᐱᓕᑍᑎᓂᒡᓗ; ᐃᑭᒪᑎᑦᓱᒍᓗ ᐊᖓᔪᖅᑳᕐᔪᐊᑉ ᓯᐅᑎᖅᑯᕐᑐᔪᖁᑎᖓᓂ,
ᔭᑑᒃᓕ ᑐᓂᕐᕈᓯᕐᑎᑦᓯᔨ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ, ᓯᒥᐂᓗ, ᕆᐂᓗ, ᑍᕕᑎᐅᓪᓗ ᓴᐳᓐᓂᐊᕐᑎᖏᑦ ᐊᔪᖏᑦᑐᕐᔪᐊᑦ ᐊᑐᓁᔭᒥᒃ ᐃᑲᔪᕐᑐᓚᐅᓐᖏᓚᑦ.
ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.
ᔭᑑᒃ, ᐃᓅᓱᒃᑐᖅ ᓯᕘᕋᖏᑦᑐᖅ ᐅᓇᑕᕐᑎ, ᐊᑖᑕᖏᑕ ᐃᓚᖏᓐᓂᑦ ᐱᓯᒪᔪᓂᒃ ᐃᓚᖃᕐᓗᓂ 22ᓂᒃ ᐊᖓᔪᖅᑳᖑᔪᓂᒃ.
ᑍᕕᑎᓗ ᐃᑲᔪᕐᑕᐅᓪᓗᓂ ᔭᑑᒃᒧᑦ ᐃᓕᓯᕆᐅᑉ ᐃᕐᓂᖓᓄᑦ, ᐊᕼᐃᒥᓕᖕᒧᓪᓗ ᐃᑕᒫᕆᐅᑉ ᐃᕐᓂᖓᓄᑦ, ᐋᖅᑭᒃᓱᓚᐅᕐᐰᑦ ᐱᔨᑦᓯᕆᐊᖃᕐᓂᖏᑕ ᐱᕕᒃᓴᖏᑦ ᒪᓕᒐᓕᐅᕐᓗᒋᑦ.
ᒥᕅᐅᑎ ᐃᕐᓂᕐᑖᕐᐳᖅ ᐊᒪᕅᐊᒥᒃ, ᐊᒪᕅᐊ ᐃᕐᓂᕐᑖᕐᐳᖅ ᐊᕼᐃᑑᑉᒥᒃ;
ᐊᕼᐂᒫᔅ ᐃᕐᓂᕐᑖᕐᐳᖅ ᐊᔭᕅᐊᒥᒃ, ᐊᔭᕅᐊ ᐃᕐᓂᕐᑖᕐᐳᖅ ᔪᕼᐋᓇᓂᒥᒃ;
ᐊᔭᕅᐊ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ, ᔭᑑᒃᑯᑦ ᐃᓚᖏᓐᓂᑦ ᐱᓯᒪᔫᑉ ᑭᐅᕚ ᐅᖃᕐᓗᓂᓗ, “ᐃᓄᐃᑦ ᑐᓂᓯᖃᑦᑕᓕᕐᑎᓪᓗᒋᑦ ᑐᓂᕐᕈᑎᒃᓴᓂᒃ ᐊᑕᓂᐅᑉ ᐃᒡᓗᖓᓄᑦ ᓂᕆᖃᑦᑕᓕᓚᐅᕐᐳᒍᑦ ᐊᒥᐊᒃᑯᔪᐊᓘᓪᓗᑕᓗ; ᐊᑕᓂᐅᑉ ᐃᓄᖁᑎᓂ ᓮᒻᒪᕐᑎᓚᐅᕐᒪᒋᑦ, ᐊᒥᐊᒃᑯᖏᑦ ᑕᕝᕙ ᖃᓕᕇᒃᑐᑦ ᐅᓄᕐᑐᕐᔪᐊᖑᕗᑦ.”
