ᑯᕉᓂᑲ ᓯᕗᓪᓖᑦ 26:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᖃᑕᓐᖑᑎᖏᓪᓗ 2,700ᐅᕗᑦ ᐊᖑᑏᑦ ᐊᔪᖏᑦᓯᐊᕐᑐᑦ, ᐊᖓᔪᖅᑳᑦ ᐊᑖᑕᖏᑕ ᐃᓚᖏᓐᓂ, ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᖓᔪᖅᑳᓐᖑᕐᑎᓚᐅᕐᐰᑦ ᕉᐱᓂᒥᐅᓄᑦ, ᒑᑎᒥᐅᓄᑦ, ᒫᓇᓯᐅᓪᓗ ᑭᖑᕚᖏᑕ ᕿᑎᖅᑲᖏᓐᓄᑦ ᓱᓇᓕᒫᑦ ᒎᑎᒧᐊᖓᔪᓄᑦ ᐊᖓᔪᖅᑳᕐᔪᐊᒧᐊᖓᔪᓄᓪᓗ.

ᑯᕉᓂᑲ ᓯᕗᓪᓖᑦ 26:32 Iomraidhean Croise

ᑯᕉᓂᑲ ᓯᕗᓪᓖᑦ 12:37

ᕉᐱᓂᒥᐅᑦ ᒑᑎᒥᐅᓪᓗ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓂᑦ ᔪᐊᕐᑕᓂᐅᑉ ᑰᖓᑕ ᐊᑭᐊᓃᓐᖔᕐᓯᒪᔪᑦ, 120,000ᐅᕗᑦ ᐅᓇᑕᐅᑎᓖᑦ ᖃᓄᐃᑦᑐᑐᐃᓐᓇᓂᒃ ᐅᓇᑕᐅᑎᓂᒃ ᐊᑐᕈᓐᓇᕐᑐᑦ.

ᑯᕉᓂᑲ ᓯᕗᓪᓖᑦ 15:12

ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᖓᔪᖅᑳᖑᒐᑦᓯ ᐊᑖᑕᑦᓯ ᐃᓚᒋᔭᖏᓐᓂ ᓕᕔᑎᓂ; ᐃᑦᔪᕐᓁᓕᑎᕆᑦᓯ, ᐃᓚᒋᔭᓯᓗ, ᐂᒃᓯᕈᓐᓇᖁᓪᓗᓯ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᐃᒃᓯᕐᕕᖁᑎᖓᓂᒃ, ᐃᓕᔭᐅᖁᓪᓗᒍ ᐃᓂᒃᓴᖓᓄᑦ ᐊᑐᐃᓐᓇᕈᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 23:24

ᑖᒃᑯᐊ ᑕᕝᕙ ᓕᕔᑉ ᐃᕐᓂᖏᑦ ᐊᑖᑕᖓᑕ ᐃᓚᖏᑎᒍᑦ, ᐊᖓᔪᖅᑳᐅᔪᑦ ᐊᑖᑕᖏᑕ ᐃᓚᖏᓐᓂ ᓈᓴᕐᑕᐅᓯᒪᕗᑦ ᐃᓛᒃᑯᑦ ᐅᓄᕐᓂᖏᑦ ᐊᑎᖏᑦ ᒪᓕᒡᓗᒋᑦ, ᐱᓇᓱᐊᕐᑎᐅᓚᐅᕐᑐᑦ ᐊᑕᓂᐅᑉ ᐃᒡᓗᖓᓂ, ᐱᒋᐊᕐᓗᒋᑦ ᐊᕙᑎᓂᒃ ᐊᕐᕌᒍᓕᖕᓂᑦ ᐅᖓᑖᓄᑦ.

ᑯᕉᓂᑲ ᓯᕗᓪᓖᑦ 24:31

ᑖᒃᑯᐊᓗ ᓇᓚᐅᑦᑖᕈᑎᒧᑦ ᐱᓇᓱᐊᕐᑕᐅᒋᕗᑦ ᐂᕉᓂᐅᑉ ᐃᕐᓂᖏᑎᑐᑦ, ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᔭᑑᒃᒧᑦ, ᐊᕼᐃᒥᓕᒃᒧᓪᓗ, ᐊᖓᔪᖅᑳᖑᓂᐊᕐᑐᑦ ᐊᑖᑕᖏᑕ ᐃᓚᖏᓐᓂ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ.

ᑯᕉᓂᑲ ᓯᕗᓪᓖᑦ 27:1

ᐃᓴᕆᐊᓕᒃᑯᑦ ᐃᓄᖏᑕ ᐅᓄᕐᓂᖏᑦ ᒪᓕᒡᓗᒋᑦ ᑎᑎᕋᕐᑕᐅᓯᒪᕗᑦ, ᐊᖓᔪᖅᑳᑦ ᐊᑖᑕᖏᑕ ᐃᓚᖏᓐᓄᑦ, ᐊᖓᔪᖅᑳᑦ ᑕᐅᓴᓐᑎᓄᑦ 100ᓄᓪᓗ ᐊᖓᔪᖅᑳᖁᑎᖏᓪᓗ, ᐱᔨᑦᓯᕐᑎᐅᔪᑦ ᐊᖓᔪᖅᑳᕐᔪᐊᕐᒧᑦ ᓱᓇᓕᒫᓂᒃ ᐅᓇᑕᕐᑐᒃᓮᑦ ᐊᒡᒍᕐᑕᐅᓯᒪᓂᖏᓐᓄᑦ, ᑖᒃᑯᐊ ᐊᕕᒃᑐᕐᑕᐅᓯᒪᓂᖏᑦ ᑎᑭᑉᐸᓪᓕᐊᔪᑦ ᐊᐅᓪᓚᕐᐸᓪᓕᐊᔪᓪᓗ, ᑕᖅᑭᑕᒫᑦ ᐊᕐᕌᒎᑉ ᐃᓗᐊᓂ, ᐊᕕᒃᑐᕐᑕᐅᓯᒪᔪᑦ ᐅᓄᕐᓂᖃᕐᐳᑦ 24,000ᓂᒃ.

ᑯᕉᓂᑲ ᐂᑉᐸᖏᑦ 19:11

ᑕᑯᒋᓪᓗ, ᐊᒪᕅᐊ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐃᓕᑦᓯᓐᓂᒃ ᑲᒪᔨᒻᒪᕆᐅᕗᖅ ᓱᓇᑐᐃᓐᓁᑦ ᐊᑕᓂᐅᑉ ᐱᖁᔭᖏᑦ ᐱᓪᓗᒋᑦ; ᔨᐸᑍᐊᓗ ᐃᓯᒥᐅᓕᐅᑉ ᐃᕐᓂᖓ, ᔫᑕᐅᑉ ᑎᖑᕚᖏᑕ ᐊᐅᓚᑦᓯᔨᖓ, ᑲᒪᔨᒻᒪᕆᐅᕗᖅ ᐊᖓᔪᖅᑳᕐᔪᐊᖅ ᐱᖁᑎᖏᓪᓗ ᐱᑦᔪᑎᒋᓪᓗᒋᑦ; ᓕᕔᑏᓪᓗ ᐃᓕᑦᓯᓐᓂᒃ ᐱᔨᑦᓯᕐᑎᐅᓂᐊᕐᐳᑦ ᖃᐅᔨᓴᕐᑎᐅᓗᑎᒃ. ᐱᓇᓱᐊᕆᑦᓯ ᓴᐱᖏᓪᓗᓯ, ᐊᑕᓂᐅᓪᓗ ᐱᑦᓯᐊᕐᑐᑦ ᐃᓚᒋᓕᒋᑦ!”

ᔮᓱᐊᑉ ᐊᒡᓚᖏᑦ 1:12

ᔮᓱᐊᑉ ᐅᖃᐅᑎᓚᐅᕐᐰᑦ ᐅᑯᐊ ᕉᐱᓂᐅᑉ ᒑᑎᐅᑉ ᑭᖑᕚᒋᑦ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ,