14 ᑖᑦᓱᒪ ᐃᕐᓂᖓ ᐋᒪᓐ, ᑖᑦᓱᒪ ᐃᕐᓂᖓ ᔫᓮᐊ.
ᒫᓇᓯ ᑐᖁᖕᒪᑦ ᐃᓗᕕᕐᑕᐅᕗᖅ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐱᕈᕐᓰᕕᖓᓂ ᑍᔭᐅᔪᒥ ᐆᔭᐅᑉ ᐱᕈᕐᓰᕕᖓᓂᒃ; ᐃᕐᓂᖓᑕ ᐋᒪᓐ ᑭᖑᕝᕕᕐᓗᓂᐅᒃ ᐊᖓᔪᖅᑳᕐᔪᐊᓐᖑᕆᕗᖅ ᑭᖑᓂᖓᓂ.
ᐋᒪᓐ 22ᓂᒃ ᐊᕐᕌᒍᖃᓚᐅᕐᐳᖅ ᔫᑕᒧᑦ ᐊᖓᔪᖅᑳᕐᔪᐊᓐᖑᕐᓗᓂ, ᐊᐅᓚᑦᓯᓚᐅᕐᐳᕐᓗ ᔨᕉᓴᓕᒥ ᐊᕐᕌᒍᖕᓂᒃ ᒪᕐᕉᖕᓂᒃ. ᐊᓈᓇᖃᓚᐅᕐᐳᖅ ᒥᓱᓕᒦᑎᒥᒃ ᐊᑎᖃᕐᑐᒥᒃ ᕼᐊᕉᓯᐅᑉ ᐸᓂᖓᓂᒃ, ᓄᓇᓕᖕᓂᑦ ᔮᑦᐸᒥᑦ ᐱᓯᒪᔪᖅ.
ᐋᒪᓐ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐃᓗᕕᒃᓴᓕᐊᕆᓯᒪᔪᒥ ᐆᔭᐅᑉ ᐱᕈᕐᓰᕕᖁᑎᖓᓃᑦᑐᒥ; ᐃᕐᓂᖓᓗ ᔫᓮᐊ ᑭᖑᕝᕕᐅᑎᓪᓗᓂ ᐊᖓᔪᖅᑳᕐᔪᐊᓐᖑᕐᑎᑕᐅᕗᖅ.
ᔫᓮᐊᐅᑉ ᑎᒥᖓ ᐱᔨᖏᓐᓄᑦ ᒥᒌᑐᒥᑦ ᐅᑎᕈᑎᕚᑦ ᔨᕉᓴᓕᒧᑦ ᕿᒧᒃᓯᐅᑎᑯᑦ ᐊᒃᓴᓗᐊᓕᒃᑯᑦ ᐅᓯᔭᐅᑎᓪᓗᒍ, ᐃᓗᕕᕐᑕᐅᕕᒃᓴᓕᐊᕆᓯᒪᔭᖓᓄᓪᓗ ᐃᓗᕕᕐᓗᒍ. ᔫᑕᐅᓪᓕ ᐃᓄᖏᑕ ᔨᕼᐅᐊᕼᐊᔨ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᑎᑉᐹᑦ; ᐅᕐᓱᒧᓪᓗ ᒥᐊᖑᐊᕐᓗᒍ, ᐊᑖᑕᖓᑕ ᐃᓂᖓᓄᑦ ᐊᖓᔪᖅᑳᕐᔪᐊᓐᖑᕐᑎᑉᐹᑦ.
ᐰᕉᑉ ᓂᑰᑉ ᐃᓔᐊᑭᒻ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᑎᑉᐹ, ᐊᑕᑕᖓᑕ ᐃᓂᖓᓄᑦ ᑭᖑᕝᕕᐅᑎᑎᓪᓗᒍ. ᐊᑎᕐᑖᕐᑎᓪᓗᓂᐅᒡᓗ ᐊᑎᑐᖃᖓᑕ ᐊᓯᐊᓂᒃ ᔨᕼᐅᐃᐊᑭᒻᒥᒃ ᑍᓕᕐᓗᓂᐅᒃ. ᔨᕼᐅᐊᕼᐊᔨᓕ ᐊᐅᓪᓚᕈᑎᕚ ᐄᑦᔨᑉᑎᒧᑦ ᑍᑲᓂᓗ ᐃᓅᔪᓐᓃᕐᓗᓂ.
ᑖᑦᓱᒪ ᐃᕐᓂᖓ ᐂᕼᐊᔅ, ᑖᑦᓱᒪ ᐃᕐᓂᖓ ᕼᐃᓯᑬᐊ, ᑖᑦᓱᒪ ᐃᕐᓂᖓ ᒫᓇᓯ,
ᔫᓮᐊᐅᑉ ᐃᕐᓂᖏᑦ ᐅᑯᐊᖑᕗᑦ ᔪᕼᐋᓇᓐ ᐊᖓᔪᒃᓯᕐᐹᖅ, ᑐᖓᓕᖓ ᔨᕼᐅᐃᐊᑭᒻ, ᐱᖓᔪᐊᑦ ᔨᑎᑬᐊ, ᓯᑕᒪᖓᑦ ᓴᓗᒻ.
ᔫᓮᐊ ᐊᕐᕌᒍᖃᓚᐅᕐᐳᖅ ᓯᑕᒪᐅᔪᕐᑐᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 31ᓂᒃ ᔨᕉᓴᓕᒥ.
ᐃᓄᐃᑦ ᓄᓇᓖᑦ ᔨᕼᐅᐊᕼᐊᔨ ᓂᕈᐊᕐᐹᑦ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᑎᓪᓗᒍᓗ ᐊᑖᑕᖓᑕ ᐃᓂᖓᓄᑦ ᔨᕉᓴᓕᒥ.
ᔨᑎᑬᐊ ᐊᕐᕌᒍᖃᓚᐅᕐᐳᖅ 21ᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 11ᓂᒃ ᔨᕉᓴᓕᒥ.
ᔨᕼᐅᐃᐊᑭᒻ ᐊᕐᕌᒍᖃᓚᐅᕐᐳᖅ 25ᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 11ᓂᒃ ᔨᕉᓴᓕᒥ. ᐱᓂᐊᕐᓂᖃᓚᐅᕐᐳᕐᓗ ᐱᐅᖏᑦᑐᓂᒃ ᐊᑕᓂᐅᑉ ᒎᑎᖓᑕ ᑕᑯᓐᓇᕐᑕᖓᒍᑦ.
ᐊᑕᓂᖅ ᐃᒫᒃ ᐅᖃᕐᐳᖅ ᓴᓗᒻᒧᑦ ᔫᓮᐊᐅᑉ ᐃᕐᓂᖓᓄᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, “ᑖᓐᓇ ᐊᖓᔪᖅᑳᕐᔪᐊᓐᖑᕈᒫᕐᒪᑦ ᐊᑖᑕᖓᑕ ᐃᓂᖓᓂ, ᐃᓂᒃᓴᒥᓃᑦᓱᒫᓐᖏᓚᕐᓕ ᐊᐅᓪᕈᑦᔭᐅᔪᒫᕐᒪᑦ ᐅᑎᕈᒫᕋᓂᓗ.
ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᔨᕼᐅᐃᐊᑭᒻ ᐱᑦᔪᑎᒋᓪᓗᒍ ᔫᑕᒧᑦ ᐊᖓᔪᖅᑳᕐᔪᐊᖑᔪᖅ ᔫᓮᐊᐅᑉ ᐃᕐᓂᖓ, “ᑐᖁᒃᐸᑦ ᕿᒃᓵᒍᑕᐅᔪᒫᓐᖏᓚᖅ ᖃᑕᓐᖑᑎᖏᓐᓄᑦ ᓇᔭᖏᓐᓄᓪᓗ ᐅᒡᒍᐊᕐᓇᕋᔭᕋᓗᐊᕐᐳᖅ, ᕿᐊᑦᔪᑕᐅᓐᖏᓚᕐᓕ, ᐊᖓᔪᖅᑳᕐᔪᐊᖃᕐᑐᓄᑦ ᐅᒡᒍᐊᕐᓇᕋᓗᐊᕐᐳᖅ, ᐊᖓᔪᖅᑳᕐᔪᐊᖑᓂᖓ ᐱᑦᔪᑎᒋᓪᓗᒍ.
