ᑯᕉᓂᑲ ᓯᕗᓪᓖᑦ 24:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᕕᑎᓗ ᐃᑲᔪᕐᑕᐅᓪᓗᓂ ᔭᑑᒃᒧᑦ ᐃᓕᓯᕆᐅᑉ ᐃᕐᓂᖓᓄᑦ, ᐊᕼᐃᒥᓕᖕᒧᓪᓗ ᐃᑕᒫᕆᐅᑉ ᐃᕐᓂᖓᓄᑦ, ᐋᖅᑭᒃᓱᓚᐅᕐᐰᑦ ᐱᔨᑦᓯᕆᐊᖃᕐᓂᖏᑕ ᐱᕕᒃᓴᖏᑦ ᒪᓕᒐᓕᐅᕐᓗᒋᑦ.

ᑯᕉᓂᑲ ᓯᕗᓪᓖᑦ 24:3 Iomraidhean Croise

ᓴᒧᐃᓕ ᐂᑉᐸᖏᑦ 20:25

ᓰᕙ ᐃᖅᑲᕐᑐᐃᔨᓄᑦ ᑎᑎᕋᕐᑎᐅᓚᐅᕐᐳᖅ; ᔭᑑᒃᓗ ᐊᐰᐊᑕᓗ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ,

ᓴᒧᐃᓕ ᐂᑉᐸᖏᑦ 8:17

ᔭᑑᒃ ᐊᕼᐃᑑᑉ ᐃᕐᓂᖓ ᐊᕼᐃᒥᓕᒡᓗ ᐊᐰᐊᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᐅᓚᐅᕐᐴᒃ; ᓯᕅᐊ ᑎᑎᕋᕐᑎᐅᑎᓪᓗᒍ;

ᐊᑕᓃᑦ ᓯᕗᓪᓖᑦ 2:35

ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.

ᑯᕉᓂᑲ ᓯᕗᓪᓖᑦ 15:11

ᑕᕝᕙ ᑍᕕᑎᐅᑉ ᔭᑑᒡᓗ ᐊᐰᐊᑕᓗ ᑐᓂᕐᕈᓯᕐᑎᑦᓯᔩᒃ ᕾᖁᕔᑦ, ᓕᕔᑏᓪᓗ, ᔪᕅᐅᓪ, ᐊᓮᐊ, ᔪᐃᓕ, ᓯᒤᐊ, ᐃᓔᐅᓪ, ᐊᒥᓇᑕᑉᓗ.

ᑯᕉᓂᑲ ᓯᕗᓪᓖᑦ 16:39

ᔭᑑᒃ ᑐᓂᕐᕈᓯᕐᑎᑦᓯᔨ, ᐃᓚᒋᔭᖏᓪᓗ ᑐᓂᕐᕈᓯᕐᑎᑦᓯᔩᑦ, ᐊᑕᓂᐅᑉ ᑐᐱᖓᓃᑉᐳᑦ ᐃᑦᔪᕐᓁᑦᑐᒥ ᒋᐱᐅᓂᒥ,

ᑯᕉᓂᑲ ᓯᕗᓪᓖᑦ 18:16

ᔭᑑᒃᓗ ᐊᕼᐃᑑᑉ ᐃᕐᓂᖓ ᐊᐱᒥᓕᒃᓗ ᐊᐰᐊᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᐅᕘᒃ; ᓵᕝᓴᓗ ᑎᑎᕋᕐᑎᐅᕗᖅ ᑖᒃᑯᓄᖓ.

ᑯᕉᓂᑲ ᓯᕗᓪᓖᑦ 24:31

ᑖᒃᑯᐊᓗ ᓇᓚᐅᑦᑖᕈᑎᒧᑦ ᐱᓇᓱᐊᕐᑕᐅᒋᕗᑦ ᐂᕉᓂᐅᑉ ᐃᕐᓂᖏᑎᑐᑦ, ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᔭᑑᒃᒧᑦ, ᐊᕼᐃᒥᓕᒃᒧᓪᓗ, ᐊᖓᔪᖅᑳᖑᓂᐊᕐᑐᑦ ᐊᑖᑕᖏᑕ ᐃᓚᖏᓐᓂ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ.

ᑯᕉᓂᑲ ᓯᕗᓪᓖᑦ 24:4

ᐃᓕᓯᕆᐅᑉ ᐃᕐᓂᖏᑦ ᐊᖓᔪᖅᑳᖑᔪᑦ ᐅᓄᕐᓂᕐᓴᐅᓚᐅᕐᐳᑦ ᐃᑕᒫᕆᐅᑉ ᐃᕐᓂᖏᓐᓂᑦ, ᑖᒃᑯᐊ ᒪᓕᒡᓗᒋᑦ ᐊᕕᒃᑐᕐᑕᐅᕗᑦ ᐃᓕᓯᕆᐅᑉ ᐃᕐᓂᖏᑦ 16ᖑᓚᐅᕐᒪᑕ ᐊᖓᔪᖅᑳᖑᔪᑦ ᓯᕗᓕᖏᑕ ᐃᓚᖏᓐᓂ, ᐃᑕᒫᕆᐅᓪᓗ ᐃᕐᓂᖏᑦ ᓯᑕᒪᐅᔪᕐᑑᑎᓪᓗᒋᑦ ᐊᖓᔪᖅᑳᖑᔪᑦ ᓯᕗᓕᖏᑕ ᐃᓚᖏᓐᓂ.

ᑯᕉᓂᑲ ᓯᕗᓪᓖᑦ 24:6

ᐊᒡᓚᒃᑎᐅᕗᕐᓗ ᓯᒤᐊ ᓇᑖᓂᐅᑉ ᐃᕐᓂᖓ, ᓕᕔᑏᑦ ᐃᓚᖓᑦ, ᑎᑎᕋᕐᑎᐅᕗᖅ ᐊᖓᔪᖅᑳᕐᔪᐊᕐᒧᑦ, ᐊᖓᔪᖅᑳᓄᓪᓗ, ᔭᑑᒡᓗ ᑐᓂᕐᕈᓯᕐᑎᑦᓯᔨᐅᕗᖅ, ᐊᕼᐃᒥᓕᒃᓗ ᐊᐰᐊᑕᐅᑉ ᐃᕐᓂᖓ, ᐊᖓᔪᖅᑳᖑᔪᓪᓗ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᓯᕗᓕᖏᑕ ᐃᓚᖏᓐᓂ, ᐊᑖᑕᐅᔪᑦ ᐃᓚᖏᓐᓂᑦ ᐊᖓᔪᖅᑳᖑᓂᐊᕐᑐᓂᒃ ᓂᕈᐊᕐᓯᕗᑦ ᐊᑐᓂᑦ ᐃᓕᓯᕆᒃᑯᓐᓄᑦ ᐃᑕᒫᕆᒃᑯᓐᓄᓪᓗ.

ᑯᕉᓂᑲ ᐂᑉᐸᖏᑦ 8:14

ᐊᑖᑕᖓᑕ ᑍᕕᑎᐅᑉ ᐊᑐᕐᑕᐅᖃᕐᑕᖁᓚᐅᕐᑕᖏᑦ ᒪᓕᒡᓗᒋᑦ, ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᕕᒃᑐᕐᓗᒋᑦ ᐱᓂᐊᒐᒃᓴᖏᓐᓄᑦ, ᓕᕔᑏᓪᓗ ᐱᓂᐊᒐᒃᓴᖏᓐᓄᑦ ᓂᕐᑐᐃᔨᐅᖁᓪᓗᒋᑦ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᓂᒃ ᐅᓪᓗᑕᒫᑦ ᐱᔭᒃᓴᖏᑦ ᒪᓕᒡᓗᒋᑦ, ᐃᑎᕐᑕᕐᕕᖕᒥᐅᑍᓪᓗ ᐊᕕᒃᑐᕐᓯᒪᓂᖏᑦ ᐃᑎᕐᑕᕐᕕᖕᓂ ᒪᓕᒡᓗᒋᑦ; ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᑦᔪᑎᒋᓚᐅᕐᑕᖏᑦ ᒪᓕᒡᓗᒋᑦ.

ᓴᒧᐃᓕ ᓯᕗᓪᓖᑦ 21:1

ᑕᕝᕙ ᑍᕕᑎ ᑎᑭᑉᐳᖅ ᓅᐱᒧᑦ ᑐᓂᕐᕈᓯᕐᑎᑦᓯᔨᒧᐊᕐᓗᓂᓗ ᐊᕼᐃᒥᓕᒃᒧᑦ; ᐊᕼᐃᒥᓕᒡᓗ ᑍᕕᑎᒥᒃ ᐸᕐᕆᐊᕐᐳᖅ ᑲᑉᐱᐊᓱᒧᑦ ᓴᔪᒃᓗᓂ, ᐅᖃᐅᑎᓪᓗᒍᓗ, “ᓱᖕᒪᑦ ᐃᓄᑑᓪᓗᑎ ᕾᕕᑦ, ᐃᓚᖃᕐᓇᑎᑦ?”