ᑯᕉᓂᑲ ᓯᕗᓪᓖᑦ 23:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ 4,000 ᑲᒪᔨᐅᔪᒃᓴᐅᕗᑦ ᐃᑎᕐᑕᕐᕕᖕᒥᒃ, 4,000ᓪᓗ ᓂᕐᑐᐃᔨᐅᔪᒃᓴᐅᕗᑦ ᐊᑕᓂᕐᒥᒃ ᓂᑦᔭᐅᑎᓄᑦ, ᓂᕐᑐᐃᑦᔪᑎᒃᓴᓕᐊᕆᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 23:5 Iomraidhean Croise

ᐊᑕᓃᑦ ᓯᕗᓪᓖᑦ 10:12

ᐊᖓᔪᖅᑳᕐᔪᐊᑉ ᕿᔪᐃᑦ ᐊᑐᕐᐰᑦ ᑐᒃᓯᐊᕐᕕᒡᔪᐊᑉ ᑎᒍᒥᐊᕐᕕᖏᓐᓄᑦ ᐊᖓᔪᖅᑳᕐᔪᐊᒃᑯᕕᖕᒥᓄᓪᓗ, ᐊᑐᕆᓪᓗᒋᑦ ᓔᕆᓄᑦ ᓄᖃᕐᑎᓕᖕᓄᑦ ᕼᐊᕐᐱᓄᓪᓗ ᑯᑭᑦᑕᐸᐅᑎᐅᔭᓄᑦ ᐃᓐᖏᕐᑏᑦ ᐊᑐᕐᐸᒃᑕᖏᓐᓄᑦ; ᑍᒤᑦᑐᑦ ᕿᔪᐃᑦ ᐋᓪᒪᒡᒥᒃ ᐊᑎᓖᑦ ᑎᑭᐅᑦᔭᐅᒃᑲᓐᓂᕐᓯᒪᓐᖏᓚᑦ ᑕᑯᔭᐅᒃᑲᓐᓂᕐᓯᒪᓇᑎᒡᓗ ᐅᓪᓗᒥᒧᑦ.

ᐊᑕᓃᑦ ᐂᑉᐸᖏᑦ 7:10

ᑕᕝᕙ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑕ ᑲᒪᔨᖓᓐᓄᑦ ᐅᖃᕆᐊᕐᑐᕐᐳᑦ, ᐅᖃᕐᓗᑎᒡᓗ, “ᓯᕆᐊᒥᐅᑦ ᑕᖕᒫᕐᓯᒪᕕᖓᓐᓄᑦ ᐂᓚᐅᕋᑦᑕ ᐊᑕᐅᓯᕐᒥᒡᓘᓐᓃᑦ ᐃᓄᒃᑕᖃᓚᐅᖏᒻᒪᑦ ᓂᐱᖃᕐᑐᖃᓐᖏᓚᖅ ᕿᒥᕐᔪᐊᑦ ᓯᐅᑎᖅᑯᕐᑐᔪᓪᓗ ᐃᐱᕐᓯᒪᔪᑦ ᑕᒪᑦᔭᑑᓚᐅᕐᐳᑦ ᑐᐲᑦ ᐃᓄᖃᕋᑎᒃ ᑍᒤᓕᖓᑐᐃᓐᓇᕐᑐᑦ ᑕᑯᓚᐅᕐᐸᕗᑦ.”

ᑯᕉᓂᑲ ᓯᕗᓪᓖᑦ 16:38

ᐅᐱᑦ-ᐃᑐᒻᓗ ᐃᓚᒋᔭᖏᓪᓗ 68 ᐃᓚᒋᓪᓗᒋᑦ, ᐅᐱᑦ-ᐄᑕᒻᓗ, ᔨᑐᑕᓂᐅᑉ ᐃᕐᓂᖓ, ᕼᐅᓴᓗ ᐃᑎᕐᑕᕐᕕᖕᒥ ᑲᒪᔨᐅᑎᑕᐅᕗᑦ.

ᑯᕉᓂᑲ ᓯᕗᓪᓖᑦ 16:4

ᑎᓕᓯᒋᕗᕐᓗ ᓕᕔᑏᑦ ᐃᓚᖏᓐᓂᒃ ᐱᓇᓱᐊᕐᓂᐊᕐᑐᓂᒃ ᐊᑕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓂ, ᖁᕕᐊᓱᖃᑎᒌᖁᓪᓗᒋᑦ, ᖁᔭᓕᓗᑎᒃ, ᓂᕐᑐᐃᓗᑎᒡᓗ ᐊᑕᓂᕐᒥᒃ, ᐃᓴᕆᐊᓕᒃᑯᑦ ᒎᑎᖓᓂᒃ.

ᑯᕉᓂᑲ ᓯᕗᓪᓖᑦ 23:30

ᓇᖏᖃᑦᑕᖁᓪᓗᒋᓪᓗ ᐅᓪᓛᑕᒫᑦ, ᖁᔭᓕᓗᑎᒃ ᓂᕐᑐᐃᓗᑎᒡᓗ ᐊᑕᓂᕐᒥᒃ, ᐅᓐᓄᒃᑯᓪᓗ ᑍᒫᑦᓮᓐᓇᖅ,

ᑯᕉᓂᑲ ᓯᕗᓪᓖᑦ 9:33

ᐊᑖᑕᒃᑯᖏᑕ ᐃᓚᖏᓐᓂ ᐊᖓᔪᖅᑲᐅᔪᑦ ᓕᕔᑎᓂ ᑲᒪᔨᐅᓚᐅᕐᐳᑦ ᐃᓐᖏᕐᑎᓄᑦ, ᐊᖏᕐᕋᖃᕐᓗᑎᒃ ᑐᒃᓯᐊᕐᕕᒡᔪᐊᑉ ᐃᒡᓗᕈᓯᖏᓐᓂ, ᐊᓯᖏᓐᓂᒃ ᐱᓇᓱᐊᒐᒃᓴᖃᕐᑎᑕᐅᓇᑎᒃ, ᑍᒪᓐᖓᑦ ᐱᓇᓱᐊᕆᐊᖃᕐᓗᑎᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ.

ᑯᕉᓂᑲ ᐂᑉᐸᖏᑦ 20:28

ᔨᕉᓴᓕᒧᑦ ᑎᑭᓐᓇᒥᒃ, ᓂᓪᓕᐊᑎᑦᓯᓚᐅᕐᐳᑦ ᕼᐊᕐᐱᓂᒃ ᑯᑭᑦᑕᐸᐅᑎᐅᔭᓂᒡᓗ ᓄᖃᕐᑎᓕᖕᓂᒃ ᑎᑦᑐᓚᐅᑎᓂᒡᓗ, ᐊᑕᓂᐅᑉ ᐃᒡᓗᖓᓄᑦ ᑎᑭᓪᓗᑎᒃ.

ᑯᕉᓂᑲ ᐂᑉᐸᖏᑦ 34:13

ᑖᒃᑯᐊ ᓴᓇᔨᓄᑦ ᐊᖓᔪᖅᑲᐅᕗᑦ ᐱᓇᓱᐊᕐᑕᐅᔪᓕᒫᓄᑦ; ᓕᕔᑏᓪᓗ ᐃᓚᖏᑦ ᐱᖁᔭᓂᒃ ᐃᓕᓯᒪᔪᑦ, ᐊᖓᔪᖅᑳᖑᔪᑦ, ᐃᑎᕐᑕᕐᕕᖕᒥᓗ ᑲᒪᔨᐅᔪᑦ.

ᑯᕉᓂᑲ ᐂᑉᐸᖏᑦ 35:15

ᐃᓐᖏᕐᑏᑦ, ᐊᓴᐸᐅᑉ ᑭᖑᕚᖏᑦ, ᐃᓂᒋᔭᒥᓃᑉᐳᑦ ᑍᕕᑎᐅᑉ ᐱᖁᔨᓯᒪᓂᖓ ᒪᓕᒡᓗᒍ, ᐊᓴᐸᓗ, ᕼᐃᒪᓐᓗ, ᔨᑐᑕᓐᓗ ᐊᖓᔪᖅᑳᕐᔪᐊᑉ ᐅᖃᕐᑎᖁᑎᖏᑦ; ᐃᑎᕐᑕᕐᕕᖕᒥᓗ ᑲᒪᔩᑦ ᐊᑐᓂᑦ ᐃᑎᕐᑕᕐᕕᖕᓂ ᐃᓂᒥᖕᓃᓚᐅᕐᐳᑦ; ᑖᒃᑯᐊ ᐱᓇᓱᐊᕐᕕᖕᒥᖕᓂᑦ ᓅᑦᓴᕆᐊᖃᖏᒻᒪᑕ, ᐃᓚᒥᖕᓄᑦ ᓕᕔᑎᓄᑦ ᐊᑐᐃᓐᓇᕈᐃᕕᐅᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 8:14

ᐊᑖᑕᖓᑕ ᑍᕕᑎᐅᑉ ᐊᑐᕐᑕᐅᖃᕐᑕᖁᓚᐅᕐᑕᖏᑦ ᒪᓕᒡᓗᒋᑦ, ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᕕᒃᑐᕐᓗᒋᑦ ᐱᓂᐊᒐᒃᓴᖏᓐᓄᑦ, ᓕᕔᑏᓪᓗ ᐱᓂᐊᒐᒃᓴᖏᓐᓄᑦ ᓂᕐᑐᐃᔨᐅᖁᓪᓗᒋᑦ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᓂᒃ ᐅᓪᓗᑕᒫᑦ ᐱᔭᒃᓴᖏᑦ ᒪᓕᒡᓗᒋᑦ, ᐃᑎᕐᑕᕐᕕᖕᒥᐅᑍᓪᓗ ᐊᕕᒃᑐᕐᓯᒪᓂᖏᑦ ᐃᑎᕐᑕᕐᕕᖕᓂ ᒪᓕᒡᓗᒋᑦ; ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᑦᔪᑎᒋᓚᐅᕐᑕᖏᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 7:7

ᑍᒤᒻᒪᑦ ᓮᒻᒪᕐᑎᑕᐅᓯᒪᓂᕐᒥᓄᑦ ᐊᑕᓂᕐᒧᑦ ᒎᑎᒥᓄᑦ, ᐋᕐᑕᔮᒃᓯᐅᑉ ᐊᐅᓚᑦᓯᓂᖓᑕ ᐊᕐᕌᒍᖏᑕ 7ᖓᓐᓂ, ᔨᕉᓴᓕᒧᐊᓚᐅᕐᐳᖅ ᐃᓴᕆᐊᓕᒥᐅᓂᒃ ᐃᓚᖃᕐᓱᓂ ᐅᑯᐊ ᐃᓚᒋᔭᐅᓪᓗᑎᒃ ᑐᓂᕐᕈᓯᕐᑎᑦᓯᔩᑦ, ᓕᕔᑏᑦ, ᑐᒃᓯᐊᕐᕕᒡᔪᐊᓪᓗ ᐃᓐᖏᕐᑎᖏᑦ, ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᑦ, ᐃᖃᓁᔭᕐᑎᖏᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 7:73

ᑐᓂᕐᕈᓯᕐᑎᑦᓯᔩᑦ, ᓕᕔᑎᑦ, ᑐᒃᓯᐊᕐᕕᒡᔪᐊᑉ ᖃᐅᔨᓴᕐᑎᖏᑦ, ᓂᑦᔭᐅᓯᔭᕐᑏᑦ, ᐃᓄᑐᐃᓐᓁᓪᓗ ᐅᓄᕐᑐᑦ, ᑐᒃᓯᐊᕐᕕᒃᔪᐊᒥᓗ ᐱᓇᓱᐊᕐᑏᑦ, ᐃᓴᕆᐊᓕᐅᓪᓗ ᐃᓄᖁᑎᓕᒫᖏᑦ ᓄᓇᑖᓚᐅᕐᐳᑦ ᐃᓂᓪᓚᒃᓱᑎᒡᓗ ᓄᓇᓕᖕᓂ ᐃᒡᓗᒐᓴᖕᓂᓗ ᔫᑕᒥ. ᑕᖅᑮᑦ 7ᖓᑦ ᑎᑭᒻᒪᑦ, ᐃᓴᕆᐊᓕᐅᑉ ᐃᓄᖏᑦ ᐃᓂᓪᓚᒃᑎᓚᐅᕐᐳᑦ ᓄᓇᓕᖕᓄᑦ.

ᐃᓐᖏᕈᑎᑦ 87:7

ᐃᓐᖏᕐᑏᑦ ᑖᓂᓯᕐᑏᓪᓗ ᐅᖃᕈᒫᕐᐳᑦ, “ᓮᒻᒪᕐᑎᑕᐅᓂᓕᒫᒃᑲ ᐃᓕᖕᓂᑦ ᐱᕗᑦ.”

ᐂᓮᐊᓯᐅᑉ ᐊᒡᓚᖏᑦ 64:10

ᐃᑦᔪᕐᓁᑦᑐᑦ ᐃᒡᓗᒐᓴᒡᔪᐊᖁᑎᑎᑦ ᓱᓇᖃᖏᑦᑐᓐᖑᕐᓯᒪᕗᑦ, ᓮᐅᓂᓗ ᓱᓇᖃᖏᑦᑐᒦᓕᕐᐳᖅ, ᔨᕉᓴᓕᒻᓗ ᐃᓄᖃᕈᓐᓃᕐᓗᓂ.

ᐂᒨᓯᐅᑉ ᐊᒡᓚᖏᑦ 6:5

ᕼᐊᕐᐱᓄᓪᓗ ᐃᓐᖏᕐᐸᒃᑐᓯ ᐊᑑᑎᖃᖏᑦᑐᓂᒃ, ᑍᕕᑎᑐᓪᓗ ᐃᓐᖏᐅᑎᓕᐅᕐᓗᓯ ᓄᑖᓂᒃ;