ᑯᕉᓂᑲ ᓯᕗᓪᓖᑦ 26:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᓕᕔᑎᓂᓪᓗ, ᐊᕼᐂᔭ ᑮᓇᐅᔭᓕᕆᔨᓄᑦ ᐊᖓᔪᖅᑲᐅᕗᖅ ᒎᑎᐅᑉ ᐃᒡᓗᖓᓂ ᐱᕕᐊᕐᓇᕐᑐᓄᓪᓗ ᑐᓂᔭᐅᓯᒪᔪᓄᑦ ᐃᑦᔪᕐᓁᑦᑐᓄᑦ.

ᑯᕉᓂᑲ ᓯᕗᓪᓖᑦ 26:20 Iomraidhean Croise

ᐊᑕᓃᑦ ᓯᕗᓪᓖᑦ 14:26

ᐊᑕᓂᐅᓪᓗ ᐃᒡᓗᖓᓃᑦᑐᑦ ᐱᐅᔪᖁᑎᖏᑦ ᐊᖓᔪᖅᑳᕐᔪᐊᓪᓗ ᐱᐅᔪᖁᑎᖏᑦ ᐊᐅᓪᓚᐅᑎᕔᑦ; ᓲᓗᒨᓂᐅᓪᓗ ᓴᓇᔭᕕᓂᖏᑦ ᓴᐴᓗᑍᑦ ᒎᓗᐃᑦ ᐊᐅᓪᓚᐅᑎᓪᓗᒋᑦ.

ᐊᑕᓃᑦ ᓯᕗᓪᓖᑦ 15:18

ᐋᓴᐅᑉ ᓯᐅᓪᕕᕇᑦ ᒎᓗᐃᓪᓗ ᑎᒍᓪᓗᒋᑦ ᐊᑕᓂᐅᑉ ᐃᒡᓗᖓᓂᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᑦ, ᐱᔨᒥᓄᑦ ᑐᓂᕔᑦ; ᐊᖓᔪᖅᑳᕐᔪᐊᓪᓗ ᐂᓴᐅᑉ ᐊᐅᓪᓚᕐᑎᑉᐰᑦ ᓯᕆᐊᑉ ᐊᖓᔪᖅᑳᕐᔪᐊᖓᓄᑦ ᐱᓐ-ᕼᐊᑖᑦᒧᑦ ᑕᐳᕆᒫᓐ ᐃᕐᓂᖓᓄᑦ, ᕼᐃᔨᐊᓐ ᐃᕐᖑᑕᖓᓄᑦ, ᑕᒫᓯᑰᓯᒥ ᓄᓇᖃᕐᑐᒧᑦ, ᐅᖃᐅᑎᓪᓗᒍᓗ,

ᐊᑕᓃᑦ ᓯᕗᓪᓖᑦ 7:51

ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓴᓇᔭᐅᑎᑕᓕᒫᖏᑦ ᐊᑕᓂᐅᑉ ᐃᓪᓗᖓᓄᑦ ᐱᔭᕇᑦᓯᐊᓚᐅᕐᐳᑦ. ᓲᓗᒨᓂᐅᓪᓗ ᑐᒃᓯᐊᕐᕕᒡᔪᐊᑉ ᓱᓇᑐᐃᓐᓇᒃᑯᕕᐊᓄᐊᕐᐰᑦ, ᐊᑖᑕᖓᑕ ᑍᕕᑎᐅᑉ ᑐᓂᕐᕈᑎᒋᓚᐅᕐᑕᖏᑦ ᐊᑕᓂᕐᒧᑦ, ᓯᐅᓪᕕᕇᑦ ᒎᓗᐃᑦ, ᐊᓯᓕᒫᖏᓪᓗ.

ᑯᕉᓂᑲ ᓯᕗᓪᓖᑦ 18:11

ᑕᒪᒃᑯᐊᑦᑕᐅᖅ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᑕᓂᕐᒧᑦ ᐂᑦᑑᑎᒋᓚᐅᕐᐰᑦ, ᓯᐅᓪᕕᕇᑦ ᒎᓗᐃᓪᓗ ᐃᓅᖃᑎᒌᒡᔪᐊᓂᑦ ᐱᓚᐅᕐᑕᓂ ᐅᑯᓇᓐᖓᑦ ᐄᑐᒥᒥᑦ, ᒧᐊᐱᒥᑦ, ᐊᒧᓁᑎᒥᓪᓗ ᐱᓕᔅᑍᓂᒥᐅᓂᑦ, ᐊᒪᓕᒃᑯᓐᓂᓪᓗ.

ᑯᕉᓂᑲ ᓯᕗᓪᓖᑦ 26:19

ᑖᒃᑯᐊ ᑕᕝᕙ ᐊᒡᒍᕐᑕᐅᓚᐅᕐᑐᑦ ᐃᑎᕐᑕᕐᕕᓕᕆᔨᐅᓂᐊᕐᑎᓪᓗᒋᑦ ᑰᕋᕼᐂᑎᒥᐅᑦ ᒥᕋᕆᐅᑉ ᐃᕐᓂᖏᑦ.

ᑯᕉᓂᑲ ᓯᕗᓪᓖᑦ 26:21

ᓔᑕᓂᐅᓪᓗ ᐃᕐᓂᖏᑦ ᒌᕐᓲᓂᐅᑉ ᑭᖑᕚᖏᑦ ᓔᑕᓂᒥᐅᑦ, ᐊᖓᔪᖅᑳᖑᔪᑦ ᓯᕗᓕᖏᑕ ᐃᓚᖏᓐᓂ, ᓔᑕᑯᓐᓂ ᒋᓱᓁᑎᒥᐅᑕᓂ: ᔨᕼᐂᓔ.

ᑯᕉᓂᑲ ᓯᕗᓪᓖᑦ 26:22

ᔨᕼᐂᓔᑉ ᐃᕐᓂᖏᑦ, ᔨᑕᒻ ᓄᑲᖓᓗ ᔪᐃᓕ, ᑮᓇᐅᔭᓕᕆᔨᓄᑦ ᐊᖓᔪᖅᑳᖑᕘᒃ ᐊᑕᓂᐅᑉ ᐃᒡᓗᖓᓂ.

ᑯᕉᓂᑲ ᓯᕗᓪᓖᑦ 26:24

ᓯᐳᐃᐅᓪ ᒌᕐᓲᒥᐅᑉ ᐃᕐᓂᖓ, ᒨᓯᓯᐅᑉ ᑭᖑᕚᖓ ᐊᖓᔪᖅᑳᖑᕗᖅ ᑮᓇᐅᔭᓕᕆᔨᓕᒫᓄᑦ.

ᑯᕉᓂᑲ ᐂᑉᐸᖏᑦ 8:15

ᐊᖓᔪᖅᑳᕐᔪᐊᑉ ᑍᕕᑎᐅᑉ ᐱᖁᓯᒪᔭᖏᓐᓂᒃ ᒪᓕᑦᓯᐊᓚᐅᕐᐳᑦ ᑐᓂᕐᕈᓯᕐᑎᑦᓯᔩᓪᓗ ᓕᕔᑏᓪᓗ ᐱᔭᕆᐊᖃᕐᑕᓕᒫᖏᑦ ᐱᓪᓗᒋᑦ ᑮᓇᐅᔭᑐᕆᐊᖃᕐᓂᖏᓪᓘᓐᓃᑦ.

ᐄᓱᕋᐅᑉ ᐊᒡᓚᖏᑦ 2:69

ᑐᓂᓯᔪᓐᓇᕐᓂᓕᒫᒥᖕᓄᑦ ᑐᓂᓯᓚᐅᕐᐳᑦ ᐱᓇᓱᒍᑎᒃᓴᓄᑦ, ᑲᑎᓪᓗᒋᑦ ᑐᓂᔭᐅᔪᑦ ᒎᓗᐃᑦ ᐅᖁᒤᓐᓂᖃᓚᐅᕐᐳᑦ 1,030ᓂᒃ, ᓯᐅᓪᕕᕆᓂᒡᓗ ᐅᖁᒤᓐᓂᓕᖕᓂᒃ 5,740ᓂᒃ, ᑐᓂᕐᕈᓯᕐᑎᑦᓯᔩᓪᓗ ᐊᓐᓄᕌᖏᓐᓂᒃ 100ᓂᒃ.

ᐄᓱᕋᐅᑉ ᐊᒡᓚᖏᑦ 8:28

ᐅᖃᐅᑎᓚᐅᕐᐸᒃᑲ, “ᐃᓕᑦᓯ ᐃᑦᔪᕐᓁᑦᑑᕗᓯ ᐊᑕᓂᕐᒧᑦ; ᑖᒃᑯᐊᓗ ᓯᐅᓪᕕᕇᑦ ᒎᓗᐃᓪᓗ ᐃᑦᔪᕐᓁᑦᑑᒋᕗᑦ ᑐᒃᓯᐊᕐᕕᒡᔪᐊᒥ ᐊᑐᕐᑕᐅᔪᒃᓮᑦ; ᑐᓂᕐᕈᑎᒋᔭᐅᓯᒪᔪᑦ ᐃᓱᒪᕐᓱᕐᓂᒃᑯᑦ ᑖᑦᓱᒧᖓ ᓯᕗᓕᕕᓂᑦᓯ ᐊᑕᓂᖓᓄᑦ ᒎᑎᖓᓄᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 12:44

ᐅᓪᓗᒥᓗ ᑕᕝᕙᓂ ᐊᖑᑎᑦ ᐃᓚᖏᑦ ᓇᓗᓁᕐᑕᐅᓚᐅᕐᐳᑦ ᐊᖓᔪᖅᑳᖑᖁᓪᓗᒋᑦ ᑲᒪᔨᒃᓴᐅᖁᓪᓗᒋᓪᓗ ᓱᓇᑐᐃᓐᓇᒃᑯᕕᖕᓄᑦ, ᑐᓂᕐᕈᓯᕐᕕᖕᓄᑦ, ᐱᕈᕐᑐᐃᑦ ᓯᕗᓪᓕᕐᐹᑦ ᑲᑎᑦᓯᕕᖏᓐᓄᑦ, ᑕᓪᓕᒪᐅᔪᐃᕈᑎᓄᑦ, ᑲᑎᕐᓱᐃᔨᐅᖁᓪᓗᒋᑦ ᐱᕈᕐᓰᕕᖕᓂᑦ ᐃᒡᓗᒐᓴᒡᔪᐊᓂᓪᓗ ᑐᓂᓯᖃᑦᑕᖁᔭᐅᔪᓕᒫᓂᑦ ᐱᖁᔭᑎᒍᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ; ᔫᑕ ᖁᕕᐊᓱᒃᑎᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᓂᖏᓐᓄᑦ.

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᒨᓯᓯ ᓯᑕᒪᖏᑦ 8:26

ᖃᑕᓐᖑᑎᒥᖕᓂᒃ ᐱᔨᑦᓯᕈᓐᓇᕋᓗᐊᕐᐳᑦ ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑐᓂᒃ, ᐱᔭᕆᐊᖃᕐᑕᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓕ ᐱᓇᓱᐊᕐᑎᐅᔪᓐᓃᕐᓗᑎᒃ. ᑍᒤᓕᐅᕆᐊᖃᕐᐳᓯ ᓕᕔᑎᑦ ᐱᔭᒃᓴᖏᑕ ᓇᓛᓄᑦ.”