ᑯᕉᓂᑲ ᓯᕗᓪᓖᑦ 5:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑖᒃᑯᐊᓕᒫᑦ ᐃᓚᒌᑦ ᑎᑎᕋᕐᑕᐅᓯᒪᕗᑦ ᔫᑕᒻ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᔨᕈᐳᐊᒻᓗ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᒥ.

ᑯᕉᓂᑲ ᓯᕗᓪᓖᑦ 5:17 Iomraidhean Croise

ᐊᑕᓃᑦ ᐂᑉᐸᖏᑦ 14:16

ᔨᕼᐅᐊᓯ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᓯᕗᓕᖏᑕ ᐊᖓᔪᖅᑳᕐᔪᐊᖑᔪᑦ ᐃᓗᕕᕐᑕᐅᓯᒪᕕᖏᓐᓂ ᓴᒥᐊᕆᐊᒦᑦᑐᓂ ᐃᕐᓂᖓᑕ ᔨᕈᐳᐊᒻ ᐊᖓᔪᖅᑳᕐᔪᐊᖑᓂᒐ ᐃᓇᖏᓕᓚᐅᕆᕚ.

ᐊᑕᓃᑦ ᐂᑉᐸᖏᑦ 14:23

ᐊᒪᔧᐊᐅᑉ ᔪᐊᓯᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᓐᖑᕐᓂᖓᑕ ᐊᕐᕌᒍᐃᑦ 15ᖓᓐᓂ ᔫᑕᒥ. ᔨᕈᐳᐊᒻ ᔨᕼᐅᐊᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓕᓚᐅᕆᕗᖅ ᐃᓴᕆᐊᓕᒥᐅᓄᑦ, ᐊᐅᓚᑦᓯᓪᓗᓂᓗ ᐊᕐᕌᒍᓂᒃ 41ᓂᒃ ᓴᒥᐊᕆᐊᒥ.

ᐊᑕᓃᑦ ᐂᑉᐸᖏᑦ 14:28

ᔨᕈᐳᐊᒻ ᐱᓂᐊᕐᓂᕆᔭᕕᓂᖏᑦ ᐊᑕᖏᕐᓗᒋᑦ, ᐅᓇᑕᖃᑦᑕᕐᓂᕕᓂᖏᓪᓗ ᑕᒫᓯᑰᓯᒥᓗ ᑎᒍᓯᒃᑲᓐᓂᕐᓂᕕᓂᖓ ᕼᐊᒫᑎᒥᒡᓗ ᔫᑕᐅᑉ ᓄᓇᖁᑎᒋᓚᐅᕐᑕᖏᓐᓂᒃ ᑎᑎᕋᕐᑕᐅᓯᒪᔪᐃᓐᓇᐅᕗᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕕᓂᖏᑕ ᐅᓂᒃᑳᕐᑕᐅᓯᒪᕕᖏᓐᓂ.

ᐊᑕᓃᑦ ᐂᑉᐸᖏᑦ 15:32

ᐊᖓᔪᖅᑳᕐᔪᐊᑉ ᐲᑲᐅᑉ ᕆᒪᓔᐊᐅᑉ ᐃᕐᓂᖓᑕ ᐊᐅᓚᑦᓯᓂᖏᑕ ᐊᕐᕌᒍᖓᑕ ᐂᑉᐸᖓᓂ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᖑᑎᓪᓗᒍ, ᔫᑕᒻ ᐅᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᔫᑕᒧᑦ.

ᐊᑕᓃᑦ ᐂᑉᐸᖏᑦ 15:5

ᐊᑕᓂᐅᑉ ᐊᒪᓮᔭ ᐅᕕᓂᕐᓗᖕᓇᕐᑐᒥᒃ ᐋᓐᓂᐊᕐᑖᕐᑎᓚᐅᕐᐹ ᐅᕕᓂᕐᓗᖕᓇᕐᑐᒥᒡᓗ ᐋᓐᓂᐊᕾᓐᓇᕐᓗᓂ ᑐᖁᑐᐃᓐᓇᓚᐅᕐᐳᖅ. ᑍᒤᑦᑑᓕᕐᓗᓂ ᐃᒡᓗᒥᓂ ᐃᓅᑐᓕᓚᐅᕐᐳᖅ. ᐱᔭᒃᓴᒥᓂᒃ ᐱᓇᓱᐊᕈᓐᓁᕐᓗᓂ, ᐃᕐᓂᖓ ᔫᑕᒻ ᐃᓄᖁᑎᖏᓐᓂᒃ ᐊᐅᓚᑦᓯᔪᑑᓕᓚᐅᕐᐳᖅ.

ᑯᕉᓂᑲ ᓯᕗᓪᓖᑦ 5:7

ᖃᑕᓐᖑᑎᖏᑦ ᐃᓚᒌᑎᒍᑦ ᑭᖑᕚᕇᒃᐸᓪᓕᐊᓂᖏᑦ ᑎᑎᕋᕐᑕᐅᓯᒪᔪᑦ ᓇᓗᓁᕐᑕᐅᓯᒪᕗᑦ: ᐊᖓᔪᖅᑳᖓᑦ ᔨ-ᐂᓕ, ᓴᑲᕅᐊᓗ.

ᑯᕉᓂᑲ ᐂᑉᐸᖏᑦ 27:1

ᔫᑕᒻ ᐊᕐᕌᒍᖃᓚᐅᕐᐳᖅ 25ᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 16ᓂᒃ ᔨᕉᓴᓕᒥ. ᐊᓈᓇᖓ ᐊᑎᖃᕐᐳᖅ ᔨᕉᓴᕼᐊᒥᒃ ᔭᑑᑭᐅᑉ ᐸᓂᖓ.