ᑯᕉᓂᑲ ᓯᕗᓪᓖᑦ 5:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐱᐅᖏᑦᑐᓕᓚᐅᕐᐳᓪᓕ ᓯᕗᓕᖏᑕ ᒎᑎᖓᓄᑦ, ᐊᓯᓐᓂᐊᓚᐅᕐᒪᑕ ᓄᓇᓖᑦ ᒎᑎᓐᖑᐊᖏᓐᓄᑦ, ᒎᑎᐅᑉ ᐊᓯᕈᓚᐅᕐᑕᖏᓐᓄᑦ ᓯᕗᓂᖓᓂ.

ᑯᕉᓂᑲ ᓯᕗᓪᓖᑦ 5:25 Iomraidhean Croise

ᐊᑕᓃᑦ ᐂᑉᐸᖏᑦ 15:19

ᐴᓪ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐃᓴᕆᐊᓕᒥᐅᑦ ᓄᓇᖁᑎᖓᓄᐊᓚᐅᕐᐳᖅ ᓵᓚᖃᕈᓐᓇᕐᓂᖓᓗ ᓯᕘᕋᒋᔭᐅᓚᐅᕐᐳᑦ; ᐊᖓᔪᖅᑳᕐᔪᐊᑉ ᒥᓇᕼᐃᒻ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐴᓪ 76,000ᐸᐅᓂᒃ ᓯᐅᓪᕕᕆᓂᒃ ᑐᓂᓯᕕᒋᕚ, ᐱᔪᓐᓇᕐᓂᖃᕐᑎᑕᐅᓂᕆᔭᓂ ᓄᓇᖁᑎᒥᓄᑦ ᐃᑲᔪᕐᑐᕐᑕᐅᖁᓪᓗᒍ.

ᑯᕉᓂᑲ ᓯᕗᓪᓖᑦ 5:24

ᐅᑯᐊ ᐊᖓᔪᖅᑳᕆᔭᐅᕗᑦ ᐊᑖᑕᖓᑕ ᐃᓚᖏᓐᓄᑦ: ᐃᐱᕆ, ᐃᓮ, ᐃᓔᐅᓪ, ᐊᔭᕆ-ᐃᐅᓪ, ᔨᕆᒤᐊ, ᕼᐅᑕᕕᐊ, ᔭᑎᐅᓗ, ᑖᒃᑯᐊ ᐊᔪᖏᑦᑐᕐᔪᐊᖑᓪᓗᑎᒃ ᐅᓇᑕᕈᓐᓇᑦᓯᐊᓚᐅᕐᐳᑦ, ᐊᔪᖏᑦᑐᖁᑎᒋᔭᐅᓪᓗᑎᒡᓗ, ᐊᖓᔪᖅᑳᕆᔭᐅᓪᓗᑎᒃ ᐊᑖᑕᖓᑕ ᐃᓚᖏᓐᓄᑦ.

ᑯᕉᓂᑲ ᓯᕗᓪᓖᑦ 9:1

ᐃᓴᕆᐊᓕᒥᐅᓕᒫᑦ ᑭᖑᕚᕇᒃᐸᓪᓕᐊᓂᖏᑎᒍᑦ ᑎᑎᕋᕐᑕᐅᓚᐅᕐᐳᑦ ᐱᒋᐊᕐᓂᖓᓂᑦ, ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖏᑕ ᑎᑎᖅᑲᖁᑎᖏᓐᓂ. ᔫᑕᒃᑯᓪᓕ ᐊᐅᓪᓚᕈᑦᔭᐅᓚᐅᕐᐳᑦ ᐹᐱᓘᓂᒧᑦ ᐱᐅᖏᑦᑐᓕᓯᒪᓂᖏᓐᓄᑦ.

ᒨᓯᓯ ᐂᑉᐸᖏᑦ 34:15

ᐃᓅᖃᑎᒌᓂᒃ ᑕᒫᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᒎᑎᓐᖑᐊᒥᖕᓄᑦ ᑐᒃᓯᐊᓕᕐᑎᓪᓗᒋᑦ ᑐᓂᕐᕈᓯᓕᕐᑎᓪᓗᒋᓪᓗ ᑖᒃᑯᓄᖓ, ᑖᒃᑯᓇᓐᖓᑦ ᐃᓇᑕᐅᓂᐊᕋᑦᓯ ᐱᖃᑕᐅᖁᔭᐅᓗᓯ, ᓂᕿᓂᒡᓗ ᑐᓂᕐᕈᑕᐅᓯᒪᔪᓂᒃ ᒎᑎᓐᖑᐊᒥᖕᓄᑦ ᐊᑐᐃᓐᓇᕈᐃᕕᐅᒍᑦᓯ ᐃᒃᓯᒍᓱᓕᑐᐃᓐᓇᕆᐊᖃᕋᑦᓯ.

ᕼᐆᓯᐊᑉ ᐊᒡᓚᖏᑦ 1:2

ᐊᑕᓂᖅ ᓯᕗᓪᓕᕐᐹᒥᒃ ᐅᖃᕐᑎᓪᓗᒍ ᕼᐆᓯᐊᒃᑯᑦ, ᐊᑕᓂᖅ ᐅᖃᕐᐳᖅ ᕼᐆᓯᐊᒧᑦ, “ᓄᓕᐊᓂᒋᐊᕐᑐᓕᕆᑦ ᐊᖑᓐᓂᐊᕐᑎᒥᒃ ᕿᑐᕐᖏᐅᕐᓗᑎᓪᓗ ᐊᖑᓐᓂᐊᕐᑎᒃᑯᑦ, ᓄᓇ ᑕᒪᓐᓇ ᐊᓯᓐᓂᐊᕐᓯᒪᔪᕐᔪᐊᖑᖕᒪᑦ ᐊᑕᓂᕐᒥᒃ ᕿᒤᓯᒪᓂᕐᒥᒍᑦ.”

ᕼᐆᓯᐊᑉ ᐊᒡᓚᖏᑦ 9:1

ᖁᕕᐊᓱᒃᑍᓕᒋᑦ, ᐆ ᐃᓴᕆᐊᓖ, ᐃᓅᖃᑎᑦᓯ ᓇᓪᓕᐅᓐᓂᕐᓯᐅᕐᓂᖏᑎᑐᑦ ᖁᕕᐊᓲᑎᖃᕐᓂᐊᕐᓇᒃ; ᐊᑐᒐᕐᓂᒃ ᐱᓇᓱᐊᖃᑦᑕᕋᑦᓯ, ᒎᑎᑦᓯᓐᓂᒃ ᕿᒤᓪᓗᓯ. ᐊᑐᒐᕐᓂᒃ ᐊᑭᓖᓪᓗᓯ ᐱᓇᓱᐊᕐᓯᒪᒐᑦᓯ ᐃᕖᔧᕖᑦ ᓇᑎᖏᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:5

ᖃᐅᖓᒍᓪᓗ ᑎᑎᕋᕐᓯᒪᔪᖃᕐᐳᖅ ᐊᑎᕐᒥᒃ ᓇᓗᓇᕐᑐᒥᒃ: “ᐹᐱᓘᓂ ᐊᔪᖏᑦᑐᕐᔪᐊᖅ, ᐊᖑᓐᓂᐊᕐᑏᑦ ᐊᓈᓇᖓᑦ ᓄᓇᕐᔪᐊᒥ ᓇᕐᕈᓇᕐᑐᓕᓃᑦ.”

ᐃᓗᐊᕐᓮᔩᑦ ᐊᒡᓚᖏᑦ 2:12

ᐊᑕᓂᖅ ᑲᒪᒋᔪᓐᓃᕐᐹᑦ, ᓯᕗᓕᖏᑦᑕ ᒎᑎᖓᑦ, ᐊᐅᓪᓚᕐᑎᑦᓯᓚᐅᕐᑐᖅ ᑖᒃᑯᓂᖓ ᐄᑦᔨᑉᑎᒥᑦ: ᑐᒃᓯᐊᖃᑦᑕᓕᓚᐅᕐᐳᓪᓗ ᒎᑎᐅᑉ ᐊᓯᖏᓐᓄᑦ, ᐃᓄᐃᑦ ᓄᓇᖅᑲᑎᒋᔭᒥ ᒎᑎᖏᓐᓄᑦ. ᐹᒻᒪᒃᑎᕐᕕᒋᓪᓗᒋᓪᓗ; ᐊᑕᓂᕐᒥᒡᓗ ᓂᓐᖓᒃᓮᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 2:17

ᓱᓕᓕ ᓈᓚᓚᐅᓐᖏᓚᑦ ᐃᓱᐊᕐᓮᔨᓂᒃ; ᐊᓯᓐᓂᐊᕐᑐᑎᑐᑦ ᒎᑎᐅᑉ ᐊᓯᖏᓐᓂᒃ ᒎᑎᖃᓕᓚᐅᕐᒪᑕ ᑐᒃᓯᐊᖃᑦᑕᓕᕐᓗᑎᒡᓗ ᑖᒃᑯᓄᖓ; ᑭᖑᓂᖓᒍᑦ ᓯᕗᓕᕕᓂᖏᑦᑕ ᐃᓕᖅᑯᓯᖏᓐᓂᒃ ᐱᐅᓯᖃᕈᓐᓃᓚᐅᕐᐳᑦ, ᐊᑕᓂᐅᑉ ᐱᖁᔭᖏᓐᓂᒃ ᓈᓚᑦᓯᐊᓚᐅᕐᑐᑎᑐᑦ, ᑖᒃᑯᐊᓕ ᑍᒤᑦᑐᓐᓃᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 8:33

ᒋᑎᐅᓂᐅᓪᓗ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᐅᑉ ᑭᖑᕚᖏᑦ ᐊᓯᓐᓂᐊᓕᕇᓚᐅᕆᕗᑦ ᒎᑎᒥᒃ, ᑐᒃᓯᐊᕐᐸᓕᕐᓗᑎᒃ ᐰᓕᒧᑦ, ᓴᓇᓚᐅᕐᐳᑦ ᐰᓕ-ᐱᕆᑎᒥᒃ ᒎᑎᑖᕆᓪᓗᒍᓗ.