ᑯᕉᓂᑲ ᓯᕗᓪᓖᑦ 28:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᕐᓂᓕᒫᓐᓂᓪᓗ (ᐊᑕᓂᐅᑉ ᐃᕐᓂᕐᑖᕐᑎᓚᐅᕐᒪᖓ ᐅᓄᕐᑐᓂᒃ) ᓂᕈᐊᓚᐅᕐᐹ ᐃᕐᓂᕋ ᓲᓗᒨᓂ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᖁᓪᓗᒍ ᐊᑕᓂᐅᑉ ᐊᖓᔪᖅᑲᐅᕕᖓᓂ ᐃᓴᕆᐊᓕᒥᐅᓂ.

ᑯᕉᓂᑲ ᓯᕗᓪᓖᑦ 28:5 Iomraidhean Croise

ᐊᑕᓃᑦ ᓯᕗᓪᓖᑦ 1:13

ᒫᓐᓇᑲᐅᑎᒋ ᐂᓕᕆᑦ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᐅᖃᐅᑎᓗᒍ, ‘ᐅᖃᓚᐅᕐᓯᒪᓐᖏᓚᑏᑦ, ᐊᖓᔪᖅᑳᕐᔪᐊᕋ, ᐅᕙᓐᓄᑦ ᐅᖃᕕᒡᓗᑎᑦ ᐊᖏᓚᐅᕐᓯᒪᖓᕕᑦ ᐱᔨᖕᓄᑦ, ᐅᖃᕐᓗᑎᑦ “ᐃᕐᓃᑦ ᓲᓗᒨᓂ ᐅᕙᓐᓂᒃ ᑭᖑᕝᕕᐅᑎᓛᕐᑐᖅ ᐃᓇᖐᕐᓗᖓ? ᐃᒃᓯᕙᐅᑕᕐᔪᐊᓐᓂᓗ ᐃᒃᓯᕙᓕᕐᓗᓂ”? ᓱᖕᒪᓪᓕ ᐊᑐᓁᔭ ᐊᖓᔪᖅᑳᕐᔪᐊᓐᖑᓕᕐᐸ?’

ᐊᑕᓃᑦ ᓯᕗᓪᓖᑦ 1:20

ᒫᓐᓇᓕ, ᐊᑕᓂᕋ ᐊᖓᔪᖅᑳᕐᔪᐊᖅ, ᐃᓴᕆᐊᓕᒥᐅᑦ ᐃᓄᓕᒫᖏᑦ ᐅᑕᖅᑭᕗᑦ ᐃᓕᖕᓂᑦ, ᐅᖃᐅᑎᔭᐅᔪᒪᓪᓗᑎᑦ ᑭᓇ ᐃᒃᓯᕚᕐᓂᐊᓕᕐᒪᖔᑦ ᐊᖓᔪᖅᑳᕐᔪᐊᒪ ᐃᒃᓯᕙᐅᑕᕐᔪᐊᖓᓂ ᑭᖑᕝᕕᕐᑕᐅᓗᓂ.

ᐊᑕᓃᑦ ᓯᕗᓪᓖᑦ 1:30

ᐃᓕᖕᓄᑦ ᐅᖃᕕᓚᐅᕋᒪ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᒍᑦ, ᐅᖃᕐᓗᖓ, ‘ᐃᓛᒃ ᓲᓗᒨᓂ ᐃᕐᓃᑦ ᐊᖓᔪᖅᑳᕐᔪᐊᓐᖑᕐᑐᒃᓴᐅᕗᖅ ᑭᖑᕝᕕᕐᓗᖓ, ᑖᓐᓇᓗ ᐃᒃᓯᕙᔪᒃᓴᐅᕗᖅ ᐃᒃᓯᕙᐅᑕᕐᔪᐊᓐᓂ ᐃᓇᖏᕐᓗᖓ,’ ᐃᓛᒃ ᑍᒫᒡᓗ ᐱᓂᐊᕐᑐᒃᓴᐅᕗᖓ ᐅᓪᓗᒥ.”

ᐊᑕᓃᑦ ᓯᕗᓪᓖᑦ 1:35

ᐅᑎᓕᕈᑦᓯ ᒪᓕᒡᓗᓯᐅᒃ ᐃᒃᓯᕙᐅᑕᕐᔪᐊᓐᓄᑦ ᐃᖏᑎᑕᒃᓴᕆᕙᓯ; ᑖᓐᓇ ᐊᖓᔪᖅᑳᕐᔪᐊᓐᖑᕐᓂᐊᕐᒪᑦ ᐃᓇᖏᕐᓗᖓ; ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒧᑦ ᔫᑕᒧᓪᓗ.”

ᐊᑕᓃᑦ ᓯᕗᓪᓖᑦ 2:15

ᐊᑐᓁᐊ ᐅᖃᕐᐳᖅ, “ᖃᐅᔨᒪᔪᑎᑦ ᐊᖓᔪᖅᑳᕐᔪᐊᓐᖑᕐᑐᒃᓴᐅᓚᐅᕋᓗᐊᕋᒪ, ᐃᓴᕆᐊᓕᒥᐅᓕᒫᓪᓗ ᑕᒪᑐᒥᖓ ᓂᕆᐅᒋᔭᖃᓚᐅᕐᓱᑎᒃ, ᑕᒪᓐᓇ ᑭᓯᐊᓂ ᑍᒤᓯᒪᖏᒻᒪᑦ, ᓄᑲᕋ ᐊᖓᔪᖅᑳᕐᔪᐊᓐᖑᖔᕐᓯᒪᖕᒪᑦ ᐊᑕᓂᐅᑉ ᐱᔪᒪᔭᖓ ᒪᓕᒡᓗᒍ.

ᐊᑕᓃᑦ ᓯᕗᓪᓖᑦ 8:20

“ᒫᓐᓇ ᐊᑕᓂᐅᑉ ᐊᖏᕐᓂᕆᓯᒪᔭᒥᓂᒃ ᓇᓚᐅᑦᓯᑎᑦᓯᓂᖓ ᓇᓪᓕᐅᑎᕗᖅ; ᐊᑖᑕᒐ ᑍᕕᑎ ᐃᓇᖏᕐᓗᒍ, ᐃᒃᓯᕙᐅᑕᖃᕐᓗᖓᓗ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂᒃ, ᐊᑕᓂᐅᑉ ᐊᖏᕐᓯᒪᓂᖓᓄᑦ, ᐃᒡᓗᓕᐅᓚᐅᕐᐳᖓ ᐊᑕᓂᐅᑉ ᐊᑎᖓᓄᑦ, ᐃᓴᕆᐊᓕᑎᑦ ᒎᑎᖓᓐᓄᑦ.

ᑯᕉᓂᑲ ᓯᕗᓪᓖᑦ 17:14

ᐋᖅᑭᒃᓯᒪᑎᑦᓱᒫᕐᐸᕋ ᐃᒡᓗᓐᓂ ᐊᑕᓂᐅᕕᓐᓂᓗ ᐃᓱᖃᖏᑦᑐᒧᑦ ᐃᒃᓯᕙᐅᑕᕐᔪᐊᖓᓗ ᐋᖅᑭᒃᓯᒪᔪᒫᕐᐳᖅ ᐃᓱᖃᖏᑦᑐᒧᑦ.’”

ᑯᕉᓂᑲ ᓯᕗᓪᓖᑦ 23:1

ᑍᕕᑎ ᐃᓄᑐᖃᐅᓕᕋᒥ ᐅᓪᓗᖏᓪᓗ ᓈᖕᒪᑕ, ᐃᕐᓂᓂ ᓲᓗᒨᓂ ᐊᖓᔪᖅᑳᕐᔪᐊᕈᕐᑎᑉᐹ ᐃᓴᕆᐊᓕᒥᐅᓄᑦ.

ᑯᕉᓂᑲ ᓯᕗᓪᓖᑦ 29:1

ᑕᕝᕙ ᐊᖓᔪᖅᑳᕐᔪᐊᖅ ᑍᕕᑎ ᐅᖃᕐᐳᖅ ᑲᑎᒪᔪᓕᒫᓄᑦ: “ᐃᕐᓂᕋ ᓲᓗᒨᓂ, ᒎᑎᐅᑉ ᓇᖕᒥᓂᖅ ᓂᕈᐊᓚᐅᕐᒪᒍ, ᐃᓅᓱᒃᑑᖕᒪᑦ ᐱᓇᓱᐊᓚᐅᕐᓯᒪᓇᓂᓗ, ᑕᒪᓐᓇᓗ ᐱᓇᓱᐊᒐᒃᓴᖅ ᐊᖏᔪᐊᓘᖕᒪᑦ; ᐃᓄᖕᒧᓪᓗ ᐃᒡᓗᒃᓴᕆᔭᐅᑦᔮᓇᓂ ᐊᑕᓂᕐᒧᓪᓕ ᒎᑎᒧᑦ ᐃᒡᓗᕐᔪᐊᒃᓴᐅᓂᐊᕐᐳᖅ.

ᑯᕉᓂᑲ ᓯᕗᓪᓖᑦ 29:23

ᑕᕝᕙ ᓲᓗᒨᓂ ᐃᖏᑉᐳᖅ ᐊᑕᓂᐅᑉ ᐃᒃᓯᕙᐅᑕᕐᔪᐊᖓᓄᑦ ᐊᖓᔪᖅᑳᕐᔪᐊᓐᖑᕐᓗᓂ ᐊᑖᑕᓂ ᑍᕕᑎ ᐃᓇᖏᕐᓗᒍ; ᐱᔪᓐᓇᕐᓯᕙᓪᓕᐊᕗᕐᓗ, ᐃᓴᕆᐊᓕᒥᐅᓕᒫᓪᓗ ᓈᓚᒃᐹᑦ.

ᑯᕉᓂᑲ ᓯᕗᓪᓖᑦ 29:28

ᑕᕝᕙ ᑭᖑᓂᖓᒍᑦ ᑐᖁᕗᖅ ᐃᓄᑐᖃᐅᑦᓯᐊᓕᕐᓗᓂ, ᐅᓪᓗᖏᑦ ᓈᑦᓯᐊᕐᓗᒋᑦ, ᐊᒃᓗᐃᑦᑑᓚᐅᕐᐳᖅ ᐅᐱᒋᔭᐅᓪᓗᓂᓗ; ᓲᓗᒨᓂᓗ ᑍᕕᑎᐅᑉ ᐃᕐᓂᖓ ᐊᐅᓚᑦᓯᓕᓚᐅᕐᐳᖅ ᑖᑦᓱᒥᖓ ᐃᓇᖐᓪᓗᓂ.

ᑯᕉᓂᑲ ᐂᑉᐸᖏᑦ 9:8

ᓂᕐᑐᕐᑕᐅᓕ ᐊᑕᓂᖅ ᒎᑏᑦ, ᐃᓕᖕᓂᒃ ᖁᕕᐊᒋᔭᓕᒃ ᐊᖓᔪᖅᑳᕐᔪᐊᕈᕐᑎᑦᓯᔪᕐᓗ ᐃᒃᓯᕙᐅᑕᕐᔪᐊᕐᒥ ᐊᑕᓂᕐᒧᑦ ᒎᑎᒋᔭᕐᓄᑦ! ᒎᑎᕕᑦ ᐃᓴᕆᐊᓕᒥᐅᑦ ᓇᒡᓕᒋᖕᒪᒋᑦ ᐃᓱᖃᖏᑦᑐᒧᓪᓗ ᐃᓂᖃᖁᓪᓗᓂᒋᑦ, ᑖᒃᑯᓄᖓ ᐊᖓᔪᖅᑳᕐᔪᐊᕈᕐᑎᓚᐅᕐᐹᑎᑦ, ᓈᒻᒪᓈᕐᑐᒥᒃ ᐃᓱᐊᕐᑐᒥᒡᓗ ᐱᓇᓱᐊᖁᓪᓗᑎᑦ ᑖᒃᑯᓄᖓ.”

ᒨᓯᓯ ᑕᓪᓕᒪᖏᑦ 17:15

ᑕᕝᕙ ᐊᖓᔪᖅᑳᕐᔪᐊᕐᑖᕈᓐᓇᑦᓯᐊᕐᐳᓯ ᐃᓕᑦᓯᓐᓄᑦ ᐊᖓᔪᖅᑲᐅᔪᒥᒃ ᐊᑕᓂᕐᒧᑦ ᒎᑎᑦᓯᓐᓄᑦ ᓂᕈᐊᕐᑕᐅᔪᒥᒃ. ᐃᓅᖃᑎᓪᓚᕆᑦᓯᓐᓂᑦ ᐱᔪᒥᒃ ᐊᖓᔪᖅᑳᕐᔪᐊᓕᐅᕐᑐᒃᓴᐅᕗᓯ ᐃᓕᑦᓯᓐᓄᑦ; ᐃᓅᖃᑎᒃᓴᔭᕆᓐᖏᑕᑦᓯᓐᓂᒃ ᐊᖓᔪᖅᑳᕐᔪᐊᕐᑖᕐᑐᒃᓴᐅᓐᖏᓚᓯ,