ᑯᕉᓂᑲ ᓯᕗᓪᓖᑦ 27:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᓴᕆᐊᓕᒃᑯᑦ ᐃᓄᖏᑕ ᐅᓄᕐᓂᖏᑦ ᒪᓕᒡᓗᒋᑦ ᑎᑎᕋᕐᑕᐅᓯᒪᕗᑦ, ᐊᖓᔪᖅᑳᑦ ᐊᑖᑕᖏᑕ ᐃᓚᖏᓐᓄᑦ, ᐊᖓᔪᖅᑳᑦ ᑕᐅᓴᓐᑎᓄᑦ 100ᓄᓪᓗ ᐊᖓᔪᖅᑳᖁᑎᖏᓪᓗ, ᐱᔨᑦᓯᕐᑎᐅᔪᑦ ᐊᖓᔪᖅᑳᕐᔪᐊᕐᒧᑦ ᓱᓇᓕᒫᓂᒃ ᐅᓇᑕᕐᑐᒃᓮᑦ ᐊᒡᒍᕐᑕᐅᓯᒪᓂᖏᓐᓄᑦ, ᑖᒃᑯᐊ ᐊᕕᒃᑐᕐᑕᐅᓯᒪᓂᖏᑦ ᑎᑭᑉᐸᓪᓕᐊᔪᑦ ᐊᐅᓪᓚᕐᐸᓪᓕᐊᔪᓪᓗ, ᑕᖅᑭᑕᒫᑦ ᐊᕐᕌᒎᑉ ᐃᓗᐊᓂ, ᐊᕕᒃᑐᕐᑕᐅᓯᒪᔪᑦ ᐅᓄᕐᓂᖃᕐᐳᑦ 24,000ᓂᒃ.

ᑯᕉᓂᑲ ᓯᕗᓪᓖᑦ 27:1 Iomraidhean Croise

ᓴᒧᐃᓕ ᐂᑉᐸᖏᑦ 23:8

ᐅᑯᐊ ᑕᕝᕙ ᑍᕕᑎᐅᑉ ᐅᓇᑕᕐᑐᒃᓴᖁᑎᖏᑦ ᐊᔪᖏᑦᑐᕐᔪᐊᖑᓚᐅᕐᑐᑦ; ᓯᕗᓪᓕᕐᐹᖅ ᔫᓯᑉ-ᐹᔅᓰᐸᔅ ᑖᓐᓇ ᑕ-ᑭᒧᓁᑎᒥᐅᑕᖅ; ᐊᖓᔪᖅᑳᖑᓚᐅᕐᑐᖅ ᐱᖓᓱᓄᑦ; ᐅᓈᕐᒥᓄᑦ ᐅᓇᑕᓚᐅᕐᑐᖅ 800ᓂᒃ ᐊᖑᑎᓂᒃ, ᑐᖁᓪᓗᒋᓪᓗ ᐅᓇᑕᕐᓂᕐᒥ ᐊᑕᐅᓯᕐᒥ.

ᐊᑕᓃᑦ ᓯᕗᓪᓖᑦ 4:27

ᑖᒃᑯᐊ ᐊᖓᔪᖅᑳᖁᑎᖏᑦ ᑕᕝᕗᖓ ᑐᓂᓯᕙᒃᓗᑎᒃ ᑕᖅᑭᓂᒃ ᑐᓂᔭᕆᐊᖃᕐᑕᒥᖕᓂᒃ, ᓂᕿᓂᒃ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓂᕿᒃᓴᖏᓐᓂᒃ, ᐊᖓᔪᖅᑳᕐᔪᐊᖑᕕᖓᓂ ᐊᔪᕐᓴᕐᑎᑕᐅᓚᐅᓐᖏᓚᖅ ᓱᓇᓕᒫᓂᒃ.

ᐊᑕᓃᑦ ᓯᕗᓪᓖᑦ 4:7

ᓲᓗᒨᓂ ᐊᖓᔪᖅᑳᖁᑎᖃᓚᐅᕐᐳᖅ 12ᓂᒃ ᓄᓇᐅᑉ ᐊᕕᒃᑐᕐᓯᒪᓂᖓᓄᑦ ᐃᓴᕆᐊᓕᓕᒫᒥ, ᑖᒃᑯᐊ ᓂᕿᒃᓴᑖᕐᑎᑦᓯᖃᑦᑕᖁᓪᓗᒋᑦ ᐊᖓᔪᖅᑳᕐᔪᐊᕐᒥᒃ ᐃᒡᓗᒥᐅᑕᖏᓐᓂᒡᓗ, ᐊᑐᓂᑦ ᑐᓂᓯᔭᕆᐊᖃᕐᓗᑎᒃ ᑕᖅᑭᖓ ᓇᓪᓕᐅᑎᔭᕌᖓᑦ ᐊᕐᕌᒍᒥ ᐊᑕᐅᓯᐊᕐᓗᑎᒃ ᓂᕿᒃᓴᓂᒃ ᑲᑎᓯᒪᔭᒥᖕᓂᒃ.

ᐊᑕᓃᑦ ᓯᕗᓪᓖᑦ 5:14

ᑖᒃᑯᐊᓗ ᑎᓕᕔᑦ ᓕᐸᓇᓂᒧᑦ, 10,000ᐃᑦ ᑕᖅᑭᒥᒃ ᐊᑕᐅᓯᕐᒥᒃ ᓕᐸᓇᓂᒦᑉᐸᒃᓗᑎᒃ ᑕᖅᑮᖕᓂᒡᓗ ᒪᕐᕉᖕᓂᒃ ᐊᖏᕐᕋᕐᓯᒪᕙᒃᓗᑎᒃ ᑭᖑᕝᕕᕐᑕᕐᑎᒌᒃᓗᑎᒃ; ᐊᑐᓁᕌᒻ ᐊᖓᔪᖅᑳᕆᔭᐅᓪᓗᓂ ᑖᒃᑯᓄᖓ.

ᑯᕉᓂᑲ ᓯᕗᓪᓖᑦ 11:10

ᐅᑯᐊ ᑕᕝᕙ ᑍᕕᑎᐅᑉ ᐅᓇᑕᕐᑐᒃᓴᖁᑎᖏᑦ ᐊᖓᔪᖅᑳᑦ ᐊᔪᖏᑦᑐᕐᔪᐊᖑᓚᐅᕐᑐᑦ, ᐱᔪᓐᓇᕐᓯᑎᑦᓯᓚᐅᕐᑐᑦ ᑖᑦᓱᒪ ᐊᖓᔪᖅᑲᐅᕕᖓᓂᒃ, ᐊᑕᐅᑦᓯᒃᑯᑦ ᐃᓴᕆᐊᓕᒥᐅᓕᒫᑦ ᑲᑐᑦᔨᓪᓗᑎᒃ, ᐊᖓᔪᖅᑳᕐᔪᐊᓐᖑᕐᑎᑦᓯᓚᐅᕐᑐᑦ, ᐊᑕᓂᐅᑉ ᐅᖃᐅᓯᖏᑦ ᐃᓴᕆᐊᓕᓄᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 13:1

ᑕᕝᕙ ᑍᕕᑎ ᐅᖃᖃᑎᖃᓚᐅᕐᐳᖅ ᐊᖓᔪᖅᑲᐅᔪᓄᑦ ᑕᐅᓴᓐᑎᓄᑦ 100ᓄᓪᓗ, ᓯᕗᓕᕐᑎᓕᒫᓄᓪᓗ.

ᑯᕉᓂᑲ ᓯᕗᓪᓖᑦ 26:32

ᖃᑕᓐᖑᑎᖏᓪᓗ 2,700ᐅᕗᑦ ᐊᖑᑏᑦ ᐊᔪᖏᑦᓯᐊᕐᑐᑦ, ᐊᖓᔪᖅᑳᑦ ᐊᑖᑕᖏᑕ ᐃᓚᖏᓐᓂ, ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᖓᔪᖅᑳᓐᖑᕐᑎᓚᐅᕐᐰᑦ ᕉᐱᓂᒥᐅᓄᑦ, ᒑᑎᒥᐅᓄᑦ, ᒫᓇᓯᐅᓪᓗ ᑭᖑᕚᖏᑕ ᕿᑎᖅᑲᖏᓐᓄᑦ ᓱᓇᓕᒫᑦ ᒎᑎᒧᐊᖓᔪᓄᑦ ᐊᖓᔪᖅᑳᕐᔪᐊᒧᐊᖓᔪᓄᓪᓗ.

ᑯᕉᓂᑲ ᓯᕗᓪᓖᑦ 27:2

ᐊᕕᒃᑐᕐᑕᐅᓯᒪᔪᓄᑦ ᓯᕗᓪᓕᕐᐹᓄᑦ ᑕᖅᑭᒥ ᓯᕗᓪᓕᕐᐹᒥ ᔭᓱᐱ-ᐊᒻ ᔭᑉᑍᓕᐅᑉ ᐃᕐᓂᖓ, 24,000ᓄᑦ ᐊᖓᔪᖅᑳᖑᓚᐅᕐᐳᖅ.

ᑯᕉᓂᑲ ᓯᕗᓪᓖᑦ 28:1

ᑍᕕᑎᐅᓪᓗ ᐃᓴᕆᐊᓕᒥᐅᓄᑦ ᓯᕗᓕᕐᑎᓕᒫᑦ ᑲᑎᖁᕔᑦ ᔨᕉᓴᓕᒧᑦ, ᐅᑯᐊ ᐊᖓᔪᖅᑳᑦ ᑭᖑᕚᕇᓄᑦ, ᐊᖓᔪᖅᑳᑦ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᕐᔪᐊᒧᑦ ᐱᔨᑦᓯᕐᑎᓄᑦ, ᐊᖓᔪᖅᑳᑦ ᑕᐅᓴᓐᑎᓄᑦ, ᐊᖓᔪᖅᑳᓪᓗ 100ᓄᑦ, ᐱᖁᑎᖏᓐᓄᑦ ᐆᒪᔪᖁᑎᖏᓐᓄᓪᓗ ᑲᒪᔨᐅᔪᑦ ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓄᑦ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᖓᓄᑦ ᐊᖓᔪᖅᑳᖑᔪᑦ, ᐊᔪᖏᑦᑐᕐᔪᐊᓪᓗ ᑲᑉᐱᐊᓱᖏᑦᑐᑦ, ᖃᖓᓕᒫᒃᑯᓪᓗ ᐅᓇᑕᕐᑎᒻᒪᕆᐅᔪᑦ.

ᑯᕉᓂᑲ ᓯᕗᓪᓖᑦ 29:6

ᑕᕝᕙ ᐃᓚᒥᖕᓄᑦ ᐊᖓᔪᖅᑳᑦ ᐃᒻᒥᓂᒃ ᐱᔪᒪᓂᑎᒃ ᒪᓕᒡᓗᒋᑦ ᑐᓂᓯᕗᑦ, ᐊᖓᔪᖅᑳᓪᓗ 1,000ᓄᑦ 100ᓄᓪᓗ, ᑲᒪᔩᓪᓗ ᐊᖓᔪᖅᑳᕐᔪᐊᑉ ᐱᔭᒃᓴᖏᓐᓄᑦ.

ᑯᕉᓂᑲ ᐂᑉᐸᖏᑦ 1:2

ᓲᓗᒨᓂ ᐃᓴᕆᐊᓕᒥᐅᓕᒫᓄᑦ ᐅᖃᓪᓚᓚᐅᕐᐳᖅ ᐊᖓᔪᖅᑳᐅᑎᓄᑦ 1,000ᓄᑦ 100ᓄᓪᓗ, ᐃᓱᐊᕐᓮᔨᓄᑦ, ᓯᕗᓕᕐᑎᓕᒫᓄᓪᓗ ᐃᓴᕆᐊᓕᒦᑦᑐᓄᑦ, ᐊᖓᔪᖅᑳᖑᔪᓄᓪᓗ ᐃᓚᒌᓄᑦ.

ᒨᓯᓯ ᐂᑉᐸᖏᑦ 18:25

ᒨᓯᓯᓗ ᓂᕈᐊᕐᐳᖅ ᐊᖑᑎᓂᒃ ᐱᔪᓐᓇᑦᓯᐊᕐᑐᓂᒃ ᐃᓴᕆᐊᓕᒥᐅᓂᑦ, ᐃᓄᖕᓄᓪᓗ ᑕᓯᐅᕐᑎᓐᖑᕐᑎᓪᓗᒋᑦ, ᐃᓚᖏᑦ 1,000ᓄᑦ, ᐃᓚᖏᓪᓗ 100ᓄᑦ, ᐃᓚᖏᓪᓗ 50ᓄᑦ ᐃᓚᖏᓪᓗ 10ᓄᑦ.

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒨᓯᓯ ᑕᓪᓕᒪᖏᑦ 1:15

ᑕᕝᕙ ᐃᓕᑦᓯᓐᓂᑦ ᓯᓚᑐᔪᓂᒃ ᖃᐅᔨᒪᑦᓯᐊᕐᑐᓂᒡᓗ ᑕᓯᐅᕐᑎᐅᓂᐊᕐᑐᓂᒃ ᓂᕈᐊᓚᐅᕐᐳᓯ ᑭᖑᕚᕇᖑᔪᓂᑦ ᐱᓯᒪᔪᓂᒃ, ᑖᒃᑯᐊᓗ ᐃᓕᑦᓯᓐᓄᑦ ᐊᖓᔪᖅᑳᕈᕐᑎᓚᐅᕐᐸᒃᑲ. ᐃᓚᖏᑦ ᑲᒪᓂᐊᓕᕐᓗᑎᒃ ᐃᓄᖕᓄᑦ 1,000ᓄᑦ, ᐃᓚᖏᓪᓗ 100ᓄᑦ ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ. ᐊᓯᖏᓐᓂᒃᑕᐅᖅ ᐊᖓᔪᖅᑳᖑᓂᐊᕐᑐᓂᒃ ᑭᖑᕚᕇᓂ ᑎᓕᓯᓚᐅᕆᕗᖓ.

ᔮᓱᐊᑉ ᐊᒡᓚᖏᑦ 23:1

ᑭᖑᕐᖓᒍᑦ ᐊᑯᓂᑲᓪᓚᒃ, ᐊᑕᓂᐅᑉ ᐃᓴᕆᐊᓕᒥᐅᑦ ᓴᐳᑎᓯᒪᓚᐅᕐᐰᑦ ᐊᑭᕋᖏᓐᓂᑦ ᖃᓂᒋᔮᓃᑦᑐᓂᑦ, ᑍᑦᓱᒪᓂᓗ ᔮᓱᐊ ᐃᓄᑐᖃᐅᓕᓚᐅᕐᐳᖅ,

ᓴᒧᐃᓕ ᓯᕗᓪᓖᑦ 8:12

ᐃᓚᖏᓪᓗ ᐊᖓᔪᖅᑲᐅᑎᑦᓱᒫᕐᐰᑦ ᐊᐅᓚᑦᓯᔨᐅᓗᑎᒃ 1,000ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ ᐱᕈᕐᓰᕕᓕᕆᔨᖁᑎᒋᔪᒫᕐᐰᑦ, ᐃᓚᖏᓪᓗ ᐱᕈᕐᑐᓂᒡᓗ ᓄᐊᑦᓯᔨᒋᓗᓂᒋᑦ, ᐃᓚᖏᓪᓗ ᓴᓇᔨᒋᔪᒫᕐᐰᑦ ᐅᓇᑕᐅᑎᓂᒃ ᐃᓚᖏᓪᓗ ᕿᒧᒃᓯᐅᑎᓄᑦ ᑲᓕᒐᓕᐅᕐᑎᒋᓗᓂᒋᑦ ᐊᒃᓴᓗᐊᓕᖕᓂᒃ.