53 ᑖᑦᓱᒪ ᐃᕐᓂᖓ ᔭᑑᒃ, ᑖᑦᓱᒪ ᐃᕐᓂᖓ ᐊᕼᐂᒫᔅ.
ᓰᕙ ᐃᖅᑲᕐᑐᐃᔨᓄᑦ ᑎᑎᕋᕐᑎᐅᓚᐅᕐᐳᖅ; ᔭᑑᒃᓗ ᐊᐰᐊᑕᓗ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ,
ᔭᑑᒃ ᐊᕼᐃᑑᑉ ᐃᕐᓂᖓ ᐊᕼᐃᒥᓕᒡᓗ ᐊᐰᐊᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ; ᓯᕅᐊ ᑎᑎᕋᕐᑎᐅᑎᓪᓗᒍ;
ᐅᕙᖓᓕ ᐱᔩᑦ, ᔭᑑᒃᓗ ᑐᓂᕐᕈᓯᕐᑎᑦᓯᔨ, ᐱᓁᐊᓘᓐᓃᑦ ᔨᕼᐅᐃᐊᑕᐅᑉ ᐃᕐᓂᖓ, ᐱᔩᓪᓘᓐᓃᑦ ᓲᓗᒨᓂ ᕾᖁᔭᐅᓚᐅᓐᖏᓚᒍᑦ.
ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᓗᒍ, ᐊᖓᔪᖅᑳᕐᔪᐊᓐᖑᕐᑎᑕᒃᓴᕆᕚᒃ ᐃᓴᕆᐊᓕᒥᐅᓄᑦ; ᑎᑦᑐᓚᐅᑎᓗ ᓂᓪᓕᕐᑎᑕᐅᓗᓂ, ᐅᖃᕐᓗᓯ, ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!’
ᔭᑑᒃᓕ ᑐᓂᕐᕈᓯᕐᑎᑦᓯᔨ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ, ᓯᒥᐂᓗ, ᕆᐂᓗ, ᑍᕕᑎᐅᓪᓗ ᓴᐳᓐᓂᐊᕐᑎᖏᑦ ᐊᔪᖏᑦᑐᕐᔪᐊᑦ ᐊᑐᓁᔭᒥᒃ ᐃᑲᔪᕐᑐᓚᐅᓐᖏᓚᑦ.
ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.
ᐅᓇᑕᕐᑐᒃᓴᓄᑦ ᐊᖓᔪᖅᑳᖅ: ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔩᒃ: ᔭᑑᒃ ᐊᐰᐊᑕᓗ;
ᔭᑑᒃ, ᐃᓅᓱᒃᑐᖅ ᓯᕘᕋᖏᑦᑐᖅ ᐅᓇᑕᕐᑎ, ᐊᑖᑕᖏᑕ ᐃᓚᖏᓐᓂᑦ ᐱᓯᒪᔪᓂᒃ ᐃᓚᖃᕐᓗᓂ 22ᓂᒃ ᐊᖓᔪᖅᑳᖑᔪᓂᒃ.
ᒌᕐᓲᒻ ᐃᕐᓂᖏᑦ: ᓯᐳᐃᐅᓪ ᐊᖓᔪᖅᑳᖑᕗᖅ.
ᑍᕕᑎᓗ ᐃᑲᔪᕐᑕᐅᓪᓗᓂ ᔭᑑᒃᒧᑦ ᐃᓕᓯᕆᐅᑉ ᐃᕐᓂᖓᓄᑦ, ᐊᕼᐃᒥᓕᖕᒧᓪᓗ ᐃᑕᒫᕆᐅᑉ ᐃᕐᓂᖓᓄᑦ, ᐋᖅᑭᒃᓱᓚᐅᕐᐰᑦ ᐱᔨᑦᓯᕆᐊᖃᕐᓂᖏᑕ ᐱᕕᒃᓴᖏᑦ ᒪᓕᒐᓕᐅᕐᓗᒋᑦ.
ᑖᒃᑯᐊᓗ ᓇᓚᐅᑦᑖᕈᑎᒧᑦ ᐱᓇᓱᐊᕐᑕᐅᒋᕗᑦ ᐂᕉᓂᐅᑉ ᐃᕐᓂᖏᑎᑐᑦ, ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᔭᑑᒃᒧᑦ, ᐊᕼᐃᒥᓕᒃᒧᓪᓗ, ᐊᖓᔪᖅᑳᖑᓂᐊᕐᑐᑦ ᐊᑖᑕᖏᑕ ᐃᓚᖏᓐᓂ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ.
ᑖᑦᓱᒪ ᐃᕐᓂᖓ ᒥᕅᐅᑎ, ᑖᑦᓱᒪ ᐃᕐᓂᖓ ᐊᒪᕅᐊ, ᑖᑦᓱᒪ ᐃᕐᓂᖓ ᐊᕼᐃᑑᑉ,
ᐅᑯᐊ ᑕᕝᕙ ᓄᓇᒋᔭᖏᑦ ᐃᓚᒌᑦ ᓄᓇᖁᑎᖏᓐᓂ; ᓄᓇᑖᕐᑎᑕᐅᓯᒪᕗᑦ ᐂᕉᓂᐅᑉ ᐃᕐᓂᖏᑦ ᑯᕼᐋᑍᑏᑦ ᑭᖑᕚᖏᑎᒍᑦ ᓇᓚᐅᑦᑖᕈᑎᒃᑯᑦ.
ᐊᕼᐃᑑᑉ ᐃᕐᓂᕐᑖᕐᐳᖅ ᔭᑑᒡᒥᒃ, ᔭᑑᒃ ᐃᕐᓂᕐᑖᕐᐳᖅ ᐊᕼᐂᒫᔅᒥᒃ;
“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.
ᒪᑭᑎᑦᓯᔪᒫᕐᐳᖓ ᑐᓂᕐᕈᓯᕐᑎᑦᓯᔨᒥᒃ ᐅᒃᐱᕐᓇᑦᓯᐊᕐᑐᒥᒃ ᐆᒻᒪᑎᒪ ᐊᑐᖁᔭᖏᓐᓂᒃ ᐃᓱᒪᒋᔭᓐᓂᒡᓗ ᐊᑐᕈᓐᓇᑦᓯᐊᕐᑐᒥᒃ; ᑖᓐᓇᓗ ᑭᖑᕚᖃᕐᑎᑦᓱᒫᕐᐸᕋ ᐱᐅᔪᓂᒃ, ᐃᓅᔪᒫᕐᐳᕐᓗ ᐃᑎᖃᑦᑕᕐᓗᓂ ᐊᓂᖃᑦᑕᕐᓗᓂᓗ ᓂᕈᐊᕐᓯᒪᔭᒪ ᓵᖓᓂ ᐃᓱᖃᖏᑦᑐᒧᑦ.
